ಐರ್ಲೆಂಡ್‌ ಟಿ20 ಸರ​ಣಿ: ಭಾರತ ತಂಡಕ್ಕೆ ಜಸ್ಪ್ರೀತ್ ಬುಮ್ರಾ?

ಕಳೆದ ಸೆಪ್ಟೆಂಬರ್‌ನಿಂದಲೂ ಕ್ರಿಕೆಟ್‌ನಿಂದ ದೂರ ಉಳಿದಿರುವ ಟೀಂ ಇಂಡಿಯಾ ವೇಗಿ ಜಸ್ಪ್ರೀತ್ ಬುಮ್ರಾ ಮುಂಬರುವ ಆಗಸ್ಟ್‌ನಲ್ಲಿ ಮಾರಕ ವೇಗಿ ಬುಮ್ರಾ ತಂಡ ಕೂಡಿಕೊಳ್ಳುವ ಸಾಧ್ಯತೆ ಐರ್ಲೆಂಡ್‌ ಪ್ರವಾಸಕ್ಕೆ ಬುಮ್ರಾ ತಂಡ ಕೂಡಿಕೊಳ್ಳುವ ಸಾಧ್ಯತೆ

ನವ​ದೆ​ಹ​ಲಿ(ಜೂ.19): ಬೆನ್ನು ನೋವಿ​ನಿಂದಾಗಿ ಕಳೆದ ಸೆಪ್ಟೆಂಬ​ರ್‌​ನಿಂದಲೂ ಸ್ಪರ್ಧಾ​ತ್ಮಕ ಕ್ರಿಕೆ​ಟ್‌​ನಿಂದ ದೂರ ಉಳಿ​ದಿರುವ ಭಾರತದ ಪ್ರಮುಖ ವೇಗಿ ಜಸ್‌​ಪ್ರೀತ್‌ ಬುಮ್ರಾ ಐರ್ಲೆಂಡ್‌ ವಿರು​ದ್ಧ​ದ ಸರ​ಣಿಗೆ ತಂಡಕ್ಕೆ ಮರ​ಳುವ ಸಾಧ್ಯ​ತೆ​ಯಿದೆ ಎಂದು ಮಾಧ್ಯ​ಮ​ಗ​ಳಲ್ಲಿ ವರ​ದಿ​ಯಾ​ಗಿದೆ. ಭಾರತ ತಂಡ ಆಗ​ಸ್ಟ್‌​ನಲ್ಲಿ ಐರ್ಲೆಂಡ್‌ ಪ್ರವಾಸ ಕೈಗೊ​ಳ್ಳ​ಲಿದ್ದು, 3 ಟಿ20 ಪಂದ್ಯ​ಗ​ಳ್ನಾ​ಡ​ಲಿದೆ. 

ಈ ಸರ​ಣಿ​ಗೂ ಮುನ್ನ ವೇಗಿ ಜಸ್ಪ್ರೀತ್ ಬುಮ್ರಾ (Jasprit Bumrah) ಸಂಪೂರ್ಣ ಫಿಟ್‌ ಆಗುವ ನಿರೀ​ಕ್ಷೆ​ಯಿದ್ದು, ಆಡುವ ಸಾಧ್ಯ​ತೆ​ಯಿದೆ ಎಂದು ಬಿಸಿ​ಸಿಐ (BCCI) ಅಧಿ​ಕಾ​ರಿ​ಯೊ​ಬ್ಬರು ತಿಳಿ​ಸಿ​ದ್ದಾಗಿ ವರ​ದಿ​ಯಾ​ಗಿದೆ. ಬುಮ್ರಾ ಸದ್ಯ ಬೆಂಗ​ಳೂ​ರಿನ ಎನ್‌​ಸಿ​ಎ​ನಲ್ಲಿ ಪುನ​ಶ್ಚೇ​ತನ ಶಿಬಿ​ರ​ದ​ಲ್ಲಿ​ದ್ದಾ​ರೆ.

ಆ್ಯಷ​ಸ್‌: ಆಸೀಸ್‌ ವಿರು​ದ್ಧ ಇಂಗ್ಲೆಂಡ್‌ಗೆ ಮುನ್ನ​ಡೆ

ಬಮಿಂರ್‍​ಗ್‌​ಹ್ಯಾ​ಮ್‌: ಉಸ್ಮಾನ್‌ ಖವಾ​ಜ​(141) ಶತ​ಕದ ಹೊರ​ತಾ​ಗಿಯೂ ಆಸ್ಪ್ರೇ​ಲಿಯಾ ವಿರು​ದ್ಧದ ಮೊದಲ ಆ್ಯಷಸ್‌ ಟೆಸ್ಟ್‌ ಪಂದ್ಯ​ದಲ್ಲಿ ಆತಿ​ಥೇಯ ಇಂಗ್ಲೆಂಡ್‌ ಇನ್ನಿಂಗ್‌್ಸ ಮುನ್ನಡೆ ಸಾಧಿ​ಸಿದೆ. ಇಂಗ್ಲೆಂಡ್‌ನ 393 ರನ್‌ಗೆ ಉತ್ತ​ರ​ವಾಗಿ ಆಸೀಸ್‌ ಭಾನು​ವಾರ 386ಕ್ಕೆ ಆಲೌ​ಟಾಗಿ 7 ರನ್‌ ಹಿನ್ನಡೆ ಅನು​ಭ​ವಿ​ಸಿತು. ಮೂರನೇ ದಿನದಾಟಕ್ಕೆ ಚಹಾ ವಿರಾಮದ ಬಳಿಕ ಮಳೆ ಅಡ್ಡಿ ಪಡಿಸಿದ್ದರಿಂದಾಗಿ ಕೊನೆಯ ಸೆಷನ್‌ ಪಂದ್ಯಾಟ ನಡೆಯಲಿಲ್ಲ. ಮೂರನೇ ದಿನದಾಟದಂತ್ಯದ ವೇಳೆಗೆ ಇಂಗ್ಲೆಂಡ್ ತಂಡವು 28 ರನ್‌ಗಳಿಗೆ 2 ವಿಕೆಟ್ ಕಳೆದುಕೊಂಡ ಒಟ್ಟಾರೆ 35 ರನ್‌ ಮುನ್ನಡೆ ಸಾಧಿಸಿದೆ.

2ನೇ ದಿನ 5 ವಿಕೆ​ಟ್‌ಗೆ 311 ರನ್‌ ಗಳಿ​ಸಿದ್ದ ಆಸೀಸ್‌ ಭಾನು​ವಾ​ರವೂ ಉತ್ತಮ ಬ್ಯಾಟಿಂಗ್‌ ಪ್ರದ​ರ್ಶಿ​ಸಿತು. ಇನ್ನಿಂಗ್‌್ಸ ಮುನ್ನಡೆ ಪಡೆ​ಯುವ ನಿರೀ​ಕ್ಷೆ​ಯ​ಲ್ಲಿ​ದ್ದರೂ ಅಲೆಕ್ಸ್‌ ಕೇರ್ರಿ​(66) ಹಾಗೂ ಖವಾ​ಜ​ ಔಟಾದ ಬಳಿಕ ತಂಡ ಬೇಗನೇ ಗಂಟು​ಮೂಟೆ ಕಟ್ಟಿತು. ಬಳಿಕ 2ನೇ ಇನ್ನಿಂಗ್‌್ಸ ಆರಂಭಿಸಿದ ಇಂಗ್ಲೆಂಡ್‌ ಆ​ರಂಭಿಕ ಆಘಾ​ತ​ಕ್ಕೊ​ಳ​ಗಾಗಿ ಚಹಾ ವಿರಾ​ಮಕ್ಕೆ 28 ರನ್‌ಗೆ 2 ವಿಕೆಟ್‌ ಕಳೆ​ದುಕೊಂಡಿತ್ತು.

ವಿಂಡೀಸ್‌ ಸರ​ಣಿ ಬಳಿ​ಕ ಕೌಂಟಿ ಕ್ರಿಕೆಟ್‌ಗೆ ರಹಾ​ನೆ

ನವ​ದೆ​ಹ​ಲಿ: ಭಾರ​ತದ ಹಿರಿಯ ಬ್ಯಾಟರ್‌ ಅಜಿಂಕ್ಯ ರಹಾನೆ (Ajinkya Rahane) ಮುಂದಿನ ತಿಂಗಳು ನಡೆ​ಯ​ಲಿ​ರುವ ವೆಸ್ಟ್‌​ಇಂಡೀಸ್‌ ವಿರು​ದ್ಧದ ಸರಣಿ ಬಳಿಕ ಲೀಚೆ​ಸ್ಟ​ರ್‌​ಶೈರ್‌ ಪರ ಕೌಂಟಿ ಕ್ರಿಕೆ​ಟ್‌​ನಲ್ಲಿ ಆಡ​ಲಿ​ದ್ದಾರೆ ಎಂದು ತಿಳಿ​ದು​ಬಂದಿ​ದೆ. ರಹಾನೆ ಜನ​ವ​ರಿ​ಯ​ಲ್ಲೇ ಲೀಚೆ​ಸ್ಟ​ರ್‌​ಶೈರ್‌ ಪರ ಒಪ್ಪಂದ ಮಾಡಿ​ಕೊಂಡಿದ್ದು, ಜೂನ್‌-ಸೆಪ್ಟೆಂಬರ್‌ ನಡುವೆ 8 ಪ್ರಥಮ ದರ್ಜೆ ಹಾಗೂ ರಾಯಲ್‌ ಲಂಡನ್‌ ಕಪ್‌ ಟೂರ್ನಿಯ ಎಲ್ಲಾ ಪಂದ್ಯ​ಗ​ಳಲ್ಲಿ ಆಡ​ಬೇ​ಕಿ​ತ್ತು. ಆದರೆ ಐಪಿ​ಎಲ್‌ ಬಳಿಕ ಅವರು ಭಾರತ ತಂಡಕ್ಕೆ ಮರ​ಳಿದ್ದು, ವಿಂಡೀಸ್‌ ಸರ​ಣಿ​ಯಲ್ಲೂ ಆಡುವ ಸಾಧ್ಯತೆ ಹೆಚ್ಚು. ಈ ಮೊದಲು ರಹಾನೆ 2019ರಲ್ಲಿ ಹ್ಯಾಂಪ್‌​ಶೈರ್‌ ಪರ ಆಡಿ​ದ್ದರು.

ವಿಶ್ವ​ಕಪ್‌ ಅರ್ಹತಾ ಸುತ್ತು: ಗೆದ್ದ ವಿಂಡೀಸ್‌, ಜಿಂಬಾ​ಬ್ವೆ

ಹರಾ​ರೆ: ಐಸಿಸಿ ಏಕ​ದಿನ ವಿಶ್ವ​ಕ​ಪ್‌ನ ಅರ್ಹತಾ ಟೂರ್ನಿಯಲ್ಲಿ ವೆಸ್ಟ್‌​ಇಂಡೀಸ್‌ ಹಾಗೂ ಆತಿ​ಥೇಯ ಜಿಂಬಾಬ್ವೆ ಶುಭಾ​ರಂಭ ಮಾಡಿವೆ. ಅಮೆ​ರಿಕ ವಿರು​ದ್ಧದ ಪಂದ್ಯ​ದಲ್ಲಿ ವಿಂಡೀಸ್‌ 39 ರನ್‌ ಜಯ​ಗ​ಳಿ​ಸಿತು. ಮೊದಲು ಬ್ಯಾಟ್‌ ಮಾಡಿದ ವಿಂಡೀಸ್‌, ಚಾರ್ಲ್ಸ್​(66), ಹೋಲ್ಡ​ರ್‌​(56), ಚೇಸ್‌​(55) ಹೋಪ್‌​(54) ಅರ್ಧ​ಶ​ತ​ಕ​ಗಳ ನೆರ​ವಿ​ನಿಂದ 49.3 ಓವ​ರ್‌​ಗ​ಳಲ್ಲಿ 297ಕ್ಕೆ ಆಲೌ​ಟಾ​ಯಿತು. 

ದೊಡ್ಡ ಗುರಿ ಬೆನ್ನ​ತ್ತಿದ ಅಮೆ​ರಿಕ ಗಜಾ​ನಂದ್‌ ಸಿಂಗ್‌​(101) ಹೋರಾ​ಟದ ಹೊರ​ತಾ​ಗಿಯೂ 7 ವಿಕೆ​ಟ್‌ಗೆ 258 ರನ್‌ ಗಳಿಸಿ ಸೋಲ್ಪೊ​ಪಿ​ಕೊಂಡಿತು. ಮತ್ತೊಂದು ಪಂದ್ಯ​ದಲ್ಲಿ ನೇಪಾಳ ವಿರುದ್ಧ ಜಿಂಬಾಬ್ವೆ 8 ವಿಕೆಟ್‌ ಜಯ​ಗ​ಳಿ​ಸಿತು. ನೇಪಾಳ 8 ವಿಕೆ​ಟ್‌ಗೆ 290 ರನ್‌ ಗಳಿ​ಸಿ​ದರೆ, ಜಿಂಬಾಬ್ವೆ 44.1 ಓವ​ರಲ್ಲೇ ಗುರಿ ಬೆನ್ನ​ತ್ತಿತು. ಶಾನ್‌ ವಿಲಿ​ಯಮ್ಸ್‌(102*), ಕ್ರೇಗ್‌ ಎರ್ವಿನ್‌(121*) ಶತಕ ಸಿಡಿ​ಸಿ​ದ​ರು.