ಮಾಸ್ಕ್‌, ಸ್ಯಾನಿಟೈಸರ್‌ ಸಿದ್ಧಪಡಿಸುತ್ತಿದೆ ನೈರುತ್ಯ ರೈಲ್ವೆ| ನೈರುತ್ಯ ರೈಲ್ವೆಯ ಎಲ್ಲ ನಾಲ್ಕು ವಿಭಾಗದಲ್ಲಿಯೂ ಮಾಸ್ಕ್‌, ಸ್ಯಾನಿಟೈಸರ್‌ ಉತ್ಪಾದನೆ| ಹುಬ್ಬಳ್ಳಿ ವರ್ಕ್‌ಶಾಪ್‌ನಲ್ಲಿ 1225 ಮಾಸ್ಕ್‌ ಹಾಗೂ 400 ಲೀ. ಸ್ಯಾನಿಟೈಸರ್‌ ಉತ್ಪಾದನೆ|
ಹುಬ್ಬಳ್ಳಿ(ಏ.04): ಮಾರಕ ಕೊರೋನಾ ವೈರಸ್‌ ಹರಡದಿರಲು ಜನತೆಗೆ ಅತೀ ಅಗತ್ಯವಾಗಿರುವ ಮಾಸ್ಕ್‌ ಹಾಗೂ ಸ್ಯಾನಿಟೈಸ್‌ರನ್ನು ನೈರುತ್ಯ ರೈಲ್ವೆ ಯುದ್ಧೋಪಾದಿಯಲ್ಲಿ ಸಿದ್ಧಪಡಿಸುತ್ತಿದ್ದು, ನೂರಾರು ನೌಕರರು ಇದರಲ್ಲಿ ಪಾಲ್ಗೊಂಡಿದ್ದಾರೆ.
ನೈರುತ್ಯ ರೈಲ್ವೆಯ ಎಲ್ಲ ನಾಲ್ಕು ವಿಭಾಗದಲ್ಲಿ ಈ ಕಾರ್ಯ ನಡೆಸಲಾಗುತ್ತಿದೆ. ಹುಬ್ಬಳ್ಳಿ ವಿಭಾಗದಲ್ಲಿ ಶುಕ್ರವಾರ 450 ಮಾಸ್ಕ್‌ ಹಾಗೂ 220 ಲೀಟರ್‌ ಸ್ಯಾನಿಟೈಸರ್‌ ಉತ್ಪಾದಿಸಲಾಗಿದೆ. ಇನ್ನು ಹುಬ್ಬಳ್ಳಿ ವರ್ಕ್‌ಶಾಪ್‌ನಲ್ಲಿ 1225 ಮಾಸ್ಕ್‌ ಹಾಗೂ 400 ಲೀ. ಸ್ಯಾನಿಟೈಸರ್‌ ಉತ್ಪಾದಿಸಲಾಗಿದೆ ಎಂದು ಪ್ರಕಟಣೆ ತಿಳಿಸಿದೆ.
ಕೊರೋನಾ ಭೀತಿ: ನೈರುತ್ಯ ರೈಲ್ವೆಯಿಂದ 300 ಐಸೋಲೇಶನ್‌ ವಾರ್ಡ್‌
ಕೊರೋನಾ ವೈರಸ್‌ ಅನ್ನು ದೇಶದಿಂದ ಹೊಡೆದೋಡಿಸಲು ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಏ.14 ರ ವರೆಗೆ ಇಡೀ ದೇಶವನ್ನೇ ಲಾಕ್‌ಡೌನ್‌ ಮಾಡಲು ಆದೇಶಿಸಿದ್ದಾರೆ. ಹೀಗಾಗಿ ಯಾವುದೇ ರೀತಿಯಿಂದಲೂ ಸಾರಿಗೆ ಸಂಚಾರ ಸ್ಥಗಿತವಾಗಿದೆ.