ಕೊರೋನಾ ವೈರಸ್‌ನಿಂದ ಭಾರತ-ಸೌತ್ ಆಫ್ರಿಕಾ ಏಕದಿನ ಸರಣಿ ರದ್ದಾಗಿದ್ದರೆ, ಐಪಿಎಲ್ ಟೂರ್ನಿ ಎಪ್ರಿಲ್ 15ರ ವರೆಗೆ ರದ್ದಾಗಿದೆ. ಆದರೆ ಆಸ್ಟ್ರೇಲಿಯಾ ನ್ಯೂಜಿಲೆಂಡ್ ಏಕದಿನ ಪಂದ್ಯ ವೈರಸ್ ಭೀತಿ ನಡುವೆ ನಡೆದಿದೆ. ಅಭಿಮಾನಿಗಳಿಗೆ ಪ್ರವೇಶ ನಿರಾಕರಿಸಿ ನಡೆದ ಈ ಪಂದ್ಯದಲ್ಲಿ ಫೀಲ್ಡರ್‌ಗಳು ಬ್ಯಾರಿ ಕೇಡ್ ಹಾರಿ ಚೆಂಡು ಹುಡುಕುವ ಪರಿಸ್ಥಿತಿ ನಿರ್ಮಾಣವಾಗಿತ್ತು.
ಸಿಡ್ನಿ(ಮಾ.14): ಆಸ್ಟ್ರೇಲಿಯಾ ಹಾಗೂ ನ್ಯೂಜಿಲೆಂಡ್ ನಡುವಿನ ಮೊದಲ ಏಕದಿನ ಪಂದ್ಯಕ್ಕೆ ಕೊರೋನಾ ವೈರಸ್ ಪರಿಣಾಮ ಅಭಿಮಾನಿಗಳಿಗೆ ನಿರ್ಬಂದ ವಿದಿಸಲಾಗಿತ್ತು. ಅಭಿಮಾನಿಗಳಿಲ್ಲದೆ ಖಾಲಿ ಕ್ರೀಡಾಂಗಣದಲ್ಲಿ ಪಂದ್ಯ ನಡದಿದೆ. ಈ ಪಂದ್ಯಕ್ಕೆ ಪ್ರೇಕ್ಷಕರಿಗೆ ಪ್ರವೇಶ ನೀಡಲಾಗಿರಲಿಲ್ಲ.
ಇದನ್ನೂ ಓದಿ: ಭಾರತ-ಸೌತ್ ಆಫ್ರಿಕಾ ಏಕದಿನ ಸರಣಿ ರದ್ದು, ಕೊರೋನಾಗೆ ಬಲಿಯಾಯ್ತು ಕ್ರಿಕೆಟ್!
undefined
ಖಾಲಿ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಪ್ರತಿ ಬಾರಿ ಚೆಂಡು ಪ್ರೇಕ್ಷಕರ ಗ್ಯಾಲರಿಗೆ ಹೋದಾಗ, ಫೀಲ್ಡರ್‌ಗಳು ಚೆಂಡನ್ನು ಹುಡುಕಲು ಪರದಾಡಿದರು. ಆ ವಿಡಿಯೋ ಹಾಗೂ ಫೋಟೋಗಳು ಸಾಮಾಜಿಕ ತಾಣಗಳಲ್ಲಿ ವೈರಲ್‌ ಆಗಿವೆ. ಫೀಲ್ಡರ‌್‌ಗಳೇ ಬ್ಯಾರಿಕೇಡ್ ಜಿಗಿದು ಪ್ರೇಕ್ಷಕರ ಗ್ಯಾಲರಿ ಸೀಟಿನ ಅಡಿಯಲ್ಲಿ ಬಿದ್ದ ಚೆಂಡನ್ನು ಹುಡುಕಿ ತೆಗೆಯುವ ಸಾಹಸ ಮಾಡಬೇಕಾಯ್ತು.
Situation of players without spectators 😂😂😂 pic.twitter.com/y6FkpbACsx
— KiR😋N (@kickstarkiran)ಇದನ್ನೂ ಓದಿ: ಕೊರೋನಾ ವೈರಸ್; IPL 2020 ಟೂರ್ನಿ ರದ್ದು ಮಾಡಿದ ಬಿಸಿಸಿಐ
ಕಿವೀಸ್‌ ವಿರುದ್ಧ ಆಸೀಸ್‌ಗೆ 71 ರನ್‌ ಜಯ
ವೇಗಿ ಪ್ಯಾಟ್‌ ಕಮಿನ್ಸ್‌ (3-25), ಮಿಚೆಲ್‌ ಮಾಷ್‌ರ್‍ (3-29) ಮಾರಕ ದಾಳಿ ನೆರವಿನಿಂದ ಆಸ್ಪ್ರೇಲಿಯಾ, ನ್ಯೂಜಿಲೆಂಡ್ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ 71 ರನ್‌ಗಳ ಗೆಲುವು ಸಾಧಿಸಿದೆ. ಈ ಜಯದೊಂದಿಗೆ 3 ಪಂದ್ಯಗಳ ಸರಣಿಯಲ್ಲಿ ಆಸ್ಪ್ರೇಲಿಯಾ 1-0 ಮುನ್ನಡೆ ಪಡೆದಿದೆ. ಶುಕ್ರವಾರ ನಡೆದ ಪಂದ್ಯದಲ್ಲಿ ಆಸ್ಪ್ರೇಲಿಯಾ ನೀಡಿದ 259 ರನ್‌ಗಳ ಸವಾಲಿನ ಗುರಿ ಬೆನ್ನತ್ತಿದ ನ್ಯೂಜಿಲೆಂಡ್ 41 ಓವರಲ್ಲಿ 187 ರನ್‌ಗಳಿಗೆ ಆಲೌಟ್‌ ಆಯಿತು. ಆಸ್ಪ್ರೇಲಿಯಾ ವಾರ್ನರ್‌ (67), ಫಿಂಚ್‌ (60)ರ ಭರ್ಜರಿ ಬ್ಯಾಟಿಂಗ್‌ನಿಂದ 7 ವಿಕೆಟ್‌ಗೆ 258 ರನ್‌ ಗಳಿಸಿತ್ತು.
ಸ್ಕೋರ್‌: ಆಸ್ಪ್ರೇಲಿಯಾ 258/7, ನ್ಯೂಜಿಲೆಂಡ್ 187/10