ಇದು ಗರಿಷ್ಠ ಸುರಕ್ಷತೆ, 23 ಕಿಲೋಮೀಟರ್ ಮೈಲೇಜ್ ಜೊತೆಗೆ ಕೈಗೆಟುಕುವ ದರದಲ್ಲಿ ಲಭ್ಯವಿರುವ ಡೀಸೆಲ್ ಕಾರು. ಈ ಕಾರು ಡ್ರೈವ್ ಮಾಡಲು ಹಾಗೂ ಖರೀದಿಸಲು ಹೆಚ್ಚಿನ ಶ್ರಮವಿಲ್ಲ.
ಮುಂಬೈ(ಆ.09) ಭಾರತದ ಕಾರು ಮಾರುಕಟ್ಟೆಯಲ್ಲಿ ಕಡಿಮೆ ಬೆಲೆಯ ಕಾರಿನಿಂದ ಹಿಡಿದು ಕೋಟಿ ಕೋಟಿ ಬೆಲಬಾಳುವ ದುಬಾರಿ ಕಾರುಗಳಿವೆ. ಈ ಪೈಕಿ ಸೇಫ್ಟಿ, ಮೈಲೇಜ್, ಅತ್ಯುತ್ತಮ ವಿನ್ಯಾಸ ಜೊತೆ ಕೈಗೆಟುಕುವ ಬೆಲೆಯ ಕಾರುಗಳ ಸಂಖ್ಯೆ ಕಡಿಮೆ. ಆದರೆ ಟಾಟಾ ಮೋಟಾರ್ಸ್ ಕಂಪನಿಯ ಟಾಟಾ ಅಲ್ಟ್ರೋಜ್ ಡೀಸೆಲ್ ಕಾರು ಈ ಎಲ್ಲಾ ಬೇಡಿಕೆಯನ್ನು ಪೂರೈಸುತ್ತಿದೆ. ಅತೀ ಕಡಿಮೆ ಬೆಲೆ, ಗರಿಷ್ಠ ಮೈಲೇಜ್, ಗರಿಷ್ಠ ಸುರಕ್ಷತೆ, ಅತ್ಯುತ್ತಮ ವಿನ್ಯಾಸ, ಆಧುನಿಕ ತಂತ್ರಜ್ಞಾನವನ್ನು ಈ ಕಾರು ಒಳಗೊಂಡಿದೆ.
ಟಾಟಾ ಅಲ್ಟ್ರೋಜ್ ಕಾರಿನ ಬೆಲೆ 6.65 ಲಕ್ಷ ರೂಪಾಯಿಯಿಂದ ಆರಂಭಗೊಳ್ಳುತ್ತಿದೆ. ಡೀಸೆಲ್ ಕಾರಿನ ಬೆಲೆ 8.90 ಲಕ್ಷ ರೂಪಾಯಿ(ಎಕ್ಸ್ ಶೋ ರೂಂ) ಆರಂಭಗೊಳ್ಳುತ್ತಿದೆ. ಟಾಟಾ ಅಲ್ಟ್ರೋಜ್ ಕಾರು 5 ಸ್ಟಾರ್ ಸುರಕ್ಷತೆ ಹೊಂದಿದೆ. ಒಂದು ಲೀಟರ್ ಡೀಸೆಲ್‌ನಲ್ಲಿ 23 ಕಿಲೋಮೀಟರ್ ಮೈಲೇಜ್ ನೀಡಲಿದೆ. ಈ ಎಲ್ಲಾ ಫೀಚರ್ಸ್ ಇರುವ ಕೈಗೆಟುಕುವ ದರದ ಏಕೈಕ ಕಾರು ಅನ್ನೋ ಹೆಗ್ಗಳಿಕೆಗೆ ಟಾಟಾ ಅಲ್ಟ್ರೋಜ್ ಪಾತ್ರವಾಗಿದೆ.
undefined
ದೇಶದಲ್ಲಿ ಅತೀ ಹೆಚ್ಚು ಮಾರಾಟವಾಗುವ SUV ಕಾರು ಯಾವುದು? ಮೊದಲೆರೆಡು ಸ್ಥಾನ ಟಾಟಾ ಪಾಲು!
ಟಾಟಾ ಅಲ್ಟ್ರೋಜ್ ಕಾರಿನಲ್ಲಿ ಹಲವು ಫೀಚರ್ಸ್ ಲಭ್ಯವಿದೆ. 7 ಇಂಚಿನ ಟಚ್‌ಸ್ಕ್ರೀನ್ ಇನ್ಫೋಟೈನ್ಮೆಂಟ್ ಸಿಸ್ಟಮ್, ಡಿಜಿಟಲ್ ಇನ್ಸ್‌ಟ್ರುಮೆಂಟ್ ಕ್ಲಸ್ಟರ್ ಫೀಚರ್ ಕೂಡ ಲಭ್ಯವಿದೆ. ಕ್ಯಾಬಿನ್ ಒಳಗೆ ಲೈಟಿಂಗ್, ಕ್ರೂಸ್ ಕಂಟ್ರೋಲ್ ಸೇರಿದಂತೆ ಇತರ ಟಾಪ್ ಎಂಡ್ ಕಾರಿನಲ್ಲಿರುವ ಫೀಚರ್ಸ್ ಈ ಕಾರಿನಲ್ಲಿದೆ. ಸನ್‌ರೂಫ್, ಡ್ರೈವರ್ ಸೀಟನ್ನು ಸುಲಭವಾಗಿ ಅಡ್ಜಸ್ಟ್ ಮಾಡಿಕೊಳ್ಳಲು ಅವಕಾಶವಿದೆ. ಪಂವರ್ ವಿಂಡೋ, ಆರಾಮ ಪ್ರಯಾಣಕ್ಕೆ ಲೆಥರ್ ಸೀಟ್, ಪವರ್ ವಿಂಡೋ, ಫಾಗ್ ಲೈಟ್ಸ್, ಡಿಫಾಗರ್, ಆಟೋಮ್ಯಾಟಿಗ್ ರೈನ್ ಸೆನ್ಸಿಂಗ್ ವೈಪರ್, ಅಲೋಯ್ ವೀಲ್ ಸೇರಿದಂತೆ ಹತ್ತು ಹಲವು ಫೀಚರ್ಸ್ ಈ ಕಾರಿನಲ್ಲಿದೆ.
ಡೀಸೆಲ್ ಅಲ್ಟ್ರೋಡ್ ಕಾರು1.5 ಲೀಟರ್ ಎಂಜಿನ್ ಹೊಂದಿದೆ. ಡೀಸೆಲ್ ಕಾರು 200 ಎನಎಂ ಟಾರ್ಕ್ ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. ಮ್ಯಾನ್ಯುಯೆಲ್ ಹಾಗೂ ಆಟೋಮ್ಯಾಟಿಕ್ ಟ್ರಾನ್ಸ್‌ಮಿಶನ್ ಲಭ್ಯವಿದೆ. ಗ್ಲೋಬಲ್ ಎನ್‌ಕ್ಯಾಪ್ ಕ್ರಾಶ್ ಟೆಸ್ಟ್‌ನಲ್ಲಿ ಅಲ್ಟ್ರೋಜ್ ಕಾರು 5 ಸ್ಟಾರ್ ರೇಟಿಂಗ್ ಪಡೆದಿದೆ ಮುಂಭಾಗದಲ್ಲಿ ಎರಡು ಏರ್‌‌ಬ್ಯಾಗ್, ಚೈಲ್ಡ್ ಸೀಟ್, ಆಟೋ ಪಾರ್ಕ್ ಲಾಕ್, ಪಾರ್ಕಿಂಗ್ ಸೆನ್ಸಾರ್ , ಎಬಿಎಸ್ ಸೇರದಂತೆ ಹಲವು ಅತ್ಯಾಧುನಿಕ ಬ್ರೇಕಿಂಗ್ ಫೀಚರ್ಸ್ ಲಭ್ಯವಿದೆ
ಭರ್ಜರಿ ಡಿಸ್ಕೌಂಟ್ ಆಫರ್ ಘೋಷಿಸಿದ ಟಾಟಾ, SUV ಕಾರುಗಳಿಗೆ 1.4 ಲಕ್ಷ ರೂ ವರೆಗೆ ರಿಯಾಯಿತಿ!