ರಾಹುಲ್‌ ದ್ರಾವಿಡ್​ ಕ್ರಿಕೆಟಿಗನಾಗಿದ್ದಾಗ ಇದ್ದ ಕನ್ಸಿಸ್​​ಟೆನ್ಸಿ ಕೋಚ್​​​​​ ಆಗಿ ಯಾಕಿಲ್ಲ..?

ಭಾರತ ಕ್ರಿಕೆಟ್‌ ತಂಡದಲ್ಲಿ ಪದೇ ಪದೇ ಪ್ರಯೋಗ ಮಾಡುತ್ತಿರುವ ರಾಹುಲ್ ದ್ರಾವಿಡ್ ರಾಹುಲ್ ದ್ರಾವಿಡ್ ಭಾರತ ಕ್ರಿಕೆಟ್ ತಂಡದ ಹೆಡ್‌ಕೋಚ್‌ 6 ಟೆಸ್ಟ್​ ಸರಣಿ.. 6 ಆರಂಭಿಕ ಜೋಡಿ..!

ಬೆಂಗಳೂರು(ಜು.15): ರಾಹುಲ್ ದ್ರಾವಿಡ್​ ಸದ್ಯ ಟೀಂ ಇಂಡಿಯಾ ಕೋಚ್​​. 16 ವರ್ಷಗಳ ಕಾಲ ಇಂಟರ್​​ ನ್ಯಾಷನಲ್ ಕ್ರಿಕೆಟ್ ಆಡಿದ್ದ ದಿ ವಾಲ್, ಟೆಸ್ಟ್ ಮತ್ತು ಒನ್​ಡೇಯಲ್ಲಿ 10 ಸಾವಿರಕ್ಕೂ ಅಧಿಕ ರನ್ ಹೊಡೆದಿದ್ದಾರೆ. ಈ ಎರಡು ಮಾದರಿಯಲ್ಲಿ ಅವರು ಆಡಿದಷ್ಟು ವರ್ಷಗಳು ಕನ್ಸಿಸ್​​ಟೆನ್ಸಿ ಫರ್ಫಾಮೆನ್ಸ್ ನೀಡಿದ್ದಾರೆ. ಅದರಲ್ಲೂ ಟೆಸ್ಟ್​​​ ಕ್ರಿಕೆಟ್​ನಲ್ಲಂತೂ ಡೆಬ್ಯು ಟೆಸ್ಟ್​ ಸಿರೀಸ್​ನಿಂದ ಹಿಡಿದು ವಿದಾಯದ ಟೆಸ್ಟ್ ಸರಣಿಯವರೆಗೂ ರನ್ ಹೊಡೆದಿದ್ದಾರೆ.

ಹೀಗೆ ಆಟಗಾರನಾಗಿ ಕನ್ಸಿಟೆನ್ಸಿ ಪರ್ಫಾಮೆನ್ಸ್ ನೀಡ್ತಿದ್ದ ದ್ರಾವಿಡ್​, ಕೋಚ್ ಆಗಿ ಕನ್ಸಿಸ್​​ಟೆನ್ಸಿ ಪರ್ಫಾಮೆನ್ಸ್ ನೀಡ್ತಿಲ್ಲ. ಅವರು ಸಹ ಕನ್ಸಿಟೆನ್ಸಿಯಾಗಿ ಇಲ್ಲ. ಟೀಂ ಇಂಡಿಯಾ ಕೋಚ್ ಆದ್ಮೇಲೆ, ಆಟಗಾರರ ಮೇಲೆ ಅತಿಯಾದ ಪ್ರಯೋಗ ಮಾಡಿ ತಂಡವನ್ನ ದುರ್ಬಲಗೊಳಿಸ್ತಿದ್ದಾರೆ. ದ್ರಾವಿಡ್ ಕೋಚ್ ಅವಧಿಯಲ್ಲೇ  ಒಂದೇ ವರ್ಷದಲ್ಲಿ ಭಾರತಕ್ಕೆ 7 ಮಂದಿ ನಾಯಕರಾದ್ರು. ಟೀಂ ಇಂಡಿಯಾ, ಏಷ್ಯಾಕಪ್​, ಟಿ20 ವಿಶ್ವಕಪ್​, ಟೆಸ್ಟ್ ವಿಶ್ವಕಪ್​ಗಳನ್ನ ಗೆಲ್ಲಲು ವಿಫಲವಾಗಿದೆ. ಆದ್ರೂ ಬುದ್ದಿ ಕಲಿಯದೆ ದ್ರಾವಿಡ್, ಈಗ ಓಪನರ್​ಗಳ ಮೇಲೆ ಪ್ರಯೋಗ ಮಾಡೋಕೆ ಶುರು ಮಾಡಿದ್ದಾರೆ.

6 ಟೆಸ್ಟ್​ ಸರಣಿ.. 6 ಆರಂಭಿಕ ಜೋಡಿ..!

2022ರ ಜನವರಿಯಿಂದ ಸದ್ಯ ನಡೆಯುತ್ತಿರುವ ವೆಸ್ಟ್​ ಇಂಡೀಸ್ ವಿರುದ್ಧದ ಮೊದಲ ಟೆಸ್ಟ್​ ವರೆಗೆ ಟೀಂ ಇಂಡಿಯಾ 6 ಟೆಸ್ಟ್ ಸರಣಿಗಳನ್ನಾಡಿದೆ. ಈ ಆರರಲ್ಲಿ ಭಾರತದ ಇನ್ನಿಂಗ್ಸ್ ಆರಂಭಿಸಿರೋದು 6 ಜೋಡಿಗಳು. ನೀವು ನಂಬದಿದ್ದರೂ ಇದು ಸತ್ಯ. 2022ರ ಸೌತ್ ಆಫ್ರಿಕಾ ಟೆಸ್ಟ್​ ಸರಣಿಯಲ್ಲಿ ಕನ್ನಡಿಗರಾದ ಕೆಎಲ್ ರಾಹುಲ್-ಮಯಾಂಕ್ ಅಗರ್ವಾಲ್ ಓಪನರ್ಸ್​.  ಶ್ರೀಲಂಕಾ ಟೆಸ್ಟ್​ ಸಿರೀಸ್​ನಲ್ಲಿ ರೋಹಿತ್​ ಶರ್ಮಾ-ಮಯಾಂಕ್ ಇನ್ನಿಂಗ್ಸ್ ಆರಂಭಿಸಿದ್ದರು. ಇನ್ನು ಇಂಗ್ಲೆಂಡ್ ವಿರುದ್ಧ ಕಳೆದ ವರ್ಷ ಏಕೈಕ ಟೆಸ್ಟ್ ಆಡಿದ್ದ ಭಾರತಕ್ಕೆ ಶುಬ್​ಮನ್ ಗಿಲ್-ಚೇತೇಶ್ವರ್ ಪೂಜಾರ ಓಪನರ್ಸ್. ಡಿಸೆಂಬರ್​ನಲ್ಲಿ ಬಾಂಗ್ಲಾ ಟೆಸ್ಟ್ ಸರಣಿಯಲ್ಲಿ ರಾಹುಲ್​-ಗಿಲ್ ಆರಂಭಿಕ ಜೋಡಿ.

ಈ ವರ್ಷ ಆಸ್ಟ್ರೇಲಿಯಾ ವಿರುದ್ಧದ ಮೊದಲೆರಡು ಟೆಸ್ಟ್​​​​​​​​​​​​​​​​​​​​​​​​​​ಗಳಲ್ಲಿ ರೋಹಿತ್​-ರಾಹುಲ್ ಓಪನರ್ಸ್ ಆಗಿದ್ದರೆ, ಉಳಿದೆರಡು ಟೆಸ್ಟ್ ಮತ್ತು WTC ಫೈನಲ್​ನಲ್ಲಿ ರೋಹಿತ್​-ಗಿಲ್ ಆರಂಭಿಕರಾಗಿದ್ದರು. ಅಲ್ಲಿಗೆ ಒಂದೇ ಸರಣಿಯಲ್ಲಿ ಆರಂಭಿಕ ಜೋಡಿ ಬದಲಾಗಿದೆ. ಸದ್ಯ ನಡೆಯುತ್ತಿರುವ ವಿಂಡೀಸ್ ವಿರುದ್ಧದ ಮೊದಲ ಟೆಸ್ಟ್​ನಲ್ಲಿ ರೋಹಿತ್​-ಯಶಸ್ವಿ ಜೈಸ್ವಾಲ್ ಓಪನರ್ಸ್​. ಅಲ್ಲಿಗೆ 18 ತಿಂಗಳಲ್ಲಿ ಭಾರತಕ್ಕೆ 6 ಬೇರೆ ಬೇರೆ ಆರಂಭಿಕ ಜೋಡಿಯನ್ನ ಕಂಡಿದೆ ಭಾರತ. ಪ್ರತಿ ಸರಣಿಯಲ್ಲೂ ಓಪನರ್ಸ್ ಚೇಂಜ್ ಆಗ್ತಲೇ ಇದ್ದಾರೆ.

ಗಿಲ್ ಕೇಳಿದ್ರು.. ದ್ರಾವಿಡ್ ದಾನ ಮಾಡಿದ್ರು..!

ವಿಂಡೀಸ್​ನಲ್ಲೂ ರೋಹಿತ್​ ಶರ್ಮಾ- ಶುಭ್‌ಮನ್‌ ಗಿಲ್ ಓಪನರ್ಸ್ ಆಗಿರ್ಬೇಕಿತ್ತು. ಆದ್ರೆ ನಾನು ನಂಬರ್ 3 ಸ್ಲಾಟ್​ನಲ್ಲಿ ಆಡ್ತೇನೆ ಅಂತ ಕೋಚ್ ರಾಹುಲ್ ದ್ರಾವಿಡ್‌ ಬಳಿ ಶುಭ್‌ಮನ್ ಗಿಲ್ ಕೇಳಿದ್ರಂತೆ. ಅದಕ್ಕೆ ರಾಹುಲ್ ದ್ರಾವಿಡ್ ತಥಸ್ತು ಅಂದರಂತೆ. ಹಾಗಾಗಿ ಈಗ ರೋಹಿತ್​-ಜೈಸ್ವಾಲ್ ಓಪನರ್ಸ್. ಇಂಜುರಿ ಮತ್ತು ಕಳಪೆ ಫಾರ್ಮ್​ನಿಂದ ಹೀಗೆ ಆರಂಭಿಕ ಜೋಡಿ ಬದಲಾಗಿದೆ ಅಂತ ಹೇಳಬಹುದು. ಆದ್ರೆ ರೋಹಿತ್​-ಗಿಲ್ ಜೋಡಿಯನ್ನ ಬದಲಿಸಿದ್ದೇಕೆ..? ಈಗ ರೋಹಿತ್​-ಜೈಸ್ವಾಲ್ ಆರಂಭಿಕರು. ಇದೇ ವರ್ಷ ಡಿಸೆಂಬರ್​ನಲ್ಲಿ ಆಫ್ರಿಕಾ ಸಿರೀಸ್ ಇದೆ. ಅಷ್ಟೊತ್ತಿಗೆ ರೋಹಿತ್ ಕೆರಿಯರ್ ಕ್ಲೋಸ್ ಆಗಿರುತ್ತೆ. ರಾಹುಲ್ ರೀ ಎಂಟ್ರಿಕೊಡ್ತಾರೆ. ಆಗ ರಾಹುಲ್​-ಜೈಸ್ವಾಲ್ ಓಪನರ್ಸ್​. ಒಟ್ನಲ್ಲಿ ದ್ರಾವಿಡ್​ ಅದ್ಭುತ ಆಟಗಾರನೇ ಹೊರತು ಅದ್ಭುತ ಕೋಚ್ ಆಗ್ತಿಲ್ಲ ಅನ್ನೋದಕ್ಕೆ ಇದಕ್ಕಿಂತ ಬೆಸ್ಟ್ ಎಕ್ಸಾಂಪಲ್ ಬೇಕಿಲ್ಲ ಅನಿಸುತ್ತೆ.