ಪಾಕ್ ಬ್ಯಾಂಕ್ಗಳ ಮಾಹಿತಿ ಕದ್ದ ಹ್ಯಾಕರ್‌ಗರ್! ವಿಶ್ವದ ಮತ್ತೊಂದು ಪ್ರಮುಖ ಹ್ಯಾಕಿಂಗ್ ಪ್ರಕರಣ ಬಯಲು! ಪಾಕಿಸ್ತಾನ ಸೈಬರ್ ಕ್ರೈಂ ವಿಭಾಗಕ್ಕೆ ಎದುರಾದ ದೊಡ್ಡ ಸವಾಲು! ಪಾಕ್ ದುರ್ಬಲ ಸೈಬರ್ ವ್ಯವಸ್ಥೆ ಬಟಾ ಬಯಲು ಮಾಡಿದ ಹ್ಯಾಕರ್ಸ್
ಇಸ್ಲಾಮಾಬಾದ್(ನ.7): ಪಾಕಿಸ್ತಾನದ ಎಲ್ಲ ಪ್ರಮುಖ ಬ್ಯಾಂಕ್ಗಳಿಗೆ ಸೇರಿದ ಡೇಟಾಗಳನ್ನು ಹ್ಯಾಕರ್ಗಳು ಕಳವು ಮಾಡಿದ್ದಾರೆ.
ವಿಶ್ವದ ಮತ್ತೊಂದು ಪ್ರಮುಖ ಹ್ಯಾಕ್ ಪ್ರಕರಣ ಇದಾಗಿದ್ದು, ಪಾಕಿಸ್ತಾನದ ಸೈಬರ್ ಕ್ರೈಮ್ ವಿಭಾಗಕ್ಕೆ ಇದೊಂದು ದೊಡ್ಡ ಸವಾಲಾಗಿ ಪರಿಣಮಿಸಿದೆ.
ಪಾಕಿಸ್ತಾನದ ಬಹುತೇಕ ಬ್ಯಾಂಕ್ಗಳ ದತ್ತಾಂಶ ಕಳುವಾಗಿರುವ ಕುರಿತು ಮಾಹಿತಿ ಬಂದಿರುವುದಾಗಿ ಫೆಡರಲ್ ಇನ್ವೆಸ್ಟಿಗೇಶನ್ ಏಜೆನ್ಸಿಯ ನಿರ್ದೇಶಕ ಮೊಹ್ಮದ್ ಶೋಹಿಬ್ ಒಪ್ಪಿಕೊಂಡಿದ್ದಾರೆ.
ಇನ್ನು ಈ ಪ್ರಕರಣದಿಂದ ಪಾಕಿಸ್ತಾನದಲ್ಲಿ ಸೈಬರ್ ವ್ಯವಸ್ಥೆ ಎಷ್ಟು ದುರ್ಬಲವಾಗಿದೆ ಎಂಬುದನ್ನು ಬಹಿರಂಗಗೊಳಿಸಿದ್ದು, ಇಮ್ರಾನ್ ಖಾನ್ ಸರ್ಕಾರ ತೀವ್ರ ಇಕ್ಕಟ್ಟಿಗೆ ಸಿಲುಕಿದೆ.
State Bank of Pakistan REJECTS news reports claiming “data of most banks has been hacked”. - hope responsible citizens will spread this clarification with the same enthusiasm as the rumour 🙏🏼 pic.twitter.com/rEnc3hcbiz
— Zoon Ahmed Khan 明竺 (@Zoon_AhmedKhan)ಆದರೆ ಪಾಕಿಸ್ತಾನದ ಪ್ರಮುಖ ಸರ್ಕಾರಿ ಬ್ಯಾಂಕ್ ಸ್ಟೇಟ್ ಬ್ಯಾಂಕ್ ಆಫ್ ಪಾಕಿಸ್ತಾನ ಈ ವರದಿಯನ್ನು ಅಲ್ಲಗಳೆದಿದ್ದು, ತನ್ನ ಬ್ಯಾಂಕ್‌ನ ಯಾವುದೇ ಮಾಹಿತಿ ಸೋರಿಕೆಯಾಗಿಲ್ಲ ಎಂದು ಸ್ಪಷ್ಟಪಡಿಸಿದೆ. ಈ ಕುರಿತು ಸ್ಪಷ್ಟೀಕರಣ ಬಿಡುಗಡೆ ಮಾಡಿರುವ ಎಸ್‌ಬಿಪಿ, ಬ್ಯಾಂಕ್‌ನ ಎಲ್ಲಾ ಮಾಹಿತಿ ಸುರಕ್ಷಿತವಾಗಿದೆ ಎಂದು ತಿಳಿಸಿದೆ.