EPFO Monthly Pension: ಇಪಿಎಫ್ ಖಾತೆ ಹೊಂದಿರುವ ವ್ಯಕ್ತಿಗಳು ತಮ್ಮ ನಿವೃತ್ತಿ ವಯಸ್ಸು ಅಂದರೆ 58 ವರ್ಷ ದಾಟಿದ ಬಳಿಕ ಮಾಸಿಕವಾಗಿ ಪಿಂಚಣಿ ಪಡೆಯುತ್ತಾರೆ. 50 ವರ್ಷ ದಾಟಿದ ಬಳಿಕವೂ ಅವರು ಮಾಸಿಕವಾಗಿ ಪಿಂಚಣಿ ಪಡೆಯಲು ಅರ್ಹರಾಗಿರುತ್ತಾರೆ.
ನವದೆಹಲಿ (ಆ.12): ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ (ಇಪಿಎಫ್‌ಒ) ಸಹ ಉದ್ಯೋಗಿಗಳ ಪಿಂಚಣಿ ಯೋಜನೆ (ಇಪಿಎಸ್) ಅನ್ನು ನಡೆಸುತ್ತದೆ, ಇದರ ಅಡಿಯಲ್ಲಿ ಇಪಿಎಫ್ ಖಾತೆದಾರರು 58 ನೇ ವಯಸ್ಸಿನಲ್ಲಿ ಮಾಸಿಕ ಪಿಂಚಣಿ ಪಡೆಯಲು ಅರ್ಹರಾಗಿರುತ್ತಾರೆ. ಆದಾಗ್ಯೂ, ಕೆಲವು ಷರತ್ತುಗಳ ಅಡಿಯಲ್ಲಿ, ಅವರು 10 ವರ್ಷಗಳ ಸೇವೆಯನ್ನು ಪೂರ್ಣಗೊಳಿಸಿದ್ದರೆ ಅವರು 50 ನೇ ವಯಸ್ಸಿನಲ್ಲಿ ಮಾಸಿಕ ಪಿಂಚಣಿ ಪಡೆಯಲು ಸಾಧ್ಯವಾಗುತ್ತದೆ. ಇದು ತೀರಾ ಕೆಲವು ಸಂದರ್ಭಗಳಲ್ಲಿ ಮಾತ್ರ. ಇಪಿಎಫ್‌ಓ ಇದಲ್ಲದೆ ಇನ್ನೂ 5 ಮಾದರಿಗಳಲ್ಲಿ ಪಿಂಚಣಿ ಯೋಜನೆಯನ್ನು ನೀಡುತ್ತದೆ. ಈ ವರದಿಯಲ್ಲಿ ಇಪಿಎಫ್‌ಓ ನೀಡುವ ಎಲ್ಲಾ ಏಳು ರೀತಿಯ ಪಿಂಚಣಿ ವ್ಯವಸ್ಥೆಯ ಬಗ್ಗೆ ತಿಳಿಸಲಾಗಿದೆ,
ನಿವೃತ್ತಿ ಪಿಂಚಣಿ (Superannuation pension): ಇಪಿಎಫ್ ಖಾತೆ ಹೊಂದಿರುವ ಸದಸ್ಯರು, ತಮ್ಮ 10 ವರ್ಷಗಳ ಕಡ್ಡಾಯ ಸೇವೆಯನ್ನು ಕಂಪನಿಯಲ್ಲಿ ಮಾಡಿದ್ದರೆ, ಅವರಿಗೆ 58ನೇ ವರ್ಷದಿಂದ ನಿವೃತ್ತಿ ಪಿಂಚಣಿ ಬರಲು ಪ್ರಾರಂಭವಾಗುತ್ತದೆ.
undefined
ಆರಂಭಿಕ ಪಿಂಚಣಿ (Early pension): ಇಪಿಎಫ್ ಖಾತೆದಾರರು 50 ವರ್ಷಕ್ಕಿಂತ ಮೇಲ್ಪಟ್ಟವರಾಗಿದ್ದು, 10 ವರ್ಷಗಳ ಸೇವೆಯನ್ನು ಪೂರ್ಣಗೊಳಿಸಿದ್ದಾರೆ ಮತ್ತು ಇಪಿಎಫ್ ಅಲ್ಲದ ಸಂಸ್ಥೆಯನ್ನು ಸೇರಿದ್ದಾರೆ ಎಂದು ಭಾವಿಸೋಣ; ಅವರು ಆರಂಭಿಕ ಪಿಂಚಣಿ ಪಡೆಯಲು ಅರ್ಹರಾಗಿರುತ್ತಾರೆ. ಆದರೆ, ಅವರ ಪಿಂಚಣಿ 588 ವರ್ಷ ಆಗುವವರೆಗೆ ಪ್ರತಿವರ್ಷ ಶೇ. 4ರಷ್ಟು ಕಡಿಮೆ ಆಗುತ್ತಿರುತ್ತದೆ. ಉದಾಹರಣೆಗೆ, ನೀವು 58ನೇ ವರ್ಷಕ್ಕೆ ಮಾಸಿಕ 10 ಸಾವಿರ ರೂಪಾಯಿ ಪಿಂಚಣಿಗೆ ಅರ್ಹರಾಗಿದ್ದರೆ, 57ನೇ ವರ್ಷದಲ್ಲಿ ನೀವು 9600, 56ನೇ ವರ್ಷದಲ್ಲಿ 9200 ರೂಪಾಯಿ ಪಿಂಚಣಿ ಪಡೆಯುತ್ತೀರಿ.
ವಿಧವೆ ಅಥವಾ ಮಕ್ಕಳ ಪಿಂಚಣಿ (Widow or child pension): ಇಪಿಎಫ್ ಖಾತೆದಾರರು ಮರಣಹೊಂದಿದರೆ, ಅವರ ವಿಧವೆ ಮತ್ತು 25 ವರ್ಷದೊಳಗಿನ ಇಬ್ಬರು ಮಕ್ಕಳು ವಿಧವಾ ಪಿಂಚಣಿಗೆ ಅರ್ಹರಾಗುತ್ತಾರೆ. ಮೂರನೇ ಮಗುವಿಗೆ 25 ವರ್ಷ ತುಂಬಿದ ಬಳಿಕ ಈ ಪಿಂಚಣಿಗೆ ಅವರು ಅನರ್ಹರಾಗುತ್ತಾರೆ. ಈ ಸಂದರ್ಭದಲ್ಲಿ, ಇಪಿಎಫ್ ಖಾತೆದಾರರ ಕನಿಷ್ಠ ವಯಸ್ಸು 50 ಅಥವಾ ಕನಿಷ್ಠ 10 ವರ್ಷಗಳ ಸೇವೆಯ ನಿಯಮವು ಅನ್ವಯಿಸುವುದಿಲ್ಲ.
ಅನಾಥ ಪಿಂಚಣಿ (Orphan pension): ಇಪಿಎಫ್ ಖಾತೆದಾರ ಮತ್ತು ಆತನ ಪತ್ನಿ ಮೃತಪಟ್ಟರೆ, 25 ವರ್ಷದೊಳಗಿನ ಇಬ್ಬರು ಮಕ್ಕಳು ಅನಾಥ ಪಿಂಚಣಿ ಪಡೆಯಬಹುದು. ಅವರಿಗೆ 25 ವರ್ಷ ತುಂಬಿದ ನಂತರ ಪಿಂಚಣಿ ನಿಲ್ಲುತ್ತದೆ.
ಅವಲಂಬಿತ ಪೋಷಕರ ಪಿಂಚಣಿ (Dependent parents' pension): ಇಪಿಎಫ್ ಖಾತೆದಾರರು ಒಬ್ಬಂಟಿಯಾಗಿದ್ದು ಮರಣ ಹೊಂದಿದಲ್ಲಿ, ಅವರ ತಂದೆ ಮತ್ತು ತಂದೆಯ ಮರಣದ ನಂತರ ಅವರ ತಾಯಿ ಜೀವಮಾನದವರೆಗೆ ಪಿಂಚಣಿ ಪಡೆಯಲು ಅರ್ಹರಾಗುತ್ತಾರೆ.
ಅಂಗವಿಕಲ ಪಿಂಚಣಿ (Disabled pension): ಇಪಿಎಫ್ ಖಾತೆದಾರರು ಅಂಗವಿಕಲರಾಗುತ್ತಾರೆ (ಶಾಶ್ವತ ಅಥವಾ ತಾತ್ಕಾಲಿಕ) ಈ ರೀತಿಯ ಪಿಂಚಣಿಗೆ ಅರ್ಹರಾಗಿರುತ್ತಾರೆ. ಇದನ್ನು ಪಡೆಯಲು, 10 ವರ್ಷಗಳ ಸೇವೆ ಅಥವಾ ಕನಿಷ್ಠ 50 ವರ್ಷ ವಯಸ್ಸಿನ ಅಗತ್ಯವಿಲ್ಲ. ಒಬ್ಬರು ಒಂದು ತಿಂಗಳ ಕೊಡುಗೆಯನ್ನು ನೀಡಿದ್ದರೂ ಸಹ ಅದನ್ನು ಪಡೆಯಲು ಅರ್ಹರಾಗಿರುತ್ತಾರೆ.
ನಾಮಿನಿ ಪಿಂಚಣಿ (Nominee pension): ಇಪಿಎಫ್ ಖಾತೆದಾರರು ತಮ್ಮ ಮರಣದ ನಂತರ ಪಿಂಚಣಿ ಪಡೆಯಲು ಯಾರನ್ನಾದರೂ ನಾಮನಿರ್ದೇಶನ ಮಾಡಿದ್ದರೆ, ನಾಮಿನಿಯು ಪಿಂಚಣಿ ಪಡೆಯಬಹುದು. ಇಪಿಎಫ್‌ಒ ಪೋರ್ಟಲ್‌ನಲ್ಲಿ ಯಾರನ್ನಾದರೂ ಇ-ನಾಮಿನಿ ಮಾಡಬಹುದು.
Rule Change: ಪಿಎಫ್‌ ಪಿಂಚಣಿಗೆ ಸಂಬಂಧಿಸಿದಂತೆ ಪ್ರಮುಖ ನಿಯಮ ಬದಲಾಯಿಸಿದ ಸರ್ಕಾರ!