ಕವಿತಾಳ ಆಸ್ಪತ್ರೆಯ ಸ್ಟಾಫ್ ನರ್ಸ್ ಜೊತೆ ಅಕ್ರಮ ಸಂಬಂಧ, ಪತ್ನಿ ಕೈಗೆ ಸಿಕ್ಕಿಬಿದ್ದ ಪೊಲೀಸಪ್ಪ!

ವಿಚ್ಛೇದಿತ ಮಹಿಳೆಯೊಂದಿಗೆ ಬೆಡ್ ಮೇಲೆ ಇದ್ದಾಗಲೇ ಪೊಲೀಸಪ್ಪ ಪತ್ನಿ ಕೈಗೆ ರೆಡ್‌ಹ್ಯಾಂಡ್ ಆಗಿ ಸಿಕ್ಕಿಬಿದ್ದ ಘಟನೆ ರಾಯಚೂರು ಜಿಲ್ಲೆ ಸಿರವಾರ ಪಟ್ಟಣದಲ್ಲಿ ನಡೆದಿದೆ.

ರಾಯಚೂರು (ಜು.25): ವಿಚ್ಛೇದಿತ ಮಹಿಳೆಯೊಂದಿಗೆ ಬೆಡ್ ಮೇಲೆ ಇದ್ದಾಗಲೇ ಪೊಲೀಸಪ್ಪ ಪತ್ನಿ ಕೈಗೆ ರೆಡ್‌ಹ್ಯಾಂಡ್ ಆಗಿ ಸಿಕ್ಕಿಬಿದ್ದ ಘಟನೆ ರಾಯಚೂರು ಜಿಲ್ಲೆ ಸಿರವಾರ ಪಟ್ಟಣದಲ್ಲಿ ನಡೆದಿದೆ.

ಮದುವೆಯಾಗಿದ್ರೂ ವಿಚ್ಛೇದಿತ ಮಹಿಳೆಯೊಂದಿಗೆ ಕಳೆದ ನಾಲ್ಕು ವರ್ಷಗಳಿಂದ ಲವ್ವಿಡವ್ವಿ ನಡೆಸಿದ್ದ ಪೊಲೀಸಪ್ಪ ರಾಜ್ ಮಹಮ್ಮದ್. ಸಿರವಾರ ಠಾಣೆ ಹೆಡ್‌ ಕಾನ್‌ಸ್ಟೇಬಲ್ ಆಗಿರುವ ರಾಜ್ ಮಹಮ್ಮದ್ ಈ ಹಿಂದೆ ಕವಿತಾಳ ಠಾಣೆಯಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದಾಗ ಆಸ್ಪತ್ರೆ ಸ್ಟಾಫ್ ನರ್ಸ್ ಆಗಿರುವ ಸರಳ ಎಂಬಾಕೆಯ ಪರಿಚಯವಾಗಿದೆ. ಪೊಲೀಸ್ ಠಾಣೆ, ಆಸ್ಪತ್ರೆ ಎರಡೂ ಎದುರುಬದರಾಗಿದ್ದರಿಂದ ದಿನನಿತ್ಯ ನೋಡಿ ಕಣ್ಣು ಕಣ್ಣು ಕಲೆತಿವೆ. ಇಬ್ಬರ ನಡುವೆ ಮಾತುಕತೆ ಸರಳವಾಗಿ ಶುರುವಾಗಿ ಮನೆಯಲ್ಲಿ ಯಾರೂ ಇಲ್ಲದ ವೇಳೆ ಒಟ್ಟಿಗೆ ಕಾಲಕಳೆಯೋವರೆಗೆ ಸಂಬಂಧ ಬೆಳೆದಿದೆ.

 ಇನ್ನು ದೇವದುರ್ಗ ಪೊಲೀಸ್ ಠಾಣೆಯ ಪಿಸಿ ಆಗಿರುವ ಪತ್ನಿ ಪ್ಯಾರಿ ಬೇಗಂಗೆ ಹಿಂದಿನಿಂದಲೂ ಗಂಡನ ಹೆಣ್ಣಿನ ಹಿಂದೆ ಬಿದ್ದಿರುವ ಅನುಮಾನ ಇತ್ತು. ಆದರೆ ರೆಡ್‌ ಆಗಿ ಸಿಕ್ಕಿಬಿದ್ದಿರಲಿಲ್ಲ. ಆದರೆ ಗಂಡನ ಲವ್ವಿಲವ್ವಿ ಹೆಚ್ಚಾದಾಗ ಈ ಬಗ್ಗೆ ಎಸ್‌ಪಿ ಗಮನಕ್ಕೂ ತಂದಿದ್ದ ಪತ್ನಿ ಪ್ಯಾರಿ ಬೇಗಂ. ಅಷ್ಟೆಲ್ಲ ಆದರೂ ಸರಳ ಜೊತೆ ಲವ್ವಿ ಡವ್ವಿ ಮುಂದುವರಿಸಿದ್ದ ಪತಿ. ಪತ್ನಿ ಡ್ಯೂಟಿಯಲ್ಲಿದ್ದಾಗ ಸರಳ ಜೊತೆ ಸುಖ ಅನುಭವಿಸತ್ತಿದ್ದ ಪೊಲೀಸಪ್ಪ. ಆದರೆ

ನಿನ್ನೆ ಹೆಂಡ್ತಿ ಪ್ಯಾರಿ ಬೇಗಂ ಕರ್ತವ್ಯಕ್ಕೆ ಹೋಗಿದ್ದಾಳೆ. ಪತ್ನಿ ಹೋಗುತ್ತಿದ್ದಂತೆ ನರ್ಸ್ ಸರಳಳನ್ನು ಮನೆಗೆ ಕರೆಸಿಕೊಂಡಿದ್ದ ಪೊಲೀಸಪ್ಪ. ಮನೆಯಲ್ಲಿ ಲವ್ವಿ ಡವ್ವಿ ನಡೆತಿರೋದು ಪತ್ನಿಗೆ ಕಿವಿಗೆ ಯಾರೋ ಮುಟ್ಟಿಸಿದ್ದಾರೆ. ಅಲ್ಲಿಂದ ವಾಪಸಾದ ಪ್ಯಾರಿ ಬೇಗಂ, ಮನೆಗೆ ಬಂದು ಡೂರ್ ಬಡಿದಾಗ ಒಳಗಡೆ ಪ್ರಣಯಹಕ್ಕಿಗಳು ಮೈಮರೆತಿದ್ದಾರೆ. ಎಷ್ಟು ದಿನಂತ ಗಂಡನ ಆಟ ನೋಡಿಕೊಂಡು ಇರುವುದು? ಅಂತೆಯೇ ನಿನ್ನೆ ಇಬ್ಬರನ್ನು ಮನೆಯೊಳಗೆ ಕೂಡಿಹಾಕಿ ಲಾಕ್ ಮಾಡಿದ ಪತ್ನಿ. ಗಂಡನ ವಿರುದ್ಧ ನ್ಯಾಯಕ್ಕಾಗಿ ಪೊಲೀಸ್ ಠಾಣೆ ಮೆಟ್ಟಿಲೇರಿದ ಪ್ಯಾರಿ ಬೇಗಂ. ಇಬ್ಬರನ್ನೂ ರೆಡ್ ಹ್ಯಾಂಡ್ ಆಗಿ ಹಿಡಿದು ಪೊಲೀಸರಿಗೆ ಒಪ್ಪಿಸಲಾಗಿದೆ. ಸಿರವಾರ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ. ಆದರೆ ಠಾಣೆಯಲ್ಲಿ ಇನ್ನು ಪ್ರಕರಣ ದಾಖಲಾಗಿಲ್ಲ.