ರಣಜಿ ಟ್ರೋಫಿ: ಮುಂಬೈ, ಡೆಲ್ಲಿ ಗುಂಪಿನಲ್ಲೇ ಕರ್ನಾಟಕಕ್ಕೆ ಸ್ಥಾನ..!
ಸಾರಾಂಶ
* 2022ರ ಆವೃತ್ತಿಯ ರಣಜಿ ಪಂದ್ಯಾವಳಿಗೆ ವೇದಿಕೆ ಸಿದ್ಧ * ಜನವರಿ 05ರಿಂದ ಆರಂಭವಾಗಲಿದೆ ರಣಜಿ ಟೂರ್ನಿ * ಕರ್ನಾಟಕ ಈ ಬಾರಿ ಎಲೈಟ್ ಗ್ರೂಪ್ ‘ಸಿ’ಯಲ್ಲಿ ಸ್ಥಾನ
ನವದೆಹಲಿ(ಸೆ.01): ಕೊರೋನಾ ಕಾರಣದಿಂದ ಕಳೆದ ಸಾಲಿನಲ್ಲಿ ರದ್ದುಗೊಂಡಿದ್ದ ದೇಸಿ ಕ್ರಿಕೆಟ್ ಚಟುವಟಿಕೆಗಳು ಚುರುಕುಗೊಂಡಿದೆ. 2022ರ ಆವೃತ್ತಿಯ ರಣಜಿ ಪಂದ್ಯಾವಳಿಗೆ ವೇದಿಕೆ ಸಿದ್ಧವಾಗಿದ್ದು, ಜನವರಿ 5ರಿಂದ ಟೂರ್ನಿ ಆರಂಭವಾಗಲಿದೆ. ಈ ಬಾರಿ ಕರ್ನಾಟಕಕ್ಕೆ ಕಠಿಣ ಸವಾಲು ಎದುರಾಗಲಿದ್ದು, ದೆಹಲಿ ಮತ್ತು ಮುಂಬೈನಂತಹ ಬಲಿಷ್ಠ ತಂಡಗಳು ರಾಜ್ಯ ಇರುವ ಗುಂಪಿನಲ್ಲೇ ಸ್ಥಾನ ಪಡೆದಿದೆ.
ಕರ್ನಾಟಕ ಈ ಬಾರಿ ಎಲೈಟ್ ಗ್ರೂಪ್ ‘ಸಿ’ಯಲ್ಲಿ ಸ್ಥಾನ ಪಡೆದಿದ್ದು, ಮುಂಬೈ, ದೆಹಲಿ ಜತೆಗೆ ಹೈದರಾಬಾದ್, ಉತ್ತರಾಖಂಡ್ ಮತ್ತು ಮಹಾರಾಷ್ಟ್ರಗಳು ಇದೇ ಗುಂಪಿನಲ್ಲಿವೆ. 2022ರ ರಣಜಿ ಪಂದ್ಯಾವಳಿಗೆ ಮುಂಬೈ (ಎಲೈಟ್-ಎ), ಬೆಂಗಳೂರು (ಎಲೈಟ್-ಬಿ), ಬೆಂಗಳೂರು (ಎಲೈಟ್-ಸಿ) ಅಹಮದಾಬಾದ್ (ಎಲೈಟ್-ಡಿ), ತಿರುವನಂತಪುರ (ಎಲೈಟ್-ಇ) ಹಾಗೂ ಚೆನ್ನೈ(ಪ್ಲೇಟ್) ಈ ಐದು ನಗರಗಳು ಆತಿಥ್ಯ ವಹಿಸಲಿವೆ.
ದೇಶಿ ಕ್ರಿಕೆಟ್ ಟೂರ್ನಿ ವೇಳಾಪಟ್ಟಿಯಲ್ಲಿ ಕೊಂಚ ಬದಲಾವಣೆ: ಬಿಸಿಸಿಐ
ಈಡನ್ನಲ್ಲಿ ಫೈನಲ್:
2022ನೇ ಸಾಲಿನ ರಣಜಿ ಪಂದ್ಯಾವಳಿಯ ನಾಕೌಟ್ ಹಾಗೂ ಫೈನಲ್ ಪಂದ್ಯಗಳು ಕೋಲ್ಕತ್ತಾದ ಈಡನ್ ಗಾರ್ಡನ್ ಅಂಗಳದಲ್ಲಿ ನಡೆಯಲಿವೆ. ಫೈನಲ್ಗೆ ಮಾ.16ರಂದು ದಿನಾಂಕ ನಿಗದಿ ಪಡಿಸಲಾಗಿದೆ. ಇದೇ ನ.4ರಿಂದ ಸೈಯದ್ ಮುಷ್ತಾಕ್ ಅಲಿ ಟಿ-20 ಚಾಂಪಿಯನ್ಶಿಪ್ ಟೂರ್ನಿಯೊಂದಿಗೆ ಭಾರತದ ಪುರುಷರ ದೇಶಿ ಕ್ರಿಕೆಟ್ ಟೂರ್ನಿ ಆರಂಭವಾಗಲಿದೆ. ಡಿ.8ರಿಂದ ವಿಜಯ್ ಹಜಾರೆ ಏಕದಿನ ಚಾಂಪಿಯನ್ಶಿಪ್ಗೆ ಚಾಲನೆ ದೊರೆಯಲಿದೆ.
ಎಲೈಟ್-ಎ: ಗುಜರಾಜ್, ಪಂಜಾಬ್, ಹಿಮಾಚಲ ಪ್ರದೇಶ, ಸವೀರ್ಸಸ್, ಮಧ್ಯಪ್ರದೇಶ, ಅಸ್ಸಾಂ
ಎಲೈಟ್-ಬಿ: ಪ.ಬಂಗಾಳ, ರಾಜಸ್ಥಾನ, ಕೇರಳ, ಹರ್ಯಾಣ, ವಿದರ್ಭ, ತ್ರಿಪುರ
ಎಲೈಟ್-ಸಿ: ಕರ್ನಾಟಕ, ಮುಂಬೈ, ದೆಹಲಿ, ಹೈದರಾಬಾದ್, ಉತ್ತರಾಖಂಡ್, ಮಹಾರಾಷ್ಟ್ರ
ಎಲೈಟ್-ಡಿ: ಸೌರಾಷ್ಟ್ರ, ತಮಿಳುನಾಡು, ಜಮ್ಮು ಮತ್ತು ಕಾಶ್ಮೀರ, ಜಾರ್ಖಂಡ್, ರೈಲ್ವೇಸ್, ಗೋವಾ
ಎಲೈಟ್-ಇ: ಆಂಧ್ರಪ್ರದೇಶ, ಉತ್ತರ ಪ್ರದೇಶ, ಬರೋಡಾ, ಒಡಿಶಾ, ಛತ್ತೀಸ್ಗಢ, ಪಾಂಡಿಚೇರಿ
ಪ್ಲೇಟ್: ಬಿಹಾರ, ಮೇಘಾಲಯಾ, ಚಂಡೀಗಢ, ನಾಗಾಲ್ಯಾಂಡ್, ಮಿಜೋರಾಂ, ಸಿಕ್ಕಿಂ, ಮಣಿಪುರ, ಅರುಣಾಚಲ ಪ್ರದೇಶ
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.