ಮೈಕೆಲ್ ಜಾಕ್ಸನ್ನಂತೆ ಬಳುಕಿದ ಮ್ಯಾಥ್ಯೂ ವೇಡ್
ಸಾರಾಂಶ
ಖ್ಯಾತ ಪಾಪ್ ಗಾಯಕ ಮೈಕಲ್ ಜಾಕ್ಸನ್ ಅವರ ಮೂನ್ ವಾಕ್ ಡ್ಯಾನ್ಸ್ ಸೇರಿದಂತೆ ಹಲವು ಡ್ಯಾನ್ಸ್ ಶೈಲಿಗಳು ಭಾರಿ ಜನಪ್ರೀಯ. ಇದೀಗ ಜಾಕ್ಸನ್ ರೀತಿಯಲ್ಲೇ ಆಸ್ಟ್ರೇಲಿಯಾ ಕ್ರಿಕೆಟಿಗ ಮಾಥ್ಯೂ ವೇಡ್ ಮೈ ಬಳುಕಿಸಿದ್ದಾರೆ. ಇದು ಕ್ರಿಕೆಟ್ ಮೈದಾನದಲ್ಲಿ ಅನ್ನೋದು ವಿಶೇಷ.
ಮೆಲ್ಬರ್ನ್(ಡಿ.27): ಆಸ್ಪ್ರೇಲಿಯಾ ಹಾಗೂ ನ್ಯೂಜಿಲೆಂಡ್ ನಡುವಣ ನಡೆಯುತ್ತಿರುವ 2ನೇ ಟೆಸ್ಟ್ ಪಂದ್ಯದ ಮೊದಲ ಇನ್ನಿಂಗ್ಸ್ನಲ್ಲಿ ಆಸೀಸ್ ಬ್ಯಾಟ್ಸ್ಮನ್ ಮ್ಯಾಥ್ಯೂ ವೇಡ್, ದಿಗ್ಗಜ ಪಾಪ್ ಗಾಯಕ ಮೈಕೆಲ್ ಜಾಕ್ಸನ್ ಅವರಂತೆ ಬಳುಕಿದ್ದಾರೆ. ಇದೀಗ ಮಾಥ್ಯೂ ವೇಡ್ ಶೈಲಿ ಸಾಮಾಜಿಕ ಜಾಲತಾಣದಲ್ಲಿ ಭಾರಿ ಸದ್ದು ಮಾಡುತ್ತಿದೆ.
ಇದನ್ನೂ ಓದಿ: ಕೇವಲ 40 ನಿಮಿಷದಲ್ಲಿ ಹೃದಯ ಗೆದ್ದ ನಾಯಕ; ಗಂಗೂಲಿ ಹೊಗಳಿದ ಪಾಕ್ ದಿಗ್ಗಜ!
ಕ್ರೀಸ್ಗಿಳಿದ ವೇಡ್, ನ್ಯೂಜಿಲೆಂಡ್ ಬೌಲರ್ ನೀಲ್ ವ್ಯಾಗ್ನರ್ ಎಸೆತವನ್ನು ವಿಚಿತ್ರವಾಗಿ ಎದುರಿಸಲು ಮುಂದಾಗಿದ್ದಾರೆ. ಇದು ಜಾಕ್ಸನ್ ಅವರ ನೃತ್ಯದಂತೆ ಕಂಡಿತು. ಈ ಫೋಟೋವನ್ನು ಆಸ್ಪ್ರೇಲಿಯಾ ಕ್ರಿಕೆಟ್ ಸಂಸ್ಥೆ ತನ್ನ ಅಧಿಕೃತ ವೆಬ್ಸೈಟ್ ಆಸ್ಪ್ರೇಲಿಯಾ ಡಾಟ್ ಕಾಂ ನಲ್ಲಿ ಪ್ರಕಟಿಸಿದೆ. ವೇಡ್ ಹಾಗೂ ಜಾಕ್ಸನ್ ಅವರ ನೃತ್ಯದ ಚಿತ್ರವನ್ನು ಪ್ರಕಟಿಸಿ ವೇಡ್ ಎಲ್ಲಾ ಓಕೆ ತಾನೆ ಎಂದು ಕಾಲೆಳೆದಿದೆ.
ಇದನ್ನೂ ಓದಿ: ವಿಶ್ವದ ಅತೀ ದೊಡ್ಡ ಕ್ರಿಕೆಟ್ ಮೈದಾನದಲ್ಲಿ 2020ರ IPL ಫೈನಲ್ ಪಂದ್ಯ?
ಮಾರ್ನಸ್ ಲಬುಶೇನ್ ಹಾಗೂ ಸ್ಟೀವ್ ಸ್ಮಿತ್ ಆಕರ್ಷಕ ಅರ್ಧಶತಕಗಳ ನೆರವಿನಿಂದ ಆಸ್ಪ್ರೇಲಿಯಾ, ನ್ಯೂಜಿಲೆಂಡ್ ವಿರುದ್ಧ ಗುರುವಾರದಿಂದ ಇಲ್ಲಿ ಆರಂಭವಾಗಿರುವ 2ನೇ ಟೆಸ್ಟ್ ಪಂದ್ಯದ ಮೊದಲ ಇನ್ನಿಂಗ್ಸ್ನಲ್ಲಿ ಬೃಹತ್ ಮೊತ್ತದತ್ತ ಮುನ್ನಡೆದಿದೆ. ಲಬುಶೇನ್ (63), ಆರಂಭಿಕ ಡೇವಿಡ್ ವಾರ್ನರ್ (41), ಮ್ಯಾಥ್ಯೂ ವೇಡ್ 38 ರನ್ಗಳಿಸಿದರು. ಮುರಿಯದ 5ನೇ ವಿಕೆಟ್ಗೆ ಸ್ಮಿತ್ ಹಾಗೂ ಟ್ರಾವಿಸ್ ಹೆಡ್ 41 ರನ್ ಜೊತೆಯಾಟ ನಿರ್ವಹಿಸಿದ್ದಾರೆ. ಆಸ್ಪ್ರೇಲಿಯಾ ಮೊದಲ ದಿನದಂತ್ಯಕ್ಕೆ 4 ವಿಕೆಟ್ಗೆ 257 ರನ್ಗಳಿಸಿದೆ. ಸ್ಮಿತ್ ಅಜೇಯ 77 ಹಾಗೂ ಟ್ರಾವಿಸ್ ಹೆಡ್ 25 ರನ್ಗಳಿಸಿ 2ನೇ ದಿನಕ್ಕೆ ಬ್ಯಾಟಿಂಗ್ ಕಾಯ್ದುಕೊಂಡಿದ್ದಾರೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.