Vijay Hazare Trophy ಕರ್ನಾಟಕ ಎದುರು ಟಾಸ್ ಗೆದ್ದ ಮಿಜೋರಾಮ್ ಬ್ಯಾಟಿಂಗ್ ಆಯ್ಕೆ
ಸಾರಾಂಶ
ಸತತ 5 ಗೆಲುವುಗಳನ್ನು ಸಾಧಿಸಿದ್ದ ರಾಜ್ಯ ತಂಡ, ಕಳೆದ ಪಂದ್ಯದಲ್ಲಿ ಹರ್ಯಾಣ ವಿರುದ್ಧ ಸೋಲುಂಡಿತು. ಆದರೂ 20 ಅಂಕಗಳನ್ನು ಹೊಂದಿರುವ ಕರ್ನಾಟಕ ನಾಕೌಟ್ ಹಂತಕ್ಕೆ ಪ್ರವೇಶ ಪಡೆಯಿತು. ಕೊನೆಯ ಪಂದ್ಯದಲ್ಲಿ ಹರ್ಯಾಣ, ಜಮ್ಮು-ಕಾಶ್ಮೀರ ವಿರುದ್ಧ ಸೋತು, ಕರ್ನಾಟಕ ಗೆದ್ದರೂ ‘ಸಿ’ ಗುಂಪಿನಿಂದ ಹರ್ಯಾಣ ನೇರವಾಗಿ ಕ್ವಾರ್ಟರ್ಗೇರಲಿದೆ.
ಅಹಮದಾಬಾದ್(ಡಿ.05): ವಿಜಯ್ ಹಜಾರೆ ರಾಷ್ಟ್ರೀಯ ಏಕದಿನ ಟೂರ್ನಿಯ ನಾಕೌಟ್ ಹಂತಕ್ಕೆ ಪ್ರವೇಶಿಸಿರುವ ಕರ್ನಾಟಕ, ಮಂಗಳವಾರ ಗುಂಪು ಹಂತದ ತನ್ನ ಕೊನೆಯ ಪಂದ್ಯದಲ್ಲಿ ಮಿಜೋರಾಮ್ ವಿರುದ್ಧ ಸೆಣಸಲಿದೆ. ಈ ಪಂದ್ಯದಲ್ಲಿ ದೊಡ್ಡ ಗೆಲುವು ಪಡೆದು ತನ್ನ ನೆಟ್ ರನ್ರೇಟ್ ಉತ್ತಮಗೊಳಿಸಿಕೊಳ್ಳುವ ಮೂಲಕ ನೇರವಾಗಿ ಕ್ವಾರ್ಟರ್ ಫೈನಲ್ಗೆ ಅರ್ಹತೆ ಪಡೆಯುವ ಗುರಿ ಹೊಂದಿದೆ. ಇದೀಗ ಕರ್ನಾಟಕ ಎದುರು ಟಾಸ್ ಗೆದ್ದ ಮಿಜೋರಾಮ್ ತಂಡವು ಮೊದಲು ಬ್ಯಾಟಿಂಗ್ ಮಾಡುವ ತೀರ್ಮಾನ ತೆಗೆದುಕೊಂಡಿದೆ.
ಸತತ 5 ಗೆಲುವುಗಳನ್ನು ಸಾಧಿಸಿದ್ದ ರಾಜ್ಯ ತಂಡ, ಕಳೆದ ಪಂದ್ಯದಲ್ಲಿ ಹರ್ಯಾಣ ವಿರುದ್ಧ ಸೋಲುಂಡಿತು. ಆದರೂ 20 ಅಂಕಗಳನ್ನು ಹೊಂದಿರುವ ಕರ್ನಾಟಕ ನಾಕೌಟ್ ಹಂತಕ್ಕೆ ಪ್ರವೇಶ ಪಡೆಯಿತು. ಕೊನೆಯ ಪಂದ್ಯದಲ್ಲಿ ಹರ್ಯಾಣ, ಜಮ್ಮು-ಕಾಶ್ಮೀರ ವಿರುದ್ಧ ಸೋತು, ಕರ್ನಾಟಕ ಗೆದ್ದರೂ ‘ಸಿ’ ಗುಂಪಿನಿಂದ ಹರ್ಯಾಣ ನೇರವಾಗಿ ಕ್ವಾರ್ಟರ್ಗೇರಲಿದೆ. ಕರ್ನಾಟಕ ವಿರುದ್ಧ ಗೆದ್ದ ಕಾರಣ ಹರ್ಯಾಣಕ್ಕೆ ನೇರ ಪ್ರವೇಶ ಸಿಗಲಿದೆ.
'ನೀವೇ ಕ್ಯಾಪ್ಟನ್ ಆಗಿರಿ': BCCI ರೋಹಿತ್ ಶರ್ಮಾ ಹಿಂದೆ ಬಿದ್ದಿರೋದ್ಯಾಕೆ..?
ನಾಕೌಟ್ ಲೆಕ್ಕಾಚಾರ ಹೇಗೆ?
5 ಗುಂಪುಗಳಲ್ಲಿ ಅಗ್ರ-2 ಸ್ಥಾನ ಪಡೆಯುವ ತಲಾ ತಂಡಗಳು ನಾಕೌಟ್ ಹಂತಕ್ಕೇರಲಿವೆ. ಗುಂಪಿನಲ್ಲಿ ಅಗ್ರ ಸ್ಥಾನ ಪಡೆಯುವ 5 ತಂಡಗಳು ಮೊದಲ 5 ಸ್ಥಾನ ಪಡೆಯಲಿವೆ. ಈ 5 ತಂಡಗಳಿಗೆ ನೇರವಾಗಿ ಕ್ವಾರ್ಟರ್ ಫೈನಲ್ ಪ್ರವೇಶ ಸಿಗಲಿದೆ. ಗುಂಪಿನಲ್ಲಿ 2ನೇ ಸ್ಥಾನ ಪಡೆದ 5 ತಂಡಗಳು ಅಂಕ, ನೆಟ್ ರನ್ರೇಟ್ ಆಧಾರದಲ್ಲಿ 6ರಿಂದ 10ನೇ ಸ್ಥಾನ ಪಡೆಯಲಿವೆ. 6ನೇ ಸ್ಥಾನ ಪಡೆಯುವ ತಂಡಕ್ಕೂ ನೇರವಾಗಿ ಕ್ವಾರ್ಟರ್ಗೆ ಪ್ರವೇಶ ಸಿಗಲಿದೆ. 7, 8, 9 ಹಾಗೂ 10ನೇ ಸ್ಥಾನ ಪಡೆಯುವ ತಂಡಗಳು ಪ್ರಿ ಕ್ವಾರ್ಟರ್ ಫೈನಲ್ ಆಡಲಿವೆ.
IPL Auction: ಜೋಶ್ ಹೇಜಲ್ವುಡ್ ಮೇಲೆ ಹದ್ದಿಗಣ್ಣಿಟ್ಟಿವೆ ಈ ನಾಲ್ಕು IPL ಫ್ರಾಂಚೈಸಿಗಳು..!
ಹೋಪ್ ಶತಕ: ಇಂಗ್ಲೆಂಡ್ ವಿರುದ್ಧ ವಿಂಡೀಸ್ಗೆ ಜಯ
ಆ್ಯಂಟಿಗಾ: ವಿಶ್ವಕಪ್ನಲ್ಲಿ ಸಾಧಾರಣ ಪ್ರದರ್ಶನ ತೋರಿ ನಿರಾಸೆ ಅನುಭವಿಸಿದ್ದ ಇಂಗ್ಲೆಂಡ್ಗೆ ಮತ್ತೊಂದು ಆಘಾತ ಎದುರಾಗಿದೆ. ವಿಂಡೀಸ್ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ ಇಂಗ್ಲೆಂಡ್ 325 ರನ್ ಕಲೆಹಾಕಿದ ಹೊರತಾಗಿಯೂ ಸೋಲುಂಡಿದೆ. ಶಾಯ್ ಹೋಪ್(109*)ರ ಅಜೇಯ ಶತಕ, ರೊಮಾರಿಯೋ ಶೆಫರ್ಡ್(48)ರ ಹೋರಾಟದ ನೆರವಿನಿಂದ ವಿಂಡೀಸ್ 4 ವಿಕೆಟ್ ಜಯ ಸಾಧಿಸಿ, 3 ಪಂದ್ಯಗಳ ಸರಣಿಯಲ್ಲಿ 1-0 ಮುನ್ನಡೆ ಪಡೆಯಿತು.
ಸ್ಕೋರ್:
ಇಂಗ್ಲೆಂಡ್ 50 ಓವರಲ್ಲಿ 325/10 (ಬ್ರೂಕ್ 71, ಮೋಟಿ 2-49)
ವಿಂಡೀಸ್ 48.5 ಓವರಲ್ಲಿ 326/6 (ಹೋಪ್ 109*, ಅಥನಾಜ್ 66, ಶೆಫರ್ಡ್ 48, ರೆಹಾನ್ 2-40)
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.