Bengaluru PG Owner: ಕಾಮುಕನ ಅಟ್ಟಹಾಸಕ್ಕೆ ಬೆಚ್ಚಿಬಿದ್ದ ಬೆಂಗಳೂರು; ಉಂಗುರ ವಿಚಾರಣೆ ನೆಪದಲ್ಲಿ ಯುವತಿ ಮೇಲೆ ಮೃಗದಂತೆ ಎರಗಿದ ಪಿಜಿ ಮಾಲೀಕ!

ಬೆಂಗಳೂರಿನ ಮೈಕೋ ಲೇಔಟ್‌ನಲ್ಲಿ ಖಾಸಗಿ ಪಿಜಿ ಮಾಲೀಕ ರವಿತೇಜರೆಡ್ಡಿ ಯುವತಿಯೊಬ್ಬಳ ಮೇಲೆ ಬಲತ್ಕಾರ, ದೌರ್ಜನ್ಯ ಎಸಗಿದ್ದಾನೆ. ಉಂಗುರ ಕಳೆದುಹೋಗಿರುವ ಬಗ್ಗೆ ವಿಚಾರಿಸುವ ನೆಪದಲ್ಲಿ ಯುವತಿಯನ್ನು ಕೊಠಡಿಗೆ ಕರೆದು ಈ ಕೃತ್ಯ ಎಸಗಿದ್ದಾನೆ.

ಬೆಂಗಳೂರು (ಜೂ.24): ಖಾಸಗಿ ಪಿಜಿ ಮಾಲೀಕನೋರ್ವ ಯುವತಿಯೊಬ್ಬಳಿಗೆ ಬಲತ್ಕಾರ ದೌರ್ಜನ್ಯ ಎಸಗಿದ ಆಘಾತಕಾರಿ ಘಟನೆ ಬೆಂಗಳೂರಿನ ಮೈಕೋ ಲೇಔಟ್ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.

ರವಿತೇಜರೆಡ್ಡಿ ಬಂಧಿತ ಆರೋಪಿ. ಕಳೆದ ಜೂನ್ 21ರ ಶನಿವಾರ ನಡೆದ ಈ ಘಟನೆ ನಡೆದಿದ್ದು ತಡವಾಗಿ ಬೆಳಕಿಗೆ ಬಂದಿದೆ.

ಘಟನೆ ವಿವರ: ಪಿಜಿಯಲ್ಲಿ ವಾಸವಿದ್ದ ಸಂತ್ರಸ್ತ ಯುವತಿ. ಕಳೆದ ಜೂನ್ 21ರ ಶನಿವಾರದಂದು ಪಿಜಿಯಲ್ಲಿ ಬೆಲೆಬಾಳುವ ಉಂಗುರ ಕಳೆದುಕೊಂಡಿದ್ದಾಳೆ. ಈ ಬಗ್ಗೆ ಪಿಜಿ ಮಾಲೀಕನಿಗೂ ವಿಷಯ ತಿಳಿಸಿದ್ದಾಳೆ. ಆದರೆ ಮಾಹಿತಿ ಸಂಗ್ರಹಿಸುವ ಉದ್ದೇಶದಿಂದ ರವಿತೇಜರೆಡ್ಡಿ ಯುವತಿಯರನ್ನು ವೈಯಕ್ತಿಕವಾಗಿ ಕೊಠಡಿಗೆ ಕರೆದು ವಿಚಾರಣೆ ನಡೆಸುತ್ತಿದ್ದ ಎನ್ನಲಾಗಿದೆ. ಈ ವೇಳೆ ಸಂತ್ರಸ್ತ ಯುವತಿಯೊಂದಿಗೆ ಅಸಭ್ಯವಾಗಿ ವರ್ತಿಸಿದ್ದು, ಆಕೆಯ ಪ್ರತಿರೋಧದ ಹೊರತಾಗಿಯೂ  ದೌರ್ಜನ್ಯವೆಸಗಿದ್ದಾನೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ.

ಘಟನೆಯಿಂದ ಆಘಾತಕ್ಕೊಳಗಾದ ಸಂತ್ರಸ್ತ ಯುವತಿ:

ಪಿಜಿ ಮಾಲೀಕನ ದುಷ್ಟ ವರ್ತನೆಯಿಂದ ಭಯಗೊಂಡಿದ್ದ ಸಂತ್ರಸ್ತ ಯುವತಿ, ನಿನ್ನೆ ಖಾಸಗಿ ಆಸ್ಪತ್ರೆಯಲ್ಲಿ ವೈದಿಕೀಯ ಪರೀಕ್ಷೆಗೆ ಒಳಗಾಗಿ ಮೈಕೋ ಲೇಔಟ್‌ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಆರೋಪಿಯನ್ನು ವಶಕ್ಕೆ ಪಡೆದು ತೀವ್ರ ವಿಚಾರಣೆಗೊಳಪಡಿಸಿದ್ದಾರೆ.