IPL 2022: ದೇವದತ್ ಪಡಿಕ್ಕಲ್ಗೆ ಬಯಸದೆ ಬಂದ ಭಾಗ್ಯ..!
ಸಾರಾಂಶ
* ಈ ಐಪಿಎಲ್ನಲ್ಲಿ ರಾಜಸ್ಥಾನ ರಾಯಲ್ಸ್ ತಂಡವನ್ನು ಪ್ರತಿನಿಧಿಸುತ್ತಿದ್ದಾರೆ ದೇವದತ್ ಪಡಿಕ್ಕಲ್ * ಮೊದಲ ಪಂದ್ಯದಲ್ಲೇ ಆಕರ್ಷಕ ಬ್ಯಾಟಿಂಗ್ ನಡೆಸಿದ ಕನ್ನಡಿಗ ದೇವದತ್ ಪಡಿಕ್ಕಲ್ * ರಾಯಲ್ಸ್ ಪರ ನಾಲ್ಕನೇ ಕ್ರಮಾಂಕದಲ್ಲಿ ಅಬ್ಬರಿಸಿದ ಎಡಗೈ ಬ್ಯಾಟರ್ ಪಡಿಕ್ಕಲ್
ಮುಂಬೈ(ಏ.01): ಕರ್ನಾಟಕದ ದೇವದತ್ ಪಡಿಕ್ಕಲ್(Devdutt Padikkal) ಬೆಸಿಕಲಿ ಓಪನಿಂಗ್ ಬ್ಯಾಟ್ಸ್ಮನ್. ಕರ್ನಾಟಕ ಮತ್ತು ಐಪಿಎಲ್ನಲ್ಲಿ (IPL) ಆರ್ಸಿಬಿ ಪರ ಎಡಗೈ ಬ್ಯಾಟರ್, ಇನ್ನಿಂಗ್ಸ್ ಆರಂಭಿಸಿ, ಅದೆಷ್ಟೋ ಪಂದ್ಯ ಗೆಲ್ಲಿಸಿ ಕೊಟ್ಟಿದ್ದಾರೆ. ಆರಂಭಿಕನಾಗಿ ಸೆಂಚುರಿಗಳನ್ನ ಸಿಡಿಸಿದ್ದಾರೆ. ಟೀಂ ಇಂಡಿಯಾ(Team India) ಪರವೂ ಎರಡು ಟಿ20 ಪಂದ್ಯಗಳನ್ನಾಡಿದ್ದಾರೆ. ಇಷ್ಟೆಲ್ಲಾ ಸಾಧ್ಯವಾಗಿದ್ದು ಮಾತ್ರ ಪಡಿಕ್ಕಲ್ ಓಪನಿಂಗ್ ಬ್ಯಾಟರ್ ಆಗಿ ಆಡಿದಕ್ಕೆ.
ಆದರೆ ಈ ಐಪಿಎಲ್ನಲ್ಲಿ ರಾಜಸ್ಥಾನ ರಾಯಲ್ಸ್(Rajasthan Royals) ಪರ ಆಡ್ತಿರೋ ದೇವದತ್ ಪಡಿಕ್ಕಲ್ ಬ್ಯಾಟಿಂಗ್ ಕ್ರಮಾಂಕ ಚೇಂಜ್ ಆಗಿದೆ. ಹೌದು, ಆರಂಭಿಕನಿಂದ ಮಧ್ಯಮ ಕ್ರಮಾಂಕಕ್ಕೆ ಜಾರಿದ್ದಾರೆ. ಸನ್ರೈಸರ್ಸ್ ಹೈದ್ರಾಬಾದ್ (Sunrisers Hyderabad) ವಿರುದ್ಧದ ಪಂದ್ಯದಲ್ಲಿ ನಂಬರ್ 4 ಸ್ಲಾಟ್ನಲ್ಲಿ ಬ್ಯಾಟ್ ಬೀಸಿ 41 ರನ್ ಬಾರಿಸಿದ್ರು. ಕಾರಣ, ರಾಜಸ್ಥಾನ ಟೀಂನಲ್ಲಿ ಖಾಯಂ ಓಪನರ್ಗಳಾದ ಯಶಸ್ವಿ ಜೈಸ್ವಾಲ್ ಮತ್ತು ಜೋಸ್ ಬಟ್ಲರ್ ಇದ್ದಾರೆ. ಹಾಗಾಗಿ ಪಡಿಕ್ಕಲ್ಗೆ ನಂಬರ್ 3 ಸ್ಲಾಟ್ ಫಿಕ್ಸ್ ಆಗಿದೆ. ಆದರೆ ಹೈದ್ರಾಬಾದ್ ವಿರುದ್ಧ ನಾಯಕ ಸಂಜು ಸ್ಯಾಮ್ಸನ್ (Sanju Samson) 3ನೇ ಕ್ರಮಾಂಕದಲ್ಲಿ ಆಡಿದ್ದರಿಂದ ದೇವದತ್, 4ನೇ ಕ್ರಮಾಂಕದಲ್ಲಿ ಆಡಬೇಕಾಯ್ತು.
ಮಧ್ಯಮ ಕ್ರಮಾಂಕದಲ್ಲಿ ಆಡಿದರೆ ಮಾತ್ರ ಕನ್ನಡಿಗನಿಗೆ ಭವಿಷ್ಯ..!:
ಮೊನ್ನೆಯ ಪಂದ್ಯ ಮಾತ್ರವಲ್ಲ, ಈ ಸೀಸನ್ ಪೂರ್ತಿ ಪಡಿಕ್ಕಲ್ ಮಧ್ಯಮ ಕ್ರಮಾಂಕದಲ್ಲಿ ಬ್ಯಾಟ್ ಮಾಡಬೇಕು. ಓಪನಿಂಗ್ ಬ್ಯಾಟ್ಸ್ಮನ್ ಒಬ್ಬ, ಮಿಡಲ್ ಆರ್ಡರ್ನಲ್ಲಿ ಆಡೋದು ಕಷ್ಟನೇ. ಆದ್ರೆ ಇದು ಕಷ್ಟವಾದ್ರೂ ಪಡಿಕ್ಕಲ್ಗೆ ಬಯಸದೆ ಬಂದ ಭಾಗ್ಯ ಅಂದುಕೊಂಡ್ರೆ ಉತ್ತಮ. ಯಾಕಂದರೆ ಅವರ ಕ್ರಿಕೆಟ್ ಭವಿಷ್ಯದ ದೃಷ್ಟಿಯಿಂದ ಆರಂಭಿಕನಾಗಿ ಆಡೋದಕ್ಕಿಂತ ಮಧ್ಯಮ ಕ್ರಮಾಂಕದಲ್ಲಿ ಆಡಿದರೆ ಒಳ್ಳೆಯದು. ಆಗ ಮಾತ್ರ ಅವರ ಕೆರಿಯರ್ ಮತ್ತಷ್ಟು ಎತ್ತರಕ್ಕೆ ಏರಲಿದೆ. ಇಲ್ಲವಾದ್ರೆ ಅವರ ಕೆರಿಯರ್ ಕವಲು ದಾರಿ ಹಿಡಿಯಲಿದೆ. ಕನ್ನಡಿಗ ಯಾಕೆ ಮಧ್ಯಮ ಕ್ರಮಾಂಕದಲ್ಲಿ ಆಡಬೇಕು ಅನ್ನೋದಕ್ಕೂ ರೀಸನ್ ಇದೆ.
ಭಾರತ ತಂಡದಲ್ಲಿ ಮಾತ್ರವಲ್ಲ, 2ನೇ ದರ್ಜೆ ತಂಡದಲ್ಲೂ ಓಪನಿಂಗ್ ಸ್ಲಾಟ್ ಖಾಲಿಯಿಲ್ಲ:
ದೇವದತ್ ಪಡಿಕ್ಕಲ್, ಆರಂಭಿಕನಾಗಿ ಆಡೋದಕ್ಕಿಂತ ಮಧ್ಯಮ ಕ್ರಮಾಂಕದಲ್ಲಿ ಆಡಿದರೆ ಉತ್ತಮ. ಯಾಕಂದರೆ ಭಾರತೀಯ ಕ್ರಿಕೆಟ್ನಲ್ಲಿ ಸಾಲು ಸಾಲು ಓಪನರ್ಸ್ ಇದ್ದಾರೆ. ರೋಹಿತ್ ಶರ್ಮಾ(Rohit Sharma), ಶಿಖರ್ ಧವನ್, ಕೆಎಲ್ ರಾಹುಲ್ (KL Rahul), ಇಶಾನ್ ಕಿಶನ್, ಯಶಸ್ವಿ ಜೈಪಾಲ್, ಋತುರಾಜ್ ಗಾಯಕ್ವಾಡ್, ಪೃಥ್ವಿ ಶಾ ಹೀಗೆ ಹೆಸರು ಹೇಳುತ್ತಾ ಹೋದ್ರೆ ಡಜನ್ ಓಪನರ್ಸ್ ಸಿಗ್ತಾರೆ. ಈ ಎಲ್ಲರೊಂದಿಗೆ ಪೈಪೋಟಿ ನಡೆಸಿ, ಟೀಂ ಇಂಡಿಯಾ ಪರ ಇನ್ನಿಂಗ್ಸ್ ಆರಂಭಿಸಬೇಕು ಅಂದರೆ ಕನಿಷ್ಟ ಐದಾರು ವರ್ಷ ಕಾಯಬೇಕಾಗುತ್ತೆ. ಅಷ್ಟೊತ್ತಿಗೆ ಪಡಿಕ್ಕಲ್ಗೆ ವಯಸ್ಸಾಗಿರುತ್ತೆ.
ತಮ್ಮ ದಾಖಲೆ ಮುರಿದ Dwayne Bravo ಚಾಂಪಿಯನ್ ಬೌಲರ್ ಎಂದು ಬಣ್ಣಿಸಿದ ಲಸಿತ್ ಮಾಲಿಂಗ..!
ಟೀಂ ಇಂಡಿಯಾ ಕಳೆದ ವರ್ಷ ಶ್ರೀಲಂಕಾ ಟೂರ್ಗೆ ಹೋಗಿತ್ತಲ್ಲ, ಆ 2ನೇ ದರ್ಜೆ ತಂಡದಲ್ಲೂ ಓಪನಿಂಗ್ ಸ್ಲಾಟ್ ಖಾಲಿ ಇಲ್ಲ. ಆ ಸಿರೀಸ್ನಲ್ಲಿ ಲಂಕಾ ವಿರುದ್ಧ ಎರಡು ಟಿ20 ಪಂದ್ಯಗಳನ್ನಾಡಿದ ದೇವಡತ್ ಪಡಿಕ್ಕಲ್, 9 ಮತ್ತು 29 ರನ್ ಬಾರಿಸಿದ್ದರು. ಆ ಎರಡು ಪಂದ್ಯವನ್ನೂ ಅವರು ಆಡಿದ್ದು ನಂಬರ್ 3 ಸ್ಲಾಟ್ನಲ್ಲಿ. ಅಲ್ಲಿಗೆ ನೀವೂ ಊಹಿಸಿಕೊಳ್ಳಿ ಟೀಂ ಇಂಡಿಯಾದಲ್ಲಿ ಆರಂಭಿಕನಾಗಿ ಆಡಲು ಎಷ್ಟು ಕಾಂಪಿಟೇಶನ್ ಇದೆ ಅಂತ.
ಭಾರತಕ್ಕೆ ಬೇಕಿದ್ದಾನೆ ಮಧ್ಯಮ ಕ್ರಮಾಂಕದಲ್ಲಿ ಆಡೋ ಎಡಗೈ ಬ್ಯಾಟರ್:
ಟೀಂ ಇಂಡಿಯಾಗೆ ಮಧ್ಯಮ ಕ್ರಮಾಂಕದಲ್ಲಿ ಆಡೋ ಒಬ್ಬ ಎಡಗೈ ಬ್ಯಾಟರ್ ಬೇಕಿದ್ದಾನೆ. ರಿಷಭ್ ಪಂತ್ ಬಿಟ್ಟರೆ ಯಾವೊಬ್ಬರೂ ಲೆಫ್ಟಿ ಬ್ಯಾಟರ್ ಇಲ್ಲ. ಹಾಗಾಗಿ ದೇವದತ್ ಪಡಿಕ್ಕಲ್, ಐಪಿಎಲ್ನಲ್ಲಿ ಮಧ್ಯಮ ಕ್ರಮಾಂಕದಲ್ಲಿ ಆಡಿ ಕ್ಲಿಕ್ ಆದ್ರೆ ಬಹುಬೇಗ ಟೀಂ ಇಂಡಿಯಾ ಮಿಡಲ್ ಆರ್ಡರ್ನಲ್ಲಿ ಸ್ಥಾನ ಪಡೆಯಬಹುದು. ಅದಕ್ಕೆ ನಾವ್ ಮೊದಲೇ ಹೇಳಿದ್ದು. ಓಪನರ್ ಆಗಿ ಆಡೋದಕ್ಕಿಂತ ಮಿಡಲ್ ಆರ್ಡರ್ನಲ್ಲಿ ಆಡಿದ್ರೆ ಭವಿಷ್ಯ ಇದೆ ಅಂತ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.