ರ‍್ಯಾಂಗ್ಲರ್ ಜೀಪ್ ಮೇಲೆ 8 ಲಕ್ಷ ರೂಪಾಯಿ ಡಿಸ್ಕೌಂಟ್-ಆಫರ್ ಕೆಲ ದಿನ ಮಾತ್ರ!

ರ‍್ಯಾಂಗ್ಲರ್ ಜೀಪ್  ಖರೀದಿಸುವವರಿಗೆ ಬಂಪರ್ ಆಫರ್ ಘೋಷಿಸಲಾಗಿದೆ. ಬರೋಬ್ಬರಿ 8.50 ಲಕ್ಷ ರೂಪಾಯಿ ಡಿಸ್ಕೌಂಟ್ ಆಫರ್ ನೀಡಲಾಗಿದೆ. ಆಫರ್ ಕುರಿತ ಹೆಚ್ಚಿನ ಮಾಹಿತಿ ಇಲ್ಲಿದೆ.  

ನವದೆಹಲಿ(ಡಿ.11): ವರ್ಷಾಂತ್ಯದಲ್ಲಿ ಬಹುತೇಕ ಆಟೋಮೊಬೈಲ್ ಕಂಪೆನಿಗಳು ಸೇಲ್ ಕ್ಲೀಯರೆನ್ಸ್ ಮಾಡಲು ವಿಶೇಷ ಆಫರ್ ಘೋಷಿಸುತ್ತಿದೆ. ಇದೀಗ ಪ್ರಖ್ಯಾತ ರ‍್ಯಾಂಗ್ಲರ್ ಜೀಪ್ ಕೂಡ ಭರ್ಜರಿ ಡಿಸ್ಕೌಂಟ್ ನೀಡಿದೆ. ಈ ಮೂಲಕ ಗ್ರಾಹಕರನ್ನ ಆಕರ್ಷಿಸಲು ಮುಂದಾಗಿದೆ.

ಡಿಸೆಂಬರ್‌ನಲ್ಲಿ ರ‍್ಯಾಂಗ್ಲರ್ ಜೀಪ್ ಖರೀದಿಸುವ ಗ್ರಾಹಕರಿಗೆ ಬರೋಬ್ಬರಿ 8.50 ಲಕ್ಷ ರೂಪಾಯಿ ಡಿಸ್ಕೌಂಟ್ ಸಿಗಲಿದೆ. ರ‍್ಯಾಂಗ್ಲರ್ ಜೀಪ್ 2017 ಮಾಡೆಲ್ ಖರೀದಿಸುವದಾದರೆ 8.50 ಲಕ್ಷ ರೂಪಾಯಿ, 2018ರ ಮಾಡೆಲ್ ಖರೀದಿಸುವಾದದರೆ 5 ಲಕ್ಷ ರೂಪಾಯಿ ಡಿಸ್ಕೌಂಟ್ ಸಿಗಲಿದೆ.

8.50 ಲಕ್ಷ ರೂಪಾಯಿ ಡಿಸ್ಕೌಂಟ್ ಇದೆ ಆದರೆ,  ರ‍್ಯಾಂಗ್ಲರ್ ಜೀಪ್ ಟಾಪ್ ಮಾಡೆಲೆ ಬೆಲೆ 78.82 ಲಕ್ಷ ರೂಪಾಯಿ(ಎಕ್ಸ್ ಶೋ ರೂಂ). ರ‍್ಯಾಂಗ್ಲರ್ ಜೀಪ್  ಆಫ್ ರೋಡ್ ಜೀಪ್ ಎಂದೇ ಹೆಸರುವಾಸಿಯಾಗಿದೆ.