ರಿಷಭ್‌ ಪಂತ್​ರಿಂದ ಆಸ್ಟ್ರೇಲಿಯಾಗೆ ಸಾವಿರಾರು ಕೋಟಿ ಲಾಭ...?

ರಿಷಭ್ ಪಂತ್ ಆಡಿದ ಒಂದು ಇನಿಂಗ್ಸ್‌ನಿಂದ ಕ್ರಿಕೆಟ್‌ ಆಸ್ಟ್ರೇಲಿಯಾಗೆ ಸಾವಿರಾರು ಕೋಟಿ ಲಾಭ ಟಿವಿ ರೈಟ್ಸ್​ನಿಂದ ಕ್ರಿಕೆಟ್ ಆಸ್ಟ್ರೇಲಿಯಾಗೆ 2 ಸಾವಿರ ಕೋಟಿ ರುಪಾಯಿ ರಿಷಭ್ ಪಂತ್​ ಅವರ ಗಾಬಾ ಇನ್ನಿಂಗ್ಸ್​ಗೆ ಕ್ರಿಕೆಟ್ ಫ್ಯಾನ್ಸ್ ಫಿದಾ

ಸಿಡ್ನಿ(ಜು.26): ರಿಷಭ್ ಪಂತ್​. ಟೆಸ್ಟ್​ನಲ್ಲಿ 5 ಶತಕ ಹೊಡೆದಿದ್ದರೂ ಇತ್ತೀಚೆಗಷ್ಟೇ ಇಂಗ್ಲೆಂಡ್ ವಿರುದ್ಧ ಸೆಂಚುರಿ ಸಿಡಿಸಿ ಭಾರತಕ್ಕೆ ಏಕದಿನ ಸರಣಿ ಗೆಲ್ಲಿಸಿಕೊಟ್ಟ ನಂತರವಷ್ಟೇ ಅವರು ಭಾರತದ ಸ್ಟಾರ್ ಪ್ಲೇಯರ್ಸ್ ಲಿಸ್ಟ್​ಗೆ ಸೇರಿರೋದು. ಇತ್ತೀಚೆಗಂತೂ ಇತರೆ ಭಾರತೀಯ ಸ್ಟಾರ್ ಆಟಗಾರರಿಗೆ ಸೆಡ್ಡು ಹೊಡೆದು ನಿಲ್ಲುತ್ತಿದ್ದಾರೆ. ಪಂತ್ ಬ್ಯಾಟ್ ಹಿಡಿದು ಕ್ರೀಸಿಗಿಳಿದ್ರೆ ಒಂದಲ್ಲ ಒಂದು ರೆಕಾರ್ಡ್​ ಬ್ರೇಕ್ ಮಾಡಿಯೇ ಮಾಡ್ತಾರೆ. ಇಂಥಹ ಸ್ಟಾರ್ ಪ್ಲೇಯರ್​ನಿಂದ ಬಿಸಿಸಿಐಗೆ ಲಾಭವಾಗಬೇಕು. ಆದ್ರೆ ರಿಷಭ್ ಪಂತ್​ರಿಂದ ಸಾವಿರಾರು ಕೋಟಿ ಲಾಭ ಮಾಡಿಕೊಂಡಿದ್ದು ಮಾತ್ರ ಕ್ರಿಕೆಟ್ ಆಸ್ಟ್ರೇಲಿಯಾ. ಇದು ಆಶ್ಚರ್ಯವಾದ್ರೂ ನಿಜ.

ಟಿವಿ ರೈಟ್ಸ್​ನಿಂದ ಕ್ರಿಕೆಟ್ ಆಸ್ಟ್ರೇಲಿಯಾಗೆ 2 ಸಾವಿರ ಕೋಟಿ ರುಪಾಯಿ: 

ಇತ್ತೀಚೆಗೆ ಕ್ರಿಕೆಟ್ ಆಸ್ಟ್ರೇಲಿಯಾ ತಾನು ಆತಿಥ್ಯ ವಹಿಸುವ ಟೂರ್ನಿಗಳ ಟಿವಿ ರೈಟ್ಸ್ ಮಾರಾಟಕ್ಕೆ ಬಿಡ್ಡಿಂಗ್ ಕರೆದಿತ್ತು. 7 ವರ್ಷಗಳ ಅವಧಿಗೆ ಆಸ್ಟ್ರೇಲಿಯಾ ಪಂದ್ಯಗಳ ಮಾಧ್ಯಮ ಹಕ್ಕುಗಳನ್ನು ಡಿಸ್ನಿ ಸ್ಟಾರ್ ಬರೋಬ್ಬರಿ 2 ಸಾವಿರ ಕೋಟಿ ರುಪಾಯಿಗೆ ಖರೀದಿಸಿದೆ. ಅದು ಏಷ್ಯಾ ರಾಷ್ಟ್ರಗಳಲ್ಲಿ ನೇರ ಪ್ರಸಾರ ಮಾಡಲು ಮಾತ್ರ. ಕಾಂಗರೂಗಳ ಪಂದ್ಯಗಳಿಗೆ ಇಷ್ಟು ಮೊತ್ತದ ಹಣ ನೀಡಿ ಖರೀದಿಸಲು ಕಾರಣ ರಿಷಭ್ ಪಂತ್​ ಅವರ ಗಾಬಾ ಇನ್ನಿಂಗ್ಸ್. 

ರಿಷಭ್ ಪಂತ್​ ಅವರ ಗಾಬಾ ಇನ್ನಿಂಗ್ಸ್​ಗೆ ಕ್ರಿಕೆಟ್ ಫ್ಯಾನ್ಸ್ ಫಿದಾ: 

ಕಳೆದ ವರ್ಷ ಆಸ್ಟ್ರೇಲಿಯಾ ಟೂರ್​ಗೆ ಹೋಗಿದ್ದ ಟೀಂ ಇಂಡಿಯಾ 2-1ರಿಂದ ಟೆಸ್ಟ್ ಸರಣಿ ಗೆದ್ದುಕೊಂಡು ಬಂದಿತ್ತು. 4ನೇ ಹಾಗೂ ಕೊನೆ ಟೆಸ್ಟ್​ನಲ್ಲಿ ಗೆಲುವಿಗೆ 328 ರನ್ ಬೆನ್ನಟ್ಟಿದ್ದ ಭಾರತ, 7 ವಿಕೆಟ್​ಗಳಿಂದ ರೋಚಕ ಜಯ ಸಾಧಿಸಿತ್ತು. ಅದಕ್ಕೆ ಕಾರಣ ರಿಷಭ್ ಪಂತ್. ಹೌದು, ಅಂದು ಪಂತ್ ಅಜೇಯ 89 ರನ್ ಸಿಡಿಸಿ, ಗೆಲುವಿನ ರೂವಾರಿಯಾಗಿದ್ದರು. ಟೀಂ ಇಂಡಿಯಾ ಸತತ 2ನೇ ಬಾರಿಗೆ ಆಸ್ಟ್ರೇಲಿಯಾದಲ್ಲಿ ಟೆಸ್ಟ್ ಸರಣಿ ಗೆದ್ದು ಇತಿಹಾಸ ನಿರ್ಮಿಸಿತ್ತು.

ಟೆಸ್ಟ್ ಕ್ರಿಕೆಟ್​ನಲ್ಲಿ 328 ರನ್ ಟಾರ್ಗೆಟ್ ಬೆನ್ನಟ್ಟಿ ಗೆಲ್ಲುವುದು ಸುಲಭಲ್ಲ. ಅದು ಐದಾರು ಮಂದಿ ಸ್ಟಾರ್ ಪ್ಲೇಯರ್ಸ್ ಅನುಪಸ್ಥಿತಿಯಲ್ಲಿ. ಅಂದು ರಿಷಭ್ ಪಂತ್ ಅವರ ಅಜೇಯ 89 ರನ್​ಗಳ ಭರ್ಜರಿ ಬ್ಯಾಟಿಂಗ್​ ಅನ್ನು ವಿಶ್ವದಾದ್ಯಂತ ಕ್ರಿಕೆಟ್ ಪ್ರೇಮಿಗಳು ಟಿವಿಯಲ್ಲಿ ವೀಕ್ಷಿಸಿದ್ದರು. ಹೀಗಾಗಿ ಆಸ್ಟ್ರೇಲಿಯಾ ಪಂದ್ಯಗಳ ವಾಲ್ಯೂ ಕೂಡ ಹೆಚ್ಚಾಗಿತ್ತು. ಇದೇ ಕಾರಣದಿಂದಾಗಿ ಈ ಬಾರಿ ಆಸ್ಟ್ರೇಲಿಯಾ ಪಂದ್ಯಗಳ ಟಿವಿ ರೈಟ್ಸ್​​ ಪಡೆಯಲು ಭಾರಿ ಪೈಪೋಟಿ ಏರ್ಪಟ್ಟಿತ್ತು.

ಮುಂದಿನ 7 ವರ್ಷಗಳಲ್ಲಿ ಭಾರತ ತಂಡ ಆಸ್ಟ್ರೇಲಿಯಾದಲ್ಲಿ ಹಲವು ಸರಣಿ ಆಡಲಿದೆ. ಹಾಗಾಗಿ ಆಸ್ಟ್ರೇಲಿಯಾದಲ್ಲಿ ನಡೆಯುವ ಪಂದ್ಯಗಳನ್ನ ನೇರ ಪ್ರಸಾರ ಮಾಡಲು ಡಿಸ್ನಿ ಸ್ಟಾರ್ 2 ಸಾವಿರ ಕೋಟಿ ಕೊಟ್ಟು ಖರೀದಿಸಿರುವುದು. ನಿರೀಕ್ಷೆಗೂ ಮೀರಿ ಕ್ರಿಕೆಟ್ ಆಸ್ಟ್ರೇಲಿಯಾಗೆ ಇಷ್ಟು ಹಣ ಬಂದಿರುವುದು ರಿಷಭ್ ಪಂತ್ ಗಾಬಾದಲ್ಲಿ ಆಡಿದ ಆ ಒಂದು ಇನಿಂಗ್ಸ್​ನಿಂದ ಎಂದು ಹೇಳಲಾಗ್ತಿದೆ. ಒಟ್ನಲ್ಲಿ ಸಾವಿರಾರು ಕೋಟಿ ಲಾಭ ಮಾಡಿಕೊಂಡಿರುವ ಆಸ್ಟ್ರೇಲಿಯಾ ಪಾಲಿಗೆ ಪಂತ್ ​ಅದೃಷ್ಟವಂತ ಆಟಗಾರ.