ಭಾರತದಲ್ಲಿ ಎಕ್ಸ್‌ Subscription Fees ಭಾರೀ ಇಳಿಕೆ ಮಾಡಿದ ಎಲಾನ್‌ ಮಸ್ಕ್‌!

ಸೋಶಿಯಲ್‌ ಮೀಡಿಯಾ ವೇದಿಕೆ ಮೊಬೈಲ್ ಅಪ್ಲಿಕೇಶನ್‌ನ ಪ್ರೀಮಿಯಂ ಖಾತೆ ಚಂದಾದಾರಿಕೆ ಶುಲ್ಕವನ್ನು ಸುಮಾರು ಶೇ. 48 ರಷ್ಟು ಕಡಿತಗೊಳಿಸಿ, ಮಾಸಿಕ ಆಧಾರದ ಮೇಲೆ ಈ ಹಿಂದೆ ವಿಧಿಸುತ್ತಿದ್ದ 900 ರೂ.ಗಳಿಂದ 470 ರೂ.ಗಳಿಗೆ ಇಳಿಸಿದೆ. 

ನವದೆಹಲಿ (ಜು.12): ಸೋಶಿಯಲ್‌ ಮೀಡಿಯಾ ವೇದಿಕೆ ಎಕ್ಸ್‌ ಭಾರತದಲ್ಲಿ ಖಾತೆದಾರರಿಗೆ ಚಂದಾದಾರಿಕೆ ಶುಲ್ಕವನ್ನು ಶೇಕಡಾ 48 ರಷ್ಟು ಕಡಿತಗೊಳಿಸಿದೆ ಎಂದು ಅದರ ಪೋರ್ಟಲ್‌ನಲ್ಲಿನ ಅಪ್‌ಡೇಟ್‌ಗಳು ತಿಳಿಸಿವೆ. ಸೋಶಿಯಲ್‌ ಮೀಡಿಯಾ ಸಂಸ್ಥೆಯು ಮೊಬೈಲ್ ಅಪ್ಲಿಕೇಶನ್‌ಗಾಗಿ ಪ್ರೀಮಿಯಂ ಖಾತೆ ಚಂದಾದಾರಿಕೆ ಶುಲ್ಕವನ್ನು ಸುಮಾರು ಶೇಕಡಾ 48 ರಷ್ಟು ಕಡಿತಗೊಳಿಸಿ 470 ರೂ.ಗಳಿಗೆ ಇಳಿಸಿದೆ. ಈ ಹಿಂದೆ ಮಾಸಿಕವಾಗಿ 900 ರೂಪಾಯಿ ವಿಧಿಸಲಾಗುತ್ತಿತ್ತು.

X ನಲ್ಲಿ ಪ್ರೀಮಿಯಂ ಮತ್ತು ಪ್ರೀಮಿಯಂ-ಪ್ಲಸ್ ಸೇವೆಯ ಚಂದಾದಾರರು ತಮ್ಮ ಹೆಸರು ಅಥವಾ ಐಡಿಯ ಪಕ್ಕದಲ್ಲಿ ಚೆಕ್‌ಮಾರ್ಕ್ ಅನ್ನು ಪಡೆಯುತ್ತಾರೆ.ಇದೇ ರೀತಿ, X ವೆಬ್ ಖಾತೆಗಳಿಗೆ ಪ್ರೀಮಿಯಂ ಚಂದಾದಾರಿಕೆ ಶುಲ್ಕವನ್ನು ಸುಮಾರು ಶೇ. 34 ರಷ್ಟು ಕಡಿಮೆ ಮಾಡಿದೆ, ಈ ಹಿಂದೆ ರೂ. 650 ರಿಂದ ರೂಪಾಯಿ ವಿಧಿಸಲಾಗುತ್ತಿತ್ತು. ಈಗ 427ಕ್ಕೆ ಇಳಿಸಲಾಗಿದೆ.

ಅಪ್ಲಿಕೇಶನ್ ಸ್ಟೋರ್‌ಗಳು ಹೆಚ್ಚುವರಿ ಶುಲ್ಕ ವಿಧಿಸುವುದರಿಂದ ಮೊಬೈಲ್ ಅಪ್ಲಿಕೇಶನ್‌ಗಳಲ್ಲಿ ಪ್ರೀಮಿಯಂ ಚಂದಾದಾರಿಕೆ ಶುಲ್ಕಗಳು ರೂ. 470ಕ್ಕೆ ಏರಿದೆ.

ಕಂಪನಿಯು ತನ್ನ ಮೂಲ ಚಂದಾದಾರರ ಮಾಸಿಕ ಚಂದಾದಾರಿಕೆಯನ್ನು ಶೇ. 30 ರಷ್ಟು ಕಡಿತಗೊಳಿಸಿ 170 ರೂ.ಗೆ ಇಳಿಸಿದೆ, ಹಿಂದಿನದು 243.75 ರೂಪಾಯಿ ಆಗಿತ್ತು. ಮೂಲ ಖಾತೆಯ ವಾರ್ಷಿಕ ಚಂದಾದಾರಿಕೆ ಶುಲ್ಕದಲ್ಲಿ ಸುಮಾರು ಶೇ. 34 ರಷ್ಟು ಕಡಿತವಾಗಿದ್ದು, ವಾರ್ಷಿಕವಾಗಿ 1,700 ರೂ. ಬಿಲ್ ಮಾಡಲಾಗುವುದು, ಇದು ಮೊದಲು ವಿಧಿಸಲಾಗುತ್ತಿದ್ದ 2,590.48 ರೂ.ಗಳಿಂದ ಕಡಿಮೆಯಾಗಿದೆ.

X ಖಾತೆಯ ಪ್ರೀಮಿಯಂ ಪ್ಲಸ್ ಚಂದಾದಾರಿಕೆಗೆ ಬಳಕೆದಾರರಿಗೆ ವೆಬ್‌ನಲ್ಲಿ ಸುಮಾರು 26 ಪ್ರತಿಶತ ಕಡಿಮೆಯಾಗಿ 2,570 ರೂ.ಗಳಾಗಿದ್ದು, ಈ ಹಿಂದೆ ವಿಧಿಸಲಾಗುತ್ತಿದ್ದ 3,470 ರೂ.ಗಳ ಶುಲ್ಕಕ್ಕೆ ಹೋಲಿಸಿದರೆ ಇದು 2,570 ರೂ.ಗಳಾಗಿದೆ.

X ನಲ್ಲಿನ ಪ್ರೀಮಿಯಂ ಪ್ಲಸ್ ಖಾತೆಗಳು ಸಂಪೂರ್ಣವಾಗಿ ಜಾಹೀರಾತು ಮುಕ್ತವಾಗಿವೆ, ಹೊಂದಿರುವವರು ಲೇಖನಗಳನ್ನು ಬರೆಯಬಹುದು, Grok 4 ನೊಂದಿಗೆ SuperGrok ಗೆ ಪ್ರವೇಶ ಪಡೆಯಬಹುದು. ಈ ಸೇವೆಗಳು ಪ್ರೀಮಿಯಂ ಮತ್ತು ಮೂಲ ಖಾತೆದಾರರಿಗೆ ಲಭ್ಯವಿಲ್ಲ.

ಪ್ರೀಮಿಯಂ ಪ್ಲಸ್ ಚಂದಾದಾರಿಕೆಯ ಮೊಬೈಲ್ ಆವೃತ್ತಿಯು ಬಳಕೆದಾರರಿಗೆ ಮಾಸಿಕ ಆಧಾರದ ಮೇಲೆ ಸುಮಾರು 5,100 ರೂ. ಪಾವತಿಸಬೇಕಾಗಿತ್ತು, ಆದರೆ ಈಗ 3,000 ರೂ. ವೆಚ್ಚವಾಗಲಿದೆ.