ಬೌಲರ್ ದೀಪಕ್ ಚಹಾರ್ ಅವರು ತಮ್ಮ ಬಹುಕಾಲದ ಗೆಳತಿ ಜಯ ಭಾರದ್ವಾಜ್ ಅವರನ್ನು ಇಂದು (ಜೂನ್ 1) ವರಿಸಲಿದ್ದಾರೆ. ಆಗ್ರಾದ ವಾಯು ವಿಹಾರ್‌ನಲ್ಲಿ ವಾಸಿಸುವ ಚಹರ್ ಮತ್ತು ಜಯಾ ಫತೇಹಾಬಾದ್ ರಸ್ತೆಯಲ್ಲಿರುವ ಜೇಪೀ ಪ್ಯಾಲೇಸ್‌ನಲ್ಲಿ ಸಪ್ತಪದಿ ತುಳಿಯಲಿದ್ದಾರೆ
ನವದೆಹಲಿ(ಜೂ.01): ಟೀಂ ಇಂಡಿಯಾ ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ (ಸಿಎಸ್‌ಕೆ) ವೇಗದ ಬೌಲರ್ ದೀಪಕ್ ಚಹಾರ್ ಅವರು ತಮ್ಮ ಬಹುಕಾಲದ ಗೆಳತಿ ಜಯ ಭಾರದ್ವಾಜ್ ಅವರನ್ನು ಇಂದು (ಜೂನ್ 1) ವರಿಸಲಿದ್ದಾರೆ. ಆಗ್ರಾದ ವಾಯು ವಿಹಾರ್‌ನಲ್ಲಿ ವಾಸಿಸುವ ಚಹರ್ ಮತ್ತು ಜಯಾ ಫತೇಹಾಬಾದ್ ರಸ್ತೆಯಲ್ಲಿರುವ ಜೇಪೀ ಪ್ಯಾಲೇಸ್‌ನಲ್ಲಿ ಸಪ್ತಪದಿ ತುಳಿಯಲಿದ್ದಾರೆ. ಮಂಗಳವಾರ ಮೆಹಂದಿ ಸಮಾರಂಭ ಹಾಗೂ ಸಂಗೀತ ಕಾರ್ಯಕ್ರಮ ಆಯೋಜಿಸಲಾಗಿತ್ತು.
ಮೆಹಂದಿ ಮತ್ತು ಸಂಗೀತ ಸಮಾರಂಭದಲ್ಲಿ ಜೋಡಿಯ ದೇಸಿ ಶೈಲಿಯನ್ನು ಅಭಿಮಾನಿಗಳು ಇಷ್ಟಪಟ್ಟಿದ್ದಾರೆ. ಸಂಗೀತ ಸಮಾರಂಭದಲ್ಲಿ ದೀಪಕ್ ಚಹಾರ್, ಜಯ ಭಾರದ್ವಾಜ್ ಮತ್ತು ಮಾಲ್ತಿ ಚಹಾರ್ ಅವರು 'ಅಕೇಲಾ ಹೈ ಮಿಸ್ಟರ್ ಕಿಲಾಡಿ ಮಿಸ್ ಕಿಲಾಡಿ ಚಾಹಿಯೇ' ಹಾಡಿನಲ್ಲಿ ಅದ್ಭುತವಾಗಿ ನೃತ್ಯ ಮಾಡಿದರು. ಬುಧವಾರ ಹತ್ತು ಗಂಟೆಗೆ ಅರಶಿಣ ಶಾಸ್ತ್ರ ಆಚರಣೆ ಆರಂಭವಾದರೆ, ರಾತ್ರಿ ಒಂಬತ್ತು ಗಂಟೆಗೆ ಮದುವೆ ಸಮಾರಂಭ ಆರಂಭವಾಗಲಿದೆ. ದೀಪಕ್ ಚಹಾರ್ ಮತ್ತು ಜಯಾ ಅವರ ಕುಟುಂಬ ಸದಸ್ಯರು ಮತ್ತು ಇತರ ಆಪ್ತರು ಕೂಡ ವಿವಾಹ ಸಮಾರಂಭದಲ್ಲಿ ಪಾಲ್ಗೊಳ್ಳಲಿದ್ದಾರೆ.
ಟೀಂ ಇಂಡಿಯಾದ ಮಾಜಿ ನಾಯಕ ಎಂಎಸ್ ಧೋನಿ ಮತ್ತು ವಿರಾಟ್ ಕೊಹ್ಲಿಯಂತಹ ಸ್ಟಾರ್‌ಗಳು ಕೂಡ ಈ ವಿವಾಹ ಸಮಾರಂಭದಲ್ಲಿ ಭಾಗವಹಿಸಬಹುದು. ಸಂಜೆ 7 ಗಂಟೆ ಸುಮಾರಿಗೆ ಹೊಟೇಲ್ ಆವರಣದಲ್ಲಿ ದೀಪಕ್ ಮೆರವಣಿಗೆ ಆರಂಭವಾಗಿಇದೆ. ಇವರ ಮೆರವಣಿಗೆಗೆ ನಗರದ ಪ್ರಸಿದ್ಧ ಸುಧೀರ್ ಬ್ಯಾಂಡ್ ಬುಕ್ ಮಾಡಲಾಗಿದೆ.
ಚಹಾರ್ ಅವರ ರಾಜಮನೆತನದ ವಿವಾಹಕ್ಕಾಗಿ ರಾಜಮನೆತನದ ಔತಣವನ್ನೂ ಏರ್ಪಡಿಸಲಾಗಿದೆ. ಆಗ್ರಾದ ವಿಶೇಷ ಚಾಟ್ ಅಲ್ಲದೆ, ಆಹಾರದಲ್ಲಿ ಹತ್ರಾಸ್ ರಾಬ್ರಿ ಇತ್ಯಾದಿಗಳೂ ಇರುತ್ತವೆ. ಇದಲ್ಲದೆ, ಅತಿಥಿಗಳು ಥಾಯ್, ಇಟಾಲಿಯನ್ ಸೇರಿದಂತೆ ಅವಧಿ, ಮುಘಲೈ, ಪಂಜಾಬಿ, ದಕ್ಷಿಣ ಭಾರತೀಯ ತಿನಿಸುಗಳನ್ನು ಆನಂದಿಸಲು ಸಾಧ್ಯವಾಗುತ್ತದೆ.
ಕಳೆದ ವರ್ಷ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಪಂದ್ಯದ ವೇಳೆ ದೀಪಕ್ ಚಾಹರ್ ಜಯ ಭಾರದ್ವಾಜ್ ಅವರನ್ನು ಪ್ರೊಪೋಜ್ ಮಾಡಿದ್ದರು. ದೀಪಕ್ ಅವರ ವಧು ಜಯಾ ಕಾರ್ಪೊರೇಟ್ ಸಂಸ್ಥೆಯಲ್ಲಿ ಕೆಲಸ ಮಾಡುತ್ತಿದ್ದಾರೆ. ದೀಪಕ್ ತನ್ನ ಗೆಳತಿಯನ್ನು ಬಹಳ ದಿನಗಳಿಂದ ಪ್ರಪೋಸ್ ಮಾಡಲು ಬಯಸಿದ್ದರು ಎಂದು ದೀಪಕ್ ಚಹಾರ್ ತಂದೆ ಲೋಕೇಂದ್ರ ಸಿಂಗ್ ಚಹಾರ್ ಹೇಳಿದ್ದರು.
ದೀಪಕ್ ಚಹಾರ್ ಐಪಿಎಲ್ 2021 ರ ಪ್ಲೇಆಫ್ ಹಂತದಲ್ಲಿ ಇದನ್ನು ಮಾಡಲು ಯೋಜಿಸಿದ್ದರು. ಆದಾಗ್ಯೂ, CSK ನಾಯಕ ಎಂಎಸ್ ಧೋನಿ ಅವರ ಸಲಹೆಯ ಮೇರೆಗೆ, ಅವರು ಪಂಜಾಬ್ ಕಿಂಗ್ಸ್ ವಿರುದ್ಧ CSK ಯ ಕೊನೆಯ ಲೀಗ್ ಪಂದ್ಯದ ಸಂದರ್ಭದಲ್ಲಿ ಪ್ರಸ್ತಾಪಿಸಲು ಯೋಜಿಸಿದ್ದರು.
ಐಪಿಎಲ್ 2022 ರ ಮೆಗಾ ಹರಾಜಿನಲ್ಲಿ ದೀಪಕ್ ಚಹಾರ್ ಅವರನ್ನು ಚೆನ್ನೈ ಸೂಪರ್ ಕಿಂಗ್ಸ್ (ಸಿಎಸ್‌ಕೆ) 14 ಕೋಟಿ ರೂಪಾಯಿಗೆ ಖರೀದಿಸಿತು. ಆದಾಗ್ಯೂ, ಚಹಾರ್ ಬೆನ್ನುನೋವಿನ ಕಾರಣ ಇಡೀ ಐಪಿಎಲ್ ಸೀಸನ್‌ನಿಂದ ಹೊರಗುಳಿದಿದ್ದರು. ದೀಪಕ್ ಚಹಾರ್ ಅವರ ತಂಡವು ಐಪಿಎಲ್ 2022 ರಲ್ಲಿ ಹೆಚ್ಚಿನದನ್ನು ಮಾಡಲು ಸಾಧ್ಯವಾಗಲಿಲ್ಲ ಮತ್ತು 14 ಪಂದ್ಯಗಳಲ್ಲಿ ಕೇವಲ ನಾಲ್ಕು ಪಂದ್ಯಗಳನ್ನು ಮಾತ್ರ ಗೆಲ್ಲಲು ಸಾಧ್ಯವಾಯಿತು.