ಜನಪ್ರಿಯ ಪ್ರಿಪೇಯ್ಡ್ ಪ್ಲಾನ್‌ಗೆ ವಿದಾಯ ಹೇಳಲು ಮುಂದಾದ ರಿಲಯನ್ಸ್ ಜಿಯೋ

ಹೊಸ ವರ್ಷಕ್ಕೆ ಪ್ರಕಟಿಸಿದ್ದ ಸೂಪರ್ ಪ್ರಿಪೇಯ್ಡ್ ಪ್ಲಾನ್ ಸ್ಥಗಿತಗೊಳಿಸಲು ರಿಲಯನ್ಸ್ ಜಿಯೋ ಮುಂದಾಗಿದೆ ಎಂದು ವರದಿಯಾಗಿದೆ. ಆ ಪ್ಲಾನ್ ಯಾವುದು ಎಂಬುದರ ಕುರಿತ ಮಾಹಿತಿ ಇಲ್ಲಿದೆ.

ಮುಂಬೈ: ರಿಲಯನ್ಸ್ ಜಿಯೋ ತನ್ನ ಜನಪ್ರಿಯ ಪ್ರಿಪೇಯ್ಡ್ ಪ್ಲಾನ್ ಶೀಘ್ರದಲ್ಲಿಯೇ ನಿಲ್ಲಿಸಲಿದೆ ಎಂದು  ವರದಿಯಾಗಿದೆ. ರಿಲಯನ್ಸ್ ಜಿಯೋ ಪ್ರಿಪೇಯ್ಡ್ ಬಳಕೆದಾರರಿಗೆ ₹2150 ಮೌಲ್ಯದ ಉಚಿತ ಲಾಭಗಳೊಂದಿಗೆ ಒಂದು ಸೂಪರ್ ಪ್ಲಾನ್ ಅನ್ನು ಪರಿಚಯಿಸಿದೆ. ರಿಲಯನ್ಸ್ ಜಿಯೋ ಹೊಸ ವರ್ಷದಲ್ಲಿ ಬಳಕೆದಾರರಿಗೆ ಒಂದು ಸೂಪರ್ ಜಿಯೋ ಆಫರ್ ಅನ್ನು ಪರಿಚಯಿಸಿತು, ಆದರೆ ಈಗ ವರದಿಗಳ ಪ್ರಕಾರ, ಈ ಜಿಯೋ ಆಫರ್ ಶೀಘ್ರದಲ್ಲೇ ಮುಕ್ತಾಯಗೊಳ್ಳುತ್ತಿದೆ. ಜಿಯೋ ಆಫರ್‌ನ ಲಾಭವನ್ನು ಕಂಪನಿಯ ₹2025 ಪ್ಲಾನ್‌ನೊಂದಿಗೆ ನೀಡಲಾಗುತ್ತಿದೆ, ಈ ಆಫರ್ ಯಾವಾಗ ಮುಕ್ತಾಯಗೊಳ್ಳುತ್ತದೆ ಮತ್ತು ಆಫರ್ ಮುಗಿಯುವ ಮೊದಲು ನೀವು ಈ ಆಫರ್ ಅನ್ನು ಹೇಗೆ ಬಳಸಿಕೊಳ್ಳಬಹುದು ಎಂಬುದರ ಮಾಹಿತಿ ಈ ಲೇಖನದಲ್ಲಿದೆ. 

ರಿಲಯನ್ಸ್ ಜಿಯೋ ಪ್ರಿಪೇಯ್ಡ್ ಪ್ಲಾನ್ ₹2025 ರೊಂದಿಗೆ, ಕಂಪನಿಯು ಪ್ರತಿದಿನ 2.5 ಜಿಬಿ ಹೈಸ್ಪೀಡ್ ಡೇಟಾ, ಲೋಕಲ್ ಮತ್ತು ಎಸ್‌ಟಿಡಿ ನೆಟ್‌ವರ್ಕ್‌ಗಳಲ್ಲಿ ಅನಿಯಮಿತ ವಾಯ್ಸ್ ಕರೆ ಮತ್ತು ಪ್ರತಿದಿನ 100 SMS ಗಳನ್ನು ನೀಡುತ್ತದೆ. ರಿಲಯನ್ಸ್ ಜಿಯೋದ ಈ ರೀಚಾರ್ಜ್ ಪ್ಲಾನ್‌ 200 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿದೆ. ಆದ್ದರಿಂದ 2.5 ಜಿಬಿ ಹೈಸ್ಪೀಡ್ ಡೇಟಾದ ಪ್ರಕಾರ, ಈ ಪ್ಲಾನ್ ನಿಮಗೆ ಒಟ್ಟು 500 ಜಿಬಿ ಹೈಸ್ಪೀಡ್ ಡೇಟಾವನ್ನು ನೀಡುತ್ತದೆ.  ಈ ₹2025 ಪ್ಲಾನ್‌ನಲ್ಲಿ, ಜಿಯೋ ಟಿವಿ, ಜಿಯೋ ಸಿನಿಮಾ ಮತ್ತು ಜಿಯೋ ಕ್ಲೌಡ್‌ಗೆ ಉಚಿತ ಪ್ರವೇಶವನ್ನು ನೀಡಲಾಗುತ್ತದೆ. ಜಿಯೋದ ಅಧಿಕೃತ ವೆಬ್‌ಸೈಟ್ ಪ್ರಕಾರ, ಪ್ರಿಪೇಯ್ಡ್ ಬಳಕೆದಾರರು ಈ ಪ್ಲಾನ್‌ನಲ್ಲಿ ಅನಿಯಮಿತ 5G ಡೇಟಾವನ್ನು ಸಹ ಪಡೆಯುತ್ತಾರೆ. ಆದರೆ ಇಲ್ಲಿ ಗಮನಿಸಬೇಕಾದ ಒಂದು ವಿಷಯವೆಂದರೆ, ₹2025 ಪ್ಲಾನ್ ಜಿಯೋ ಸಿನಿಮಾ ಪ್ರೀಮಿಯಂ ಸಬ್‌ಸ್ಕ್ರಿಪ್ಶನ್‌ನ ಸಿಗಲ್ಲ. 

ಜಿಯೋ ಆಫರ್ ವಿವರಗಳು
ಜಿಯೋ ಹೊಸ ವರ್ಷದ ಆಫರ್ ಅಡಿಯಲ್ಲಿ, ನೀವು ಜಿಯೋ ಕಂಪನಿಯಿಂದ ₹2999 ಗೆ ಶಾಪಿಂಗ್ ಮಾಡಿದರೆ, ₹500 ರಿಯಾಯಿತಿ ಕೂಪನ್ ಪಡೆಯುತ್ತೀರಿ. ಇದಲ್ಲದೆ, EaseMyTrip ನಿಂದ ವಿಮಾನ ಟಿಕೆಟ್‌ಗಳನ್ನು ಬುಕ್ ಮಾಡಿದರೆ, ₹1500 ವರೆಗೆ ರಿಯಾಯಿತಿ ಪಡೆಯಬಹುದು. ಇಷ್ಟೇ ಅಲ್ಲ, Swiggy ಯಿಂದ ₹499 ಖರೀದಿಸಿದರೆ ₹150 ರಿಯಾಯಿತಿಯನ್ನು ಸಹ ಪಡೆಯಬಹುದು. ಒಟ್ಟಾರೆಯಾಗಿ, ₹2025 ಪ್ಲಾನ್‌ನಲ್ಲಿ ₹2150 ಲಾಭವನ್ನು ಪಡೆಯುತ್ತೀರಿ. ವರದಿಗಳ ಪ್ರಕಾರ, ಜನವರಿ 31, 2025 ರವರೆಗೆ ಮಾತ್ರ ಈ ಆಫರ್‌ನ ಲಾಭವನ್ನು ಪಡೆಯಬಹುದು.

ಇದನ್ನೂ ಓದಿ: ಜಿಯೋ ಸಂಚಲನ: 49 ರೂ.ಗೆ ಅನ್​ಲಿಮಿಟೆಡ್​ ಡೇಟಾ- ಯೂಟ್ಯೂಬ್​ ಪ್ರೀಮಿಯಂ ಉಚಿತ! ಡಿಟೇಲ್ಸ್​ ಇಲ್ಲಿದೆ

Reliance Jio Rs 3,599 Recharge Plan
ರಿಲಯನ್ಸ್ ಜಿಯೋ ಗ್ರಾಹಕರು  3,599 ರೂಪಾಯಿಯ ಪ್ಲಾನ್ ಆಕ್ಟಿವೇಟ್ ಮಾಡಿಕೊಂಡರೆ ಒಂದು ವರ್ಷದವರೆಗೆ ಯಾವುದೇ ರೀಚಾರ್ಜ್ ಮಾಡಿಕೊಳ್ಳುವ  ಕಿರಿಕಿರಿ ಇರಲ್ಲ. 3,599 ರೂಪಾಯಿ ಈ ಪ್ಲಾನ್ 365 ದಿನದ ವ್ಯಾಲಿಡಿಟಿಯನ್ನು ಹೊಂದಿದೆ. ಈ ಪ್ಲಾನ್‌ನಲ್ಲಿ ಗ್ರಾಹಕರಿಗೆ ಪ್ರತಿದಿನ  2.5 GB ಡೇಟಾ ಮತ್ತು ಅನ್‌ಲಿಮಿಟೆಡ್ 5G ನೆಟ್ ಲಭ್ಯವಾಗುತ್ತದೆ. ಯಾವುದೇ  ನೆಟ್‌ವರ್ಕ್‌ಗೆ ಅನಿಮಿಯಮಿತವಾಗಿ ವಾಯ್ಸ್ ಕಾಲ್ ಮಾಡಬಹುದು. ಇದರೊಂದಿಗೆ ಗ್ರಾಹಕರಿಗೆ ಜಿಯೋ ಸಿನಿಮಾ, ಜಿಯೋ ಟಿವಿ, ಜಿಯೋ ಕ್ಲೌಡ್ ಆಕ್ಸೆಸ್ ಸಿಗುತ್ತದೆ.

Reliance Jio Rs 899, Rs 999 Recharge Plan
899 ರೂಪಾಯಿ ಪ್ಲಾನ್ ಬರೋಬ್ಬರಿ 90 ದಿನದ ವ್ಯಾಲಿಡಿಟಿಯನ್ನು ಹೊಂದಿದೆ. ಅದೇ 999 ರೂಪಾಯಿ ರೀಚಾರ್ಜ್ ಮಾಡಿಕೊಂಡದ್ರೆ ಇದು 98 ದಿನದ ವ್ಯಾಲಿಡಿಟಿ ಹೊಂದಿದೆ. ಇನ್ನುಳಿದಂತೆ ಪ್ರತಿದಿನ 2.5  GB ಡೇಟಾ ಮತ್ತು ಅನ್‌ಲಿಮಿಟೆಡ್ 5G ನೆಟ್, 100 ಎಸ್‌ಎಂಎಸ್, ಅನ್‌ಲಿಮಿಟೆಡ್ ಕಾಲ್ ಹಾಗೂ ಗೆ ಜಿಯೋ ಸಿನಿಮಾ, ಜಿಯೋ ಟಿವಿ, ಜಿಯೋ ಕ್ಲೌಡ್ ಆಕ್ಸೆಸ್ ಸಿಗುತ್ತದೆ.

ಇದನ್ನೂ ಓದಿ: ಜಿಯೋ ಬಂಪರ್ ಆಫರ್, 2 ವರ್ಷ ಯೂಟ್ಯೂಬ್ ಪ್ರೀಮಿಯಂ ಸಬ್‌ಸ್ಕ್ರಿಪ್ಶನ್ ಉಚಿತ