ಮಹತ್ವದ ಘಟ್ಟದಲ್ಲಿ ವಿಫಲವಾಗುತ್ತಿದೆ ಭಾರತ ಮಹಿಳಾ ಕ್ರಿಕೆಟ್ ತಂಡ
ಪದೇ ಪದೇ ಪ್ರಶಸ್ತಿ ಗೆಲ್ಲಲು ವಿಫಲವಾಗುತ್ತಿರುವ ಭಾರತೀಯ ಮಹಿಳಾ ಕ್ರಿಕೆಟ್
ಹರಿಣಗಳಂತೆ ಚೋಕರ್ಸ್ ಆಗುತ್ತಿದೆ ಮಹಿಳಾ ಕ್ರಿಕೆಟ್ ತಂಡ
ಬೆಂಗಳೂರು(ಆ.11): ದಕ್ಷಿಣ ಆಫ್ರಿಕಾ, ವಿಶ್ವ ಕ್ರಿಕೆಟ್ನಲ್ಲಿ ಜೋಕರ್ಸ್ ಎಂದೇ ಫೇಮಸ್. ಒಂದೂ ಐಸಿಸಿ ಟ್ರೋಫಿ ಗೆಲ್ಲದ ಸೌತ್ ಆಫ್ರಿಕಾ ಟೀಂ ಚೋಕರ್ಸ್ ಪಟ್ಟ ಅಲಂಕರಿಸಿದೆ. ಎಲ್ಲಾ ಐಸಿಸಿ ಟೂರ್ನಿ ಲೀಗ್ ಮ್ಯಾಚ್ಗಳಲ್ಲಿ ಅದ್ಭುತ ಪ್ರದರ್ಶನ ನೀಡುವ ಆಫ್ರಿಕನ್ನರು, ನಾಕೌಟ್ ಪಂದ್ಯಗಳಲ್ಲಿ ಸೋತು ಐಸಿಸಿ ಟ್ರೋಫಿ ಗೆಲ್ಲದೆ ನಿರಾಸೆ ಅನುಭವಿಸಿದ್ದಾರೆ. ಹಾಗಾಗಿ ಪುರುಷರ ಕ್ರಿಕೆಟ್ನಲ್ಲಿ ಆಫ್ರಿಕಾಗೆ ಚೋಕರ್ಸ್ ಪಟ್ಟ ನೀಡಿರೋದು.
ಈಗ ಮಹಿಳಾ ಕ್ರಿಕೆಟ್ನಲ್ಲಿ ಭಾರತ ವನಿತೆಯರು ಚೋಕರ್ಸ್ ಆಗಿದ್ದಾರೆ. ಭಾರತ ಮಹಿಳಾ ಕ್ರಿಕೆಟ್ ತಂಡವು 4 ಮೆಗಾ ಟೂರ್ನಿ ಫೈನಲ್ನಲ್ಲಿ ಸೋಲು ಅನುಭವಿಸಿದ್ದಾರೆ. ಈ ಮೂಲಕ 4 ಕಪ್ ಗೆಲ್ಲೋದ್ರಿಂದ ವಂಚಿತರಾಗಿ ಚೋಕರ್ಸ್ ಎನಿಸಿಕೊಂಡಿದ್ದಾರೆ.
2005-17ರ ಒನ್ಡೇ ವರ್ಲ್ಡ್ಕಪ್ ಫೈನಲ್ನಲ್ಲಿ ಭಾರತ ಪರಾಭವ:
1973ರಿಂದ ಮಹಿಳೆಯರ ಒನ್ಡೇ ವರ್ಲ್ಡ್ಕಪ್ ಟೂರ್ನಿ ನಡೆಯುತ್ತಿದ್ದರೂ ಭಾರತ ಫಸ್ಟ್ ಟೈಮ್ ಫೈನಲ್ ಪ್ರವೇಶಿಸಿದ್ದು, 2005ರಲ್ಲಿ. ಸೌತ್ ಆಫ್ರಿಕಾದಲ್ಲಿ ನಡೆದ ಫೈನಲ್ ಫೈಟ್ನಲ್ಲಿ ಆಸ್ಟ್ರೇಲಿಯಾ 215 ರನ್ ಬಾರಿಸಿದ್ರೆ, ಭಾರತೀಯರು 117 ರನ್ಗೆ ಆಲೌಟ್ ಆಗಿ ಸೋಲು ಅನುಭವಿಸಿ ರನ್ನರ್ ಅಪ್ ಆದ್ರು.
Asia Cup 2022: ಅಕ್ಷರ್ ಪಟೇಲ್‌ಗೆ ಸ್ಥಾನ ನೀಡದಿದ್ದಕ್ಕೆ ಅಚ್ಚರಿ ವ್ಯಕ್ತಪಡಿಸಿದ ಪಾರ್ಥಿವ್ ಪಟೇಲ್..!
2017ರಲ್ಲೂ ಏಕದಿನ ವಿಶ್ವಕಪ್ನಲ್ಲಿ ಫೈನಲ್ ಪ್ರವೇಶಿಸಿದ್ದ ಇಂಡಿಯಾ ವುಮೆನ್ಸ್ ಟೀಂ, ಅಲ್ಲೂ ಸೋತಿತು. ಕ್ರಿಕೆಟ್ ಕಾಶಿ ಲಾರ್ಡ್ಸ್ ಮೈದಾನದಲ್ಲಿ ಇಂಗ್ಲೆಂಡ್ 228 ರನ್ ಹೊಡೆದ್ರೆ, ಭಾರತ ಮಹಿಳಾ ತಂಡ 219 ರನ್ಗೆ ಆಲೌಟ್ ಆಗಿ 9 ರನ್ನಿಂದ ವಿರೋಚಿತ ಸೋಲು ಅನುಭವಿಸ್ತು.
2020ರ ಟಿ20 ವಿಶ್ವಕಪ್ ಫೈನಲ್ನಲ್ಲೂ ಭಾರತೀಯರಿಗೆ ಸೋಲು:
2009ರಿಂದ ಮಹಿಳೆಯರ ಟಿ20 ವಿಶ್ವಕಪ್ ನಡೆಯುತ್ತಿದ್ದರೂ ಭಾರತೀಯರು ಫೈನಲ್ ಪ್ರವೇಶಿಸಿದ್ದು ಮಾತ್ರ 2020ರ ಟೂರ್ನಿಯಲ್ಲಿ. ಮೆಲ್ಬೋರ್ನ್ನಲ್ಲಿ ನಡೆದ ಫೈನಲ್ನಲ್ಲಿ ಆತಿಥೇಯ ಆಸ್ಟ್ರೇಲಿಯಾ 184 ರನ್ ಬಾರಿಸಿದ್ರೆ, ಭಾರತೀಯರು 99 ರನ್ಗೆ ಆಲೌಟ್ ಆಗಿ ಸೋತು ಹೋದ್ರು. ಈ ಮೂಲಕ ಮೂರು ವಿಶ್ವಕಪ್ ಫೈನಲ್ನಲ್ಲಿ ಸೋತ ತಂಡ ಅನ್ನೋ ಅಪಕೀರ್ತಿಗೆ ಒಳಗಾದ್ರು.
ಕಾಮನ್ವೆಲ್ತ್ ಗೇಮ್ಸ್ ಫೈನಲ್ನಲ್ಲೂ ಸೋಲು:
ಕೆಲದಿನಗಳ ಹಿಂದಷ್ಟೇ ಕಾಮನ್ವೆಲ್ತ್ ಗೇಮ್ಸ್ ಫೈನಲ್ನಲ್ಲೂ ಇಂಡಿಯಾ ವುಮೆನ್ಸ್, ಆಸ್ಟ್ರೇಲಿಯಾ ವಿರುದ್ಧ 9 ರನ್ನಿಂದ ಸೋಲು ಅನುಭವಿಸಿದ್ರು. ಟಿ20 ಮ್ಯಾಚ್ನಲ್ಲಿ ಆಸೀಸ್ 161 ರನ್ ಹೊಡೆದಿದ್ದರೆ ಭಾರತೀಯರು 152 ರನ್ ಗಳಿಸಿ ಸೋತರು. ಚಿನ್ನದ ಪದಕ ಮಿಸ್ ಆಯ್ತು. ಈ ಮೂಲ್ಕ 4 ಫೈನಲ್ಗಳಲ್ಲಿ ಮೂರು ಬಾರಿ ಆಸ್ಟ್ರೇಲಿಯಾ ವಿರುದ್ಧವೇ ಸೋಲು ಅನುಭವಿಸಿದ್ದಾರೆ. ಮೇಗಾ ಟೂರ್ನಿಗಳಲ್ಲಿ ಕಾಂಗರೂಗಳು ಭಾರತೀಯರಿಗೆ ಕಂಟಕರಾಗಿದ್ದಾರೆ.