* ಮುಂದುವರೆದ ಕೆಕೆಆರ್ ನಾಯಕ ಮಾರ್ಗನ್ ಬ್ಯಾಟಿಂಗ್ ವೈಪಲ್ಯ
* ಕಳೆದ 4 ಇನಿಂಗ್ಸ್ಗಳಿಂದ ಮಾರ್ಗನ್ ಗಳಿಸಿದ್ದು ಕೇವಲ 17 ರನ್
* ಕೆಕೆಆರ್ ನಾಯಕ ಪಟ್ಟದ ಮೇಲೆ ಅನಿಶ್ಚಿತತೆಯ ತೂಗುಗತ್ತಿ
ದುಬೈ(ಅ.02): 2020ರ ಐಪಿಎಲ್ನಲ್ಲಿ (IPL 2021) ದಿನೇಶ್ ಕಾರ್ತಿಕ್ (Dinesh Karthik) ರನ್ನು ನಾಯಕತ್ವದಿಂದ ಕೆಳಗಿಳಿಸಿ ಇಂಗ್ಲೆಂಡ್ನ ಇಯಾನ್ ಮೊರ್ಗನ್ಗೆ (Eoin Morgan) ನಾಯಕತ್ವ ನೀಡಿದ್ದ ಕೋಲ್ಕತಾ ನೈಟ್ರೈಡರ್ಸ್ (Kolkata Knight Riders), ಈಗ ಮತ್ತೊಮ್ಮೆ ಹೊಸ ನಾಯಕನನ್ನು ಹುಡುಕುವ ಒತ್ತಡಕ್ಕೆ ಸಿಲುಕಿದೆ. ಕಳೆದ 4 ಇನಿಂಗ್ಸ್ಗಳಲ್ಲಿ ಮಾರ್ಗನ್ ಕೇವಲ 17 ರನ್ ಮಾತ್ರ ಗಳಿಸಿದ್ದಾರೆ.
ಇಯಾನ್ ಮಾರ್ಗನ್ ಕೆಕೆಆರ್ ತಂಡವನ್ನು ಯಶಸ್ವಿಯಾಗಿ ಮುನ್ನಡೆಸುವಲ್ಲಿ ವಿಫಲರಾಗುತ್ತಿರುವ ಜೊತೆಗೆ ಬ್ಯಾಟಿಂಗ್ ಲಯವನ್ನೂ ಕಳೆದುಕೊಂಡಿದ್ದಾರೆ. ನಾಯಕನಾಗಿರುವ ಕಾರಣಕ್ಕೆ ಆಡುವ ಹನ್ನೊಂದರಲ್ಲಿ ಸ್ಥಾನ ಪಡೆಯುತ್ತಿರುವ ಮಾರ್ಗನ್, ಈ ಆವೃತ್ತಿಯಲ್ಲಿ ಆಡಿರುವ 12 ಪಂದ್ಯಗಳಲ್ಲಿ ಕೇವಲ 109 ರನ್ ಕಲೆಹಾಕಿದ್ದಾರೆ. ಅವರ ವೈಯಕ್ತಿಕ ಗರಿಷ್ಠ ಮೊತ್ತ 47 ರನ್. ಮೂರು ಬಾರಿ ಸೊನ್ನೆಗೆ ಔಟಾಗಿರುವ ಮಾರ್ಗನ್, 12 ಪಂದ್ಯಗಳಲ್ಲಿ ಕೇವಲ 7 ಬೌಂಡರಿ, 5 ಸಿಕ್ಸರ್ ಬಾರಿಸಿದ್ದಾರೆ. ಈ ಆವೃತ್ತಿ ಬಳಿಕ ಮೊರ್ಗನ್ರನ್ನು ಕೆಕೆಆರ್ ತಂಡದಿಂದ ಕೈಬಿಡುವ ಸಾಧ್ಯತೆ ದಟ್ಟವಾಗಿದೆ.
Eoin Morgan has not crossed the 10-run mark in the UAE leg so far.
7 v MI
8 v CSK
0 v DC
2 v PBKS | Follow 👇https://t.co/9q43V1p88o pic.twitter.com/43oMGWavyG
IPL 2021: ರಾಹುಲ್ ಹಾಫ್ ಸೆಂಚುರಿ, ಶಾರುಖ್ ಭರ್ಜರಿ ಸಿಕ್ಸರ್ನಿಂದ ಪಂಜಾಬ್ಗೆ 5 ವಿಕೆಟ್ ಗೆಲುವು
14ನೇ ಆವೃತ್ತಿಯ ಐಪಿಎಲ್ ಟೂರ್ನಿಯ 45ನೇ ಪಂದ್ಯದಲ್ಲಿ ಪಂಜಾಬ್ ಕಿಂಗ್ಸ್ (Punjab Kings) ಎದುರು ಕೋಲ್ಕತ ನೈಟ್ ರೈಡರ್ಸ್ (KKR) ತಂಡವು ಆಘಾತಕಾರಿ ಸೋಲು ಕಾಣುವ ಮೂಲಕ ಪ್ಲೇ ಆಫ್ ಹಾದಿಯನ್ನು ಮತ್ತಷ್ಟು ಕಠಿಣಗೊಳಿಸಿಕೊಂಡಿದೆ. ಈ ಪಂದ್ಯದಲ್ಲಿ ಅಂದರೆ ಯುಎಇ ಚರಣದ ನಾಲ್ಕನೇ ಪಂದ್ಯದಲ್ಲೂ ಇಯಾನ್ ಮಾರ್ಗನ್ ಸತತವಾಗಿ ಒಂದಂಕಿ ಮೊತ್ತಕ್ಕೆ ವಿಕೆಟ್ ಒಪ್ಪಿಸಿ ನಿರಾಸೆ ಅನುಭವಿಸಿದರು. ಪಂದ್ಯದ 15ನೇ ಓವರ್ನಲ್ಲಿ ಕ್ರೀಸ್ಗಿಳಿದ ಮಾರ್ಗನ್ ಮಹತ್ವದ ಪಂದ್ಯದಲ್ಲಿ ದೊಡ್ಡ ಮೊತ್ತ ಕಲೆಹಾಕಬಹುದು ಎಂದು ಲೆಕ್ಕಾಚಾರ ಹಾಕಲಾಗಿತ್ತು. ಆದರೆ ಮತ್ತೊಮ್ಮೆ 2 ಎಸೆತಗಳಲ್ಲಿ 2 ರನ್ ಬಾರಿಸಿ ಪಂಜಾಬ್ ವೇಗಿ ಶಮಿಗೆ ವಿಕೆಟ್ ಒಪ್ಪಿಸಿ ಪೆವಿಲಿಯನ್ ಸೇರಿದ್ದಾರೆ.
ಇದೀಗ ಕೆಕೆಆರ್ ನಾಯಕತ್ವದ ಬಗ್ಗೆ ಪ್ರಶ್ನೆಗಳು ಏಳಲಾರಂಭಿಸಿವೆ. ಯುಎಇ ಚರಣದಲ್ಲಿ ಮುಂಬೈ ಇಂಡಿಯನ್ಸ್ ಎದುರು 7 ರನ್ ಬಾರಿಸಿದ್ದ ಮಾರ್ಗನ್, ಚೆನ್ನೈ ಸೂಪರ್ ಕಿಂಗ್ಸ್ ಎದುರು 8 ರನ್ ಬಾರಿಸಿ ವಿಕೆಟ್ ಒಪ್ಪಿಸಿದ್ದರು. ಇನ್ನು ಡೆಲ್ಲಿ ಕ್ಯಾಪಿಟಲ್ಸ್ ಎದುರು ಶೂನ್ಯ ಸಂಪಾದನೆ ಮಾಡಿದ್ದ ಕೆಕೆಆರ್ ನಾಯಕ, ಪಂಜಾಬ್ ಎದುರು 2 ರನ್ ಗಳಿಸಿ ಪೆವಿಲಿಯನ್ ಪರೇಡ್ ನಡೆಸಿದ್ದರು.
An average of 10.90 from 11 innings. At this rate, Eoin Morgan might drop himself, just like some captains have done in the past.
— Jigar Mehta (@jigsactin)With this sort of form, Eoin Morgan should become England's mentor in T20 World Cup.
— Subhayan Chakraborty (@CricSubhayan)