IPL 2022 ಬ್ರ್ಯಾಂಡ್ ಸಿಎಸ್ಕೆ ಅಲ್ಲ, ಬ್ರ್ಯಾಂಡ್ ಎಂಎಸ್ ಧೋನಿ..!
ಸಾರಾಂಶ
* ವಯಸ್ಸು ನಲವತ್ತಾದರೂ ಇನ್ನೂ ಖದರ್ ಉಳಿಸಿಕೊಂಡಿರುವ ಮಹೇಂದ್ರ ಸಿಂಗ್ ಧೋನಿ * ಧೋನಿ ಆಟ ಕಣ್ತುಂಬಿಕೊಳ್ಳಲು ಕಾತರದಿಂದ ಕಾಯುತ್ತಾರೆ ಅಭಿಮಾನಿಗಳು * ಚೆನ್ನೈ ಮತ್ತು ಮುಂಬೈ ಇಂಡಿಯನ್ಸ್ ನಡುವಿನ ಪಂದ್ಯವನ್ನು ಬರೋಬ್ಬರಿ 8.3 ಮಿಲಿಯನ್ ಮಂದಿ ವೀಕ್ಷಣೆ
ಬೆಂಗಳೂರು(ಏ.27): ಬ್ರ್ಯಾಂಡ್ ಅಂದರೆ ಆ ಹೆಸರಿನಲ್ಲಿ ಒಂದು ಗತ್ತಿದೆ, ಅದು ಎಲ್ಲರಿಗೂ ಗೊತ್ತಿರುತ್ತೆ. ಇದು ಜಸ್ಟ್ ಕೆಜಿಎಫ್ ಮೂವಿ ಡೈಲಾಗ್ ಮಾತ್ರವಲ್ಲ, ಇಡೀ ಐಪಿಎಲ್ ಅನ್ನು ಹಿಡಿದಿಟ್ಟಿರೋ ಬ್ರ್ಯಾಂಡ್. ಹೌದು, ಕಲರ್ ಫುಲ್ ಟೂರ್ನಿಯಲ್ಲಿ ಆಟಕ್ಕೆ ಬೆಲೆ ಇಲ್ಲ. ಇಲ್ಲಿ ಬ್ರ್ಯಾಂಡ್ಗೆ ಮಾತ್ರ ಬೆಲೆ. ಕೆಎಲ್ ರಾಹುಲ್ (KL Rahul), ಜೋಸ್ ಬಟ್ಲರ್ ಎರೆಡೆರಡು ಸೆಂಚುರಿಗಳನ್ನ ಸಿಡಿಸಿದ್ರು. ರಾಹುಲ್ ತೆವಾಟಿಯಾ, ಡೇವಿಡ್ ಮಿಲ್ಲರ್ ಕೊನೆ ಬಾಲ್ನಲ್ಲಿ ಸಿಕ್ಸ್ ಬಾರಿಸಿ ಪಂದ್ಯಗಳನ್ನ ಗೆಲ್ಲಿಸಿದ್ದಾರೆ. ಆದ್ರೆ ಆ ಪಂದ್ಯಗಳನ್ನ ಯಾರೂ ನೋಡಲಿಲ್ಲ. ಆ ಮ್ಯಾಚ್ಗಳಿಗೆ ರೇಟಿಂಗ್ ಸಹ ಬರಲಿಲ್ಲ. ಆದ್ರೆ ಐಪಿಎಲ್ನಲ್ಲಿ ಒಂದು ಬ್ರ್ಯಾಂಡ್ ಇದೆಯಲ್ಲಾ. ಆ ಬ್ರ್ಯಾಂಡ್ ಕ್ರೀಸಿನಲ್ಲಿದ್ದರೆ, ಲಕ್ಷಾಂತರ ಮಂದಿ ಟಿವಿ ಮುಂದೆ ಕೂತು ಬಿಡ್ತಾರೆ. ಆ ಬ್ರ್ಯಾಂಡೇ ಮಹೇಂದ್ರ ಸಿಂಗ್ ಧೋನಿ(Mahendra Singh Dhoni).
ಆ ಎರಡು ತಂಡಗಳ ಪಂದ್ಯವನ್ನ ವೀಕ್ಷಿಸಿದವರ ಸಂಖ್ಯೆ ಎಷ್ಟು ಗೊತ್ತಾ..?:
ಈ ಸೀಸನ್ ಐಪಿಎಲ್ನಲ್ಲಿ ತೀರ ಕಳಪೆ ಪ್ರದರ್ಶನ ನೀಡಿ, ಲೀಗ್ನಿಂದಲೇ ಹೊರಬೀಳಲು ರೆಡಿಯಾಗಿರುವ ತಂಡಗಳೆಂದರೆ ಚೆನ್ನೈ ಸೂಪರ್ ಕಿಂಗ್ಸ್ (Chennai Super Kings) ಮತ್ತು ಮುಂಬೈ ಇಂಡಿಯನ್ಸ್ (Mumbai Indians). ಈ ಎರಡು ಟೀಮ್ಸ್ ಏಪ್ರಿಲ್ 21ರಂದು ಡಿವೈ ಪಾಟೀಲ್ ಸ್ಟೇಡಿಯಂನಲ್ಲಿ ಮುಖಾಮುಖಿಯಾಗಿದ್ದವು. ಕೊನೆ 4 ಬಾಲ್ನಲ್ಲಿ ಸಿಎಸ್ಕೆ ಗೆಲುವಿಗೆ 16 ರನ್ ಬೇಕಿತ್ತು. ಕ್ರೀಸಿನಲ್ಲಿದ್ದ ಎಂಎಸ್ ಧೋನಿ, ಬೌಂಡ್ರಿ, ಸಿಕ್ಸರ್ಗಳನ್ನ ಸಿಡಿಸಿ ಪಂದ್ಯ ಗೆಲ್ಲಿಸಿದ್ರು. ಆ ಪಂದ್ಯದ ವೀಕ್ಷಕರ ಸಂಖ್ಯೆ ಈ ಐಪಿಎಲ್ನಲ್ಲೇ ಅತ್ಯಧಿಕ. ಪಾಯಿಂಟ್ ಟೇಬಲ್ನಲ್ಲಿ ಕೊನೆ ಸ್ಥಾನದಲ್ಲಿದ್ದರೂ ವೀವರ್ಶಿಪ್ನಲ್ಲಿ ಮಾತ್ರ ಈ ಪಂದ್ಯ ದಾಖಲೆ ಬರೆದಿದೆ.
8 ಮಿಲಿಯನ್ಗೂ ಹೆಚ್ಚು ಮಂದಿಯಿಂದ ಪಂದ್ಯ ವೀಕ್ಷಣೆ:
ಯೆಸ್, ಚೆನ್ನೈ ಮತ್ತು ಮುಂಬೈ ಇಂಡಿಯನ್ಸ್ ನಡುವಿನ ಪಂದ್ಯವನ್ನು ಅಂದು ಬರೋಬ್ಬರಿ 8.3 ಮಿಲಿಯನ್ ಅಂದರೆ 83 ಲಕ್ಷ ಮಂದಿ ಹಾಟ್ ಸ್ಟಾರ್ನಲ್ಲಿ ವೀಕ್ಷಿಸಿದ್ದಾರೆ. ಇನ್ನು ಸಿಎಸ್ಕೆ ಹಾಗೂ ಆರ್ಸಿಬಿ ಪಂದ್ಯವನ್ನ 82 ಮಂದಿ ವೀಕ್ಷಿಸಿದ್ದರೆ, ಮೊನ್ನೆ ಚೆನ್ನೈ-ಪಂಜಾಬ್ ಮ್ಯಾಚನ್ನು 81 ಲಕ್ಷ ಮಂದಿ ನೋಡಿದ್ದಾರೆ. ಇದು ಬರೀ ಹಾಟ್ ಸ್ಟಾರ್ನಲ್ಲಿ ಮಾತ್ರ. 80 ಲಕ್ಷಕ್ಕೂ ಅಧಿಕ ಪಂದ್ಯ ವೀಕ್ಷಿಸಿರುವ ಮೂರು ಪಂದ್ಯಗಳೂ ಸಿಎಸ್ಕೆ ಆಡಿದ್ದು ಅನ್ನೋದೇ ವಿಶೇಷ. ಮುಂಬೈ-ಆರ್ಸಿಬಿ ವಿರುದ್ಧದ ಸಿಎಸ್ಕೆ ಗೆದ್ದರೆ, ಪಂಜಾಬ್ ವಿರುದ್ಧ ಸೋತಿತ್ತು. ಆದರೆ ಈ ಮೂರು ಪಂದ್ಯಗಳೂ ರೋಚಕವಾಗಿ ಅಂತ್ಯಗೊಂಡಿದ್ದವು.
ಮೂರು ಮ್ಯಾಚ್ನಲ್ಲೂ ಕೊನೆಯವರೆಗೂ ಕ್ರೀಸಿನಲ್ಲಿದ್ದ ಮಹಿ:
ಪಂದ್ಯಗಳು ರೋಚಕವಾಗಿ ಅಂತ್ಯಗೊಂಡಿದ್ದರಿಂದ ಹೆಚ್ಚು ಮಂದಿ ವೀಕ್ಷಿಸಿಲ್ಲ. ಎಂಎಸ್ ಧೋನಿ ಅನ್ನೋ ಬ್ರ್ಯಾಂಡ್ ಮೈದಾನದಲ್ಲಿದ್ದ ಕಾರಣಕ್ಕೆ ಇಷ್ಟು ಮಂದಿ ಪಂದ್ಯ ವೀಕ್ಷಿಸಿದ್ದಾರೆ. ಹೌದು, ನಿಮಗೆ ಆಶ್ಚರ್ಯವಾದ್ರೂ ಇದು ನಿಜ. ಮುಂಬೈ ವಿರುದ್ಧ ಧೋನಿಯೇ ಮ್ಯಾಚ್ ಫಿನಿಶ್ ಮಾಡಿದ್ದು. ಇನ್ನು ಆರ್ಸಿಬಿ 217 ರನ್ ಬೆನ್ನಟ್ಟಿ 193 ರನ್ ಗಳಿಸಿ ಪಂದ್ಯ ಸೋತಿತು. ಇದಕ್ಕೆ ಕಾರಣ ಧೋನಿ ಮಾಸ್ಟರ್ ಮೈಂಡ್. ಇನ್ನು ಪಂಜಾಬ್ ಕಿಂಗ್ಸ್ ವಿರುದ್ಧ ಧೋನಿ ಒಂದು ಬೌಂಡ್ರಿ, ಒಂದು ಸಿಕ್ಸ್ ಬಾರಿಸಿ ಸಿಡಿಯುವ ಮುನ್ಸೂಚನೆ ನೀಡಿದ್ದರು. ಆದ್ರೆ 12 ರನ್ ಗಳಿಸಿ ಔಟಾಗೋ ಮೂಲಕ ಪಂಜಾಬ್ 11 ರನ್ನಿಂದ ರೋಚಕವಾಗಿ ಗೆದ್ದಿತು. ಧೋನಿ ಕ್ರೀಸಿನಲ್ಲಿದ್ದರೆ ಪಂದ್ಯ ಗೆಲ್ಲಿಸುತ್ತಾರೆ ಅನ್ನೋ ಭರವಸೆಯಿಂದ ಹೆಚ್ಚು ಮಂದಿ ಪಂದ್ಯ ವೀಕ್ಷಿಸಿದ್ದಾರೆ. ಇದೇ ಧೋನಿ ತಾಕತ್ತು.
IPL 2022: ರಾಜಸ್ಥಾನ ರಾಯಲ್ಸ್ ಎದುರು ಹರ್ಷಲ್ ಪಟೇಲ್ ಈ ರೀತಿ ಮಾಡಿದ್ದು ಸರಿನಾ..?
ನಿವೃತ್ತಿಯಾದ್ರೂ ಧೋನಿ ಬ್ರ್ಯಾಂಡ್ ಕಮ್ಮಿಯಾಗಿಲ್ಲ:
ಧೋನಿ ವಯಸ್ಸು 40. ಅಂತಾರಾಷ್ಟ್ರೀಯ ಕ್ರಿಕೆಟ್ನಿಂದ ನಿವೃತ್ತಿ ಘೋಷಿಸಿಯಾಗಿದೆ. ಡೊಮೆಸ್ಟಿಕ್ ಕ್ರಿಕೆಟ್ ಸಹ ಆಡ್ತಿಲ್ಲ. ಆಡ್ತಿರೋದು ಐಪಿಎಲ್ ಮಾತ್ರ. ಆದ್ರೂ ಧೋನಿ ಖದರ್ ಕಮ್ಮಿಯಾಗಿಲ್ಲ. ಬ್ರ್ಯಾಂಡ್ ವ್ಯಾಲ್ಯೂ ಇಳಿದಿಲ್ಲ. ಸಿಎಸ್ಕೆ 8ರಲ್ಲಿ 6 ಪಂದ್ಯ ಸೋತಿದೆ. ಪ್ಲೇ ಆಫ್ ಕನಸು ಸಹ ನುಚ್ಚುನೂರಾಗಿದೆ. ಆದ್ರೆ ಸಿಎಸ್ಕೆ ಆಡೋ ಪಂದ್ಯ ನೋಡೋರ ಸಂಖ್ಯೆ ಮಾತ್ರ ಕಮ್ಮಿಯಾಗಿಲ್ಲ. ಯಾಕಂದ್ರೆ ಎಂಎಸ್ ಧೋನಿ ಅನ್ನೋ ಬ್ರ್ಯಾಂಡ್. ಅದಕ್ಕೆ ನಾವ್ ಮೊದಲೇ ಹೇಳಿದ್ದು. ಆ ಹೆಸರಿನಲ್ಲಿ ಒಂದು ಗತ್ತಿದೆ. ಅದು ಎಲ್ಲರಿಗೂ ಗೊತ್ತಿರುತ್ತೆ ಅಂತ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.