ಬಿಸಿ​ಸಿಐ ಚುನಾ​ವ​ಣೆಗೆ 8 ರಾಜ್ಯ ಸಂಸ್ಥೆಗಳು ಅನ​ರ್ಹ!

ಬಿಸಿಸಿಐ ಅಧ್ಯಕ್ಷ ಗಾದಿ ಹಿಡಿಯಲು ಅಭ್ಯರ್ಥಿಗಳ ತಯಾರಿ ಆರಂಭಗೊಂಡಿದೆ. ಅಧಿಕಾರದ ಚುಕ್ಕಾಣಿ ಹಿಡಿಯಲು ಕಸರತ್ತುಗಳು ನಡೆಯುತ್ತಿದೆ. ಇದರ ಬೆನ್ನಲ್ಲೇ ಬಿಸಿಸಿಐ 8 ರಾಜ್ಯ ಕ್ರಿಕೆಟ್ ಸಂಸ್ಥೆಗಳನ್ನು ಅನರ್ಹಗೊಳಿಸಿದೆ.  

ನವ​ದೆ​ಹ​ಲಿ(ಅ.11): ಬಿಸಿಸಿಐ ಚುನಾವಣೆಗೆ ಚಟುವಟಿಕೆಗೆಗಳು ಗರಿಗೆದರಿದೆ. ಇದರ ಬೆನ್ನಲ್ಲೇ ಕೆಲ ರಾಜ್ಯ ಕ್ರಿಕೆಟ್ ಸಂಸ್ಥೆಗಳಿಗೆ ಬಿಸಿಸಿಐ ಶಾಕ್ ನೀಡಿದೆ.  ಅ.23ರಂದು ನಡೆ​ಯ​ಲಿ​ರುವ ಬಿಸಿ​ಸಿಐ ವಾರ್ಷಿಕ ಸಾಮಾನ್ಯ ಸಭೆ ಹಾಗೂ ಚುನಾ​ವಣೆಗೆ 8 ರಾಜ್ಯ ಕ್ರಿಕೆಟ್‌ ಸಂಸ್ಥೆ​ಗ​ಳನ್ನು ಸುಪ್ರೀಂ ನೇಮಿತ ಆಡ​ಳಿತ ಸಮಿತಿ (ಸಿಒ​ಎ) ಅನ​ರ್ಹ​ಗೊ​ಳಿ​ಸಿ​ದೆ.

ಇದನ್ನೂ ಓದಿ:  KSCA ಚುನಾವಣೆ ಫಲಿತಾಂಶ; ರೋಜರ್ ಬಿನ್ನಿ ಬಣಕ್ಕೆ ಭರ್ಜರಿ ಗೆಲುವು!

ಸುಪ್ರೀಂ ಕೋರ್ಟ್‌ ಅನು​ಮೋ​ದಿ​ಸಿದ ಬಿಸಿ​ಸಿಐ ಸಂವಿ​ಧಾನದ ಅನು​ಸ​ರಣೆಗೆ ಬಾರದ ರಾಜ್ಯ ಸಂಸ್ಥೆ​ಗಳ ಸಂವಿ​ಧಾ​ನ​ದಲ್ಲಿ ತಿದ್ದು​ಪಡಿಗೆ ಸಿಒಎ ಸಲಹೆ ನೀಡಿ​ತ್ತು. ಮಣಿ​ಪುರ, ಉತ್ತರ ಪ್ರದೇಶ, ತಮಿ​ಳು​ನಾಡು, ಹರ್ಯಾಣ, ಮಹಾ​ರಾಷ್ಟ್ರ, ರೈಲ್ವೇಸ್‌, ಸರ್ವಿಸಸ್‌ ಹಾಗೂ ಭಾರ​ತೀಯ ವಿಶ್ವ​ವಿ​ದ್ಯಾ​ಲ​ಯ​ಗಳ ಸಂಘ ಮತ​ದಾ​ನ​ ಮಾಡುವ ಹಕ್ಕನ್ನು ಕಳೆ​ದು​ಕೊಂಡಿ​ವೆ.

ಇದನ್ನೂ ಓದಿ:  ಬಿಸಿಸಿಐ ಚುನಾವಣಾ ಕಣಕ್ಕೆ ಸೌರವ್‌, ಅಜರ್‌

ಗುರು​ವಾರ ಚುನಾ​ವಣಾ ಅಧಿ​ಕಾರಿ ಗೋ​ಪಾ​ಲ​ಸ್ವಾಮಿ ಅಂತಿಮ ಪಟ್ಟಿಬಿಡು​ಗಡೆ ಮಾಡಿದರು. ಬ್ರಿಜೇಶ್‌ ಪಟೇಲ್‌ (ಕ​ರ್ನಾ​ಟ​ಕ), ಗಂಗೂಲಿ (ಬಂಗಾ​ಳ), ಅಜ​ರು​ದ್ದೀನ್‌ (ಹೈ​ದ​ರಾ​ಬಾ​ದ್‌), ರಜತ್‌ ಶರ್ಮಾ (ಡೆ​ಲ್ಲಿ), ಜಯ್‌ ಶಾ (ಸೌ​ರಾ​ಷ್ಟ್ರ), ಅರುಣ್‌ ಸಿಂಗ್‌ ಧುಮಲ್‌ (ಹಿ​ಮಾ​ಚ​ಲ) ರಾಜ್ಯ​ ಸಂಸ್ಥೆಗ​ಳನ್ನು ಪ್ರತಿ​ನಿ​ಧಿ​ಸ​ಲಿ​ದ್ದಾ​ರೆ.