* ಈ ಬಾರಿಯ ಐಪಿಎಲ್‌ನಲ್ಲಿ ಅವಕಾಶವೇ ಸಿಗುತ್ತಿಲ್ಲ ನಾಲ್ವರು ಆಟಗಾರರಿಗೆ
* ಮೊದಲಾರ್ಧದಲ್ಲಿ ಬೆಂಚ್ ಕಾಯಿಸಲಷ್ಟೇ ಸೀಮಿತವಾದ ಪ್ರತಿಭಾನ್ವಿತ ಆಟಗಾರರ
* ಮಹಿಪಾಲ್‌ಗೆ ಇನ್ನಾದರೂ ಅರ್‌ಸಿಬಿ ನೀಡುತ್ತಾ ಚಾನ್ಸ್?
ಮುಂಬೈ(ಏ.25): ಕ್ರಿಕೆಟ್ ಲೋಕದ ಶ್ರೀಮಂತ ಟಿ20 ಲೀಗ್ ಅಂತ ಕರೆಸಿಕೊಳ್ಳೋ 15ನೇ ಐಪಿಎಲ್ನ (IPL 2022) ಮೊದಲಾರ್ಧ ಕೊನೆಗೊಂಡಿವೆ. ಎಲ್ಲಾ ಪಂದ್ಯಗಳು ರೋಚಕತೆ ಉಣಬಡಿಸಿವೆ. ಸೆಕೆಂಡ್ ಹಾಫ್ನಲ್ಲಿ ಮತ್ತಷ್ಟು ಅತೀ ರೋಚಕ ಪಂದ್ಯಗಳಿಗೆ ಟೂರ್ನಿ ಸಾಕ್ಷಿಯಾಗಲಿದೆ. ಇನ್ನು ಟೂರ್ನಿ ಆರಂಭಗೊಂಡು ನಾಲ್ಕು ವಾರ ಕಳೆದಿದೆ. ಇಷ್ಟಾದ್ರು ಪ್ರತಿಭಾನ್ವಿತ ಆಟಗಾರರಿಗೆ ಇನ್ನೂ ಒಂದೂ ಚಾನ್ಸ್ ಸಿಕ್ಕಿಲ್ಲ. ಕೋಟಿ ಕೋಟಿ ಸುರಿದು ತೆಕ್ಕೆಗೆ ಹಾಕಿಕೊಂಡ ಫ್ರಾಂಚೈಸಿಗಳು ಇವರನ್ನ ಬೆಂಚ್ಗೆ ಸೀಮಿತಗೊಳಿಸಿವೆ. ಪ್ರತಿಭೆಗೆ ಸಾಣೆ ಹಾಕದೇ ಬೆಂಚ್ ಕಾಯ್ತಿರೋ ಆಟಗಾರರನ್ನ ಒನ್ ಬೈ ಒನ್ ಹೇಳ್ತೇವೆ ನೋಡಿ.
ಡೆಲ್ಲಿ ತಂಡದಲ್ಲಿ ಅವಕಾಶ ಸಿಗದೇ ಯಶ್ ಧುಳ್ಗೆ ನಿರಾಸೆ:
ಅಂಡರ್ 19 ವಿಶ್ವಕಪ್ (ICC U19 World Cup) ಗೆಲ್ಲಿಸಿಕೊಟ್ಟು, ರಣಜಿ ಟ್ರೋಫಿಯಲ್ಲಿ ರನ್ ಹೊಳೆ ಹರಿಸಿದ ಯುವ ಬ್ಯಾಟರ್ ಯಶ್ ಧುಳ್ಗೆ (Yash Dhull) ಅವಕಾಶ ಮರೆಯಾಗಿದೆ. 50 ಲಕ್ಷ ಕೊಟ್ಟು ಖರೀದಿಸಿದ ಡೆಲ್ಲಿ ಈವರೆಗೆ ಒಂದೂ ಚಾನ್ಸ್ ಕೊಟ್ಟಿಲ್ಲ. ಬರೀ ಚೆಂಚ್ಗೆ ಸೀಮಿತಗೊಳಿಸಿದೆ. ಡೆಲ್ಲಿ ಮಿಡಲ್ ಆರ್ಡರ್ ವೀಕ್ ಆಗಿದ್ದು, ಧುಳ್ಗೆ ಚಾನ್ಸ್ ಕೊಟ್ರೆ ನ್ಯಾಯ ಒದಗಿಸಬಲ್ಲರು.
ಸೆಕೆಂಡ್ ಹಾಫ್ನಲ್ಲಾದ್ರು ಲೊಮ್ರಾರ್ ಗೆ ಚಾನ್ಸ್ ಸಿಗುತ್ತಾ..?:
ಸಲೀಸಾಗಿ ದೊಡ್ಡ ಹೊಡೆತಗಳ ಬಾರಿಸೋದ್ರಲ್ಲಿ ಯಂಗ್ಮ್ಯಾನ್ ಮಹಿಪಾಲ್ ಲೊಮ್ರೊರ್ (Mahipal Lomror) ಎತ್ತಿದ ಕೈ. ಕಳೆದ ಬಾರಿ ರಾಜಸ್ಥಾನ ರಾಯಲ್ಸ್ (Rajasthan Royals) ಪರ ಇದನ್ನು ಪ್ರೂವ್ ಮಾಡಿದ್ರು. ಆದ್ರೆ ಆರ್ಸಿಬಿ(RCB) ಸೇರಿದ ಬಳಿಕ ಲೊಮ್ರೊರ್ ಮೂಲೆಗುಂಪಾಗಿದ್ದಾರೆ. ಆರಂಭಿಕ ಅನೂಜ್ ರಾವುತ್ ಫೇಲಾಗಿದ್ದಾರೆ. ಇನ್ನು ಪ್ರಭುದೇಸಾಯಿ ಸ್ಥಿರ ಪ್ರದರ್ಶನ ನೀಡ್ತಿಲ್ಲ. ಇಷ್ಟಾದ್ರು ಆರ್ಸಿಬಿ ಮ್ಯಾನೇಜ್ಮೆಂಟ್ ಲೊಮ್ರೊರ್ಗೆ ಚಾನ್ಸ್ ಕೊಡದೇ ಬೆಂಚ್ಗೆ ಕೊನೆಗೊಳಿಸಿದೆ.
IPL 2022: ಮುಂಬೈ ಪ್ಲೇ ಆಫ್ ಕನಸು ಭಗ್ನ, ಸೋಷಿಯಲ್ ಮೀಡಿಯಾದಲ್ಲಿ ಟ್ರೆಂಡ್ ಆದ ಮೀಮ್ಸ್‌ಗಳಿವು..!
ಚೇತನ್ ಸಕಾರಿಯಾರನ್ನ ಸದ್ಭಳಕೆ ಮಾಡಿಕೊಳ್ತಿಲ್ಲ ಡೆಲ್ಲಿ:
ಕಳೆದ ಆವೃತ್ತಿಯಲ್ಲಿ ರಾಜಸ್ಥಾನ ಪರ ಚೇತನ್ ಸಕಾರಿಯಾ (Chetan Sakariya) ಮಿಂಚಿನ ದಾಳಿ ನಡೆಸಿದ್ರು. ಪರಿಣಾಮ ಟೀಮ್ ಇಂಡಿಯಾಗೂ (Team India) ಎಂಟ್ರಿ ಕೊಟ್ಟಿದ್ರು. ಇಂತಹ ಟ್ಯಾಲೆಂಟೆಂಡ್ ಬೌಲರ್ ಗುರುತಿಸುವಲ್ಲಿ ಡೆಲ್ಲಿ ಎಡವಿದೆ. ತಂಡ ಬ್ಯಾಕ್ ಟು ಬ್ಯಾಕ್ ಸೋಲ್ತಿದ್ರು ಸಕಾರಿಯನ್ನ ಆಡಿಸೋ ಮನಸ್ಸು ಮಾಡ್ತಿಲ್ಲ.
ಮಾರ್ಕಂಡೆಗೆ ಇನ್ನಾದ್ರು ಒಲಿಯುತ್ತಾ ಅದೃಷ್ಟ..?:
2018 ಹಾಗೂ 2019ರ ಆವೃತ್ತಿಯಲ್ಲಿ ಮಯಾಂಕ್ ಮಾರ್ಕಂಡೆ (Mayank Markande) ಸ್ಪಿನ್ ಮೋಡಿ ಜೋರಾಗಿತ್ತು. ಇಂತಹ ಆಟಗಾರನಿಗೆ ಮುಂಬೈ ಇಂಡಿಯನ್ಸ್ (Mumbai Indians) ಈವರೆಗೆ ಚಾನ್ಸ್ ಕೊಟ್ಟಿಲ್ಲ. ತಂಡ ಒಂದೂ ಗೆಲುವು ಕಾಣದೇ ಸೋತು ಸುಣ್ಣವಾಗಿದೆ. ಮುಂದಿನ ಪಂದ್ಯಗಳಲ್ಲಿ ಗೆಲುವು ಕಾಣಬೇಕಾದ್ರೆ ಯಂಗ್ ಸ್ಪಿನ್ನರ್ ಮಾರ್ಕಂಡೆಗೆ ಸ್ಥಾನ ನೀಡಬೇಕಾಗಿದೆ.
ಮೇಲಿನ ನಾಲ್ವರು ಆಟಗಾರರಿಗೆ ಮೊದಲ ಹಾಫ್ನಲ್ಲಿ ಚಾನ್ಸ್ ಸಿಕ್ಕಿಲ್ಲ. ಕನಿಷ್ಠ ಪಕ್ಷ ಸೆಕೆಂಡ್ ಹಾಫ್ನಲ್ಲಾದ್ರು ಫ್ರಾಂಚೈಸಿಗಳು ಪ್ರತಿಭಾನ್ವಿತ ಆಟಗಾರರನ್ನ ಕಣಕ್ಕಿಳಿಸುತ್ತವಾ ಅನ್ನೋದನ್ನ ಕಾದು ನೋಡಬೇಕು.