January 2022 Auto Sales: ಸ್ಕೋಡಾ ಕುಶಾಕ್‌ಗೆ ಹೆಚ್ಚಿದ ಬೇಡಿಕೆ: ಕಾರುಗಳ ಮಾರಾಟ 3 ಪಟ್ಟು ಏರಿಕೆ!

*ಸ್ಕೋಡಾ ಕುಶಾಕ್‌ಗೆ ದೇಶದಲ್ಲಿ ಭಾರಿ ಬೇಡಿಕೆ *ಕಳೆದ ವರ್ಷಕ್ಕೆ ಹೋಲಿಸಿದರೆ ಶೇ.200ರಷ್ಟು ಮಾರಾಟ ಹೆಚ್ಚಳ *ಮಾರ್ಚ್‌ನಲ್ಲಿ ಸ್ಕೋಡಾ ಸ್ಲೇವಿಯಾ ಸೆಡಾನ್‌ ಬಿಡುಗಡೆ ನಿರೀಕ್ಷೆ

Auto Desk: ಭಾರತೀಯ ಮಾರುಕಟ್ಟೆಯಲ್ಲಿ ಭಾರಿ ಪ್ರಮಾಣದ ಗಮನ ಸೆಳೆಯುವ ಮಾರುಕಟ್ಟೆಯನ್ನು ಹೊಂದಿಲ್ಲದಿದ್ದರೂ, ಸ್ಕೋಟಾ ಆಟೋ ಇಂಡಿಯಾ  (Skoda Auto India), ಹೊಸ ವರ್ಷದ ಆರಂಭದಲ್ಲಿ ಗ್ರಾಹಕರಿಂದ ಉತ್ತಮ ಪ್ರತಿಕ್ರಿಯೆ ಪಡೆದುಕೊಳ್ಳುವಲ್ಲಿ ಯಶಸ್ವಿಯಾಗಿದೆ. 2022ರ ಜನವರಿಯಲ್ಲಿ ಸ್ಕೋಡಾ ಒಟ್ಟು 3,009 ವಾಹನಗಳನ್ನು ಮಾರಾಟ ಮಾಡಿದೆ. ಇದು 2021ರ ಜನವರಿಯಲ್ಲಿ ಮಾರಾಟವಾದ 1,004 ವಾಹನಗಳಿಗೆ ಹೋಲಿಸಿದರೆ, ಶೇ.200ರಷ್ಟು ಹೆಚ್ಚಳವಾಗಿದೆ.

ಕಳೆದ ವರ್ಷದ ಬೆಳವಣಿಗೆ ಜೊತೆಗೆ ಅದರ ಡೀಲರ್ ನೆಟ್ವರ್ಕ್ಗಳು (Dealer networks) ಮತ್ತು ಗ್ರಾಹಕರ ಟಚ್ ಪಾಯಿಂಟ್ಗಳ ತ್ವರಿತ ವಿಸ್ತರಣೆಯೊಂದಿಗೆ ಸ್ಕೋಡಾ ಆಟೋ ಇಂಡಿಯಾ ಜನವರಿಯಲ್ಲಿ ತನ್ನ ಮಾರಾಟದ ಅಂಕಿ ಅಂಶದಲ್ಲಿ ಮೂರು ಪಟ್ಟು ಹೆಚ್ಚಳವನ್ನು ವರದಿ ಮಾಡಿದೆ.2021ರಲ್ಲಿ ಬಿಡುಗಡೆಯಾದ ಸ್ಕೋಡಾ ಕುಶಾಕ್ ಎಸ್ಯುವಿ (Skoda Kushaq SUV), ಸ್ಕೋಡಾ ಇಂಡಿಯಾದ ಅತಿ ದೊಡ್ಡ ಭರವಸೆಯಾಗಿದೆ. , ಇದು ಮಾರಾಟದ ಅಂಕಿಅಂಶಗಳನ್ನು ಹೆಚ್ಚಿಸಲು ಸಹಾಯ ಮಾಡಿದೆ

ಇದನ್ನೂ ಓದಿ: ಮಾರ್ಚ್‌ನಿಂದ Skoda Slavia ಟೆಸ್ಟ್ ಡ್ರೈವ್ ಆರಂಭ: ಶೋರೂಂಗಳಿಗೆ ಲಗ್ಗೆ!

ತಂಡಕ್ಕೆ ಸ್ಫೂರ್ತಿ ನೀಡಿದೆ: ಸ್ಕೋಡಾ ಆಟೋ ಇಂಡಿಯಾದ ಬ್ರ್ಯಾಂಡ್ ನಿರ್ದೇಶಕ ಝಾಕ್ ಹೋಲಿಸ್  ಈ ಕುರಿತು ನೀಡಿರುವ ಪ್ರಕಟಣೆಯಲ್ಲಿ" ಕಂಪನಿಯ ಮಾರಾಟದಳಲ್ಲಿನ ನಿರಂತರ ಬೆಳವಣಿಗೆಯು ಇಡೀ ತಂಡಕ್ಕೆ ಸ್ಫೂರ್ತಿ ನೀಡಿದೆ ಹಾಗೂ ಇದು ಗ್ರಾಹಕರು ನಮ್ಮಲ್ಲಿ ಹೊಂದಿರುವ ವಿಶ್ವಾಸವನ್ನು ಪ್ರತಿಬಿಂಬಿಸುತ್ತದೆ ಎಂದು ಹೇಳಿದ್ದಾರೆ.ಸ್ಕೋಡಾ ಕುಶಾಕ್ ಎಸ್ಯುವಿ ಉತ್ತಮ ವಾಲ್ಯೂಮ್ ಇರುವ ವಾಹನ ಎಂದು ಸಾಬೀತಾಗಿದೆಯಾದರೂ, ಕಂಪನಿ ಈಗ ಮುಂಬರುವ ಮಧ್ಯಮ ಗಾತ್ರದ ಸ್ಲೇವಿಯಾ ಸೆಡಾನ್ ಬಿಡುಗಡೆಗಾಗಿ ಎದುರು ನೋಡುತ್ತಿದೆ, ಇದು ಮಾರ್ಚ್ನಲ್ಲಿ ಭಾರತೀಯ ರಸ್ತೆಗಳಿಗೆ ಬರಲಿದೆ. ಇದು ಸೆಡಾನ್ ವಲಯದಲ್ಲಿ ಹೊಸ ಬೇಡಿಕೆ ಸೃಷ್ಟಿಸಲಿದೆ ಎಂದು ಅವರು ಹೇಳಿದರು. 

ಪ್ರೀಮಿಯಂ ಮಧ್ಯಮ ಗಾತ್ರದ ಸೆಡಾನ್ ಕಾರು ತಯಾರಕರು ಭಾರತಕ್ಕಾಗಿ ತಯಾರಿಸಿದ್ದು, ಇದು MQB-A0-IN ಪ್ಲಾಟ್ಫಾರ್ಮ್ ಅನ್ನು ಆಧರಿಸಿದೆ. ಈ ಪ್ಲಾಟ್ಫಾರ್ಮ್ ಅನ್ನು ಆಧರಿಸಿದ ಕಂಪನಿಯ ಮೊದಲ ಉತ್ಪನ್ನವೆಂದರೆ ಕುಶಾಕ್ ಎಸ್ಯುವಿ. ಇದಕ್ಕೆ ಅತ್ಯುತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದ್ದರಿಂದ, ಸ್ಲೇವಿಯಾದಲ್ಲಿಯೂ  ಅದೇ ತಂತ್ರಜ್ಞಾನವನ್ನು ಬಳಸಲಾಗಿದೆ ಎಂದು ಹೋಲಿಸ್ ಹೇಳಿದ್ದಾರೆ.

ಇದನ್ನೂ ಓದಿ: Skoda Car sales ಕೊಡಿಯಾಕ್ SUVಗೆ ಭಾರಿ ಬೇಡಿಕೆ, ಮುಂದಿನ 4 ತಿಂಗಳವರೆಗಿನ ಕಾರು ಸೋಲ್ಡ್ ಔಟ್

 ಸ್ಲೇವಿಯಾ ಸೆಡಾನ್ ಮಾರುಕಟ್ಟೆಗೆ: ಮಾರುಕಟ್ಟೆಯಲ್ಲಿ ಕಳೆದ ಕೆಲ ವರ್ಷಗಳಿಂದ ಎಸ್ಯುವಿ ಹಾಗೂ ಹ್ಯಾಚ್ಬ್ಯಾಕ್ಗಳೇ ಪ್ರಾಬಲ್ಯ ಸಾಧಿಸಿರುವುದರಿಂದ ಸೆಡಾನ್ಗಳು ಬೇಡಿಕೆ ಕಳೆದುಕೊಂಡಿವೆ. ಆದರೆ, ಈ ಅಪಾಯದ ನಡುವೆಯೂ ಸ್ಕೋಡಾ ಇಂಡಿಯಾ, ಸ್ಲೇವಿಯಾ ಸೆಡಾನ್ ಅನ್ನು ಬಿಡುಗಡೆಗೊಳಿಸಲು ನಿರ್ಧರಿಸಿದ್ದು, ಇದರಿಂದ ಸೆಡಾನ್ ಬೇಡಿಕೆ ಪುನರುಜ್ಜೀವನಗೊಳ್ಳಲಿದೆ ಎಂಬ ವಿಶ್ವಾಸದಲ್ಲಿದೆ. ಮಾರ್ಚ್ನಿಂದ ಇದರ ಟೆಸ್ಟ್ ಡ್ರೈವ್ ಕೂಡ ಆರಂಭಿಸುವುದಾಗಿ ಕಂಪನಿ ಪ್ರಕಟಿಸಿದೆ.

ಸ್ಕೋಡಾ ಆಟೋ ಇಂಡಿಯಾ 2022 ರಲ್ಲಿ ಭಾರತದಲ್ಲಿ ತನ್ನ ಕೊಡಿಯಾಕ್ ಫೇಸ್ಲಿಫ್ಟ್ ಎಸ್ಯುವಿಯನ್ನು 34.99 ಲಕ್ಷ ರೂ. ಆರಂಭಿಕ ಬೆಲೆಗೆ ಬಿಡುಗಡೆ ಮಾಡಿತ್ತು. ಇದನ್ನು ಕಂಪ್ಲೀಟ್ಲಿ ನಾಕ್ಡ್ ಡೌನ್ (ಸಿಕೆಡಿ) ಮಾರ್ಗದ ಮೂಲಕ ಖರೀದಿಸಲಾಯಿತು. ಎರಡು ವರ್ಷಗಳ ಹಿಂದೆಯೇ ಈ ಕಾರನ್ನು ಭಾರತೀಯ ಮಾರುಕಟ್ಟೆಗೆ ಬಿಡುಗಡೆಗೊಳಿಸಲಾಗಿತ್ತಾದರೂ, ಬಿಎಸ್6 ಕಠಿಣ ಮಾನದಂಡಗಳಿಂದ ಅದನ್ನು ಹಿಂಪಡೆಯಲಾಗಿತ್ತು. ಈಗ ಇದು ಹೊಸ ರೂಪದಲ್ಲಿ ಮತ್ತೊಮ್ಮೆ ಗ್ರಾಹಕರಿಗೆ ಲಬ್ಯವಾಗಲಿದೆ.

2022 ರ ಕೊಡಿಯಾಕ್ ಎಸ್ಯುವಿಯ ಮೊದಲ ಬ್ಯಾಚ್ ಬಿಡುಗಡೆಯಾದ 24 ಗಂಟೆಗಳ ಒಳಗೆ ದೇಶದಲ್ಲಿ ಸಂಪೂರ್ಣ ಮಾರಾಟವಾಯಿತು. ಈ ಪ್ರೀಮಿಯಂ ಎಸ್ಯುವಿ ಮೂರು ಟ್ರಿಮ್ ಹಂತಗಳಲ್ಲಿ ಬರುತ್ತದೆ ಮತ್ತು ಇವೆಲ್ಲವೂ ಹೊಸ ಮತ್ತು ಶಕ್ತಿಯುತ ಟಿಎಸ್ಐ (TSI) ಎಂಜಿನ್ಗಳಿಂದ ಚಾಲಿತವಾಗಿವೆ. ಇದು 7-ಸ್ಪೀಡ್ DSG ಸ್ವಯಂಚಾಲಿತ ಪ್ರಸರಣದೊಂದಿಗೆ ಬರುತ್ತದೆ.