ಭಾರತದಲ್ಲಿ ಮಾತ್ರ ಶುಭ್ಮನ್ ಗಿಲ್ ಆರ್ಭಟನಾ..?
ಸಾರಾಂಶ
* ವಿದೇಶಿ ಪ್ರವಾಸದಲ್ಲಿ ಪದೇ ಪದೇ ವಿಫಲವಾಗುತ್ತಿರುವ ಶುಭ್ಮನ್ ಗಿಲ್ * ಕಳೆದ 7 ಇನ್ನಿಂಗ್ಸ್ಗಳಲ್ಲಿ ಒಂದೇ ಒಂದು ಅರ್ಧಶತಕ ಬಾರಿಸಿಲ್ಲ ಗಿಲ್ * ಭಾರತದಲ್ಲಿ ಗಿಲ್ ಆರ್ಭಟನಾ ಎನ್ನುವ ಪ್ರಶ್ನೆ ಆರಂಭ?
ಬೆಂಗಳೂರು(ಜು.20) ಶುಭ್ಮನ್ ಗಿಲ್..! ಸದ್ಯ ಭಾರತೀಯ ಕ್ರಿಕೆಟ್ನ ನಯಾ ಪ್ರಿನ್ಸ್. ಈ ಪಂಜಾಬ್ ಪುತ್ತರ್ ಅದ್ಭುತ ಬ್ಯಾಟಿಂಗ್ನಿಂದ ಹೊಸ ಅಲೆ ಎಬ್ಬಿಸಿದ್ದಾರೆ. ಕ್ರಿಕೆಟ್ ಜಗತ್ತಿನಲ್ಲಿ ಸೆನ್ಸೇಷನ್ ಹುಟ್ಟುಹಾಕಿದ್ದಾರೆ. ಭಾರತೀಯ ಕ್ರಿಕೆಟ್ನ ನೆಕ್ಸ್ಟ್ ವಿರಾಟ್ ಕೊಹ್ಲಿ ಅಂತ ಕರೆಸಿಕೊಳ್ತಿದ್ದಾರೆ. ಈ ಬಾರಿಯ ಐಪಿಎಲ್ನಲ್ಲಿ ಗಿಲ್ ಜಬರ್ದಸ್ತ್ ಪ್ರದರ್ಶನ ನೀಡಿದ್ರು. 17 ಪಂದ್ಯಗಳಿಂದ 890 ರನ್ಗಳಿಸಿ, ಆರೇಂಜ್ ಕ್ಯಾಪ್ ಮುಡಿಗೇರಿಸಿಕೊಂಡಿದ್ರು. ಗುಜರಾತ್ ಟೈಟನ್ಸ್ ಸತತ 2ನೇ ಬಾರಿ ಫೈನಲ್ ತಲುಪುವಲ್ಲಿ ಪ್ರಮುಖ ಪಾತ್ರವಹಿಸಿದ್ರು. ಆದ್ರೀಗ, ಟೀಂ ಇಂಡಿಯಾ ಪರ ಫ್ಲಾಪ್ ಶೋ ನೀಡ್ತಿದ್ದಾರೆ. ಇದರಿಂದ ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಮಾತ್ರ ಶುಭ್ಮನ್ ಗಿಲ್ ಆರ್ಭಟ ಮಾತುಗಳು ಕೇಳಿ ಬರ್ತಿವೆ.
ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ನಲ್ಲಿ ಪಂಜಾಬ್ ಪುತ್ತರ್ ಫೇಲ್..!
ಹೌದು, 2023ರ ಐಪಿಎಲ್ನಲ್ಲಿ 3 ಶತಕ, 4 ಅರ್ಧಶತಕ ಸಿಡಿಸಿದ್ದ ಶುಭ್ಮನ್ ಗಿಲ್, ಐಪಿಎಲ್ ನಂತರ ಸೈಲೆಂಟಾಗಿದ್ದಾರೆ. ಆಸ್ಟ್ರೇಲಿಯಾ ವಿರುದ್ಧದ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ನಲ್ಲಿ ಗಿಲ್ ಸತತ ಎರಡು ಇನಿಂಗ್ಸ್ನಲ್ಲೂ ವೈಫಲ್ಯ ಅನುಭವಿಸಿದ್ರು. ಮೊದಲ ಇನ್ನಿಂಗ್ಸ್ನಲ್ಲಿ ಕೇವಲ 13 ರನ್ಗಳಿಸಿ ಗಿಲ್ ಕ್ಲೀನ್ ಬೌಲ್ಡಾದ್ರೆ, 2ನೇ ಇನ್ನಿಂಗ್ಸ್ನಲ್ಲೂ ಬೇಗ ಜಾಗ ಖಾಲಿ ಮಾಡಿದ್ರು. ಇನ್ನು ಇದಾಗಿ ವೆಸ್ಟ್ ಇಂಡೀಸ್ ವಿರುದ್ಧದ ಮೊದಲ ಟೆಸ್ಟ್ನಲ್ಲೂ ಫೇಲ್ ಆದ್ರು.
Ind vs WI: ಭಾರತಕ್ಕೆ ಸತತ 9ನೇ ಸರಣಿ ಜಯದ ಗುರಿ..!
ಕಳೆದ 7 ಇನ್ನಿಂಗ್ಸ್ಗಳಲ್ಲಿ ಒಂದೇ ಒಂದು ಅರ್ಧಶತಕ ಇಲ್ಲ..!
ಯೆಸ್, ಶುಭ್ಮನ್ ಗಿಲ್ ಭಾರತ ಮತ್ತು ಏಷ್ಯಾದಲ್ಲಿ ಮಿಂಚಿದ್ದಾರೆ. ಆದ್ರೆ. ಏಷ್ಯಾದಾಚೆ ಗಿಲ್ ಮಕಾಡೆ ಮಲಗಿದ್ದಾರೆ. 2020ರಲ್ಲಿ ಆಸ್ಟ್ರೇಲಿಯಾದಲ್ಲಿ ಟೆಸ್ಟ್ ಕ್ರಿಕೆಟ್ಗೆ ಎಂಟ್ರಿ ನೀಡಿದ ಗಿಲ್, ಮೊದಲ ಸರಣಿಯಲ್ಲೇ 2 ಅರ್ಧಶತಕ ದಾಖಲಿಸಿದ್ರು. ಆದ್ರೆ, ಅದರ ನಂತರ ಗಿಲ್ ಕಂಪ್ಲೀಟ್ ಫ್ಲಾಪ್ ಆಗಿದ್ದಾರೆ. ಏಷ್ಯಾದಾಚೆ ಆಡಿದ ಕಳೆದ 7 ಇನ್ನಿಂಗ್ಗಳಲ್ಲಿ ಒಂದೇ ಒಂದು ಅರ್ಧಶತಕ ಇಲ್ಲ. ಅಷ್ಟೇ ಅಲ್ಲ, ಒಮ್ಮೆ ಮಾತ್ರ 20ರನ್ ಗಡಿ ದಾಟಿದ್ದಾರೆ. ಈವರೆಗೂ ಶುಭ್ಮನ್ ಗಿಲ್ ಏಷ್ಯಾದಾಚೆಗಿನ ರಾಷ್ಟ್ರಗಳಲ್ಲಿ 7 ಟೆಸ್ಟ್ಗಳನ್ನಾಡಿದ್ದಾರೆ. 13 ಇನ್ನಿಂಗ್ಸ್ಗಳಲ್ಲಿ ಬ್ಯಾಟ್ ಬೀಸಿದ್ದಾರೆ. ಇದ್ರಲ್ಲಿ 29.4ರ ಸರಾಸರಿಯಲ್ಲಿ ಕೇವಲ 353 ರನ್ಗಳಿಸಿದ್ದಾರೆ.
ಜೀವನೋಪಾಯಕ್ಕಾಗಿ ಯಶಸ್ವಿ ಜೈಸ್ವಾಲ್ ಎಂದೂ ಪಾನಿಪೂರಿ ಮಾರಿಲ್ಲ..! ಶಾಕಿಂಗ್ ವಿಚಾರ ಬಾಯ್ಬಿಟ್ಟ ಕೋಚ್..!
ಎರಡನೇ ಟೆಸ್ಟ್ನಲ್ಲಿ ಕಮ್ಬ್ಯಾಕ್ ಮಾಡ್ತಾರಾ..?
ಸದ್ಯ ಟೀಂ ಇಂಡಿಯಾದಲ್ಲಿ ಸ್ಥಾನ ಪಡೆಯೋದು ಸುಲಭದ ಮಾತಲ್ಲ. ಹೀಗಿರುವಾಗ ತಂಡದಲ್ಲಿ ಸ್ಥಾನ ಉಳಿಸಿಕೊಳ್ಳಬೇಕಾದ್ರೆ ಸಿಕ್ಕ ಅವಕಾಶದಲ್ಲಿ ಅಬ್ಬರಿಸಲೇಬೇಕು. ಇದರಿಂದ ಗಿಲ್ ಕೂಡ ಹೊರತಾಗಿಲ್ಲ. ಒಂದು ವೇಳೆ ಈ ಯಂಗ್ ಬ್ಯಾಟ್ಸ್ಮನ್ ವಿದೇಶದಲ್ಲಿ ಫಾರ್ಮ್ ಕಂಡುಕೊಳ್ಳದಿದ್ರೆ, ಟೆಸ್ಟ್ ತಂಡದಿಂದ ಗೇಟ್ ಪಾಸ್ ಸಿಗೋದು ಫಿಕ್ಸ್. ಆದ್ರೆ, ಹಾಗಾದಿರಲಿ ವೆಸ್ಟ್ ಇಂಡೀಸ್ ವಿರುದ್ಧದ ಎರಡನೇ ಟೆಸ್ಟ್ನಲ್ಲಿ ಗಿಲ್ ಅಬ್ಬರಿಸಲಿ. ಆ ಮೂಲಕ ತನ್ನ ಸಾಮರ್ಥ್ಯ ಪ್ರೂವ್ ಮಾಡಲಿ ಅನ್ನೋದೆ ನಮ್ಮ ಆಶಯ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.