IPL 2022: ಪಂಜಾಬ್ ಕಿಂಗ್ಸ್ನಲ್ಲಿದ್ದಾನೆ ಓರ್ವ ಸಕಲಕಲಾವಲ್ಲಭ..!
ಸಾರಾಂಶ
* 15ನೇ ಆವೃತ್ತಿಯ ಐಪಿಎಲ್ನಲ್ಲಿ ಮಿಂಚುತ್ತಿದ್ದಾರೆ ಲಿಯಾಮ್ ಲಿವಿಂಗ್ಸ್ಟೋನ್ * ಆಫ್ ಬ್ರೇಕ್, ಲೆಗ್ ಬ್ರೇಕ್, ಫಾಸ್ಟ್ ಬೌಲಿಂಗ್ ಮಾಡುತ್ತಾರೆ. * ಪಂಜಾಬ್ ಕಿಂಗ್ಸ್ 11.5 ಕೋಟಿ ಕೊಟ್ಟು ಲಿಯಾಮ್ ಲಿವಿಂಗ್ಸ್ಟೋನ್ ಅವರನ್ನ ಖರೀದಿಸಿತ್ತು
ಬೆಂಗಳೂರು(ಏ.07): ಲಿಯಾಮ್ ಲಿವಿಂಗ್ಸ್ಟೋನ್ (Liam Livingstone). ಕ್ರಿಕೆಟ್ ಜನಕರ ನಾಡಿನ ಆಲ್ರೌಂಡ್ ಪ್ಲೇಯರ್. ಬ್ಯಾಟಿಂಗ್, ಬೌಲಿಂಗ್, ಫೀಲ್ಡಿಂಗ್. ಹೀಗೆ ಮೂರು ವಿಭಾಗದಲ್ಲೂ ಅದ್ಭುತ ಪ್ರದರ್ಶನ ನೀಡ್ತಾರೆ. ಎಲ್ಲದರಲ್ಲೂ ಫರ್ಫಕ್ಟ್ ಪ್ಲೇಯರ್. ಮಿಡಲ್ ಆರ್ಡರ್ ಬ್ಯಾಟ್ಸ್ಮನ್. ಮಿಡಲ್ ಓವರ್ ಬೌಲರ್. ಯಾವ ಸ್ಥಾನದಲ್ಲಿ ನಿಲ್ಲಿಸಿದ್ರೂ ಅದ್ಭುತ ಫೀಲ್ಡರ್. ಕೆಲವೇ ಕೆಲ ಪಕ್ಕಾ ಆಲ್ರೌಂಡರ್ಗಳಲ್ಲಿ ಇವರೂ ಒಬ್ಬರು.
ಇಂಗ್ಲೆಂಡ್ ಡೊಮೆಸ್ಟಿಕ್ ಕ್ರಿಕೆಟ್ನಲ್ಲಿ ಆಲ್ರೌಂಡ್ ಆಟದಿಂದ ಮಿಂಚಿದ್ದ ಲಿಯಾಮ್ ಲಿವಿಂಗ್ಸ್ಟೋನ್, 2017ರಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಪಾದಾರ್ಪಣೆ ಮಾಡಿದ್ರು. ಈಗ ಇಂಗ್ಲೆಂಡ್ ಒನ್ಡೇ ಮತ್ತು ಟಿ20 ಟೀಮ್ನಲ್ಲಿ ಪರ್ಮನೆಂಟ್ ಪ್ಲೇಸ್ ಇದೆ. ಮೂರು ಒನ್ಡೇಯಿಂದ 72 ರನ್ ಗಳಿಸಿ, ಒಂದು ವಿಕೆಟ್ ಪಡೆದಿದ್ದರೆ, 17 ಟಿ20 ಮ್ಯಾಚ್ಗಳಲ್ಲಿ 285 ರನ್ ಜೊತೆ 12 ವಿಕೆಟ್ಗಳನ್ನ ತಮ್ಮ ಖಾತೆಗೆ ಹಾಕಿಕೊಂಡಿದ್ದಾರೆ. 9 ಕ್ಯಾಚ್ಗಳನ್ನೂ ಹಿಡಿದಿದ್ದಾರೆ. ಟಿ20 ಕ್ರಿಕೆಟ್ನಲ್ಲಿ ಇಂಗ್ಲೆಂಡ್ ಪರ ವೇಗದ ಶತಕ ಬಾರಿಸಿದ ದಾಖಲೆಯನ್ನೂ ಮಾಡಿದ್ದಾರೆ. ಪವರ್ ಹಿಟ್ಟರ್ ಎಂದೇ ಫೇಮಸ್.
ಆಫ್ ಬ್ರೇಕ್, ಲೆಗ್ ಬ್ರೇಕ್, ಫಾಸ್ಟ್ ಬೌಲಿಂಗ್:
ಇದೇ ಲಿಯಾಮ್ ಲಿಯಾಮ್ ಲಿವಿಂಗ್ಸ್ಟೋನ್ ಸ್ಪೆಷಾಲಿಟಿ. ಈತ ಅದ್ಭುತ ಬ್ಯಾಟ್ಸ್ಮನ್ ಮತ್ತು ಫೀಲ್ಡರ್ ಮಾತ್ರವಲ್ಲ, ಮಾರಕ ಬೌಲರ್ ಕೂಡ ಹೌದು. ಲಿಯಾಮ್ ಮೂಲತಃ ವೇಗದ ಬೌಲರ್. ಆದರೆ ಸ್ಪಿನ್ ಬೌಲಿಂಗ್ ಸಹ ಮಾಡ್ತಾರೆ. ಸ್ಪಿನ್ನಲ್ಲೂ ಆಫ್ ಸ್ಪಿನ್ ಮತ್ತು ಲೆಗ್ ಸ್ಪಿನ್ ಬೌಲಿಂಗ್ ಮಾಡಿ ಎದುರಾಳಿಯನ್ನ ಕಾಡುತ್ತಾರೆ. ಹೀಗಾಗಿನೇ ಲಿವಿಂಗ್ ಸ್ಟೋನ್ ವಿಶ್ವ ಕ್ರಿಕೆಟ್ನಲ್ಲಿ ಸ್ಪೆಷಲ್ ಆಲ್ರೌಂಡರ್ ಲಿಸ್ಟ್ಗೆ ಸೇರಿರೋದು.
IPL 2022: ಆರ್ಸಿಬಿ ತಂಡದಲ್ಲಿ ಮ್ಯಾಚ್ ಫಿನಿಶರ್ 'ಎಂ ಎಸ್ ಧೋನಿ'..!
ಪಂಜಾಬ್ ಕಿಂಗ್ಸ್ನಲ್ಲಿ ಈತನೇ ಕಿಂಗ್
ಈ ಸಲದ ಐಪಿಎಲ್ ಬಿಡ್ನಲ್ಲಿ ಪಂಜಾಬ್ ಕಿಂಗ್ಸ್ (Punjab Kings) ಬರೋಬ್ಬರಿ 11.5 ಕೋಟಿ ಕೊಟ್ಟು ಲಿಯಾಮ್ ಲಿವಿಂಗ್ಸ್ಟೋನ್ ಅವರನ್ನ ಖರೀದಿಸಿತ್ತು. ಈ ಬಾರಿಯ ಹರಾಜಿನಲ್ಲಿ ಅತಿಹೆಚ್ಚು ಮೊತ್ತಕ್ಕೆ ಸೇಲ್ ಆದ ವಿದೇಶಿ ಆಟಗಾರ ಎನಿಸಿಕೊಂಡಿರೋ ಲಿಯಾಮ್, ಪಡೆದ ಕಾಸಿಗೆ ತಕ್ಕಂತೆ ಆಡ್ತಿದ್ದಾರೆ. ಮೂರು ಮ್ಯಾಚ್ನಿಂದ 98 ರನ್ ಮತ್ತು ಎರಡು ವಿಕೆಟ್ ಪಡೆದಿದ್ದಾರೆ. ಸಿಎಸ್ಕೆ ವಿರುದ್ಧ 60 ರನ್ ಸಿಡಿಸಿದ್ದರಿಂದಲೇ ಪಂಜಾಬ್ ಬೃಹತ್ ಮೊತ್ತ ಕೂಡಿಹಾಕಿ ಗೆಲುವು ಪಡೆಯಲು ಸಾಧ್ಯವಾಗಿದ್ದು. ಇನ್ನು ಐಪಿಎಲ್(IPL) ಪಂದ್ಯಗಳು ನಡೆಯುತ್ತಿರುವ ನಾಲ್ಕು ಪಿಚ್ಗಳೂ ಸ್ಪಿನ್ನರ್ಸ್ಗೆ ನೆರವಾಗ್ತಿವೆ. ಹಾಗಾಗಿ ಲಿವಿಂಗ್ಸ್ಟೋನ್, ವೇಗದ ಬೌಲಿಂಗ್ ಬದಲಿಗೆ ಸ್ಪಿನ್ ಬೌಲಿಂಗ್ ಮಾಡ್ತಿದ್ದಾರೆ. ಮೂರು ಪಂದ್ಯದಲ್ಲೂ ಬೌಲಿಂಗ್ ಮಾಡಿದ್ರೂ ಸಿಎಸ್ಕೆ ವಿರುದ್ಧ 2 ವಿಕೆಟ್ ಪಡೆದ್ರು. ಇದಕ್ಕಾಗಿನೇ ಈ ಐಪಿಎಲ್ನಲ್ಲಿ ಲಿಯಾಮ್ ಲಿವಿಂಗ್ಸ್ಟೋನ್ ಸ್ಪೆಷಲ್ ಪ್ಲೇಯರ್ ಎನಿಸಿಕೊಂಡಿರೋದು. ನಾವು ಸಕಲಕಲಾವಲ್ಲಭ ಅಂತಿರೋದು.
ಮಯಾಂಕ್ ಅಗರ್ವಾಲ್ ನೇತೃತ್ವದ ಪಂಜಾಬ್ ಕಿಂಗ್ಸ್ ತಂಡವು ಮೂರು ಪಂದ್ಯಗಳನ್ನಾಡಿ ಎರಡು ಗೆಲುವು ಹಾಗೂ ಒಂದು ಸೋಲುಗಳೊಂದಿಗೆ 4 ಅಂಕಗಳ ಸಹಿತ ಅಂಕಪಟ್ಟಿಯಲ್ಲಿ ನಾಲ್ಕನೇ ಸ್ಥಾನದಲ್ಲಿದೆ. ಬಲಿಷ್ಠ ತಂಡಗಳನ್ನು ಬಗ್ಗುಬಡಿದು ಆತ್ಮವಿಶ್ವಾಸದಿಂದ ಬೀಗುತ್ತಿರುವ ಪಂಜಾಬ್ ತಂಡವು ಚೊಚ್ಚಲ ಐಪಿಎಲ್ ಟ್ರೋಫಿ ಮೇಲೆ ಕಣ್ಣಿಟ್ಟಿದೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.