ಹಾಲಿ ಟಿ20 ಚಾಂಪಿಯನ್ ಎದುರು ಮೊದಲ ಗೆಲುವು ದಾಖಲಿಸಿದ ಬಾಂಗ್ಲಾದೇಶ..!

* ಇಂಗ್ಲೆಂಡ್‌ ವಿರುದ್ಧ ಬಾಂಗ್ಲಾಗೆ ಮೊದಲ ಜಯ * 3 ಪಂದ್ಯಗಳ ಟಿ20 ಸರಣಿಯಲ್ಲಿ ಬಾಂಗ್ಲಾಗೆ 1-0 ಮುನ್ನಡೆ * ಟಿ20 ಕ್ರಿಕೆಟ್ ಮಾದರಿಯಲ್ಲಿ ಬಾಂಗ್ಲಾದೇಶಕ್ಕಿದು ಇಂಗ್ಲೆಂಡ್ ಎದುರು ಮೊದಲ ಗೆಲುವು

ಚಿತ್ತ​ಗಾಂಗ್‌(ಮಾ.10): ಹಾಲಿ ಟಿ20 ವಿಶ್ವ​ ಚಾಂಪಿ​ಯನ್‌ ಇಂಗ್ಲೆಂಡ್‌ ವಿರುದ್ಧ ಬಾಂಗ್ಲಾ​ದೇಶ ಮೊದ​ಲ ಟಿ20 ಪಂದ್ಯ​ದಲ್ಲಿ 6 ವಿಕೆಟ್‌ ಗೆಲುವು ಸಾಧಿ​ಸಿ, 3 ಪಂದ್ಯ​ಗಳ ಸರ​ಣಿ​ಯಲ್ಲಿ 1-0 ಮುನ್ನಡೆ ಪಡೆ​ಯಿತು. ಇದು ಟಿ20 ಮಾದರಿಯಲ್ಲಿ ಇಂಗ್ಲೆಂಡ್‌ ವಿರುದ್ಧ ಬಾಂಗ್ಲಾಗೆ ಮೊದಲ ಗೆಲುವು. 

ಪಂದ್ಯದಲ್ಲಿ ಮೊದಲು ಬ್ಯಾಟ್‌ ಮಾಡಿದ ಇಂಗ್ಲೆಂಡ್‌ 6 ವಿಕೆ​ಟ್‌ಗೆ 156 ರನ್‌ ಕಲೆ​ಹಾ​ಕಿತು. ಬಟ್ಲರ್‌ 67 ರನ್‌ ಸಿಡಿ​ಸಿ​ದರು. ಕೊನೆ 4 ಓವ​ರ​ಲ್ಲಿ ಕೇವಲ 21 ರನ್‌ ಗಳಿ​ಸಿದ್ದು ಇಂಗ್ಲೆಂಡ್‌ಗೆ ಮುಳುವಾಯಿತು. ಸ್ಪರ್ಧಾ​ತ್ಮಕ ಗುರಿ ಬೆನ್ನ​ತ್ತಿದ ಬಾಂಗ್ಲಾ ನಜ್ಮುಲ್‌ ಹೊಸೈ​ನ್‌​(30 ಎಸೆ​ತ​ಗ​ಳಲ್ಲಿ 51) ಅಬ್ಬ​ರ​ದಿಂದಾಗಿ 2 ಓವರ್‌ ಬಾಕಿ ಇರು​ವಂತೆ ಗೆಲುವು ಸಾಧಿ​ಸಿತು.

ಇತ್ತೀಚೆಗಷ್ಟೇ ಬಾಂಗ್ಲಾದೇಶ ಎದುರಿನ ಮೂರು ಪಂದ್ಯಗಳ ಏಕದಿನ ಸರಣಿಯನ್ನು ಇಂಗ್ಲೆಂಡ್ ತಂಡವು 2-1 ಅಂತರದಲ್ಲಿ ಜಯಿಸಿತ್ತು. ಆದರೆ ಇದೀಗ ಟಿ20 ವಿಶ್ವಕಪ್ ಚಾಂಪಿಯನ್‌ ಇಂಗ್ಲೆಂಡ್ ವಿರುದ್ದ ಬಾಂಗ್ಲಾದೇಶ ತಂಡವು ಮೊದಲ ಪಂದ್ಯದಲ್ಲೇ ಭರ್ಜರಿ ಗೆಲುವು ದಾಖಲಿಸುವ ಮೂಲಕ ಸರಣಿಯಲ್ಲಿ ಶುಭಾರಂಭ ಮಾಡಿದೆ.

2ನೇ ಟೆಸ್ಟ್‌: ವಿಂಡೀ​ಸ್‌ ವಿರುದ್ಧ ಆ​ಫ್ರಿ​ಕಾಕ್ಕೆ ಲೀಡ್‌

ಜೋಹಾ​ನ್ಸ್‌​ಬರ್ಗ್‌: ವೆಸ್ಟ್‌​ಇಂಡೀಸ್‌ ವಿರು​ದ್ಧದ 2ನೇ ಟೆಸ್ಟ್‌ನಲ್ಲಿ ದಕ್ಷಿಣ ಆ​ಫ್ರಿಕಾ ಮೊದಲ ಇನ್ನಿಂಗ್ಸ್‌ನಲ್ಲಿ 69 ರನ್‌ ಮುನ್ನಡೆ ಪಡೆ​ದಿದೆ. ದಕ್ಷಿಣ ಆ​ಫ್ರಿಕಾದ 320 ರನ್‌ ಉತ್ತ​ರ​ವಾಗಿ ಬ್ಯಾಟ್‌ ಮಾಡಿದ ವಿಂಡೀಸ್‌ ಜೇಸನ್‌ ಹೋಲ್ಡ​ರ್‌​(​ಔ​ಟಾ​ಗದೆ 81) ಹೋರಾ​ಟದ ಹೊರ​ತಾ​ಗಿಯೂ 251ಕ್ಕೆ ಆಲೌಟ್‌ ಆಯಿತು. 

162ಕ್ಕೆ 8 ವಿಕೆಟ್‌ ಕಳೆ​ದು​ಕೊಂಡರೂ ಕೆಳ​ಕ್ರ​ಮಾಂಕದ ಬ್ಯಾಟ​ರ್‌​ಗಳ ಜೊತೆ​ಗೂಡಿ ಹೋಲ್ಡರ್‌ ಅತ್ಯ​ಮೂಲ್ಯ ರನ್‌ ಸೇರಿ​ಸಿ​ದರು. ಬಳಿಕ ಇನ್ನಿಂಗ್ಸ್‌ ಆರಂಭಿ​ಸಿದ ದಕ್ಷಿಣ ಆ​ಫ್ರಿಕಾ 2ನೇ ದಿನ​ದಂತ್ಯಕ್ಕೆ ವಿಕೆಟ್‌ ನಷ್ಟ​ವಿ​ಲ್ಲದೇ 4 ರನ್‌ ಗಳಿ​ಸಿದ್ದು, ಒಟ್ಟು 73 ರನ್‌ ಮುನ್ನ​ಡೆ​ಯ​ಲ್ಲಿ​ದೆ.

ಟೆಸ್ಟ್‌: ಕಿವೀಸ್‌ ವಿರು​ದ್ಧ ಮೊದಲ ದಿನ ಲಂಕಾ 305/6

ಕ್ರೈಸ್ಟ್‌​ಚರ್ಚ್‌: ನ್ಯೂಜಿ​ಲೆಂಡ್‌ ವಿರು​ದ್ಧದ ಮೊದಲ ಟೆಸ್ಟ್‌ ಪಂದ್ಯ​ದಲ್ಲಿ ಪ್ರವಾಸಿ ಶ್ರೀಲಂಕಾ ಮೊದಲ ದಿನ ಮೇಲು​ಗೈ ಸಾಧಿ​ಸಿದೆ. ಮಂದ ಬೆಳ​ಕಿನ ಕಾರಣ ದಿನ​ದಾ​ಟ​ 75 ಓವ​ರ್‌ಗೆ ಮುಕ್ತಾ​ಯ​ಗೊಂಡಿದ್ದು, ಲಂಕಾ 6 ವಿಕೆ​ಟ್‌ಗೆ 305 ರನ್‌ ಗಳಿ​ಸಿದೆ.

14ಕ್ಕೆ 1 ವಿಕೆಟ್‌ ಕಳೆ​ದು​ಕೊಂಡ ಬಳಿಕ ನಾಯಕ ದಿಮುತ್‌ ಕರು​ಣಾ​ರ​ತ್ನೆ​(50) ಹಾಗೂ ಕುಸಾಲ್‌ ಮೆಂಡಿ​ಸ್‌​(87) 2ನೇ ವಿಕೆ​ಟ್‌ಗೆ 137 ರನ್‌ ಜೊತೆ​ಯಾ​ಟ​ವಾ​ಡಿ​ದರು. ಮ್ಯಾಥ್ಯೂಸ್‌ 47, ದಿನೇಶ್‌ ಚಾಂಡಿ​ಮಲ್‌ 39 ರನ್‌ ಗಳಿ​ಸಿದ್ದು, ಧನಂಜಯ ಡಿ ಸಿಲ್ವ​(​ಔ​ಟಾ​ಗದೆ 39) ಹಾಗೂ ರಜಿ​ತಾ​(​ಔ​ಟಾ​ಗದೆ 16) ಕ್ರೀಸ್‌​ನ​ಲ್ಲಿ​ದ್ದಾರೆ. ಟಿಮ್‌ ಸೌಥಿ 3 ವಿಕೆಟ್‌ ಕಿತ್ತ​ರು.

ಡಬ್ಲ್ಯು​ಪಿ​ಎ​ಲ್‌: ಗಾಯಾಳು ಬೆಥ್‌ ಮೂನಿ ಹೊರ​ಕ್ಕೆ

ಮುಂಬೈ: ಮುಂಬೈ ಇಂಡಿ​ಯನ್ಸ್‌ ವಿರು​ದ್ಧದ ಉದ್ಘಾ​ಟನಾ ಪಂದ್ಯದ ವೇಳೆ ಮೀನ​ಖಂಡ ಸೆಳೆತಕ್ಕೆ ತುತ್ತಾ​ದ ಗುಜ​ರಾತ್‌ ಜೈಂಟ್ಸ್‌ ನಾಯಕಿ ಬೆಥ್‌ ಮೂನಿ ಚೊಚ್ಚಲ ಆವೃ​ತ್ತಿಯ ಡಬ್ಲ್ಯು​ಪಿ​ಎ​ಲ್‌ ಟೂರ್ನಿ​ಯಿಂದಲೇ ಹೊರ​ಬಿ​ದ್ದಿ​ದ್ದಾರೆ. 

ಅವರ ಬದಲು ಕಳೆ​ದೆ​ರಡು ಪಂದ್ಯ​ಗ​ಳಿಗೆ ನಾಯ​ಕತ್ವ ವಹಿ​ಸಿದ್ದ ಭಾರ​ತದ ಆಲ್ರೌಂಡರ್‌ ಸ್ನೇಹ ರಾಣಾ ಟೂರ್ನಿಯ ಉಳಿದ ಪಂದ್ಯ​ಗ​ಳಲ್ಲೂ ತಂಡ​ವನ್ನು ಮುನ್ನ​ಡೆ​ಸ​ಲಿ​ದ್ದಾರೆ. ಆಶ್ಲೆ ಗಾಡ್ರ್ನರ್‌ ಉಪ​ನಾ​ಯ​ಕಿ​ಯಾಗಿ ಕಾರ‍್ಯ​ನಿ​ರ್ವ​ಹಿ​ಸ​ಲಿ​ದ್ದಾರೆ. ಮೂನಿ ಬದ​ಲಿಗೆ ಫ್ರಾಂಚೈ​ಸಿಯು ದ.ಆ​ಫ್ರಿ​ಕಾದ ಲಾರಾ ವೂಲ್ವಾ​ರ್ಚ್‌​ರನ್ನು ತಂಡಕ್ಕೆ ಸೇರಿ​ಸಿ​ಕೊಂಡಿದೆ.