ಉಲ್ಟಾಪಲ್ಟಾ ಯಾಕಾಗ್ತಿದೆ?: ಸೆನ್ಸೆಕ್ಸ್, ನಿಫ್ಟಿ ಕುಸಿತ!
ಸಾರಾಂಶ
ಮುಂಬೈ ಷೇರು ಮಾರುಕಟ್ಟೆ ದಿಢೀರ ಕುಸಿತ| 117.77 ಅಂಕ ಕುಸಿತ ಕಂಡ ಷೇರು ವಿನಿಮಯ ಕೇಂದ್ರದ ಸೂಚ್ಯಂಕ| 23.10 ಅಂಕ ಕುಸಿತ ಕಂಡ ರಾಷ್ಟ್ರೀಯ ಷೇರು ವಿನಿಮಯ ಕೇಂದ್ರ| ಏಷ್ಯಾ ಮಾರುಕಟ್ಟೆಗಳಲ್ಲಿನ ದುರ್ಬಲ ವಹಿವಾಟು ಕಾರಣ|
ಮುಂಬೈ(ಮೇ.31): ಮುಂಬೈ ಷೇರು ವಿನಿಮಯ ಕೇಂದ್ರದ ಸೂಚ್ಯಂಕ ಸೆನ್ಸೆಕ್ಸ್, ಇಂದು 117.77 ಅಂಕ ಕುಸಿತ ಕಂಡು 39,714.20 ಕ್ಕೆ ಇಳಿದಿದೆ. ರಾಷ್ಟ್ರೀಯ ಷೇರು ವಿನಿಮಯ ಕೇಂದ್ರ -ಎನ್ಎಸ್ಇ ಸೂಚ್ಯಂಕ ನಿಫ್ಟಿ ಕೂಡ 23.10 ಅಂಕ ಕುಸಿದು 11,922.80 ಕ್ಕೆ ಇಳಿದಿದೆ.
ಏಷ್ಯಾ ಮಾರುಕಟ್ಟೆಗಳಲ್ಲಿನ ದುರ್ಬಲ ವಹಿವಾಟಿನಿಂದ ಸ್ಥಳೀಯ ಹೂಡಿಕೆದಾರರು ಪೇಟೆಯಲ್ಲಿ ಲಾಭದ ಪ್ರವೃತ್ತಿ ತೋರಿರುವುದು ಸೆನ್ಸೆಕ್ಸ್ ಕುಸಿತಕ್ಕೆ ಕಾರಣ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.
ಎಫ್ಎಂಸಿಜಿ, ಆಟೋ, ಲೋಹ ಮತ್ತು ವಿದ್ಯುತ್ ಮುಂತಾದ ವಲಯಗಳ ಸೂಚ್ಯಂಕಗಳಲ್ಲಿನ ನಷ್ಟ ಮಾರುಕಟ್ಟೆಯನ್ನು ದುರ್ಬಲಗೊಳಿದ್ದು, ಯೆಸ್ ಬ್ಯಾಂಕ್, ಐಟಿಸಿ, ಎಮ್ ಅಂಡ್ ಎಮ್ ಹಾಗೂ ವಿಇಡಿಎಲ್ ಷೇರುಗಳು ತೀವ್ರ ನಷ್ಟ ಕಂಡಿವೆ.
ವ್ಯವಹಾರ (business ideas in kannada) , ಬ್ಯಾಂಕಿಂಗ್ (Banking News), ಹಣಕಾಸು, ಭಾರತೀಯ ಆರ್ಥಿಕತೆ, ಜಾಗತಿಕ ಮಾರುಕಟ್ಟೆ, ಷೇರು ಮಾರುಕಟ್ಟೆ, ಹೂಡಿಕೆ ಸೇರಿದಂತೆ ಇನ್ನಿತರ ಮತ್ತು ಇತ್ತೀಚಿನ ಹಣಕಾಸಿನ ಸುದ್ದಿಗಳನ್ನು ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಓದಿರಿ.