ಬೆಂಗಳೂರಿಗರೇ ಎಚ್ಚರ : ಎಂಟ್ರಿಯಾಗಿದೆ ಒಂದು ಖತರ್ನಾಕ್ ಗ್ಯಾಂಗ್

ಬೆಂಗಳೂರಿಗೆ ಎಂಟ್ರಿ ಕೊಟ್ಟಿದೆ ಒಂದು ನಟೋರಿಯಸ್ ಗ್ಯಾಂಗ್ ಬೆಂಗಳೂರಿಗರೇ ಎಚ್ಚರ!

ಬೆಂಗಳೂರು [ಡಿ.10]:  ಬೆಂಗಳೂರಿಗೆ ಎಂಟ್ರಿ ಕೊಟ್ಟಿದೆ ಒಂದು ನಟೋರಿಯಸ್ ಗ್ಯಾಂಗ್ ಬೆಂಗಳೂರಿಗರೇ ಎಚ್ಚರ! ಹಂತರ ಟೀಂ ಒಂದು ಬೆಂಗಳೂರು ಪ್ರವೇಶಿಸಿದ್ದು, ಚಿನ್ನ ಕದಿಯೋ ಜೊತೆಗೆ ಪ್ರಾಣ ತೆಗೆದೂ ಹೋಗ್ತಾರೆ. ಸದ್ಯ ಈ ಗ್ಯಾಂಗ್ ಬೆಂಗಳೂರು ಪೊಲೀಸರ ನಿದ್ದೆ ಗೆಡಿಸಿದ್ದು, ಇವರ ಬಂಧನಕ್ಕೆ ಬಲೆ ಬೀಸಿದೆ. 

ಕ್ಯಾತ್ಸಂದ್ರದಲ್ಲಿ ಮಹಿಳೆಯೊಬ್ಬರನ್ನ ಈ ಗ್ಯಾಂಗ್ ಬರ್ಬರವಾಗಿ ಹತ್ಯೆಗೈದು ಪರಾರಿಯಾಗಿದ್ದು, ಬೈಕಿನಲ್ಲಿ ಆಗಮಿಸಿ ಚಿನ್ನ ಕಿತ್ತುಕೊಳ್ಳುವುದಲ್ಲದೇ  ಕತ್ತು ಸೀಳಿ ಕೊಲೆ ಮಾಡಿ ತೆರಳುತ್ತಾರೆ. 

ಉತ್ತರ ಪ್ರದೇಶದಿಂದ ಬಂದಿರೋ ಗ್ಯಾಂಗಿನ ಕೈಯಲ್ಲಿ ಯಾರೇ ಸಿಕ್ಕಿದರೂ ಕೂಡ ಅವರು ಪ್ರಾಣ ತೆಗೆದು ದೋಚಿಕೊಂಡು ಪರಾರಿಯಾಗುತ್ತಾರೆ. ದಂಡುಪಾಳ್ಯ ಗ್ಯಾಂಗ್ ನಂತೆಯೇ ಭೀಕರವಾಗಿ ಕೊಲೆ ಮಾಡುವ ಈ ಗ್ಯಾಂಗ್ ಸೋಲದೇವನಹಳ್ಳಿ, ಹೇಸರಘಟ್ಟ, ಪೀಣ್ಯ ಈ ಭಾಗದಲ್ಲಿ ನೆಲೆಸಿದೆ ಎನ್ನಲಾಗುತ್ತಿದೆ. 

ಸದ್ಯ ಬೆಂಗಳೂರು ಪೊಲೀಸರು ಈ ಖತರ್ನಾಕ್ ಗ್ಯಾಂಗ್ ಬಂಧನಕ್ಕೆ ಬಲೆ ಬೀಸಿದ್ದಾರೆ.