ಭಾರತೀಯ ಪ್ರಜಾಪ್ರಭುತ್ವದ ಸೌಂದರ್ಯ ಮತದಾನ, ವೋಟರ್ಸ್ ಐಡಿ ಪಡೆಯೋದು ಹೇಗೆ?

ಮತದಾರರ ಗುರುತಿನ ಚೀಟಿ (EPIC) ಭಾರತದಲ್ಲಿ ಮತದಾನದ ಹಕ್ಕನ್ನು ಚಲಾಯಿಸಲು ಅಗತ್ಯ ದಾಖಲೆ. ಚುನಾವಣಾ ಆಯೋಗವು 18 ವರ್ಷ ಮೇಲ್ಪಟ್ಟ ಭಾರತೀಯರಿಗೆ ನೀಡುತ್ತದೆ. ಇದು ಗುರುತಿನ ಪುರಾವೆಯಾಗಿ ಬಳಕೆಯಾಗುತ್ತದೆ. ಆನ್‌ಲೈನ್/ಆಫ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಬಹುದು. ಹೇಗೆ ಆನ್‌ಲೈನ್ ಮತ್ತು ಆಫ್‌ಲೈನ್ ಅರ್ಜಿ ಸಲ್ಲಿಸುವುದು?

ಭಾರತೀಯ ಪ್ರಜಾಪ್ರಭುತ್ವದ ಸೌಂದರ್ಯ ಹೆಚ್ಚಿಸುವ ಚುನಾವಣೆಯಲ್ಲಿ ಮತದಾರರು ಪಾಲ್ಗೊಳ್ಳಲು ಕಡ್ಡಾಯವಾಗಿ ಮತದಾರರ ಪಟ್ಟಿಯನ್ನು ಹೆಸರು ನೋಂದಾಯಿಸಿಕೊಳ್ಳಬೇಕು. ಆಗ ನೀಡುವ ಗುರುತಿನ ಚೀಟಿ ಕೇವಲ ಮತ ಹಕ್ಕನ್ನು ಚಲಾಯಿಸಲು ಮಾತ್ರವಲ್ಲ, ಬೇರೆ ಬೇರೆ ಸರಕಾರಿ ಕೆಲಸಗಳಿಗೂ ಅಧಿಕೃತ ಗುರುತಿನ ಚೀಟಿಯಾಗಿ ಮಾನ್ಯವಾಗಲಿದೆ. ಈ ಕಾರ್ಡ್‌ಗೆ ಅರ್ಜಿ ಸಲ್ಲಿಸೋದು ಹೇಗೆ, ತಿದ್ದಪಡಿಗೆ ಅವಕಾಶವಿದೆಯಾ ಸಂಪೂರ್ಣ ಮಾಹಿತಿ ಇಲ್ಲಿದೆ. 

ಮತದಾರರ ಗುರುತಿನ ಚೀಟಿ ಎಂದರೇನು?
ಮತದಾರರ ಫೋಟೋ ಗುರುತಿನ ಚೀಟಿ (EPIC) ಎಂದೂ ಕರೆಯಲ್ಪಡುವ ಮತದಾರರ ಗುರುತಿನ ಚೀಟಿಯನ್ನು ಭಾರತೀಯ ಚುನಾವಣಾ ಆಯೋಗವು ಮತದಾನ ಮಾಡಲು ಅರ್ಹರಾಗಿರುವ ಎಲ್ಲ ಭಾರತೀಯ ನಾಗರಿಕರಿಗೆ ನೀಡುತ್ತದೆ. ಮತದಾರರ ಪಟ್ಟಿ ನಿಖರತೆ ಸುಧಾರಿಸಿ, ಚುನಾವಣಾ ವಂಚನೆ ಪ್ರಕರಣಗಳನ್ನು ತಡೆಗಟ್ಟುವುದು ಈ ಗುರುತಿನ ಚೀಟಿಯ ಮುಖ್ಯ ಉದ್ದೇಶ. ಅಲ್ಲದೇ, ಅರ್ಹರು ಮತ ಚಲಾಯಿಸಿದಾಗ ಈ ಕಾರ್ಡನ್ನು ಗುರುತಿನ ಪುರಾವೆಯಾಗಿ ಪರಿಗಣಿಸಲಾಗುತ್ತದೆ. ಈ ಕಾರ್ಡನ್ನು ಸಾಮಾನ್ಯವಾಗಿ ಚುನಾವಣಾ ಕಾರ್ಡ್, ಮತದಾರರ ಕಾರ್ಡ್ ಮತ್ತು ಮತದಾರರ ಗುರುತಿನ ಚೀಟಿ ಎಂದೂ ಕರೆಯಲಾಗುತ್ತದೆ. 

ಮತದಾರರ ಪಟ್ಟಿಯ ನಿಖರತೆಯನ್ನು ಸುಧಾರಿಸುವುದು ಮತ್ತು ಚುನಾವಣಾ ವಂಚನೆಯನ್ನು ತಡೆಗಟ್ಟುವುದು ಈ ಕಾರ್ಡ್‌ನ ಮುಖ್ಯ ಉದ್ದೇಶ. ಅಲ್ಲದೇ ಅರ್ಹ ಭಾರತೀಯ ನಾಗರಿಕರು ಮತ ಚಲಾಯಿಸಿದಾಗ ಇದನ್ನು ಗುರುತಿನ ಪುರಾವೆಯಾಗಿಯೂ ಪರಿಗಣಿಸಲಾಗುತ್ತದೆ. ಮತದಾರರ ಗುರುತಿನ ಚೀಟಿ ಅಥವಾ EPIC ಕಾರ್ಡ್ ಬಗ್ಗೆ ಹೆಚ್ಚಿನ ವಿವರಗಳು ಇಲ್ಲಿವೆ,

ಮತದಾರರ ಗುರುತಿನ ಚೀಟಿಯು ಭಾರತದಲ್ಲಿ ಸರ್ಕಾರಿ ಪ್ರಾಧಿಕಾರದಿಂದ ನೀಡಲಾದ ವೈಯಕ್ತಿಕ ಗುರುತಿನ ಮಾನ್ಯತೆ ಪಡೆದಿದೆ. ಇದು ಈ ಕೆಳಗಿನ ವಿವರಗಳನ್ನು ಒಳಗೊಂಡಿರುತ್ತದೆ:

ವಿಶಿಷ್ಟ ಸರಣಿ ಸಂಖ್ಯೆ
ಕಾರ್ಡ್ ಹೊಂದಿರುವವರ ಭಾವಚಿತ್ರ
ರಾಜ್ಯ/ರಾಷ್ಟ್ರೀಯ ಚಿಹ್ನೆ ಇರುವ ಹೊಲೊಗ್ರಾಮ್
ಕಾರ್ಡ್ ಹೊಂದಿರುವವರ ಹೆಸರು
ಕಾರ್ಡ್ ಹೊಂದಿರುವವರ ತಂದೆ ಅಥವಾ ಪತಿಯ ಹೆಸರು
ಲಿಂಗ
ಜನ್ಮ ದಿನಾಂಕ
ಕಾರ್ಡ್ ಹೊಂದಿರುವವರ ವಸತಿ ವಿಳಾಸ
ಅಲ್ಲದೆ, ವಿತರಣಾ ಪ್ರಾಧಿಕಾರದ ಸಹಿಯನ್ನು ಚುನಾವಣಾ ನೋಂದಣಿ ಅಧಿಕಾರಿ ಎಂದು ಕರೆಯಲಾಗುತ್ತದೆ, ಇದು ಗುರುತಿನ ಚೀಟಿಯ ಹಿಂಭಾಗದಲ್ಲಿರುತ್ತದೆ.

ಮತದಾರರ ಗುರುತಿನ ಚೀಟಿಗೆ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸುವುದು ಹೇಗೆ?
ಮತದಾರರ ಗುರುತಿನ ಚೀಟಿಯನ್ನು ಆನ್‌ಲೈನ್‌ನಲ್ಲಿ ಡೌನ್‌ಲೋಡ್ ಮಾಡಲು ಹೀಗೆ ಮಾಡಿ:
ಹಂತ 1: ಮತದಾರರ ಸೇವೆಯ ಅಧಿಕೃತ ಪೋರ್ಟಲ್‌ಗೆ ಭೇಟಿ ನೀಡಿ ಅಥವಾ https://voters.eci.gov.in/ ಲಿಂಕ್  ಕ್ಲಿಕ್ಕಿಸಿ.
ಹಂತ 2: ‘ಸೈನ್-ಅಪ್’ ಮೇಲೆ ಕ್ಲಿಕ್ ಮಾಡಿ ಮತ್ತು ಲಾಗಿನ್ ಖಾತೆ ತೆರೆಯಿರಿ
ಹಂತ 3: ‘ಭಾರತೀಯ ನಿವಾಸಿ ಮತದಾರರು’ ಅಡಿಯಲ್ಲಿ ಕ್ಯಾಪ್ಚಾ ನಂತರ ನಿಮ್ಮ ಮೊಬೈಲ್ ಸಂಖ್ಯೆಯನ್ನು ನಮೂದಿಸಿ. ‘ಮುಂದುವರಿಯಿರಿ’ ಮೇಲೆ ಕ್ಲಿಕ್ ಮಾಡಿ. ಲಾಗಿನ್ ಆದ ನಂತರ, ‘ಫಾರ್ಮ್ 6 ಅನ್ನು ಭರ್ತಿ ಮಾಡಿ’ ಮೇಲೆ ಕ್ಲಿಕ್ಕಿಸಿ. ಸೂಕ್ತ ಮಾಹಿತಿಯನ್ನು ನೀಡಿ ಫಿಲ್ ಮಾಡಿ. 
ಹಂತ 4: ಭಾವಚಿತ್ರ ಸೇರಿ ಅಗತ್ಯ ಇರುವ ಎಲ್ಲಾ ದಾಖಲೆಗಳನ್ನು ಅಪ್‌ಲೋಡ್ ಮಾಡಿ
ಹಂತ 5: ‘ಸಲ್ಲಿಸು’ ಮೇಲೆ ಕ್ಲಿಕ್ ಮಾಡಿ.

ಆಫ್‌ಲೈನ್‌ ಅರ್ಜಿ ಸಲ್ಲಿಸುವುದು ಹೇಗೆ?
ಮತದಾರರ ಗುರುತಿನ ಚೀಟಿಗೆ ಆಫ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಲು ಈ ರೀತಿ ಮಾಡಬೇರು: 

ನಮೂನೆ 6ರ ಎರಡು ಪ್ರತಿಗಳನ್ನು ಭರ್ತಿ ಮಾಡಬೇಕಾಗುತ್ತದೆ. ಈ ಫಾರ್ಮ್ ಬೂತ್ ಮಟ್ಟದ ಅಧಿಕಾರಿಗಳು ಮತ್ತು ಚುನಾವಣಾ ನೋಂದಣಿ ಅಧಿಕಾರಿಗಳು/ಸಹಾಯಕ ಚುನಾವಣಾ ನೋಂದಣಿ ಅಧಿಕಾರಿಗಳ ಕಚೇರಿಗಳಲ್ಲಿ ಉಚಿತವಾಗಿ ಸಿಗುತ್ತವೆ. 

 ಚುನಾವಣಾ ನೋಂದಣಿ ಅಧಿಕಾರಿ/ಸಹಾಯಕ ಚುನಾವಣಾ ನೋಂದಣಿ ಅಧಿಕಾರಿಯನ್ನು ಭೇಟಿ ಮಾಡಿದಾಗ, ಭರ್ತಿ ಮಾಡಿದ ನಮೂನೆ ಮತ್ತು ದಾಖಲೆಗಳನ್ನು ನೀಡಬೇಕು. ಅಂಚೆ ಮೂಲಕವೂ ಬೂತ್ ಮಟ್ಟದ ಅಧಿಕಾರಿಗೆ ಕಳುಹಿಸಬಹುದು. ಬೆಂಗಳೂರು ಒನ್‌ನಂಥ ಕೇಂದ್ರಗಳಲ್ಲಿಯೂ ಸಬ್‌ಮಿಟ್ ಮಾಡಲು ಅವಕಾಶಗಳಿವೆ. ಗೊಂದಲಗಳಿದ್ದರೆ 1950ಗೆ ಕರೆ ಮಾಡಬಹುದು.

ಮತದಾರರ ಗುರುತಿನ ಚೀಟಿಯಲ್ಲಿರುವ EPIC ಸಂಖ್ಯೆ ಅಂದ್ರೇನು?
EPIC (ಮತದಾರರ ಫೋಟೋ ಗುರುತಿನ ಚೀಟಿ) ಸಂಖ್ಯೆಯು ಭಾರತದ ಚುನಾವಣಾ ಆಯೋಗ (ECI) ನೀಡುವ ಮತದಾರರ ಗುರುತಿನ ಚೀಟಿಯ ಸಂಖ್ಯೆ. EPIC ಸಂಖ್ಯೆಯು 18 ವರ್ಷಕ್ಕಿಂತ ಮೇಲ್ಪಟ್ಟ ಭಾರತೀಯ ಪ್ರಜೆಗಳಿಗೆ ಗುರುತಿನ ಪುರಾವೆಯಾಗಿ ಕಾರ್ಯನಿರ್ವಹಿಸುವ ಅಕ್ಷರಗಳು ಮತ್ತು ಸಂಖ್ಯೆಗಳ ವಿಶಿಷ್ಟ ಗುಂಪು. ಇದು ದೇಶದಲ್ಲಿ ನಡೆಯುವ ವಿವಿಧ ಚುನಾವಣೆಗಳಲ್ಲಿ ಮತ ಚಲಾಯಿಸಲು ಭಾರತೀಯ ಪ್ರಜೆಗಳಿಗೆ ಅನುವು ಮಾಡಿಕೊಡುತ್ತದೆ. EPIC ಸಂಖ್ಯೆ ಮತದಾರರ ಗುರುತಿನ ಚೀಟಿ ಮೇಲೆ ನಮೂದಾಗಿರುತ್ತದೆ. ಮತದಾರರ ಗುರುತಿನ ಚೀಟಿಯ ಫೋಟೋ ಮೇಲ್ಭಾಗದಲ್ಲಿ ಈ ಎಪಿಕ್ ನಂಬರ್ ನಮೂದಾಗಿರುತ್ತದೆ. 

ಆನ್‌ಲೈನ್‌ನಲ್ಲಿ EPIC ಸಂಖ್ಯೆ ಕಂಡು ಹಿಡಿಯುವುದು ಹೇಗೆ?
ಹಂತ 1: ‘Voters’ Service Portal’ನ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿ.
ಹಂತ 2: ‘ಚುನಾವಣಾ ಪಟ್ಟಿಯಲ್ಲಿ ಸರ್ಚ್ ಮಾಡಿ’ ಆಯ್ಕೆ ಮೇಲೆ ಕ್ಲಿಕ್ಕಿಸಿ. 
ಹಂತ 3: ‘ಸರ್ಚ್ EPIC’, ‘ಸರ್ಚ್ ಬೈ ಡಿಟೈಲ್’ ಅಥವಾ ‘Search by Mobile’ ಅಡಿಯಲ್ಲಿ ಅಗತ್ಯ ವಿವರಗಳನ್ನು ಭರ್ತಿ ಮಾಡಿ.
ಹಂತ 4: ಕ್ಯಾಪ್ಚಾ ಕೋಡ್ ನಮೂದಿಸಿ ಮತ್ತು ‘Search’ ಮೇಲೆ ಕ್ಲಿಕ್ಕಿಸಿ. 
ಹೆಸರಿನ ಪಟ್ಟಿ ತೆರೆದುಕೊಳ್ಳುತ್ತದೆ. ಆ ಪಟ್ಟಿಯಿಂದ ತಮ್ಮ EPIC ಸಂಖ್ಯೆಯನ್ನು ಕಂಡುಹಿಡಿಯಬಹುದು.

ಮತದಾರರ ಗುರುತಿನ ಚೀಟಿಗೆ ಯಾವ ದಾಖಲೆಗಳು ಬೇಕಾಗುತ್ತವೆ?
ಮತದಾರರ ಗುರುತಿನ ಚೀಟಿಗೆ ಅರ್ಜಿ ಸಲ್ಲಿಸುವಾಗ, ಈ ಕೆಳಗಿನ ದಾಖಲೆಗಳನ್ನು ಸಲ್ಲಿಸಬೇಕು:
ಎಡೆಂಟಿಟಿ ಪ್ರೂಫ್.
ಅಡ್ರಸ್ ಫ್ರೂಫ್.
ಭಾವಚಿತ್ರ.

ಮತದಾರರ ಚೀಟಿ ಪಡೆಯಲು ಮಾನದಂಡಗಳೇನು?
ಭಾರತೀಯ ನಾಗರಿಕರಾಗಿರಬೇಕು.
ಅರ್ಜಿದಾರರು 18 ವರ್ಷಕ್ಕಿಂತ ಮೇಲ್ಪಟ್ಟವರಾಗಿರಬೇಕು. 
ಶಾಶ್ವತ ವಿಳಾಸ: ನೋಂದಣಿ ಮಾಡಿಕೊಳ್ಳಲು ಬಯಸುವ ಮತದಾನ ಕ್ಷೇತ್ರದ ನಿವಾಸಿಯಾಗಿರಬೇಕು.
ಒಮ್ಮೆ ಮತದಾರರಾಗಿ ಯಾವುದೇ ಕಾರಣಕ್ಕೂ ಅನರ್ಹರಾಗಿಬಾರದು.

ಆನ್‌ಲೈನ್‌ನಲ್ಲಿ ಮತದಾರರ ಗುರುತಿನ ಚೀಟಿ ಅರ್ಜಿ ಸ್ಟೇಟಸ್ ತಿಳಿದುಕೊಳ್ಳುವುದು ಹೇಗೆ?
ಸಲ್ಲಿಕೆಯಾದ ಮತದಾರರ ಚೀಟಿಯ ಸ್ಟೇಟಸ್ ತಿಳಿದುಕೊಳ್ಳಲು ಈ ಹಂತಗಳನ್ನು ಫಾಲೋ ಮಾಡಿ,
https://www.nvsp.in/ ವೆಬ್‌ಸೈಟಿಗೆ ಭೇಟಿ ನೀಡಿ.
‘Track Application Status’ ಮೇಲೆ ಕ್ಲಿಕ್ ಮಾಡಿ.
ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆ, ಇಮೇಲ್ ಐಡಿ ಅಥವಾ EPIC ಸಂಖ್ಯೆ ನಮೂದಿಸಿದರೆ ವಿವರಗಳು ತೆರೆದುಕೊಳ್ಳುತ್ತದೆ.
ನಮೂದಿಸಿದ ಮೊಬೈಲ್‌ ಸಂಖ್ಯೆಗೆ ಬರುವ OTP ನಮೂದಿಸಬೇಕು. ಲಾಗಿನ್ ಆದ ನಂತರ, ನೀವು ‘‘Track Status’’ ಮೇಲೆ ಕ್ಲಿಕ್ಕಿಸಿದರೆ ವಿವರಗಳು ತೆರೆದುಕೊಳ್ಳುತ್ತದೆ. 

ಮತದಾರರ ಗುರುತಿನ ಚೀಟಿ ಪರಿಶೀಲನೆ ಹೇಗೆ?
ವೈಯಕ್ತಿಕ ವಿವರಗಳನ್ನು ತಾಳೆ ನೋಡಿ, ಮತದಾರರ ಗುರುತಿನ ಚೀಟಿಯನ್ನು ಪರಿಶೀಲಿಸಬಹುದು. ನೀವು ರಾಷ್ಟ್ರೀಯ ಮತದಾರರ ಸೇವೆಗಳ ಪೋರ್ಟಲ್‌ನ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿಯೂ '‘Search in Electoral Roll' ಮೇಲೆ ಕ್ಲಿಕ್ಕಿಸಬೇಕು. ಕೇಳುವ ವೈಯಕ್ತಿಕ ವಿವರಗಳನ್ನು ನೀಡಿ ಅಥವಾ EPIC ಸಂಖ್ಯೆ ನೀಡುವ ಮೂಲಕ ಮತದಾರರ ಪಟ್ಟಿಯನ್ನು ಪರಿಶೀಲಿಸಬಹುದು.

EPIC ಸಂಖ್ಯೆ ಬಳಸಿ ಮತದಾರರ ಗುರುತಿನ ಚೀಟಿಯನ್ನು ಡೌನ್‌ಲೋಡ್ ಮಾಡುವುದು ಹೇಗೆ?
ಹಂತ 1: ಭಾರತ ಚುನಾವಣಾ ಆಯೋಗದ ಪೋರ್ಟಲ್‌ಗೆ ಭೇಟಿ ನೀಡಿ - voterportal.eci.gov.in.
ಹಂತ 2: ಖಾತೆ ರಚಿಸಿ
ಹಂತ 3: Home ಪೇಜಿನಲ್ಲಿ‘e-EPIC ಡೌನ್‌ಲೋಡ್’ ಆಯ್ಕೆ ಆರಿಸಿ
ಹಂತ 4: ನಿಮ್ಮ e-EPIC ಸಂಖ್ಯೆ ಅಥವಾ ನೋಂದಾಯಿತ ಮೊಬೈಲ್ ಸಂಖ್ಯೆ ನಮೂದಿಸಿ
ಹಂತ 5: ನಿಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಯಲ್ಲಿ ಸ್ವೀಕರಿಸಿದ OTP ನಮೂದಿಸಿ
ಹಂತ 6: ಪ್ರಕ್ರಿಯೆ ಪೂರ್ಣಗೊಳಿಸಲು ‘Download EPIC Online' ಮೇಲೆ ಕ್ಲಿಕ್ಕಿಸಿ.

ಕಾರ್ಡಲ್ಲಿ ನಮೂದಾಗಿರುವ ಮೊಬೈಲ್ ಸಂಖ್ಯೆ ಬೇರೆಯಾಗಿದ್ದರೆ, Know Your Customer (KYC) ಪ್ರಕ್ರಿಯೆ ಪೂರ್ಣಗೊಳಿಸಬೇಕಾಗುತ್ತದೆ. ಆಮೇಲೆ ಮತದಾರರ ಗುರುತಿನ ಚೀಟಿಯನ್ನು ಡೌನ್‌ಲೋಡ್ ಮಾಡಿಕೊಳ್ಳಬಹುದು.

ಸೂಚನೆ:
 ಇ-ಇಪಿಕ್ ಸಂಖ್ಯೆ ತಪ್ಪಾಗಿದ್ದರೆ, ನೀವದನ್ನು voterportal.eci.gov.in ನಲ್ಲಿ ಪರಿಶೀಲಿಸಬಹುದು.
ಡಿಜಿಟಲ್ ವೋಟರ್ ಐಡಿ ಕಾರ್ಡನ್ನು ಮೊಬೈಲ್ ವೋಟರ್ ಆ್ಯಪ್ ಮೂಲಕ ಸೃಷ್ಟಿಸಿಕೊಳ್ಳಬಹುದು. 
ಗೂಗಲ್ ಆ್ಯಪ್ ಸ್ಟೋರ್‌ನಿಂದ ಆ್ಯಪ್ ಡೌನ್‌ಲೋಡ್ ಮಾಡಿ, ಸೂಚನೆಗಳನ್ನು ಅನುಸರಿಸಿ. 

ವೋಟರ್ ಹೆಲ್ಪ್‌ಲೈನ್ ಆ್ಯಪಲ್ಲಿ ವೋಟರ್ ಐಡಿಯನ್ನು ಡೌನ್‌ಲೋಡ್ ಮಾಡುವುದು ಹೇಗೆ?
ಗೂಗಲ್ ಪ್ಲೇ ಸ್ಟೋರ್ ಅಥವಾ ಆ್ಯಪಲ್ ಸ್ಟೋರಿನಿಂದ, ವೋಟರ್ ಹೆಲ್ಪ್‌ಲೈನ್ ಆ್ಯಪ್ ಡೌನ್‌ಲೋಡ್ ಮಾಡಿ.
‘Personal Vault ಆಯ್ಕೆ ಮೇಲೆ ಕ್ಲಿಕ್ಕಿಸಿ. 
ಮೊಬೈಲ್ ಸಂಖ್ಯೆ, ಪಾಸ್‌ವರ್ಡ್ ಮತ್ತು ಒಟಿಪಿ (ಒನ್ ಟೈಮ್ ಪಾಸ್‌ವರ್ಡ್) ನಂತಹ ಅಗತ್ಯ ವಿವರಗಳನ್ನು ನಮೂದಿಸಿ
‘ಲಾಗಿನ್’ ಮೇಲೆ ಕ್ಲಿಕ್ಕಿಸಿ. ನಂತರ, ನಿಮ್ಮ ಇ-ಇಪಿಕ್ ಕಾರ್ಡ್ ಪರದೆ ಮೇಲೆ ಕಾಣಿಸಿಕೊಳ್ಳುತ್ತದೆ.
ನಂತರ‘ಡೌನ್‌ಲೋಡ್’ ಮೇಲೆ ಕ್ಲಿಕ್ಕಿಸಿದರೆ ಕಾರ್ಡ್ ಸಿಗುತ್ತದೆ. 

ಮತದಾರರ ಚೀಟಿಗೆ ಅರ್ಜಿ ಸಲ್ಲಿಸಲು ಏನೇನು ಬೇಕು?
ಭಾರತೀಯ ನಾಗರಿಕರು ಮತದಾರರ ಗುರುತಿನ ಚೀಟಿ ಸಲ್ಲಿಸಲು ಸಮರ್ಥರಾಗಿದ್ದರೆ ಈ ಕೆಳಗಿನ ನಮೂನೆಗಳನ್ನು ಫಿಲ್ ಮಾಡಿ ವೋಟರ್ಸ್ ಐಡಿ ಪಡೀಬಹುದು. 
ಫಾರ್ಮ್ 6: ಹೊಸ ಮತದಾರರ ಗುರುತಿನ ಚೀಟಿ ಮತ್ತು ಕ್ಷೇತ್ರ ಬದಲಾವಣೆಗೆ
ಫಾರ್ಮ್ 6A: ಎನ್‌ಆರ್‌ಐ ಮತದಾರರು ಚುನಾವಣಾ ಕಾರ್ಡ್ ಪಡೆಯಲು ಈ ಅರ್ಜಿ ಸಲ್ಲಿಸಬೇಕು.
ಫಾರ್ಮ್ 8: ವಿಳಾಸ, ಫೋಟೋ, ವಯಸ್ಸು, ಹೆಸರು, ಜನ್ಮ ದಿನಾಂಕ ಮುಂತಾದ ವೈಯಕ್ತಿಕ ವಿವರಗಳನ್ನು ಬದಲಾಯಿಸಲು. 
ಫಾರ್ಮ್ 8A: ಒಂದು ಕ್ಷೇತ್ರದಿಂದ ಇನ್ನೊಂದು ಕ್ಷೇತ್ರಕ್ಕೆ ವಿಳಾಸ ಬದಲಾವಣೆಗೆ.
ಫಾರ್ಮ್ 7: ಮತದಾರರ ಪಟ್ಟಿಯಲ್ಲಿ ಹೆಸರು ಸೇರಿಸಲು ಅಥವಾ ಅಳಿಸಲು. 
ಫಾರ್ಮ್ 6B: EPIC ಮತ್ತು ಆಧಾರ್ ಕಾರ್ಟ್ ಪಡೆಯಲು
ಫಾರ್ಮ್ M: ದೆಹಲಿ, ಜಮ್ಮು ಅಥವಾ ಉಧಂಪುರದಲ್ಲಿನ ಯಾವುದೇ ನಿರ್ದಿಷ್ಟ ಮತಗಟ್ಟೆಯಲ್ಲಿ ಮತ ಚಲಾಯಿಸಲು ಬಯಸುವ ಕಾಶ್ಮೀರಿ ವಲಸೆ ಮತದಾರರಿಗೆ.
ಫಾರ್ಮ್ 12C: ಮತ ಚಲಾಯಿಸಲು ಅಂಚೆ ಮತಪತ್ರಗಳನ್ನು ಬಳಸಲು ಬಯಸುವ ಕಾಶ್ಮೀರಿ ವಲಸೆ ಮತದಾರರಿಗೆ.

 ಮತದಾರರ ಗುರುತಿನ ಚೀಟಿ ಸ್ವೀಕರಿಸದಿದ್ದರೆ ಏನು ಮಾಡಬೇಕು?
ಮತದಾರರ ಗುರುತಿನ ಚೀಟಿ ಪರಿಶೀಲನೆ ಪ್ರಕ್ರಿಯೆ ಸಮಯ ತೆಗೆದುಕೊಳ್ಳುತ್ತಿದ್ದರೆ, ಅರ್ಜಿ ಸಲ್ಲಿಕೆ ಯಶಸ್ವಿಯಾಗಿದ್ದರೂ ನಿಮಗೆ ಕಾರ್ಡ್ ಸಿಗದಿದ್ದರೆ, ನಿಮ್ಮ ಉಲ್ಲೇಖ ಸಂಖ್ಯೆಯೊಂದಿಗೆ DEO ಅವರನ್ನು ಭೇಟಿ ಮಾಡಬೇಕು. 
ಡಿಜಿಲಾಕರ್‌ನಲ್ಲಿ ವೋಟರ್ಸ್ ಐಡಿ ಅಪ್ಲೋಡ್ ಮಾಡೋದು ಹೇಗೆ? 
ಡಿಜಿಲಾಕರ್ ಮೂಲಕ ಮತದಾರರ ಗುರುತಿನ ಚೀಟಿಯನ್ನು ಅಪ್‌ಲೋಡ್ ಮಾಡುವುದು ಹೀಗೆ...
ಮತದಾರರ ಸಹಾಯವಾಣಿ ಅಪ್ಲಿಕೇಶನ್ ಅಥವಾ ಮತದಾರರ ಸೇವಾ ಪೋರ್ಟಲ್ ಮೂಲಕ ಇ-ಇಪಿಕ್ ಕಾರ್ಡ್ ಡೌನ್‌ಲೋಡ್ ಮಾಡಿಕೊಳ್ಳಬಹುದು.
ಡಿಜಿಲಾಕರ್‌ನಲ್ಲಿ ಡೌನ್‌ಲೋಡ್ ಮಾಡಿದ ಇ-ಎಪಿಕ್ ಕಾರ್ಡ್‌ನ ಪಿಡಿಎಫ್‌ಅನ್ನು ಅಪ್‌ಲೋಡ್ ಮಾಡಿ

ಅರ್ಜಿ ಸಲ್ಲಿಕೆಗೆ ಅರ್ಹತೆಗಳು: 
ಅರ್ಜಿದಾರರ ಕನಿಷ್ಠ ವಯಸ್ಸು 18 ವರ್ಷಗಳು ಆಗಿರಬೇಕು
ವ್ಯಕ್ತಿಯು ಉತ್ತಮ ಮಾನಸಿಕ ಸ್ಥಿತಿಯನ್ನು ಹೊಂದಿರಬೇಕು
ವ್ಯಕ್ತಿಯು ಕ್ರಿಮಿನಲ್ ದಾಖಲೆಯನ್ನು ಹೊಂದಿರಬಾರದು ಅಥವಾ ಆರ್ಥಿಕವಾಗಿ ದಿವಾಳಿಯಾಗಿರಬಾರದು
ಫಾರ್ಮ್ 6 ಅನ್ನು ಭರ್ತಿ ಮಾಡಿ, ಉಲ್ಲೇಖಿಸಿದ ದದಾಖಲೆಗಳನ್ನು ಸಲ್ಲಿಸಬೇಕು.
ಸರ್ಕಾರ ಅಥವಾ ಸರ್ಕಾರ ಅನುಮೋದಿತ ವೆಬ್‌ಸೈಟ್‌ಗಳಲ್ಲಿ ಮತ್ತು ಕೇಂದ್ರಗಳ ಮೂಲಕ ಮತದಾರರ ಗುರುತಿನ ಚೀಟಿಗಾಗಿ ಅರ್ಜಿ ಸಲ್ಲಿಸಬೇಕು
ಜನ್ಮ ದಿನಾಂಕ, ಹೆಸರು, ವಿಳಾಸ ಮತ್ತು ಇತರವುಗಳಂತಹ ಒದಗಿಸಲಾದ ವಿವರಗಳನ್ನು ಸರಿಯಾಗಿ ನಮೂದಿಸಬೇಕು.
ಒದಗಿಸಿದ ಮಾಹಿತಿ ಕಾನೂನುಬದ್ಧವಾಗಿರಬೇಕು.
ಎಲ್ಲಾ ಮಾಹಿತಿ ಸರಿಯಾಗಿ ನಮೂದಿಸಲಾಗಿದೆಯೇ ಎಂದು ಪರಿಶೀಲಿಸಲು ಅರ್ಜಿದಾರರು ಸಲ್ಲಿಸಿದ ದಾಖಲೆಗಳನ್ನು ಮರು ಪರಿಶೀಲಿಸಬೇಕು
ಅರ್ಜಿ ಸಲ್ಲಿಕೆಗೆ ಅರ್ಹತೆಗಳು: 

ಅಕಸ್ಮಾತ್ ಮತದಾರರ ಗುರುತಿನ ಚೀಟಿ ಸಿಗದಿದ್ದರೆ ಏನು ಮಾಡಬೇಕು?
ಅಧಿಕೃತ ವೆಬ್‌ಸೈಟ್ ಅಥವಾ ಹತ್ತಿರದ ಚುನಾವಣಾ ಕಚೇರಿಗೆ ಭೇಟಿ ನೀಡಿ
ಫಾರ್ಮ್ 6 ಅನ್ನು ಸಲ್ಲಿಸುವಾಗ, ಇತರ ವಿವರಗಳೊಂದಿಗೆ ನಿಮಗೆ ನೀಡಿರುವ ರೆಫರೆನ್ಸ್ ನಂಬರನ್ನು ನಮೂದಿಸಬೇಕು. 
‘Track Status’ ಆಯ್ಕೆ ಆರಿಸಿ
ನಿಮ್ಮ ನವೀಕರಿಸಿದ ಅರ್ಜಿಯು ಕಾಣುತ್ತದೆ. 
ಆಮೇಲೆ ಆನ್‌ಲೈನ್‌ನಲ್ಲಿ ಮತದಾರರ ಗುರುತಿನ ಚೀಟಿಗೆ ಅರ್ಜಿ ಸಲ್ಲಿಸಿದ ದಿನಾಂಕದಿಂದ 30 ದಿನಗಳಲ್ಲಿ ನೀವು ಮತದಾರರ ಗುರುತಿನ ಚೀಟಿಯನ್ನು ಸ್ವೀಕರಿಸುತ್ತೀರಿ.

ಡಿಜಿಟಲ್ ಮತದಾರರ ಗುರುತಿನ ಚೀಟಿ ಕೊಡೋದ್ಯಾರು?
ರಾಷ್ಟ್ರೀಯ ಮತದಾರರ ದಿನವನ್ನು ಜನವರಿ 25 ರಂದು ಆಚರಿಸಲಾಗುತ್ತದೆ. 2021ರಲ್ಲಿ ಭಾರತೀಯ ಚುನಾವಣಾ ಆಯೋಗ (ECI) ಎಲೆಕ್ಟ್ರಾನಿಕ್ ಚುನಾವಣಾ ಫೋಟೋ ಗುರುತಿನ ಚೀಟಿ (e-EPIC) ಎಂದೂ ಕರೆಯಲ್ಪಡುವ ಡಿಜಿಟಲ್ ಮತದಾರರ ಗುರುತಿನ ಚೀಟಿಯನ್ನು ಈ ದಿನದಂದೇ ಬಿಡುಗಡೆ ಮಾಡಿತು. ಇ-ಇಪಿಕ್, ಇ-ಆಧಾರ್ ಕಾರ್ಡನ್ನೇ ಹೋಲುತ್ತದೆ. ಪಿಡಿಎಫ್ ಸ್ವರೂಪದಲ್ಲಿ ಲಭ್ಯವಿರಲಿದೆ. ಇದನ್ನು ಎಡಿಟ್ ಮಾಡಲು ಬರುವುದಿಲ್ಲ. ವ್ಯಕ್ತಿಗಳು ತಮ್ಮ ಹಳೆಯ ಮತದಾರರ ಗುರುತಿನ ಚೀಟಿಯನ್ನು ಕಳೆದುಕೊಂಡರೆ, ರೂ.25 ಶುಲ್ಕ ಪಾವತಿಸಿದರೆ ನಕಲಿ ಕಾರ್ಡ್‌ಗಳನ್ನು ಡೌನ್‌ಲೋಡ್ ಮಾಡಬಹುದು.

ವೋಟರ್ಸ್ ಐಡಿ ಇಲ್ಲದಿದ್ದರೂ ಮತ ಚಲಾಯಿಸಬಹುದಾ?
ಭಾರತದಲ್ಲಿ ಮತ ಚಲಾಯಿಸಲು ಅರ್ಹರಾಗಲು, ಒಬ್ಬ ವ್ಯಕ್ತಿ ತನ್ನನ್ನು ನೋಂದಾಯಿತ ಮತದಾರರಾಗಿ ನೋಂದಾಯಿಸಿಕೊಳ್ಳಬೇಕು. ವ್ಯಕ್ತಿ ಅದೇ ಆಫ್‌ಲೈನ್‌ನಲ್ಲಿ ನೋಂದಾಯಿಸಿಕೊಳ್ಳಬಹುದು ಅಥವಾ ಚುನಾವಣಾ ಆಯೋಗದ ವೆಬ್‌ಸೈಟ್‌ಗೆ ಭೇಟಿ ನೀಡಿ ಅಲ್ಲಿ ನೋಂದಾಯಿಸಿಕೊಳ್ಳಬಹುದು. ವ್ಯಕ್ತಿಯು ಈಗಾಗಲೇ ನೋಂದಾಯಿತ ಮತದಾರರಾಗಿದ್ದರೆ, ಅವನು ಅಥವಾ ಅವಳು ಮತದಾರರ ಗುರುತಿನ ಚೀಟಿ ಇಲ್ಲದೆ ಮತ ಚಲಾಯಿಸಬಹುದು. ವ್ಯಕ್ತಿಯು ತನ್ನ ಮತದಾರರ ಗುರುತಿನ ಚೀಟಿಯನ್ನು ಹೊಂದಿಲ್ಲದಿದ್ದರೆ ಈ ಕೆಳಗಿನ ದಾಖಲೆಗಳ ಪಟ್ಟಿಯನ್ನು ಸ್ವೀಕರಿಸಲಾಗುತ್ತದೆ:

ಪ್ಯಾನ್ ಕಾರ್ಡ್
ಆಧಾರ್ ಕಾರ್ಡ್
ಭಾರತ ಸರ್ಕಾರದ ಅಂಚೆ ಇಲಾಖೆಯಿಂದ ನೀಡಲಾದ ಅರ್ಜಿದಾರರ ಫೋಟೋ ಇರುವ ಅಡ್ರೆಸ್ ಪ್ರೂಫ್. 
ರಾಷ್ಟ್ರೀಯ ಜನಸಂಖ್ಯಾ ನೋಂದಣಿ ಅಡಿಯಲ್ಲಿ ಭಾರತ ರಿಜಿಸ್ಟ್ರಾರ್ ಜನರಲ್ (RGI) ನೀಡಿದ ಸ್ಮಾರ್ಟ್ ಕಾರ್ಡ್
ಛಾಯಾಚಿತ್ರದೊಂದಿಗೆ ಪಿಂಚಣಿ ಆದೇಶ
MNREGA (ಮಹಾತ್ಮ ಗಾಂಧಿ ರಾಷ್ಟ್ರೀಯ ಗ್ರಾಮೀಣ ಉದ್ಯೋಗ ಖಾತರಿ ಕಾಯ್ದೆ ಉದ್ಯೋಗ ಕಾರ್ಡ್)
ಕಾರ್ಮಿಕ ಸಚಿವಾಲಯದ ಯೋಜನೆಯಡಿ ನೀಡಲಾದ ಆರೋಗ್ಯ ವಿಮಾ ಸ್ಮಾರ್ಟ್ ಕಾರ್ಡ್
ಸಂಸದರು, ಎಂಎಲ್‌ಸಿಗಳು, ಶಾಸಕರು ಇತ್ಯಾದಿಗಳಿಗೆ ನೀಡಲಾದ ಅಧಿಕೃತ ಗುರುತಿನ ಚೀಟಿಗಳು.
ಹಿರಿಯ ನಾಗರಿಕರಿಗೆ ಸರ್ಕಾರ ನೀಡುವ ಗುರುತಿ ಚೀಟಿ.

ಹಳೆ ಮತದಾರರ ಗುರುತಿನ ಚೀಟಿಯನ್ನು ಹೊಸದಕ್ಕೆ ಬದಲಾಯಿಸುವುದು ಹೇಗೆ?
ಸರ್ಕಾರವು ಇ-ಇಪಿಕ್ ಮತದಾರರ ಗುರುತಿನ ಚೀಟಿಯ ಪರಿಕಲ್ಪನೆಯೊಂದಿಗೆ ಬರುತ್ತಿರುವುದರಿಂದ, ಹಳೆಯ ಮತದಾರರ ಗುರುತಿನ ಚೀಟಿಗಳನ್ನು ಹೊಂದಿರುವ ಜನರು ಬಳಕೆದಾರ ಹೆಸರು ಮತ್ತು ಪಾಸ್‌ವರ್ಡ್ ಬಳಸಿ ರಾಷ್ಟ್ರೀಯ ಮತದಾರರ ಸೇವಾ ಪೋರ್ಟಲ್‌ಗೆ ಲಾಗಿನ್ ಆಗುವ ಮೂಲಕ ಹೊಸದನ್ನು ಪಡೆಯಬಹುದು. ಇ-ಇಪಿಕ್ ಡೌನ್‌ಲೋಡ್ ಮಾಡಿ, ನಿಮ್ಮನ್ನು ನೋಂದಾಯಿಸಿಕೊಳ್ಳಬೇಕು.

ವಿವರಗಳ ತಿದ್ದುವಿಕೆ ಹೇಗೆ?
ಮತದಾರರ ಗುರುತಿನ ಚೀಟಿಯಲ್ಲಿ ಅಗತ್ಯ ಬದಲಾವಣೆಗಳನ್ನು ಮಾಡಬೇಕಾದರೆ, ಆನ್‌ಲೈನ್ ರಾಷ್ಟ್ರೀಯ ಮತದಾರರ ಸೇವಾ ಪೋರ್ಟಲ್‌ಗೆ ಭೇಟಿ ನೀಡುವ ಮೂಲಕ ಅಥವಾ ಹತ್ತಿರದ ಚುನಾವಣಾ ಕಚೇರಿಗೆ ಭೇಟಿ ನೀಡಬೇಕು. ಈ ಸ್ಟೆಪ್ಸ್ ಫಾಲೋ ಮಾಡಬೇಕು.

ಹಂತ 1: ರಾಷ್ಟ್ರೀಯ ಮತದಾರರ ಸೇವಾ ಪೋರ್ಟಲ್‌ಗೆ ಭೇಟಿ ನೀಡಿ
ಹಂತ 2: ಬಳಕೆದಾರ ಹೆಸರು ಮತ್ತು ಪಾಸ್‌ವರ್ಡ್ ಬಳಸಿ ಲಾಗಿನ್ ಆಗಿ.
ಹಂತ 3: 'ಫಾರ್ಮ್ 8' ಅನ್ನು ಭರ್ತಿ ಮಾಡಿ
ಹಂತ 4: ಅದನ್ನು ಪೋಷಕ ದಾಖಲೆಗಳೊಂದಿಗೆ ಸಲ್ಲಿಸಿ
ಹಂತ 5: ಅದು ಮುಗಿದ ನಂತರ, ಚುನಾವಣಾ ನೋಂದಣಿ ಅಧಿಕಾರಿ (ERO) ಅರ್ಜಿಯನ್ನು ಪ್ರಕ್ರಿಯೆಗೊಳಿಸುತ್ತಾರೆ.

NRI ಮತದಾರರ ಗುರುತಿನ ಚೀಟಿ:
ಅನಿವಾಸಿ ಭಾರತೀಯರು ಸಹ ತಮ್ಮ ಮತದಾನದ ಹಕ್ಕನ್ನು ಚಲಾಯಿಸಬಹುದು. ಅವರು ದೇಶದಲ್ಲಿ ಮತ್ತು ಚುನಾವಣೆಗಳು ನಡೆಯುವಾಗ ತಮ್ಮ ಕ್ಷೇತ್ರದಲ್ಲಿದ್ದರೆ ಅವರು ಮತ ಚಲಾಯಿಸಬಹುದು. ಮತದಾರರ ಗುರುತಿನ ಚೀಟಿ ಪಡೆಯಲು, ಅವರು ಆನ್‌ಲೈನ್ ಅಥವಾ ಆಫ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಬಹುದು.
NRI ಮತದಾರರು ಆನ್‌ಲೈನ್‌ನಲ್ಲಿ ಮತದಾರರ ಗುರುತಿನ ಚೀಟಿಗಳಿಗೆ ಹೇಗೆ ಅರ್ಜಿ ಸಲ್ಲಿಸಬಹುದು?
NRI ಮತದಾರರು ಆನ್‌ಲೈನ್‌ನಲ್ಲಿ ಮತದಾರರ ಗುರುತಿನ ಚೀಟಿಗೆ ಅರ್ಜಿ ಸಲ್ಲಿಸಲು ಈ ಕೆಳಗಿನ ಹಂತಗಳು:
ರಾಷ್ಟ್ರೀಯ ಮತದಾರರ ಸೇವೆಗಳ ಪೋರ್ಟಲ್ (NVSP)ನ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡಿ
‘Apply online for registration of overseas voter’ ಮೇಲೆ ಕ್ಲಿಕ್ಕಿಸಿ.

ಫಾರ್ಮ್ 6A ಅನ್ನು ಸರಿಯಾಗಿ ಭರ್ತಿ ಮಾಡಿ ಮತ್ತು ಸಲ್ಲಿಸಿ
ನಿಮ್ಮ ರಾಜ್ಯದ ಮುಖ್ಯ ಚುನಾವಣಾ ಅಧಿಕಾರಿಯ ಅಧಿಕೃತ ವೆಬ್‌ಸೈಟ್ ಅನ್ನು ಸಹ ನೀವು ಡೌನ್‌ಲೋಡ್ ಮಾಡಬಹುದು

ಅರ್ಜಿ ಸಲ್ಲಿಸುವ ವರ್ಷದ ಜನವರಿಯಲ್ಲಿ 18 ವರ್ಷ ತುಂಬಿದ ಅನಿವಾಸಿ ಭಾರತೀಯರು ಮತದಾರರ ಗುರುತಿನ ಚೀಟಿಗೆ ಅರ್ಜಿ ಸಲ್ಲಿಸಲು ಅರ್ಹರು.
ಅನಿವಾಸಿ ಭಾರತೀಯರು ಬೇರೆ ಯಾವುದೇ ದೇಶದ ಪೌರತ್ವ ಹೊಂದಿರಬಾರದು.
ಅನಿವಾಸಿ ಭಾರತೀಯರು ಮತದಾರರ ಗುರುತಿನ ಚೀಟಿಗಳಿಗೆ ಆಫ್‌ಲೈನ್‌ನಲ್ಲಿ ಹೇಗೆ ಅರ್ಜಿ ಸಲ್ಲಿಸಬಹುದು?
NRI ಮತದಾರರ ಗುರುತಿನ ಚೀಟಿಯನ್ನು ಆಫ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಲು ಈ ಕೆಳಗಿನ ಹಂತಗಳು:

ಅರ್ಜಿ ನಮೂನೆಯನ್ನು ಭರ್ತಿ ಮಾಡಿ
ಸರಿಯಾಗಿ ಸಹಿ ಮಾಡಿದ ನಮೂನೆಯನ್ನು ಚುನಾವಣಾ ನೋಂದಣಿ ಅಧಿಕಾರಿ (ERO) ಅಥವಾ ಸಹಾಯಕ ಚುನಾವಣಾ ನೋಂದಣಿ ಅಧಿಕಾರಿಗೆ ಸಲ್ಲಿಸಿ
ಸ್ವಯಂ-ದೃಢೀಕರಿಸಿದ ದಾಖಲೆಗಳನ್ನು ಸಹ ಸಲ್ಲಿಸಿ

ಯಶಸ್ವಿ ಪರಿಶೀಲನೆ ನಂತರ ERO ಅಥವಾ ಸಹಾಯಕ ಚುನಾವಣಾ ನೋಂದಣಿ ಅಧಿಕಾರಿ ನಿಮ್ಮ ಹೆಸರನ್ನು ಮತದಾರರ ಪಟ್ಟಿಯಲ್ಲಿ ಸೇರಿಸಲಾಗಿದೆಯೇ ಅಥವಾ ಇಲ್ಲವೇ ಎಂಬುದನ್ನು ತಿಳಿಸುತ್ತಾರೆ
ಯಾವುದೇ ಕಾರಣಕ್ಕಾಗಿ ನಿಮ್ಮ ಫಾರ್ಮ್ ತಿರಸ್ಕರಿಸಲ್ಪಟ್ಟಿದ್ದರೆ ERO ಳಿಸುತ್ತದೆ

ಮತದಾರರ ಪಟ್ಟಿಯಲ್ಲಿ ಮತದಾರರ ಗುರುತಿನ ಚೀಟಿ ತಿದ್ದುಪಡಿ
ಮತದಾರರ ಪಟ್ಟಿಯಲ್ಲಿ ಮತದಾರರ ಗುರುತಿನ ಚೀಟಿಯಲ್ಲಿ ನಮೂದಿಸಲಾದ ವಿವರಗಳನ್ನು ಸರಿಪಡಿಸಲು ಈ ಕೆಳಗಿನ ಹಂತಗಳು:
ರಾಷ್ಟ್ರೀಯ ಮತದಾರರ ಸೇವೆಗಳ ಪೋರ್ಟಲ್ (NVSP) ಗೆ ಭೇಟಿ ನೀಡಿ
ಮತದಾರರ ಪಟ್ಟಿಯಲ್ಲಿನ ನಮೂದುಗಳ ತಿದ್ದುಪಡಿ ಅಡಿಯಲ್ಲಿ ‘Click Here’ ಆಯ್ಕೆ ಮೇಲೆ ಕ್ಲಿಕ್ ಮಾಡಿ
ತಿದ್ದುಪಡಿಗಳನ್ನು ಹೈಲೈಟ್ ಮಾಡಿ ಮತ್ತು ಸಂಬಂಧಿತ ದಾಖಲೆಗಳನ್ನು ಅಪ್‌ಲೋಡ್ ಮಾಡಿ
ಹತ್ತಿರದ ಚುನಾವಣಾ ಕಚೇರಿಗೆ ಭೇಟಿ ನೀಡುವ ಮೂಲಕ ಅಥವಾ ಮುಖ್ಯ ಚುನಾವಣಾ ಅಧಿಕಾರಿಗೆ ದಾಖಲೆಗಳನ್ನು ಕಳುಹಿಸುವ ಮೂಲಕವೂ ಈ ಪ್ರಕ್ರಿಯೆಯನ್ನು ಮಾಡಬಹುದು.
ದಾಖಲೆಗಳನ್ನು ಸಲ್ಲಿಸಿದ ನಂತರ, ERO ವಿವರಗಳನ್ನು ನವೀಕರಿಸಲು ಅಗತ್ಯ ಕ್ರಮಗಳನ್ನು ತೆಗೆದುಕೊಳ್ಳುತ್ತದೆ
ನವೀಕರಿಸಿದ ಮತದಾರರ ಗುರುತಿನ ಚೀಟಿಯನ್ನು ನಿಮ್ಮ ನೋಂದಾಯಿತ ವಿಳಾಸಕ್ಕೆ ಕಳುಹಿಸಲಾಗುತ್ತದೆ

ಮತದಾರರ ಗುರುತಿನ ಚೀಟಿಯಲ್ಲಿ ಏನಿರುತ್ತದೆ?
ಹಾಲೊಗ್ರಾಮ್ ಸ್ಟಿಕ್ಕರ್.
ಕ್ರಮ ಸಂಖ್ಯೆ.
ಕಾರ್ಡ್ ಹೊಂದಿರುವವರ ಭಾವಚಿತ್ರ.
ಮತದಾರನ ಹೆಸರು.
ಕಾರ್ಡ್ ಹೊಂದಿರುವವರ ಪೋಷಕರು ಅಥವಾ ಪತಿ ಹೆಸರು.
ಕಾರ್ಡ್ ಹೊಂದಿರುವವರ ಲಿಂಗ.
ಕಾರ್ಡ್ ನೀಡಿದ ದಿನಾಂಕದಂದು ಮತದಾರರ / ಕಾರ್ಡ್ ಹೊಂದಿರುವವರ ವಯಸ್ಸು.
ವ್ಯಕ್ತಿಯ ಸಂಪೂರ್ಣ ವಿಳಾಸವನ್ನು ಕಾರ್ಡ್‌ ಹಿಂಭಾಗದಲ್ಲಿ ಪ್ರಾಧಿಕಾರದ ಸಹಿಯೊಂದಿಗೆ ನಮೂದಿಸಲಾಗಿರುತ್ತದೆ.
ಚುನಾವಣಾ ಕಾರ್ಡ್ ಅಥವಾ ಮತದಾರರ ಗುರುತಿನ ಚೀಟಿಯ ಉಪಯೋಗಗಳು:

ಮತದಾರರ ಗುರುತಿನ ಚೀಟಿಯನ್ನು ಈ ಕೆಳಗಿನ ಉದ್ದೇಶಗಳಿಗೆ ಬಳಸಬಹುದು:
ಈ ಕಾರ್ಡ್ ವೈಯಕ್ತಿಕ ಗುರುತನ್ನು ದೃಢೀಕರಿಸುತ್ತದೆ. 
ಮತದಾರರ ಗುರುತಿನ ಚೀಟಿಯು ಕಾರ್ಡ್ ಹೊಂದಿರುವವರು ನೋಂದಾಯಿತ ಮತದಾರರು ಎಂಬುದಕ್ಕೆ ಸ್ವೀಕೃತಿಯಾಗಿ ಕಾರ್ಯನಿರ್ವಹಿಸುತ್ತದೆ.
ಕಾರ್ಡ್ ಅರ್ಜಿದಾರರ ಸಹಿ, ಭಾವಚಿತ್ರ, ಬೆರಳಚ್ಚು ಮುಂತಾದ ಹಲವು ಗುರುತಿನ ವೈಶಿಷ್ಟ್ಯಗಳನ್ನು ಒಳಗೊಂಡಿರುತ್ತದೆ.
ಚುನಾವಣೆಯ ಸಂದರ್ಭದಲ್ಲಿ, ಕಾರ್ಡ್ ಹೊಂದಿರುವವರು ಬಹು ಬಾರಿ ಮತ ಚಲಾಯಿಸುವುದನ್ನು ತಡೆಯಲು (ಗುರುತು ಮಾಡುವ ಮೂಲಕ) ನಿಬಂಧನೆಗಳನ್ನು ಹೊಂದಿರುತ್ತದೆ.
ಸಾಕ್ಷರತೆ ಕಡಿಮೆ ಇರುವ ಜನಸಂಖ್ಯೆಯ ಚುನಾವಣಾ ಅವಶ್ಯಕತೆಗಳಿಗೆ ಸರಿಹೊಂದುವಂತೆ ಮತದಾರರ ಗುರುತಿನ ಚೀಟಿಯನ್ನು ವಿನ್ಯಾಸಗೊಳಿಸಬಹುದು.
ಸ್ಥಿರ ವಿಳಾಸವಿಲ್ಲದ ಮತದಾರರಿಗೆ ಗುರುತಿನ ಚೀಟಿಯಾಗಿ ಇದು ಸಹಾಯಕ್ಕೆ ಬರುತ್ತದೆ.  

ಚುನಾವಣಾ ಕಾರ್ಡ್‌ ಮಹತ್ವ:
ವಿವಿಧ ಕಾರಣಗಳಿಗಾಗಿ ಮತದಾರರ ಗುರುತಿನ ಚೀಟಿ ಭಾರತೀಯ ನಾಗರಿಕರಿಗೆ ಪ್ರಮುಖ ದಾಖಲೆಯಾಗಿದೆ. ಅವುಗಳಲ್ಲಿ ಕೆಲವು:
ಗುರುತಿನ ಪುರಾವೆ - ಮತದಾರರ ಗುರುತಿನ ಚೀಟಿ ಭಾರತೀಯ ನಾಗರಿಕರಿಗೆ ಒಂದು ಪ್ರಮುಖ ದಾಖಲೆ. ಇದು ಗುರುತಿನ ಪುರಾವೆಯ ಮಾನ್ಯ ರೂಪ. ಮತದಾರರ ಗುರುತಿನ ಚೀಟಿಯನ್ನು ವಿವಿಧ ಕಚೇರಿಗಳು ಮತ್ತು ಸಂಸ್ಥೆಗಳಲ್ಲಿ ಸ್ವೀಕರಿಸಲಾಗುತ್ತದೆ, ಅಲ್ಲಿ ವ್ಯಕ್ತಿ ಮಾನ್ಯ ಗುರುತಿನ ಚೀಟಿಯನ್ನು ಒದಗಿಸಬೇಕಾಗುತ್ತದೆ. ಅಲ್ಲದೆ, ಬಹುತೇಕ ಎಲ್ಲ ಸರ್ಕಾರಿ ಸಂಸ್ಥೆಗಳು, ವಿಮಾ ಪೂರೈಕೆದಾರರು, ಹಕ್ಕು ಸಂಸ್ಥೆಗಳು, ಬ್ಯಾಂಕ್‌ಗಳಂತಹ ಅಡಮಾನ ಪೂರೈಕೆದಾರರು ಅರ್ಜಿದಾರರು ತಮ್ಮ ವಿನಂತಿಯನ್ನು ಪ್ರಕ್ರಿಯೆಗೊಳಿಸಲು ಮತದಾರರ ಗುರುತಿನ ಚೀಟಿ ಸಂಖ್ಯೆ ಒದಗಿಸುವಂತೆ ಕೇಳುತ್ತಾರೆ.
ಮತ ಚಲಾಯಿಸುವುದು - ಯಾವುದೇ ಚುನಾವಣೆಯಲ್ಲಿ ಮತ ​​ಚಲಾಯಿಸಲು ಬಯಸಿದರೆ ಮತದಾರರ ಗುರುತಿನ ಚೀಟಿ ಅತ್ಯಗತ್ಯ. ನೀವು ಮಾನ್ಯ ಮತದಾರರ ಗುರುತಿನ ಚೀಟಿ ಹೊಂದಿದ್ದರೆ ಮತ್ತು ನಿಮ್ಮ ಹೆಸರು ನಿಮ್ಮ ಸ್ಥಳೀಯ ಪ್ರದೇಶದ ಮತದಾರರ ಪಟ್ಟಿಯಲ್ಲಿದ್ದರೆ, ನೀವು ನಿಮ್ಮ ಮತ ಚಲಾಯಿಸಬಹುದು.
ಬೇರೆ ರಾಜ್ಯದ ಮತದಾರರ ಪಟ್ಟಿಯಲ್ಲಿ ನೋಂದಣಿ - ವ್ಯಕ್ತಿಗಳು ತಮ್ಮ ವಾಸಸ್ಥಳವನ್ನು ಹೊರತುಪಡಿಸಿ ಬೇರೆ ರಾಜ್ಯದ ಮತದಾರರ ಪಟ್ಟಿಯಲ್ಲಿ ತಮ್ಮ ಹೆಸರನ್ನು ನೋಂದಾಯಿಸಲು ಅನುಮತಿಸುವ ಮತ್ತೊಂದು ಉದ್ದೇಶವನ್ನು ಮತದಾರರ ಗುರುತಿನ ಚೀಟಿ ಪೂರೈಸುತ್ತದೆ. ಒಬ್ಬ ವ್ಯಕ್ತಿ ಬೇರೆ ರಾಜ್ಯದಿಂದ ವಲಸೆ ಬಂದು ತನ್ನ ಸ್ಥಳೀಯ ಪ್ರದೇಶ / ಕ್ಷೇತ್ರದ ಮತದಾರರ ಪಟ್ಟಿಯಲ್ಲಿ ದಾಖಲಾಗಲು ಬಯಸಿದರೆ ಇದು ವಿಶೇಷವಾಗಿ ಸಹಾಯಕವಾಗುತ್ತದೆ.
ಮತದಾನ ಪ್ರಕ್ರಿಯೆಯನ್ನು ಸುಗಮಗೊಳಿಸುತ್ತದೆ: ಭಾರತವು ವಿಶ್ವದ ಅತಿದೊಡ್ಡ ಪ್ರಜಾಪ್ರಭುತ್ವ ರಾಷ್ಟ್ರಗಳಲ್ಲಿ ಒಂದಾಗಿದೆ ಮತ್ತು ಆದ್ದರಿಂದ ಚುನಾವಣಾ ಪ್ರಕ್ರಿಯೆಯು ಮಹತ್ವದ ಕಾರ್ಯವನ್ನು ಒಳಗೊಂಡಿರುತ್ತದೆ. ಮತದಾರರ ಗುರುತಿನ ಚೀಟಿಯು ಮತದಾನದ ಕೆಲಸವನ್ನು ಸರಳೀಕರಿಸಲು ಮತ್ತು ವೇಗಗೊಳಿಸಲು ಸಹಾಯ ಮಾಡುತ್ತದೆ.

ಸಮಗ್ರ ಗುಣ ಹೊಂದಿರೋ ಗುರುತಿನ ಚೀಟಿ: ಅವಶ್ಯಕತೆಗಳನ್ನು ಪೂರೈಸುವವರೆಗೆ ಯಾವುದೇ ಭಾರತೀಯ ನಾಗರಿಕನಿಗೆ ಮತದಾರರ ಗುರುತಿನ ಚೀಟಿ ಕೊಡಬಹುದು. ಇದರಿಂದ ಎಲ್ಲರೂ ಭಾರತ ಸರ್ಕಾರದಲ್ಲಿ ಚುನಾವಣಾ ಪ್ರಕ್ರಿಯೆಯಲ್ಲಿ ಭಾಗಿಯಾಗುವುದನ್ನೂ ಖಚಿತಪಡಿಸಿಕೊಳ್ಳಬಹುದು.

ವಂಚಕರನ್ನು ಪತ್ತೆ ಹಚ್ಚೋದು ಸುಲಭ:  ಮತದಾರರ ಗುರುತಿಯಿಂದ ಚುನಾವಣಾ ವಂಚನ್ನೆಯನ್ನು ಬಹುತೇಕ ತಡೆಯಲಾಗಿದೆ. ಮುಂಚಿನಂತೆ ವಂಚಿಸೋದು ಸುಲಭ. ವಿಭಿನ್ನ ಗುರುತಿನ ಅಡಿಯಲ್ಲಿ ಯಾರು ಅನೇಕ ಬಾರಿ ಮತ ಚಲಾಯಿಸಿದ್ದಾರೆ ಎಂಬುದನ್ನು ಪತ್ತೆಹಚ್ಚಬಹುದು.

ಮತದಾರರ ಗುರುತಿನ ಚೀಟಿ: ಪದೇ ಪದೇ ಕೇಳಲಾಗುವ ಪ್ರಶ್ನೆಗಳು
ಹೊಸ ಮತದಾರರ ಗುರುತಿನ ಚೀಟಿ ಅರ್ಜಿದಾರರು SMS ಮೂಲಕ ಸ್ಟೆಟಸ್ ಗೊತ್ತು ಮಾಡಿಕೊಳ್ಳಬಹುದೇ?
ಇಲ್ಲ, ಹೊಸ ಮತದಾರರ ಗುರುತಿನ ಚೀಟಿ ಅರ್ಜಿದಾರರು ತಮ್ಮ ಮತದಾರರ ಗುರುತಿನ ಚೀಟಿ ಅರ್ಜಿಯ ಸ್ಟೇಟಸ್ ಅನ್ನು SMS ಮೂಲಕ ಪಡೆಯಲು ಸಾಧ್ಯವಿಲ್ಲ. ಪ್ರಸ್ತುತ ಸ್ಥಿತಿಯನ್ನು ಟ್ರ್ಯಾಕ್ ಮಾಡುವ ಏಕೈಕ ವಿಧಾನವೆಂದರೆ NVSP ವೆಬ್‌ಸೈಟ್ ಅಥವಾ ನಿಮ್ಮ ರಾಜ್ಯದ ಭಾರತ ಚುನಾವಣಾ ಆಯೋಗದ ಅಧಿಕೃತ ವೆಬ್‌ಸೈಟ್‌ಗೆ ಭೇಟಿ ನೀಡುವುದು.

e-EPIC ನ ಮಾನ್ಯತೆ ಏನು?
ಮತದಾರರ ಗುರುತಿನ ಚೀಟಿಯಲ್ಲಿ ಯಾವುದೇ ಬದಲಾವಣೆಗಳಿಲ್ಲದಿದ್ದರೆ e-EPIC ಕಾರ್ಡ್ ಜೀವಿತಾವಧಿಯಲ್ಲಿ ಮಾನ್ಯವಾಗಿರುತ್ತದೆ. ಆದರೆ ಯಾರಾದರೂ ಯಾವುದೇ ತಿದ್ದುಪಡಿಗಾಗಿ ಅರ್ಜಿ ಸಲ್ಲಿಸಿದರೆ ಹೊಸ ಕಾರ್ಡ್ ನೀಡಲಾಗುತ್ತದೆ ಮತ್ತು ಹಳೆಯ e-EPIC ಕಾರ್ಡ್ ಅಮಾನ್ಯವಾಗುತ್ತದೆ. ವ್ಯಕ್ತಿಯು ಹೊಸ e-EPIC ಕಾರ್ಡ್ ಅನ್ನು ಆನ್‌ಲೈನ್‌ನಲ್ಲಿ ಡೌನ್‌ಲೋಡ್ ಮಾಡಬೇಕಾಗುತ್ತದೆ.

ನನ್ನ ಮತದಾರರ ಗುರುತಿನ ಚೀಟಿಯನ್ನು ಆನ್‌ಲೈನ್‌ನಲ್ಲಿ ಡೌನ್‌ಲೋಡ್ ಮಾಡುವಲ್ಲಿ ನನಗೆ ಸಮಸ್ಯೆಗಳಿದ್ದರೆ ನಾನು ಏನು ಮಾಡಬೇಕು?
ನಿಮ್ಮ ಮತದಾರರ ಗುರುತಿನ ಚೀಟಿಯನ್ನು ಆನ್‌ಲೈನ್‌ನಲ್ಲಿ ಡೌನ್‌ಲೋಡ್ ಮಾಡುವಲ್ಲಿ ಸಮಸ್ಯೆಯಾಗುತ್ತಿದ್ದರೆ, ECI ರಾಷ್ಟ್ರೀಯ ಕುಂದುಕೊರತೆ ಸೇವೆಗಳ ವೆಬ್‌ಸೈಟ್‌ನಲ್ಲಿ ಸೈನ್ ಅಪ್ ಮಾಡಿ ಮತ್ತು ದೂರನ್ನು ನೋಂದಾಯಿಸಿ.

NSVP ಎಂದರೇನು?
ರಾಷ್ಟ್ರೀಯ ಮತದಾರರ ಸೇವಾ ಪೋರ್ಟಲ್ (NVSP) ಭಾರತದ ನಾಗರಿಕರಿಗೆ ಮತದಾರರ ಗುರುತಿನ ಚೀಟಿ ಸೇವೆಗಳನ್ನು ನೀಡುವ ಆನ್‌ಲೈನ್ ಪೋರ್ಟಲ್.

ನಮೂನೆ 6 ರಲ್ಲಿ ವಯಸ್ಸಿನ ಘೋಷಣೆ ಎಂದರೇನು?
ನಮೂನೆ 6 ರಲ್ಲಿನ ವಯಸ್ಸಿನ ಘೋಷಣೆಯ ಪ್ರಕಾರ, ಮತದಾರರ ಗುರುತಿನ ಚೀಟಿಗೆ ಅರ್ಜಿ ಸಲ್ಲಿಸಿದ ವರ್ಷದ ಜನವರಿ 1 ರ ಪ್ರಕಾರ 18 ವರ್ಷ ತುಂಬಿರಬೇಕು. 

ಮತದಾರ ಗುರುತಿನ ಚೀಟಿ ಪಡೆಯಲು ಎಷ್ಟು ಸಮಯ ತೆಗೆದುಕೊಳ್ಳುತ್ತದೆ?
ಒಂದಕ್ಕೆ ಅರ್ಜಿ ಸಲ್ಲಿಸಿದ ನಂತರ ಅರ್ಜಿದಾರರು ಮತದಾರರ ಗುರುತಿನ ಚೀಟಿ ಸ್ವೀಕರಿಸಲು ಸುಮಾರು 5 ರಿಂದ 7 ವಾರಗಳು ಬೇಕು.

ಮತದಾರ ಗುರುತಿನ ಚೀಟಿಯಲ್ಲಿ ವಿಳಾಸ ಬದಲಾಯಿಸಲು ಎಷ್ಟು ಸಮಯ ತೆಗೆದುಕೊಳ್ಳುತ್ತದೆ?
ಅರ್ಜಿದಾರರು ಬದಲಾವಣೆಗಳಿಗೆ ಅರ್ಜಿ ಸಲ್ಲಿಸಿದ ನಂತರ ಮತದಾರರ ಗುರುತಿನ ಚೀಟಿಯಲ್ಲಿ ಬದಲಾವಣೆಗಳನ್ನು ಮಾಡಲು ಸಾಮಾನ್ಯವಾಗಿ 2 ರಿಂದ 3 ವಾರಗಳು ಬೇಕು.

ಮತದಾರ ಗುರುತಿನ ಚೀಟಿಯಲ್ಲಿ ಕ್ಷೇತ್ರ ಬದಲಾಯಿಸೋದು ಹೇಗೆ?
ಕ್ಷೇತ್ರವನ್ನು ಬದಲಾಯಿಸಲು, ಫಾರ್ಮ್ 8A ಭರ್ತಿ ಮಾಡಿ. ಆನ್‌ಲೈನ್ ಅಥವಾ ಆಫ್‌ಲೈನ್‌ನಲ್ಲಿ ನಿಮ್ಮ ಹತ್ತಿರದ ಚುನಾವಣಾ ಕಚೇರಿಗೆ ಸಲ್ಲಿಸಬಹುದು.

ನನ್ನ ಮತದಾರರ ಗುರುತಿನ ಚೀಟಿ ವಿಳಾಸವನ್ನು ಹೇಗೆ ಬದಲಾಯಿಸಬಹುದು?
ಮತದಾರರ ಗುರುತಿನ ಚೀಟಿ ವಿಳಾಸವನ್ನು ಬದಲಾಯಿಸಲು, ಫಾರ್ಮ್ 8A ಭರ್ತಿ ಮಾಡಿ. ಅದನ್ನು ನಿಮ್ಮ ಹತ್ತಿರದ ಚುನಾವಣಾ ಕಚೇರಿಗೆ ಅಥವಾ ಆನ್‌ಲೈನ್‌ನಲ್ಲಿ ಸಲ್ಲಿಸಿ.

ನಾನು ನನ್ನ ಮತದಾರರ ನೋಂದಣಿ ವಿಳಾಸವನ್ನು ಆನ್‌ಲೈನ್‌ನಲ್ಲಿ ಬದಲಾಯಿಸಬಹುದೇ?
ಹೌದು, ಮತದಾರರ ನೋಂದಣಿ ವಿಳಾಸವನ್ನು ಆನ್‌ಲೈನ್‌ನಲ್ಲಿ ಬದಲಾಯಿಸಬಹುದು.

ನನ್ನ ಮತದಾರರ ಗುರುತಿನ ಚೀಟಿಯ ಸಾಫ್ಟ್ ಕಾಪಿಯನ್ನು ನಾನು ಡೌನ್‌ಲೋಡ್ ಮಾಡಬಹುದೇ?
ಇಲ್ಲ, ಮತದಾರರ ಗುರುತಿನ ಚೀಟಿಯ ಸಾಫ್ಟ್ ಕಾಪಿಯನ್ನು ಡೌನ್‌ಲೋಡ್ ಮಾಡಲು ಸಾಧ್ಯವಿಲ್ಲ.

ನನ್ನ ಮತದಾರರ ನೋಂದಣಿ ಕಾರ್ಡ್ ಸಿಗದಿದ್ದರೆ ಮತ ಚಲಾಯಿಸಬಹುದೇ?
ಮತ ಚಲಾಯಿಸಲು ಅರ್ಹನಾಗಲು, ವೋಟರ್ಸ್ ಐಡಿ ಇಲ್ಲದಿದ್ದರೂ, ಮತದಾರರ ಪಟ್ಟಿಯನ್ನು ಹೆಸರು ನೋಂದಾಯಿಸಿಕೊಳ್ಳುವುದು ಕಡ್ಡಾಯ. 

ಭಾರತದ ನಾಗರಿಕನಲ್ಲದ ವ್ಯಕ್ತಿಯು ಮತದಾರರಾಗಬಹುದೇ?
ಅನಿವಾಸಿ ಭಾರತೀಯನಾಗಿರುವ ವ್ಯಕ್ತಿಯು ಚುನಾವಣೆಯಲ್ಲಿ ಮತ ಚಲಾಯಿಸಲು ಅರ್ಹನಾಗಿರುತ್ತಾನೆ.

ಮತದಾರರ ಗುರುತಿನ ಚೀಟಿಯಲ್ಲಿ ಕ್ಷೇತ್ರ ಪರಿಶೀಲನೆ ಎಂದರೇನು?
ಕ್ಷೇತ್ರ ಪರಿಶೀಲನೆಯಲ್ಲಿ, ಮಾಹಿತಿಯನ್ನು ಪರಿಶೀಲಿಸಲು ಬೂತ್ ಮಟ್ಟದ ಅಧಿಕಾರಿ (BLO) ಅರ್ಜಿದಾರರ ವಸತಿ ವಿಳಾಸಕ್ಕೆ ಭೇಟಿ ನೀಡುತ್ತಾರೆ.

ವಾಸದ ಪುರಾವೆಯಾಗಿ ನಾನು ಯಾವ ದಾಖಲೆಗಳನ್ನು ಸಲ್ಲಿಸಬೇಕು?
ನಿವಾಸದ ಪುರಾವೆಯಾಗಿ, ನೀವು ನಿಮ್ಮ ಪಾಸ್‌ಪೋರ್ಟ್‌ನ ಪ್ರತಿ, ಗ್ಯಾಸ್ ಬಿಲ್, ವಿದ್ಯುತ್ ಬಿಲ್ ಅಥವಾ ನೀರಿನ ಬಿಲ್, ಆಧಾರ್ ಕಾರ್ಡ್, ರೇಷನ್ ಕಾರ್ಡ್ ಮತ್ತು ಬ್ಯಾಂಕ್ ಪಾಸ್‌ಬುಕ್‌ನಂತಹ ಯುಟಿಲಿಟಿ ಬಿಲ್ ಅನ್ನು ಸಲ್ಲಿಸಬಹುದು..

ಎಪಿಕ್ ರಾಷ್ಟ್ರೀಯ ಗುರುತಿನ ಸಂಖ್ಯೆ ಎಂದರೇನು?
ಎಪಿಕ್ ರಾಷ್ಟ್ರೀಯ ಗುರುತಿನ ಸಂಖ್ಯೆಯು ವ್ಯಕ್ತಿಯ ಪೌರತ್ವ ಮತ್ತು ಗುರುತನ್ನು ಗುರುತಿಸಲು ಸಹಾಯ ಮಾಡುವ ಅಕ್ಷರಗಳು ಮತ್ತು ಸಂಖ್ಯೆಗಳ ವಿಶಿಷ್ಟ ಗುಂಪು. ಈ ಸಂಖ್ಯೆಯನ್ನು ಚುನಾವಣಾ ಸಮಯದಲ್ಲಿ ಬಳಸಲಾಗುತ್ತದೆ ಮತ್ತು ವ್ಯಕ್ತಿಯ ವಯಸ್ಸು ಮತ್ತು ವಿಳಾಸವನ್ನು ದೃಢೀಕರಿಸುವಲ್ಲಿ ಸಹಾಯ ಮಾಡುತ್ತದೆ, ಇದು EPIC ನ ಪೋರ್ಟಲ್ ಡಾಕ್ಯುಮೆಂಟ್ ಸ್ವರೂಪದ ಭಾಗ

ಮತದಾರರ ಗುರುತಿನ ಚೀಟಿಗೆ ವಿಳಾಸ ಪುರಾವೆಯಾಗಿ ಆಧಾರ್ ಅನ್ನು ಸ್ವೀಕರಿಸಲಾಗಿದೆಯೇ?
ಹೌದು, ಯುಟಿಲಿಟಿ ಬಿಲ್‌, ಪಡಿತರ ಚೀಟಿ, ಬ್ಯಾಂಕ್ ಪಾಸ್‌ಬುಕ್ ಮತ್ತು ಪಾಸ್‌ಪೋರ್ಟ್‌ನ ಛಾಯಾಚಿತ್ರದ ಜೊತೆಗೆ ಆಧಾರ್ ಅನ್ನು ಮತದಾರರ ಗುರುತಿನ ಚೀಟಿಗೆ ಮಾನ್ಯ ವಿಳಾಸ ಪುರಾವೆಗಳು.

ಮತದಾರರ ಪಟ್ಟಿ ಎಂದರೇನು?
ಅಧಿಕೃತವಾಗಿ, ಪ್ರಜಾಪ್ರಭುತ್ವ ಚುನಾವಣೆಯಲ್ಲಿ ಅರ್ಹ ಅಭ್ಯರ್ಥಿಗಳ ಪಟ್ಟಿಯನ್ನು ಮತದಾರರ ಪಟ್ಟಿ ಎಂದು ಕರೆಯಲಾಗುತ್ತದೆ ಮತ್ತು ಅಥವಾ ಸಾಮಾನ್ಯವಾಗಿ 'ಮತದಾರರ ಪಟ್ಟಿ' ಎಂದು ಕರೆಯಲಾಗುತ್ತದೆ.

ಭಾರತದಲ್ಲಿ ಮತದಾನದ ಕನಿಷ್ಠ ವಯಸ್ಸೆಷ್ಟು?
ಭಾರತೀಯ ನಾಗರಿಕರಿಗೆ ಕನಿಷ್ಠ ಮತದಾನದ ವಯಸ್ಸು 18 ವರ್ಷಗಳು. ಇದನ್ನು ಸಂವಿಧಾನದ 1988 ರ 61 ನೇ ತಿದ್ದುಪಡಿ ಕಾಯ್ದೆ ಮೂಲಕ ತಿದ್ದುಪಡಿ ಮಾಡಲಾಯಿತು. ಆರ್.ಪಿ. ಕಾಯ್ದೆ, 1950 ಅನ್ನು ತಿದ್ದುಪಡಿ ಮಾಡಿ, ಮಾರ್ಚ್ 28, 1989 ರಿಂದ ಜಾರಿಗೆ ತರಲಾಗಿದೆ.

ಮತದಾನ ವರ್ಗ 7 ಎಂದರೇನು?
ಮತದಾನವು ಭಾರತೀಯ ನಾಗರಿಕರು ಸರ್ಕಾರವನ್ನು ನಡೆಸಲು ಪ್ರತಿನಿಧಿಯನ್ನು ಆಯ್ಕೆ ಮಾಡಲು ತಮ್ಮ ಮೂಲಭೂತ ಹಕ್ಕನ್ನು ಚಲಾಯಿಸುವ ಮೂಲಕ ಮತದಾನ ಮಾಡುವ ಪ್ರಕ್ರಿಯೆ ವಿವಿಧ ರಾಜಕೀಯ ಪಕ್ಷಗಳಿಗೆ ಸೇರಿದ ಹಲವಾರು ಅಭ್ಯರ್ಥಿಗಳ ನಡುವೆ ಸ್ಪರ್ಧೆ ನಡೆಸಲಾಗುತ್ತದೆ.

ನನ್ನ EPIC ಅನ್ನು ಕಳೆದುಕೊಂಡರೆ ನಾನು e-EPIC ಅನ್ನು ಹೇಗೆ ಡೌನ್‌ಲೋಡ್ ಮಾಡಬಹುದು?
ನಿಮ್ಮ e-EPIC ಅನ್ನು ಡೌನ್‌ಲೋಡ್ ಮಾಡಲು, ಮತದಾರರ ಪೋರ್ಟಲ್ ಅಥವಾ ಚುನಾವಣಾ ಆಯೋಕ್ಕೆ ಭೇಟಿ ನೀಡಿ. ಮೇಲಿನ ಯಾವುದೇ ಲಿಂಕ್‌ಗಳಿಂದ ನಿಮ್ಮ ಹೆಸರನ್ನು ಹುಡುಕಿ ಮತ್ತು ನಿಮ್ಮ ಅನುಗುಣವಾದ EPIC ಸಂಖ್ಯೆಯನ್ನು ಗಮನಿಸಿ, ನಂತರ e-EPIC ಅನ್ನು ಡೌನ್‌ಲೋಡ್ ಮಾಡಿ.

ನನ್ನ ಬಳಿ EPIC ಸಂಖ್ಯೆಯಿಲ್ಲ, ಫಾರ್ಮ್-6 ಉಲ್ಲೇಖ ಸಂಖ್ಯೆ ಇದ್ದರೆ ನಾನು e-EPIC ಅನ್ನು ಡೌನ್‌ಲೋಡ್ ಮಾಡಬಹುದೇ?
ಹೌದು, ನಿಮ್ಮ EPIC ಸಂಖ್ಯೆ ಇಲ್ಲದಿದ್ದರೂ ಸಹ ನೀವು ನಿಮ್ಮ e-EPIC ಅನ್ನು ಡೌನ್‌ಲೋಡ್ ಮಾಡಬಹುದು. ಫಾರ್ಮ್-6 ಉಲ್ಲೇಖ ಸಂಖ್ಯೆಯನ್ನು ಬಳಸಿಕೊಂಡು e-EPIC ಸಂಖ್ಯೆಯನ್ನು ಡೌನ್‌ಲೋಡ್ ಮಾಡಬಹುದು.