ICC T20 World Cupಗೂ ಮುನ್ನ ಟೆನ್ಷನ್​ ತಂದೊಡ್ಡಿದ ಸ್ಟಾರ್ ಪ್ಲೇಯರ್ಸ್..!

* ಐಸಿಸಿ ಟಿ20 ವಿಶ್ವಕಪ್ ಟೂರ್ನಿಗೂ ಮುನ್ನ ಟೀಂ ಇಂಡಿಯಾಗೆ ಶುರುವಾಗಿದೆ ಟೆನ್ಷನ್‌ * ಫಾರ್ಮ್‌ ಸಮಸ್ಯೆ ಎದುರಿಸುತ್ತಿದ್ದಾರೆ ಟೀಂ ಇಂಡಿಯಾ ಸ್ಟಾರ್ ಆಟಗಾರರು * ಆಸ್ಟ್ರೇಲಿಯಾದಲ್ಲಿ ನಡೆಯಲಿದೆ ಐಸಿಸಿ ಟಿ20 ವಿಶ್ವಕಪ್‌

ಮುಂಬೈ(ಏ.27): 15ನೇ ಐಪಿಎಲ್​​ನಲ್ಲಿ​​ ದೇಶಿ ಹಾಗೂ ವಿದೇಶಿ ಪ್ಲೇಯರ್ಸ್​ ರನ್​ ಹೊಳೆಯನ್ನೇ ಹರಿಸ್ತಿದ್ದಾರೆ. ಆದ್ರೆ ಟೀಂ​ ಇಂಡಿಯಾದ (Team India) ಟಾಪ್​​ ಕ್ರಿಕೆಟರ್ಸ್​ ನೆಲಕಚ್ಚಿದ್ದಾರೆ. ಆವೃತ್ತಿಯ ಮೊದಲಾರ್ಧ ಮುಗಿದು, ಸೆಕೆಂಡ್​​ ಹಾಫ್​​​ ಆರಂಭಗೊಂಡಿದೆ. ಭಾರತ ತಂಡದ ನಂಬಿಗಸ್ಥ ಆಟಗಾರರೆಲ್ಲಾ ಮೊದಲಾರ್ಧದಲ್ಲಿ ಪ್ಲಾಫ್​ ಶೋ ನೀಡಿದ್ದು, ಬಿಸಿಸಿಐಗೆ (BCCI) ದೊಡ್ಡ ತಲೆನೋವಾಗಿ ಪರಿಣಮಿಸಿದೆ. ಈ ವರ್ಷಾಂತ್ಯ ಟಿ20 ವಿಶ್ವಕಪ್ ನಡೆಯಲಿದೆ. ಇಂತಹ ಟೈಮಲ್ಲಿ ಮೆನ್​​ ಇನ್​ ಬ್ಲೂ ಪಡೆಯ ಅರ್ಧ ಡಜನ್​​​ಗೂ ಅಧಿಕ ಪ್ಲೇಯರ್ಸ್​ ಬ್ಯಾಡ್​​ ಫಾರ್ಮ್​ ಸುಳಿಗೆ ಸಿಲುಕಿರೋದು ಬಿಸಿಸಿಐ ಹಾಗೂ ಫ್ಯಾನ್ಸ್​​ಗೆ ದೊಡ್ಡ ತಲೆನೋವಾಗಿ ಪರಿಣಮಿಸಿದೆ.

ಒಂದೂ ಅರ್ಧಶತಕವಿಲ್ಲ.. ಕೊಹ್ಲಿ ಗಳಿಸಿದ್ದು ಬರೀ 119 ರನ್​​: 

ವಿರಾಟ್ ಕೊಹ್ಲಿಯ (Virat Kohli) ಬಿಗ್​ ಫೇಲ್ಯೂರ್​​ ಟೀಂ​ ಇಂಡಿಯಾ (Team India) ಹಾಗೂ ಆರ್​ಸಿಬಿಗೆ ದೊಡ್ಡ ಹಿನ್ನಡೆಯಾಗಿದೆ. ವಿರಾಟ್ ಕೊಹ್ಲಿ ಹಿಂದೆಂದೂ ಕಾಣದಷ್ಟು ವೈಫಲ್ಯ ಅನುಭವಿಸ್ತಿದ್ದಾರೆ. ಮೊದಲಾರ್ಧದಲ್ಲಿ ಒಂದೂ ಅರ್ಧಶತಕ ಸಿಡಿಸಿಲ್ಲ. 17ರ ಅವರೇಜ್​​ನಲ್ಲಿ ಜಸ್ಟ್​ 119 ರನ್​​ ಗಳಿಸಿದ್ದಾರೆ. ಟೀಂ​ ಇಂಡಿಯಾದ ಈ ಲೆಜೆಂಡ್ ಕ್ರಿಕೆಟರ್​ ದ್ವಿತಿಯಾರ್ಧದಲ್ಲಿ ಫಾರ್ಮ್​ ಕಂಡುಕೊಳ್ಳಲೇಬೇಕಿದೆ.

19.13ರ ಅವರೇಜ್​​​ನಲ್ಲಿ 153 ರನ್​​​​ ಬಾರಿಸಿರೋ ರೋಹಿತ್:

ವಿಶ್ವದ ಬೆಸ್ಟ್​ ಓಪನರ್ ರೋಹಿತ್​​ ಶರ್ಮಾರ (Rohit Sharma) ಪ್ರದರ್ಶನ ಕೂಡ ನೀರಾಶದಾಯಕವಾಗಿದೆ. ಈವರೆಗೆ ರೋಹಿತ್ ಶರ್ಮಾ ಮುಂಬೈ ಇಂಡಿಯನ್ಸ್ (Mumbai India) ಪರ ಬರೀ 153 ರನ್ ಬಾರಿಸಿದ್ದಾರೆ. ಹಾಫ್​ಸೆಂಚುರಿ, ಸೆಂಚುರಿ ಮರೆಯಾಗಿದೆ. ಇನ್ನು ಕ್ಯಾಪ್ಟನ್ಸಿಯಲ್ಲೂ ಫೇಲಾಗಿದ್ಧಾರೆ. ಇವರ ನಾಯಕತ್ವದಲ್ಲಿ ಮುಂಬೈ ಇಂಡಿಯನ್ಸ್ ಆಡಿರುವ 8ರಲ್ಲೂ ಮುಗ್ಗರಿಸಿದೆ. ಟೀಂ​ ಇಂಡಿಯಾದ ಕ್ಯಾಪ್ಟನ್ನೇ ಹೀಗಾದ್ರೆ ತಂಡದ ಕಥೆಯೇನು ಅನ್ನೋ ಪ್ರಶ್ನೆ ಎದ್ದಿದೆ.

ಎಲ್ಲಿ ಹೋದ್ರು ಆ ಹಳೆಯ ಬುಮ್ರಾ:

15ನೇ ಐಪಿಎಲ್​​​ ಸೀಸನ್​ ಅನ್ನ ಫಾಲೋ ಮಾಡೋರಿಗೆ ಈ ಪ್ರಶ್ನೆ ಖಂಡಿತ ಕಾಡಿರುತ್ತೆ. ಮುಂಬೈ ಇಂಡಿಯನ್ಸ್​ ತಂಡದ ಸ್ಟಾರ್​ ಬೌಲರ್​ ಜಸ್​ಪ್ರಿತ್​ ಬುಮ್ರಾ (Jasprit Bumrah) ತಮ್ಮ ಹಳೇ ಚಾರ್ಮ್​ ಕಳೆದುಕೊಂಡಿದ್ದಾರೆ. ಪ್ರತಿ ಸಲ ವಿಕೆಟ್​ ಗುಡ್ಡೆ ಹಾಕ್ತಿದ್ದ ಬುಮ್ರಾ ಈ ಸಲ ಬರೀ 5 ವಿಕೆಟ್​ ಪಡೆದಿದ್ದಾರೆ. ಇವರ ವೈಫಲ್ಯ ಮುಂಬೈ ತಂಡದ ದಯನೀಯ ವೈಫಲ್ಯಕ್ಕೆ ಕಾರಣವಾಗಿದೆ. 

15 ಕೋಟಿ ಕುಬೇರ ಗಳಿಸಿದ್ದು ಬರೀ 199 ರನ್​:

ಇನ್ನು ಆಕ್ಷನ್​​ನಲ್ಲಿ 15 ಕೋಟಿ ಬಾಚಿದ್ದ  ಇಶಾನ್​ ಕಿಶನ್ (Ishan Kishan)​ ರನ್​​ಗಾಗಿ ಹೆಣಗಾಡ್ತಿದ್ದಾರೆ. ಆರಂಭಿಕನಾಗಿ ರನ್​ ಬರ ಎದುರಿಸ್ತಿರೋ ಲೆಫ್ಟಿ ಬ್ಯಾಟರ್​​ ಆಡಿದ 8 ಪಂದ್ಯಗಳಿಂದ 199 ರನ್​ ಗಳಿಸಿದ್ದಾರಷ್ಟೇ. ಉಳಿದ 6 ಪಂದ್ಯಗಳಲ್ಲಿ ಲಯ ಮರಳದಿದ್ರೆ ಪ್ಲೇಯಿಂಗ್​ ಇಲೆವೆನ್​ನಿಂದ ಕಿಟಾಗೋ ಪರಿಸ್ಥಿತಿ ಬಂದೀತು. 

ಇವರಷ್ಟೇ ಅಲ್ಲದೇ ಮಿಡಲ್ ಆರ್ಡರ್​ ಸ್ಪೆಶಲಿಸ್ಟ್ ಶ್ರೇಯಸ್​ ಅಯ್ಯರ್ (Shreyas Iyer)​​, ರಿಷಭ್​​ ಪಂತ್ (Rishabh Pant)​​​ ಹಾಗೂ ಸೂರ್ಯಕುಮಾರ್​​ ಯಾದವ್ (Suryakumar Yadav)​ ಕೂಡ ಸ್ಥಿರ ಪ್ರದರ್ಶನ ನೀಡ್ತಿಲ್ಲ. ಅಯ್ಯರ್​​​​ 248, ಪಂತ್​​​ 188 ರನ್​ ಗಳಿಸಿದ್ರೆ ಸೂರ್ಯಕುಮಾರ್​ 239 ರನ್​ ಗಳಿಸಿದ್ದಾರೆ. ಫೈನಲಿ 11ರ ಪೈಕಿ, 7 ಪ್ಲೇಯರ್ಸ್​ ಬ್ಯಾಡ್​ ಫಾರ್ಮ್​ ಸುಳಿಗೆ ಸಿಲುಕಿದ್ದಾರೆ. ಸೆಕೆಂಡ್​​​ ಹಾಫ್​​ನಲ್ಲೂ ಇವರು ಲಯ ಕಂಡುಕೊಳ್ಳದಿದ್ರೆ ಟಿ20 ವಿಶ್ವಕಪ್​​​ನಲ್ಲಿ ಭಾರತ ಕಳೆದ ಬಾರಿಯಂತೆ ಲೀಗ್​​​​ನಲ್ಲೇ ಕಿಕೌಟಾದ್ರು ಅಚ್ಚರಿಯಿಲ್ಲ.