ವೆಸ್ಟ್‌ ಇಂಡೀಸ್ ವಿರುದ್ದ ತವರಿನಲ್ಲಿ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದಲ್ಲಿ ಆತಿಥೇಯ ಬಾಂಗ್ಲಾದೇಶ ಮೊದಲ ದಿನವೇ ಬಿಗಿ ಹಿಡಿತ ಸಾಧಿಸುವತ್ತ ದಿಟ್ಟ ಹೆಜ್ಜೆ ಇಟ್ಟಿದೆ. ಈ ಕುರಿತಾದ ಒಂದು ರಿಪೋರ್ಟ್ ಇಲ್ಲಿದೆ ನೋಡಿ.
ಢಾಕಾ(ಫೆ.04) ಆರಂಭಿಕ ಬ್ಯಾಟ್ಸ್ಮನ್ ಶದ್ಮಾನ್‌ ಇಸ್ಲಾಂ (59) ಬಾರಿಸಿದ ಚೊಚ್ಚಲ ಅರ್ಧಶತಕ ಹಾಗೂ ಶಕೀಬ್ ಅಲ್ ಹಸನ್‌ (39*) ಜವಾಬ್ದಾರಿಯುತ ಬ್ಯಾಟಿಂಗ್‌ನಿಂದ ಬಾಂಗ್ಲಾದೇಶ, ವೆಸ್ಟ್‌ ಇಂಡೀಸ್ ವಿರುದ್ಧ ಮೊದಲ ಟೆಸ್ಟ್‌ನ ಮೊದಲ ಇನ್ನಿಂಗ್ಸ್‌ನಲ್ಲಿ ಉತ್ತಮ ಮೊತ್ತದತ್ತ ಮುನ್ನಡೆದಿದೆ. ಮೊದಲ ದಿನಾದಾಟದಂತ್ಯಕ್ಕೆ ಬಾಂಗ್ಲಾದೇಶ 5 ವಿಕೆಟ್ ಕಳೆದುಕೊಂಡು 242 ರನ್‌ಗಳಿಸಿದೆ.
ಇಲ್ಲಿ ಆರಂಭವಾದ ಪಂದ್ಯದಲ್ಲಿ ಟಾಸ್‌ ಗೆದ್ದು ಬ್ಯಾಟಿಂಗ್‌ ಆರಂಭಿಸಿದ ಬಾಂಗ್ಲಾದೇಶ ಆರಂಭಿಕ ಆಘಾತ ಆನುಭವಿಸಿತು. ಅನುಭವಿ ಬ್ಯಾಟ್ಸ್ಮನ್ ತಮೀಮ್‌ ಇಕ್ಬಾಲ್‌ ಕೇವಲ 9 ರನ್‌ ಗಳಿಸಿ ವಿಕೆಟ್ ಒಪ್ಪಿಸಿದರು. ಆರಂಭಿಕ ಆಘಾತದ ಹೊರತಾಗಿಯೂ ಮತ್ತೋರ್ವ ಓಪನ್ನರ್‌ ಶದ್ಮಾನ್‌ ಇಸ್ಲಾಂ ಸಾಕಷ್ಟು ಎಚ್ಚರಿಕೆಯ ಬ್ಯಾಟಿಂಗ್‌ ನಡೆಸಿದರು. ಬರೋಬ್ಬರಿ 154 ಎಸೆತಗಳನ್ನು ಎದುರಿಸಿದ ಶದ್ಮಾನ್‌ 6 ಬೌಂಡರಿ ಸಹಿತ 59 ರನ್‌ ಬಾರಿಸಿ ವಿಕೆಟ್ ಒಪ್ಪಿಸಿದರು. ಇವರಿಗೆ ನಜ್ಮುಲ್ ಹುಸೈನ್‌(25), ನಾಯಕ ಮೊಮಿನುಲ್ ಹಕ್‌(26) ಹಾಗೂ ಮುಷ್ಫಿಕುರ್ ರಹೀಮ್ (38)ಉತ್ತಮ ಸಾಥ್ ನೀಡಿದರು.
ಭಾರತ ಸರಣಿಗೆ ಇಂಗ್ಲೆಂಡ್‌ ತಂಡ ಕೂಡಿಕೊಂಡ ಓಲಿ ಪೋಪ್‌
ಸದ್ಯ ಬಾಂಗ್ಲಾದೇಶದ ಮತ್ತೋರ್ವ ಅನುಭವಿ ಬ್ಯಾಟ್ಸ್ಮನ್ ಶಕೀಬ್ ಅಲ್ ಹಸನ್‌(39) ಹಾಗೂ ವಿಕೆಟ್ ಕೀಪರ್‌ ಬ್ಯಾಟ್ಸ್ಮನ್ ಲಿಟನ್‌ ದಾಸ್(34) ಎರಡನೇ ದಿನದಾಟಕ್ಕೆ ಕ್ರೀಸ್‌ ಕಾಯ್ದುಕೊಂಡಿದ್ದು, ಈ ಜೋಡಿಯ ಜತೆಯಾಟದ ಮೇಲೆ ಪಂದ್ಯದ ದಿಕ್ಕು ನಿರ್ಧಾರವಾಗುವ ಸಾಧ್ಯತೆಯಿದೆ
An unbeaten 49-run stand between Shakib Al Hasan and Liton Das has helped Bangladesh to 242/5 at stumps on day one 🏏
Who will top-score for them tomorrow? ➡️ https://t.co/OYKP4vYfsj pic.twitter.com/3vWv5zLLP3
ಇನ್ನು ವಿಂಡೀಸ್‌ ಪರ ಜೊಮೆಲ್‌ ವರಿಕನ್‌ 3 ವಿಕೆಟ್ ಪಡೆದರೆ, ಕೀಮರ್‌ ರೋಚ್‌ ಕೇವಲ ಒಂದು ವಿಕೆಟ್ ಕಬಳಿಸಿದ್ದಾರೆ.
ಸ್ಕೋರ್‌: ಬಾಂಗ್ಲಾದೇಶ 242/5 (ಮೊದಲ ದಿನದಂತ್ಯಕ್ಕೆ)