ಮನೆಯಿಂದ ಹೊರ ಹೋಗಿ  ಮಹಿಳೆ ಕೆಲಸ ಮಾಡೋದೆ ತಪ್ಪಾ? ಎಂಥಾ ಘೋರ ಕೃತ್ಯ

ಮಹಿಳಾ ದೌರ್ಜನ್ಯದ ಪ್ರಕರಣ/ ಕೆಲಸ ಮುಗಿಸಿ ಮನೆಗೆ ಹೊರಟಿದ್ದ ಮಹಿಳಾ ಅಧಿಕಾರಿಯ ಕಣ್ಣನ್ನೇ ಕಿತ್ತರು/ ದುಷ್ಕರ್ಮಿಗಳ ಕಾರ್ಯಕ್ಕೆ ವ್ಯಾಪಕ ಖಂಡನೆ/ ಮಹಿಳೆ ಮನೆಯಿಂದ ಹೊರಗೆ  ಹೋಗಿ ಕೆಲಸ ಮಾಡುವುದೇ ತಪ್ಪಾ?

ಕಾಬೂಲ್(ನ. 10) ಫ್ರಾನ್ಸ್ ನಲ್ಲಿ ಉಗ್ರರ ದಾಳಿ ನಿರಂತವಾಗಿದ್ದನ್ನು ಕಂಡಿದ್ದೇವೆ. ಅಫ್ಘಾನಿಸ್ತಾನದಲ್ಲಿ ಮತ್ತೆ ಉಗ್ರರು ಅಟ್ಟಹಾಸ ಮೆರೆದಿದ್ದಾಋಎ.

ಪೊಲೀಸ್ ಠಾಣೆಯಿಂದ ಹೊರಬರುತ್ತಿದ್ದ ಮಹಿಳೆ ಮೇಲೆ ಮೋಟಾರು ಬೈಕಿನಲ್ಲಿ ಬಂದ ಮೂವರು ಉಗ್ರರು ಏಕಾಏಕಿ ದಾಳಿ ಮಾಡಿದ್ದು ಅಲ್ಲದೆ ಆಕೆಯ ಕಣ್ಣುಗಳನ್ನು ಕಿತ್ತಿದ್ದಾರೆ. ಅಫ್ಘಾನಿಸ್ತಾನದ ಕೇಂದ್ರ ಘಜ್ನಿ ಪ್ರದೇಶದಲ್ಲಿ ನಡೆದ ಘಟನೆಗೆ ವ್ಯಾಪಕ ಖಂಡನೆ ವ್ಯಕ್ತವಾಗುತ್ತಿದೆ.

ಆದರೆ ಇಲ್ಲಿಯವರೆಗೆ ಘಟನೆ ಹೊಣೆಯನ್ನು ಯಾವ ಉಗ್ರ ಸಂಘಟನೆಯೂ ಹೊತ್ತುಕೊಂಡಿಲ್ಲ. ಮಹಿಳೆ ಹೊರಗೆ ಹೋಗಿ ಕೆಲಸ ಮಾಡುವುದು ಬೇಡ ಎಂದು ಆಕೆಯ ತಂದೆಯೇ ವಿರೋಧ ವ್ಯಕ್ತಪಡಿಸುತ್ತಿದ್ದರು ಎಂಬ ವಿಚಾರವನ್ನು ಅಧಿಕಾರಿಗಳು ತಿಳಿಸಿದ್ದಾರೆ.

ಕಣ್ಣು ಕಳೆದುಕೊಂಡಿರುವ ಖಟೇರಾ ತನ್ನ ದೃಷ್ಟಿಯೊಂದಿಗೆ ತನ್ನ ಆಸೆ ಆಕಾಂಕ್ಷೆಗಳನ್ನು ಕಳೆದುಕೊಂಡಿದ್ದಾರೆ. ಇತ್ತಿಚೇಗಷ್ಟೆ ಘಜ್ನಿ ಪೊಲೀಸ್ ವಿಭಾಗದಲ್ಲಿ ಕೆಲಸಕ್ಕೆ ಜಾಯಿನ್ ಆಗಿದ್ದರು.

ನಾಣು ಇದಕ್ಕೆಲ್ಲ ಬಗ್ಗುವುದಿಲ್ಲ. ಮತ್ತೆ ಕೆಲಸಕ್ಕೆ ಹೋಗುವ ತಯಾರಿ ಮಾಡುತ್ತೇನೆ ಎಂದು ಮಹಿಳೆ ಹೇಳುತ್ತ ತಮಗೆ ತಾವೇ ಸಮಾಧಾನ ಹೇಳಿಕೊಂಡಿದ್ದಾರೆ. ಮಹಿಳಾ ಸಂಘಟನೆಗಳು ಈ ಪ್ರಕರಣವನ್ನು ಖಂಡಿಸಿದ್ದು ಅಪರಾಧಿಗಳಿಗೆ ಘೋರ ಶಿಕ್ಷೆಯಾಗಬೇಕು ಎಂದು ಒತ್ತಾಯ ಮಾಡಿವೆ .