ಕ್ರಿಕೆಟ್ ಜಗತ್ತಿನಲ್ಲಿ ಒಂದು ಕಾಲಕ್ಕೆ ಅಬ್ಬರಿಸಿದ್ದ ಸ್ಫೋಟಕ ಬ್ಯಾಟ್ಸಮನ್ ವಿರಾಟ್ ಕೋಹ್ಲಿ ಟೀಂ ಇಂಡಿಯಾ ಕ್ಯಾಪ್ಟೆನ್ಸಿ ತೊರೆದ ನಂತರ ಕ್ರಿಕೆಟ್ ಲೈಫ್ ಕವಲುದಾರಿ ಹಿಡಿದಿದೆಯಾ ಎಂದು ಅಭಿಮಾನಿಗಳು ಬೇಸರ ವ್ಯಕ್ತಪಡಿಸುತ್ತಿದ್ದಾರೆ. ಯಾಕೆ ಹೀಗಾಯ್ತು? ಇದುವರೆಗೆ ಆಡಿದ ಪಂದ್ಯಗಳೆಷ್ಟು?
ಲಂಡನ್ (ಜು.೧೬): ಟೀಂ ಇಂಡಿಯಾ ಕ್ಯಾಪ್ಟನ್ಸಿ ಬಿಟ್ಮೇಲೆ ವಿರಾಟ್ ಕೊಹ್ಲಿ ಕ್ರಿಕೆಟ್ ಲೈಫ್ ಕವಲು ದಾರಿ ಹಿಡಿದಿದೆ.. ಅವರು ಉತ್ತಮ ಫಾರ್ಮ್ನಲಿಲ್ಲ. ಹಾಗಂದ ಮಾತ್ರಕ್ಕೆ ಕಳಪೆ ಫಾರ್ಮ್ನಲ್ಲಿದ್ದಾರೆ ಅಂತ ಅಂದುಕೊಳ್ಳಬೇಡಿ. ದೊಡ್ಡ ದೊಡ್ಡ ಮೊತ್ತ ಬಾರಿಸುತ್ತಿಲ್ಲ ಅಷ್ಟೆ. ಆದರೆ 50 ರನ್ಗೆ ಏನು ಮೋಸವಿಲ್ಲ. ಹಾಗಾಗಿನೇ ಕಿಂಗ್ ಕೊಹ್ಲಿಯನ್ನ ಡ್ರಾಪ್ ಮಾಡಲು ಬಿಸಿಸಿಐ ಹಿಂದೇಟು ಹಾಕುತ್ತಿರುವುದು. ಆದರೆ ರೆಸ್ಟ್ ನೆಪದಲ್ಲಿ ಅವರನ್ನ ಟೀಮ್ನಿಂದ ಕೈಬಿಡುತ್ತಿದೆ ಅನ್ನೋ ಅನುಮಾನ ಈಗ ಶುರುವಾಗಿದೆ.
ಕೊಹ್ಲಿ ಆಡಿರೋದು ಜಸ್ಟ್ 15 ಮ್ಯಾಚ್:
ಯೆಸ್, 2022ರಲ್ಲಿ ಟೀಂ ಇಂಡಿಯಾ(Team india) ಮೂರು ಫಾಮ್ಯಾಟ್ನಿಂದ ಒಟ್ಟು 29 ಪಂದ್ಯಗಳನ್ನಾಡಿದ್ದು, ಅದರಲ್ಲಿ ಕಿಂಗ್ ಕೊಹ್ಲಿ(Virat kohli) ಆಡಿರೋದು ಕೇವಲ 15 ಮ್ಯಾಚ್ ಮಾತ್ರ. ಇನ್ನು ವೆಸ್ಟ್ ಇಂಡೀಸ್(West indies) ಟೂರ್ಗೂ ಸೆಲೆಕ್ಟ್ ಆಗದ ವಿರಾಟ್, ಅಲ್ಲಿ 8 ಪಂದ್ಯಗಳನ್ನ ಮಿಸ್ ಮಾಡಿಕೊಳ್ಳಲಿದ್ದಾರೆ. ಅಂದರೆ ನಾಳೆ ನಡೆಯೋ ಇಂಗ್ಲೆಂಡ್ ವಿರುದ್ಧದ ಪಂದ್ಯ ಸೇರಿದಂತೆ ವಿಂಡೀಸ್ ಟೂರ್ವರೆಗೆ ಭಾರತ ಈ ವರ್ಷ ಒಟ್ಟು 38 ಪಂದ್ಯಗಳನ್ನಾಡಲಿದ್ದು, ಅದರಲ್ಲಿ ಕೊಹ್ಲಿ ಆಡಿರೋದು 16 ಪಂದ್ಯ ಮಾತ್ರ. ಅಲ್ಲಿಗೆ ಬರೋಬ್ಬರಿ 22 ಮ್ಯಾಚ್ಗಳನ್ನ ಅವರು ಮಿಸ್ ಮಾಡಿಕೊಂಡಿದ್ದಾರೆ.
ಇದನ್ನೂ ಓದಿ: T20 World cup 2022: 13 ಪಂದ್ಯಗಳಲ್ಲಿ ರೆಡಿಯಾಗಬೇಕು ಟೀಮ್ ಇಂಡಿಯಾ
ಈ ವರ್ಷ ಕಳೆದಿರುವುದು 7 ತಿಂಗಳಲ್ಲಿ ಕೊಹ್ಲಿಗೆ ಇಷ್ಟೊಂದು ಪಂದ್ಯಗಳಿಗೆ ರೆಸ್ಟ್ ನೀಡಲಾಗಿದೆ. ಆಫ್ರಿಕಾ & ಇಂಗ್ಲೆಂಡ್ ವಿರುದ್ಧದ ಒಂದೊಂದು ಪಂದ್ಯದಲ್ಲಿ ಇಂಜುರಿಯಾಗಿ ಹೊರಗುಳಿದಿದ್ದರು. ಆದ್ರೆ ಉಳಿದ 20 ಪಂದ್ಯಗಳಿಗೆ ವಿಶ್ರಾಂತಿ ಕೊಡಲಾಗಿದೆ. ಕಳಪೆ ಫಾರ್ಮ್ನಲ್ಲಿರುವ ಆಟಗಾರನಿಗೆ ಹೀಗೆ ಬ್ಯಾಕ್ ಟು ಬ್ಯಾಕ್ ರೆಸ್ಟ್ ನೀಡುತ್ತಿದ್ದರೆ ಅವರು ನೈಜ ಫಾರ್ಮ್ಗೆ ಮರಳೋದು ಯಾವಾಗ. ಇದನ್ನ ನೋಡುತ್ತಿದ್ದರೆ, ರೆಸ್ಟ್ ರೂಪದಲ್ಲಿ ಟೀಮ್ನಿಂದ ಡ್ರಾಪ್ ಮಾಡಲಾಗ್ತಿದ್ಯಾ ಅನ್ನೋ ಪ್ರಶ್ನೆ ಉದ್ಭವಿಸದೆ ಇರದು.
4114 ದಿನಗಳಲ್ಲಿ 70 ಶತಕ.. ಸಾವಿರ ದಿನವಾದ್ರೂ ಹೊಡೆದಿಲ್ಲ ಒಂದೂ ಶತಕ:
ಯೆಸ್, ಇದು ವಿರಾಟ್ ಕೊಹ್ಲಿಯ ಇನ್ನೊಂದು ಇಂಟ್ರೆಸ್ಟಿಂಗ್ ಸ್ಟೋರಿ. 4114 ದಿನಗಳಲ್ಲಿ ಬರೋಬ್ಬರಿ 70 ಶತಕಗಳನ್ನ ಸಿಡಿಸಿದ್ದ ಕಿಂಗ್ ಕೊಹ್ಲಿ, ಸಾವಿರ ದಿನವಾದ್ರೂ ಒಂದೂ ಶತಕ ದಾಖಲಿಸಿಲ್ಲ. ಆ 71ನೇ ಶತಕ ಹೊಡೆಯಲು ಸಾವಿರ ದಿನದಲ್ಲಿ ಸಾಧ್ಯವಾಗಿಲ್ಲ. 2019 ನವೆಂಬರ್ 23ರಂದು ಬಾಂಗ್ಲಾದೇಶ ವಿರುದ್ಧ ಕೋಲ್ಕತ್ತಾ ಟೆಸ್ಟ್ನಲ್ಲಿ ಕೊಹ್ಲಿ ಸೆಂಚುರಿ ಬಾರಿಸಿದ್ದೇ ಕೊನೆ. ಅಲ್ಲಿಂದ ಇಲ್ಲಿಯವರೆಗೆ ಶತಕ ದಾಖಲಿಸಿಲ್ಲ.
ಇದನ್ನೂ ಓದಿ: ವಿರಾಟ್ ಕೊಹ್ಲಿಯನ್ನು ತಂಡದಿಂದ ಕೈಬಿಡುವಂತ ಸೆಲೆಕ್ಟರ್ ಭಾರತದಲ್ಲಿನ್ನೂ ಹುಟ್ಟಿಲ್ಲ..!
ನಾಳೆ ಇಂಗ್ಲೆಂಡ್ ವಿರುದ್ಧ 3ನೇ ಒನ್ಡೇ ಆಡೋ ಕೊಹ್ಲಿ, ನೆಕ್ಟ್ಸ್ ಪ್ಯಾಡ್ ಕಟ್ಟಿ ಮೈದಾನಕ್ಕಿಳಿಯೋದು ಆಗಸ್ಟ್ ಕೊನೆ ವಾರ ನಡೆಯೋ ಏಷ್ಯಾಕಪ್ನಲ್ಲೇ. 2019ರಿಂದ ಏಷ್ಯಾಕಪ್ವರೆಗೆ ದಿನಗಳನ್ನ ಲೆಕ್ಕ ಹಾಕಿದರೆ ಸಾವಿರ ದಿನಗಳು ಆಗುತ್ತವೆ. ಆಕಸ್ಮಾತ್ ಇಂಗ್ಲೆಂಡ್ ವಿರುದ್ಧ 3ನೇ ಏಕದಿನ ಪಂದ್ಯದಲ್ಲಿ ಶತಕ ದಾಖಲಿಸಿದ್ರೆ ಸಾವಿರ ದಿನ ಒಳಗೆ ಶತಕ ಹೊಡೆಯಲಿದ್ದಾರೆ. ಸದ್ಯದ ಅವರ ಫಾರ್ಮ್ ನೋಡಿದ್ರೆ ಅವರು ನಾಳೆಯೂ ಸೆಂಚುರಿ ಬಾರಿಸೋದು ಡೌಟೇ.