ವಿಂಡೀಸ್‌, ಅಮೆ​ರಿ​ಕ​ದ​ಲ್ಲೇ ಟಿ20 ವಿಶ್ವ​ಕ​ಪ್‌: ಐಸಿ​ಸಿ ಸ್ಪಷ್ಟನೆ

2024ರ ಐಸಿಸಿ ಟಿ20 ವಿಶ್ವಕಪ್ ಟೂರ್ನಿಗೆ ವೆಸ್ಟ್ ಇಂಡೀಸ್, ಆಸ್ಟ್ರೇಲಿಯಾ ಆತಿಥ್ಯ 2024ರ ಟಿ20 ವಿಶ್ವಕಪ್ ಸ್ಥಳಾಂತರ ಸುದ್ದಿ ಅಲ್ಲಗಳೆದ ಐಸಿಸಿ ಯುಎ​ಸ್‌ಎ ಕ್ರಿಕೆ​ಟ್‌​ ಮಂಡ​ಳಿ​ಯ​ಲ್ಲಿ​ನ ಆಡ​ಳಿ​ತ​ದ ಅನಿ​ಶ್ಚಿ​ತತೆ ಮುಂದು​ವ​ರಿ​ದಿದೆ

ದುಬೈ(ಜೂ.11): 2024ರ ಟಿ20 ವಿಶ್ವಕಪ್‌ ಟೂರ್ನಿ ವೆಸ್ಟ್‌​ಇಂಡೀಸ್‌ ಹಾಗೂ ಅಮೆರಿಕದ ಬದಲು ಇಂಗ್ಲೆಂಡ್‌ನಲ್ಲಿ ನಡೆಯುವ ಸಾಧ್ಯ​ತೆ​ಯಿದೆ ಎಂಬ ವರ​ದಿಗಳನ್ನು ಐಸಿಸಿ ಅಲ್ಲ​ಗ​ಳೆ​ದಿದ್ದು, ಟೂರ್ನಿ ನಿಗ​ದಿ​ಯಂತೆ ವಿಂಡೀಸ್‌, ಅಮೆ​ರಿ​ಕ​ದಲ್ಲೇ ನಡೆ​ಯ​ಲಿದೆ ಎಂದು ಸ್ಪಷ್ಟನೆ ನೀಡಿದೆ. ಅಲ್ಲದೇ ಇಂಗ್ಲೆಂಡ್‌ ಹಾಗೂ ವೇಲ್ಸ್‌ ಕ್ರಿಕೆಟ್‌ ಮಂಡ​ಳಿ​(​ಇ​ಸಿ​ಬಿ) ಕೂಡಾ ಟೂರ್ನಿ ಇಂಗ್ಲೆಂಡ್‌​ನಲ್ಲಿ ನಡೆ​ಯು​ವು​ದಿಲ್ಲ ಎಂದಿದೆ. 

ಯುಎ​ಸ್‌ಎ ಕ್ರಿಕೆ​ಟ್‌​ ಮಂಡ​ಳಿ​ಯ​ಲ್ಲಿ​ನ ಆಡ​ಳಿ​ತ​ದ ಅನಿ​ಶ್ಚಿ​ತತೆ ಮುಂದು​ವ​ರಿ​ದಿ​ರುವ ಹಿನ್ನೆ​ಲೆ​ಯಲ್ಲಿ ವಿಶ್ವ​ಕಪ್‌ ಆತಿಥ್ಯ ಅಮೆ​ರಿ​ಕದ ಕೈ ತಪ್ಪ​ಲಿದ್ದು, ಇಂಗ್ಲೆಂಡ್‌, ಐರ್ಲೆಂಡ್‌ ಹಾಗೂ ಸ್ಕಾಟ್ಲೆಂಡ್‌​ನಲ್ಲಿ ಟೂರ್ನಿ ಆಯೋ​ಜಿ​ಸಲು ಐಸಿಸಿ ಚಿಂತನೆ ನಡ​ಸು​ತ್ತಿದೆ ಎಂದು ಮಾಧ್ಯ​ಮ​ಗ​ಳಲ್ಲಿ ವರ​ದಿ​ಯಾ​ಗಿತ್ತು. ಇದೇ ವೇಳೆ 2025ರ ಐಸಿಸಿ ಚಾಂಪಿ​ಯನ್‌ ಟ್ರೋಫಿ ಪಾಕಿ​ಸ್ತಾ​ನ​ದಿಂದ ಸ್ಥಳಾಂತ​ರ​ಗೊಂಡು ವಿಂಡೀಸ್‌, ಅಮೆ​ರಿ​ಕ​ದಲ್ಲಿ ನಡೆ​ಯ​ಲಿದೆ ಎನ್ನುವ ವರದಿ ಬಗ್ಗೆ ಇನ್ನಷ್ಟೇ ಸ್ಪಷ್ಟತೆ ಸಿಗ​ಬೇ​ಕಿ​ದೆ.

ಇಂದು/ನಾಳೆ ಏಕ​ದಿ​ನ ವಿಶ್ವ​ಕಪ್‌ ವೇಳಾ​ಪಟ್ಟಿ?

ಲಂಡ​ನ್‌: ಅಕ್ಟೋ​ಬ​ರ್‌-ನವೆಂಬ​ರ್‌​ನಲ್ಲಿ ಭಾರ​ತ​ದಲ್ಲಿ ನಡೆ​ಯ​ಲಿ​ರುವ ಬಹು​ನಿ​ರೀ​ಕ್ಷಿತ 13ನೇ ಆವೃ​ತ್ತಿಯ ಐಸಿಸಿ ಏಕ​ದಿನ ವಿಶ್ವ​ಕ​ಪ್‌ನ ವೇಳಾ​ಪ​ಟ್ಟಿ​ ಭಾನು​ವಾರ ಅಥವಾ ಸೋಮ​ವಾರ ಪ್ರಕ​ಟ​ಗೊ​ಳ್ಳುವ ಸಾಧ್ಯ​ತೆ​ಯಿದೆ. ಈಗಾ​ಗಲೇ ಬಿಸಿ​ಸಿಐ ಕಾರ‍್ಯ​ದರ್ಶಿ ಜಯ್‌ ಶಾ, ಟೆಸ್ಟ್‌ ವಿಶ್ವ ಚಾಂಪಿ​ಯ​ನ್‌​ಶಿಪ್‌ ಫೈನಲ್‌ ವೇಳೆ ಏ​ಕ​ದಿನ ವಿಶ್ವ​ಕಪ್‌ನ ವೇಳಾ​ಪಟ್ಟಿ ಪ್ರಕ​ಟ​ಗೊ​ಳ್ಳ​ಲಿದೆ ಎಂದಿ​ದ್ದರು. 

ಭಾನು​ವಾರ ಬಿಸಿ​ಸಿಐ ಅಧಿ​ಕಾ​ರಿ​ಗ​ಳು ಲಂಡ​ನ್‌​ನಲ್ಲಿ ಐಸಿಸಿ ಅಧಿ​ಕಾ​ರಿ​ಗಳ ಜೊತೆ ಚರ್ಚೆ ನಡೆ​ಸ​ಲಿದ್ದು, ಬಳಿಕ ಅಧಿ​ಕೃತ ವೇಳಾ​ಪಟ್ಟಿ ಪ್ರಕ​ಟಿ​ಸುವ ನಿರೀ​ಕ್ಷೆ​ಯಿದೆ. ಏಷ್ಯಾ​ಕಪ್‌, ವಿಶ್ವ​ಕ​ಪ್‌ಗೆ ಸಂಬಂಧಿ​ಸಿ​ದಂತೆ ಪಾಕ್‌ ಕ್ರಿಕೆಟ್‌ ಮಂಡ​ಳಿ ಹಾಗೂ ಬಿಸಿ​ಸಿಐ ನಡುವೆ ಘರ್ಷಣೆ ಏರ್ಪ​ಟ್ಟಿ​ರುವ ಹಿನ್ನೆ​ಲೆ​ಯಲ್ಲಿ ವೇಳಾ​ಪಟ್ಟಿ ವಿಳಂಬಗೊಳ್ಳುತ್ತಿರುವುದಾಗಿ ಹೇಳಲಾಗಿದೆ.

ಬಿಶನ್‌ ದಾಖ​ಲೆ ಮುರಿದ ಜಡೇ​ಜಾ

ಲಂಡನ್: ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ ಫೈನ​ಲ್‌​ನಲ್ಲಿ 4 ವಿಕೆಟ್‌ ಕಿತ್ತ ರವೀಂದ್ರ ಜಡೇಜಾ ಟೆಸ್ಟ್‌ನಲ್ಲಿ ಭಾರತದ ಅತ್ಯಂತ ಯಶಸ್ವಿ ಎಡಗೈ ಸ್ಪಿನ್ನರ್‌ ಎನಿಸಿಕೊಂಡಿ​ದ್ದಾರೆ. ಅವರು 65 ಪಂದ್ಯ​ಗ​ಳಲ್ಲಿ 268 ವಿಕೆಟ್‌ ಕಬ​ಳಿ​ಸಿದ್ದು, ಬಿಶನ್‌ ಸಿಂಗ್‌ ಬೇಡಿ ಅವರ 266 ವಿಕೆಟ್‌ಗಳ ದಾಖಲೆ ಮುರಿದರು. ​

ಅ​ಲ್ಲದೇ ಹೆಚ್ಚು ವಿಕೆಟ್‌ ಕಿತ್ತ ಎಡಗೈ ಸ್ಪಿನ್ನ​ರ್‌​ಗಳ ಪೈಕಿ ಜಾಗತಿಕ ಮಟ್ಟದಲ್ಲಿ 4ನೇ ಸ್ಥಾನ ಪಡೆ​ದಿ​ದ್ದಾರೆ. 433 ವಿಕೆಟ್‌ ಪಡೆದಿರುವ ಶ್ರೀಲಂಕಾದ ಹೆರಾತ್‌ಗೆ ಮೊದಲ, ನ್ಯೂಜಿ​ಲೆಂಡ್‌​ನ ವೆಟ್ಟೋರಿ(362), ಇಂಗ್ಲೆಂಡ್‌ನ ಡೆರೆಕ್‌ ಅಂಡರ್‌ವುಡ್‌(297)ಗೆ ಕ್ರಮವಾಗಿ 2, 3ನೇ ಸ್ಥಾನದಲ್ಲಿ​ದ್ದಾ​ರೆ.

ಡೆಲ್ಲಿ ಕೋಚ್‌ ಸ್ಥಾನ​ಕ್ಕೆ ರಿಕಿ ಪಾಂಟಿಂಗ್ ಬದಲು ಸೌರವ್ ಗಂಗೂ​ಲಿ?

ನವ​ದೆ​ಹ​ಲಿ: ಕಳೆ​ದೆ​ರಡು ಆವೃ​ತ್ತಿ​ಗ​ಳಲ್ಲಿ ಕಳಪೆ ಪ್ರದ​ರ್ಶನ ನೀಡಿ​ರುವ ಐಪಿ​ಎ​ಲ್‌ನ ಡೆಲ್ಲಿ ಕ್ಯಾಪಿ​ಟಲ್ಸ್‌ ತಂಡದ ಕೋಚ್‌ ಹುದ್ದೆ​ಯಿಂದ ರಿಕಿ ಪಾಂಟಿಂಗ್‌ಗೆ ಕೊಕ್‌ ನೀಡುವ ಸಾಧ್ಯ​ತೆ​ಯಿದ್ದು, ತಂಡದ ಕ್ರಿಕೆಟ್‌ ನಿರ್ದೇ​ಶ​ಕ​ರಾ​ಗಿ​ರು​ವ ಸೌರವ್‌ ಗಂಗೂಲಿ ನೂತನ ಕೋಚ್‌ ಆಗಿ ನೇಮಕಗೊಳ್ಳ​ಲಿ​ದ್ದಾರೆ ಎಂದು ಮಾಧ್ಯ​ಮ​ಗ​ಳಲ್ಲಿ ವರ​ದಿ​ಯಾ​ಗಿ​ದೆ.

ಪಾಂಟಿಂಗ್‌ 2018ರಿಂದಲೂ ಡೆಲ್ಲಿ ಕೋಚ್‌ ಆಗಿ ಕಾರ‍್ಯ​ನಿ​ರ್ವ​ಹಿ​ಸು​ತ್ತಿ​ದ್ದು, 2020ರಲ್ಲಿ ಮೊದಲ ಬಾರಿ ಡೆಲ್ಲಿ ಫೈನ​ಲ್‌​ ಪ್ರವೇ​ಶಿ​ಸಿತ್ತು. 2021ರಲ್ಲಿ ಲೀಗ್‌ ಹಂತ​ದಲ್ಲಿ ಅಗ್ರ​ಸ್ಥಾ​ನಿ​ಯಾ​ಗಿ​ದ್ದರೂ ಫೈನ​ಲ್‌​ಗೇ​ರಿ​ರ​ಲಿಲ್ಲ.

ಏಕ​ದಿ​ನ: ಯುಎಇ ವಿರುದ್ಧ ವಿಂಡೀ​ಸ್‌ 3-0 ಕ್ಲೀನ್‌​ಸ್ವೀ​ಪ್‌

ಶಾರ್ಜಾ: ಜೂ.18ರಿಂದ ಐಸಿಸಿ ಏಕ​ದಿನ ವಿಶ್ವ​ಕ​ಪ್‌ನ ಅರ್ಹತಾ ಟೂರ್ನಿಯಲ್ಲಿ ಆಡ​ಬೇ​ಕಿ​ರುವ ವೆಸ್ಟ್‌​ಇಂಡೀಸ್‌, ಯುಎಇ ವಿರು​ದ್ಧದ 3 ಪಂದ್ಯಗಳ ಏಕ​ದಿನ ಸರ​ಣಿ​ಯನ್ನು 3-0 ಅಂತ​ರ​ದಲ್ಲಿ ಗೆದ್ದು ಆತ್ಮ​ವಿ​ಶ್ವಾಸ ಹೆಚ್ಚಿ​ಸಿಕೊಂಡಿದೆ. ಶುಕ್ರ​ವಾ​ರ ನಡೆದ 3ನೇ ಹಾಗೂ ಕೊನೆಯ ಪಂದ್ಯ​ದಲ್ಲಿ ವಿಂಡೀಸ್‌ 4 ವಿಕೆಟ್‌ ಗೆಲುವು ಸಾಧಿ​ಸಿತು. ಮೊದಲು ಬ್ಯಾಟ್‌ ಮಾಡಿದ ಯುಎಇ ಚೆನ್ನೈ ಮೂಲದ ಅರ​ವಿಂದ್‌​(70)ರ ಆಕರ್ಷಕದ ಆಟದ ಹೊರ​ತಾ​ಗಿ​ಯೂ 36.1 ಓವ​ರ್‌​ಗಳಲ್ಲಿ 184ಕ್ಕೆ ಆಲೌ​ಟಾ​ಯಿತು. ಸುಲಭ ಗುರಿ ಬೆನ್ನ​ತ್ತಿದ ವಿಂಡೀಸ್‌ 35.1 ಓವ​ರ್‌​ಗ​ಳಲ್ಲಿ ಜಯ​ಗ​ಳಿ​ಸಿತು.