ಮಾರುತಿ ಸುಜುಕಿ ಡೀಸೆಲ್‌ ಕಾರಿಗೆ ಬಂಪರ್ ಆಫರ್!

ಕಾರು ಮಾರಾಟವನ್ನು ಉತ್ತೇಜಿಸಲು ಇದೀಗ ಕಂಪನಿಗಳು ಸ್ಪೆಷಲ್ ಆಫರ್, ರಿಯಾಯಿತಿ ನೀಡುತ್ತಿದೆ. ಮಾರುತಿ ಸುಜುಕಿ ಕೂಡ ಇದೀಗ ವಿಶೇಷ ಕೊಡುಗೆ ಘೋಷಿಸಿದೆ. ಮಾರುತಿ ಕಾರು ಖರೀದಿಸುವ ಗ್ರಾಹಕನಿಗೆ ಹಲವು ಆಫರ್ ನೀಡಲಾಗಿದೆ.    

ಮೈಸೂರು(ಆ.29): ಭಾರತದಲ್ಲಿ ಕಾರು ಮಾರಾಟ ಕುಸಿತ ಕಾಣುತ್ತಿದ್ದಂತೆ ಹಲವು ಕಂಪನಿಗಳು ವಿಶೇಷ ಆಫರ್ ಘೋಷಿಸಿದೆ. ಇದೀಗ ಮಾರುತಿ ಸುಜುಕಿ ಕೂಡ ಗ್ರಾಹಕರಿಗೆ ಬಂಪರ್ ಆಫರ್ ನೀಡಿದೆ. ಸದ್ಯ ಮಾರುತಿ ಸುಜುಕಿ ಡೀಸೆಲ್ ಕಾರು ಖರೀದಿಸುವ ಗ್ರಾಹಕನಿಗೆ 5 ವರ್ಷ ವಾರೆಂಟ್ ಆಫರ್ ಮಾರುತಿ ಸುಜುಕಿ ಸಾಂಸ್ಕೃತಿಕ ನಗರಿ ಮೈಸೂರಿನಲ್ಲಿ ಘೋಷಿಸಿದೆ.

ಇದನ್ನೂ ಓದಿ: ಆರ್ಥಿಕ ಹಿಂಜರಿತ: ಮಾರುತಿ ಕಂಪೆನಿಯ 3000 ಸಿಬ್ಬಂದಿ ಮನೆಗೆ!

ಮಾರುತಿ ಸುಜುಕಿಯಿಂದ ಕಾರು ಮಾಲೀಕತ್ವದ ಅನುಭವಕ್ಕೆ 5 ವರ್ಷ ಹಾಗೂ 1 ಲಕ್ಷ ಕಿ.ಮೀ. ವಾರೆಂಟಿ ನೀಡುವುದಾಗಿ ಕಂಪನಿ ಹೇಳಿದೆ. ಯಾವುದೇ ಹೆಚ್ಚುವರಿ ವೆಚ್ಚವಿಲ್ಲ, ಈ ಆಫರ್ ಡೀಸೆಲ್‌ ಕಾರುಗಳಾದ ಮಾರುತಿ ಡಿಜೈರ್‌, ಎಸ್‌-ಕ್ರಾಸ್‌, ಸ್ವಿಫ್ಟ್‌ ಮತ್ತು ವಿಟರಾ ಬ್ರೆಜಾ ಕಾರುಗಳಿಗೆ ಮಾತ್ರ ಅನ್ವಯಿಸುತ್ತದೆ. 

ಇದನ್ನೂ ಓದಿ: 40 ಸಾವಿರ ವ್ಯಾಗನ್R ಕಾರು ಹಿಂಪಡೆದ ಮಾರುತಿ!

1,893 ಪಟ್ಟಣಗಳು ಮತ್ತು ನಗರಗಳಲ್ಲಿ ಪ್ರಕಟಿಸಿದೆ. ಈ ಕಾರುಗಳ ಹೊಸ ಕೊಳ್ಳುಗರಿಗೆ ಈ ಸ್ಕೀಂ ಯಾವುದೇ ಹೆಚ್ಚುವರಿ ವೆಚ್ಚವಿಲ್ಲದೆ ನೀಡುತ್ತಿದೆ. ಇವುಗಳಲ್ಲಿ ಹೈ-ಪ್ರೆಷರ್‌ ಪಂಪ್‌, ಕಂಪ್ರೆಷರ್‌, ಎಲೆಕ್ಟ್ರಾನಿಕ್‌ ಕಂಟ್ರೋಲ್‌ ಮಾಡ್ಯೂಲ್‌(ಇಸಿಎಂ), ಟರ್ಬೊಚಾರ್ಜರ್‌ ಅಸೆಂಬ್ಲಿ, ಕ್ರಿಟಿಕಲ್‌ ಎಂಜಿನ್‌ ಮತ್ತು ಟ್ರಾನ್ಸ್‌ಮಿಷನ್‌ ಭಾಗಗಳು ಒಳಗೊಂಡಿರುತ್ತವೆ ಎಂದು ಕಂಪನಿ ಹೇಳಿದೆ.

ಸೂಚನೆ: ಹತ್ತಿರದ ಡೀಲರ್‌ಗಳಲ್ಲಿ ಆಫರ್ ಕುರಿತು ವಿಚಾರಿಸಿ. ನಗರದಿಂದ ನಗರಕ್ಕೆ ರಿಯಾಯಿತಿ, ಕೊಡುಗೆ ಬದಲಾಗಲಿದೆ.