IPL 2024 ರಾಜಸ್ಥಾನ ರಾಯಲ್ಸ್ಗೆ ಸತತ 4ನೇ ಸೋಲು
ಸಾರಾಂಶ
ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ರಾಜಸ್ಥಾನ ತೀವ್ರ ಬ್ಯಾಟಿಂಗ್ ವೈಫಲ್ಯಕ್ಕೊಳಗಾಯಿತು. ತಂಡ 20 ಓವರಲ್ಲಿ 9 ವಿಕೆಟ್ ಕಳೆದುಕೊಂಡು ಕಲೆಹಾಕಿದ್ದು 144 ರನ್. ಜೈಸ್ವಾಲ್ 4, ಕೊಹ್ಲೆರ್ ಕ್ಯಾಡ್ಮೊರ್ 18, ಸಂಜು ಸ್ಯಾಮ್ಸನ್ 18ಕ್ಕೆ ನಿರ್ಗಮಿಸಿದರು. ಈ ಹಂತದಲ್ಲಿ ತಂಡಕ್ಕೆ ನೆರವಾಗಿದ್ದು ರಿಯಾನ್ ಪರಾಗ್. ಅವರು 34 ಎಸೆತಗಳಲ್ಲಿ 48 ರನ್ ಸಿಡಿಸಿದ್ದರಿಂದ ತಂಡ 150ರ ಸನಿಹಕ್ಕೆ ತಲುಪಿತು.
ಗುವಾಹಟಿ: ರಾಜಸ್ಥಾನ ರಾಯಲ್ಸ್ ಪ್ಲೇ-ಆಫ್ ಸನಿಹದಲ್ಲಿ ಮತ್ತೆ ಎಡವಿದೆ. ಈಗಾಗಲೇ ಪ್ಲೇ-ಆಫ್ ಪ್ರವೇಶವನ್ನು ಅಧಿಕೃತಗೊಳಿಸಿರುವ ತಂಡ ಬುಧವಾರ ಪಂಜಾಬ್ ಕಿಂಗ್ಸ್ ವಿರುದ್ಧ 5 ವಿಕೆಟ್ಗಳಿಂದ ಪರಾಭವಗೊಂಡಿತು. ತಂಡಕ್ಕಿದು ಸತತ 4ನೇ ಸೋಲು. ನಾಕೌಟ್ ರೇಸ್ನಿಂದ ಹೊರಗುಳಿದಿರುವ ಪಂಜಾಬ್ ಟೂರ್ನಿಯಲ್ಲಿ 5ನೇ ಜಯ ದಾಖಲಿಸಿತು.
ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ರಾಜಸ್ಥಾನ ತೀವ್ರ ಬ್ಯಾಟಿಂಗ್ ವೈಫಲ್ಯಕ್ಕೊಳಗಾಯಿತು. ತಂಡ 20 ಓವರಲ್ಲಿ 9 ವಿಕೆಟ್ ಕಳೆದುಕೊಂಡು ಕಲೆಹಾಕಿದ್ದು 144 ರನ್. ಜೈಸ್ವಾಲ್ 4, ಕೊಹ್ಲೆರ್ ಕ್ಯಾಡ್ಮೊರ್ 18, ಸಂಜು ಸ್ಯಾಮ್ಸನ್ 18ಕ್ಕೆ ನಿರ್ಗಮಿಸಿದರು. ಈ ಹಂತದಲ್ಲಿ ತಂಡಕ್ಕೆ ನೆರವಾಗಿದ್ದು ರಿಯಾನ್ ಪರಾಗ್. ಅವರು 34 ಎಸೆತಗಳಲ್ಲಿ 48 ರನ್ ಸಿಡಿಸಿದ್ದರಿಂದ ತಂಡ 150ರ ಸನಿಹಕ್ಕೆ ತಲುಪಿತು. ಅಶ್ವಿನ್ 28 ರನ್ ಕೊಡುಗೆ ನೀಡಿದರು. ಕರ್ರನ್, ಹರ್ಷಲ್, ರಾಹುಲ್ ಚಹರ್ ತಲಾ 2 ವಿಕೆಟ್ ಕಿತ್ತರು.
IPL 2024 ಲಖನೌಗಿಲ್ಲ ಪ್ಲೇ-ಆಫ್ ಲಕ್; ಡೆಲ್ಲಿಗೆ ಭರ್ಜರಿ ಜಯ
ರಾಜಸ್ಥಾನ ನೀಡಿದ ಗುರಿ ಪಂಜಾಬ್ಗೆ ಸುಲಭ ತುತ್ತಾಯಿತು. ತಂಡ 18.5 ಓವರಲ್ಲೇ ಬೆನ್ನತ್ತಿ ಗೆದ್ದಿತು. ಆರಂಭಿಕರಾದ ಪ್ರಭ್ಸಿಮ್ರನ್(04), ಬೇರ್ಸ್ಟೋಬ್(14), ಬಳಿಕ ಬಂದ ರೋಸೌ(22) ಶಶಾಂಕ್ ಸಿಂಗ್(00) ಬೇಗನೇ ಔಟಾದರು. 48ಕ್ಕೆ 4 ವಿಕೆಟ್ ಕಳೆದುಕೊಂಡ ತಂಡವನ್ನು ನಾಯಕ ಸ್ಯಾಮ್ ಕರ್ರನ್(41 ಎಸೆತಗಳಲ್ಲಿ ಔಟಾಗದೆ 63) ಗೆಲುವಿನ ದಡ ಸೇರಿಸಿದರು. ಆವೇಶ್, ಚಹಲ್ ತಲಾ 2 ವಿಕೆಟ್ ಕಿತ್ತರು.
ಸ್ಕೋರ್:
ರಾಜಸ್ಥಾನ 20 ಓವರಲ್ಲಿ 144/9 (ರಿಯಾನ್ 48, ಅಶ್ವಿನ್ 28, ಕರ್ರನ್ 2-24)
ಪಂಜಾಬ್ 18.5 ಓವರಲ್ಲಿ 145/5 (ಕರ್ರನ್ 63*, ಆವೇಶ್ 2-28, ಚಹಲ್ 2-31)
01ನೇ ಬ್ಯಾಟರ್: ರಿಯಾನ್ ಪರಾಗ್ ಈ ಬಾರಿ ಐಪಿಎಲ್ನಲ್ಲಿ 500+ ರನ್ ಕಲೆಹಾಕಿದ ಮೊದಲ ಅನ್ಕ್ಯಾಪ್ಡ್ ಆಟಗಾರ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.