24 ಗಂಟೆಯೇ ಆಗ್ಬೇಕಂತಿಲ್ಲ, ಎರಡೇ ಗಂಟೆ ಆಸ್ಪತ್ರೆಯಲ್ಲಿದ್ರೂ ಇನ್ನು ನೀವು ಆರೋಗ್ಯ ವಿಮೆ ಕ್ಲೇಮ್ ಮಾಡಬಹುದು!
ಸಾರಾಂಶ
ಈ ಫ್ಲೆಕ್ಸಿಬಿಲಿಟಿ ನೀಡುವ ಕೆಲವು ಯೋಜನೆಗಳಲ್ಲಿ ICICI ಲೊಂಬಾರ್ಡ್ ಎಲಿವೇಟ್ ಪ್ಲ್ಯಾನ್, CARE ಸುಪ್ರೀಂ ಪ್ಲ್ಯಾನ್ ಮತ್ತು ನಿವಾ ಬುಪಾ ಹೆಲ್ತ್ ರೀಅಶ್ಯೂರ್ ಯೋಜನೆ ಸೇರಿವೆ.
ಬೆಂಗಳೂರು (ಜು.10): ಆರೋಗ್ಯ ವಿಮಾ ಕ್ಲೇಮ್ಗಳಿಗೆ ಕನಿಷ್ಠ 24 ಗಂಟೆಗಳ ಆಸ್ಪತ್ರೆಯಲ್ಲಿ ಅಡ್ಮಿಟ್ ಆಗಬೇಕು ಎನ್ನುವ ಹಳೆಯ ನಿಯಮದಿಂದ ಬದಲಾವಣೆ ಎನ್ನುವಂತೆ ಗ ಅನೇಕ ವಿಮಾದಾರರು ಈಗ ಎರಡು ಗಂಟೆಗಳ ಕಾಲ ಆಸ್ಪತ್ರೆಗೆ ಅಡ್ಮಿಂಟ್ ಆದರೂ, ಅಗತ್ಯವಿರುವ ಚಿಕಿತ್ಸೆಗಳ ವೆಚ್ಚವನ್ನು ಭರಿಸಲು ಒಪ್ಪುತ್ತಿವೆ. ಈ ಬದಲಾವಣೆಯು ವೈದ್ಯಕೀಯ ತಂತ್ರಜ್ಞಾನ ಮತ್ತು ಕಾರ್ಯವಿಧಾನಗಳಲ್ಲಿನ ಪ್ರಗತಿಗೆ ಹೊಂದಿಕೆಯಾಗುತ್ತದೆ.
"ಕಳೆದ ದಶಕದಲ್ಲಿ ವೈದ್ಯಕೀಯ ಪ್ರಗತಿಗಳು ಚಿಕಿತ್ಸೆಗಳು ಮತ್ತು ಶಸ್ತ್ರಚಿಕಿತ್ಸೆಗಳನ್ನು ಹೇಗೆ ನಡೆಸಲಾಗುತ್ತದೆ ಎಂಬುದನ್ನು ಸಂಪೂರ್ಣವಾಗಿ ಬದಲಾಯಿಸಿವೆ, ರೋಗಿಗಳು ಆಸ್ಪತ್ರೆಗಳಲ್ಲಿ ಕಳೆಯುವ ಸಮಯವನ್ನು ತೀವ್ರವಾಗಿ ಕಡಿಮೆ ಮಾಡಿದೆ" ಎಂದು ಪಾಲಿಸಿಬಜಾರ್ನ ಆರೋಗ್ಯ ವಿಮಾ ಮುಖ್ಯಸ್ಥ ಸಿದ್ಧಾರ್ಥ್ ಸಿಂಘಾಲ್ ಹೇಳಿದ್ದಾರೆ.
ಇದಕ್ಕೂ ಹಿಂದೆ, ಕಣ್ಣಿನ ಪೊರೆ ತೆಗೆಯುವಿಕೆ, ಕೀಮೋಥೆರಪಿ ಅಥವಾ ಆಂಜಿಯೋಗ್ರಫಿಯಂತಹ ಶಸ್ತ್ರಚಿಕಿತ್ಸೆಗಳು ಮತ್ತು ಕಾರ್ಯವಿಧಾನಗಳು ಸಾಮಾನ್ಯವಾಗಿ ಆಸ್ಪತ್ರೆಗೆ ಅಡ್ಮಿಟ್ ಆಗುವುದು ಅನಿವಾರ್ಯ ಮಾಡುತ್ತಿದ್ದವು. ಇಂದು, ಕನಿಷ್ಠ ಆಕ್ರಮಣಕಾರಿ ತಂತ್ರಗಳು ಮತ್ತು ಸುಧಾರಿತ ರೋಗನಿರ್ಣಯದಿಂದಾಗಿ ಇವುಗಳಲ್ಲಿ ಹಲವನ್ನು ಕೆಲವೇ ಗಂಟೆಗಳಲ್ಲಿ ಮಾಡಬಹುದು.
ಅನೇಕ ವಿಮಾದಾರರು ತಮ್ಮ ಪಾಲಿಸಿಗಳಿಗೆ ಅಲ್ಪಾವಧಿಯ ಆಸ್ಪತ್ರೆ ದಾಖಲಾತಿ ರಕ್ಷಣೆಯನ್ನು ಸೇರಿಸುವ ಮೂಲಕ ಇದಕ್ಕೆ ಪ್ರತಿಕ್ರಿಯಸಿದ್ದಾರೆ. ಇದು ಪಾಲಿಸಿದಾರರು ರಾತ್ರಿಯಿಡೀ ಆಸ್ಪತ್ರೆಯಲ್ಲಿ ಉಳಿಯಲಿಲ್ಲ ಎಂಬ ಕಾರಣಕ್ಕಾಗಿ ಕ್ಲೈಮ್ಗಳನ್ನು ನಿರಾಕರಿಸಲು ಸಾಧ್ಯವಿಲ್ಲ ಎಂದು ಖಚಿತಪಡಿಸುತ್ತದೆ.
ವೈದ್ಯಕೀಯ ಕಾರ್ಯವಿಧಾನಗಳಲ್ಲ ಆಗಿರುವ ಪ್ರಗತಿಯಿಂದ ವಿಮಾದಾರರು ಕೂಡ ಬದಲಾವಣೆಗೆ ಒಗ್ಗಿಕೊಳ್ಳುತ್ತಿದ್ದಾರೆ. ಮೊದಲು ಆಸ್ಪತ್ರೆಗೆ ಅಡ್ಮಿಟ್ ಆಗಿ 24 ಗಂಟೆ ಆಗಿದ್ದಲ್ಲ ಮಾತ್ರವೇ ವಿಮೆಯ ಕ್ಲೇಮ್ಗೆ ಅರ್ಹರಾಗುತ್ತಿದ್ದರು. ಆದರೆ, ಈಗ ಹಲವು ಪಾಲಿಸಿಗಳು ಕೇವಲ 2 ಗಂಟೆಗಳ ಕಾಲ ಆಸ್ಪತ್ರೆಗೆ ಅಡ್ಮಿಟ್ ಆದರೂ ವಿಮೆಗಳ ಕ್ಲೇಮ್ ನೀಡುತ್ತಿದೆ ಎಂದು ಸಿಂಘಾಲ್ ಹೇಳಿದ್ದಾರೆ. ಈ ವೈಶಿಷ್ಟ್ಯವು ಅಲ್ಪಾವಧಿಯ ಆಸ್ಪತ್ರೆ ವಾಸ್ತವ್ಯಕ್ಕೆ ನಿರ್ದಿಷ್ಟವಾದ ಯಾವುದೇ ಹೆಚ್ಚುವರಿ ವಿನಾಯಿತಿಗಳಿಲ್ಲದೆ ಬರುತ್ತದೆ.
ಈ ಫ್ಲೆಕ್ಸಿಬಿಲಿಟಿ ನೀಡುವ ಕೆಲವು ಯೋಜನೆಗಳಲ್ಲಿ ICICI ಲೊಂಬಾರ್ಡ್ ಎಲಿವೇಟ್ ಪ್ಲ್ಯಾನ್, CARE ಸುಪ್ರೀಂ ಪ್ಲ್ಯಾನ್ ಮತ್ತು ನಿವಾ ಬುಪಾ ಹೆಲ್ತ್ ರೀಅಶ್ಯೂರ್ ಯೋಜನೆ ಸೇರಿವೆ.
ಮೆಟ್ರೋ ನಗರದಲ್ಲಿ ವಾಸಿಸುವ, ಧೂಮಪಾನ ಮಾಡದ 30 ವರ್ಷ ವಯಸ್ಸಿನ ಪುರುಷನಿಗೆ, ICICI ಲೊಂಬಾರ್ಡ್ ಎಲಿವೇಟ್ಗೆ ₹10 ಲಕ್ಷ ವಿಮಾ ಮೊತ್ತದ ಪ್ರೀಮಿಯಂಗಳು ವರ್ಷಕ್ಕೆ ₹9,195 ರಿಂದ ಪ್ರಾರಂಭವಾಗುತ್ತವೆ, CARE Supreme ಗೆ ₹12,790 ಮತ್ತು Niva Bupa Health ReAssure ಗೆ ₹14,199 ರವರೆಗೆ ಇರುತ್ತದೆ.
ವ್ಯವಹಾರ (business ideas in kannada) , ಬ್ಯಾಂಕಿಂಗ್ (Banking News), ಹಣಕಾಸು, ಭಾರತೀಯ ಆರ್ಥಿಕತೆ, ಜಾಗತಿಕ ಮಾರುಕಟ್ಟೆ, ಷೇರು ಮಾರುಕಟ್ಟೆ, ಹೂಡಿಕೆ ಸೇರಿದಂತೆ ಇನ್ನಿತರ ಮತ್ತು ಇತ್ತೀಚಿನ ಹಣಕಾಸಿನ ಸುದ್ದಿಗಳನ್ನು ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಓದಿರಿ.