ಈ ರಾಶಿಯ ಹೆಂಡ್ತಿ ಪಡೆದರೆ ನೀವು ಲಕ್ಕಿ ಎಂದೇ ಅರ್ಥ  

ಜ್ಯೋತಿಷ್ಯದ ಪ್ರಕಾರ, ಕರ್ಕಾಟಕ, ಮೀನ, ತುಲಾ, ವೃಷಭ ಮತ್ತು ಕುಂಭ ರಾಶಿಯ ಹುಡುಗಿಯರು ಉತ್ತಮ ಪತ್ನಿಯರಾಗುತ್ತಾರೆ. ಕರ್ಕಾಟಕ ರಾಶಿಯವರು ನಿಷ್ಠಾವಂತರು, ಮೀನ ರಾಶಿಯವರು ಪ್ರೀತಿಯುಳ್ಳವರು, ತುಲಾ ರಾಶಿಯವರು ಹೊಂದಾಣಿಕೆಯುಳ್ಳವರು, ವೃಷಭ ರಾಶಿಯವರು ಪ್ರೀತಿಪರರು ಮತ್ತು ಕುಂಭ ರಾಶಿಯವರು ಶಾಂತ ಸ್ವಭಾವದವರು. ಈ ಗುಣಗಳು ಸುಖಮಯ ದಾಂಪತ್ಯಕ್ಕೆ ಪೂರಕ.

ಸ್ವರ್ಗದಲ್ಲೇ ಮದುವೆ ನಿಶ್ಚಯವಾಗಿರುತ್ತದೆಯಂತೆ. ಅದೇ ರೀತಿ ಪ್ರತಿಯೊಬ್ಬರಿಗೂ ತಮ್ಮ ವೈವಾಹಿಕ ಜೀವನದ ಬಗ್ಗೆ ಅವರದ್ದೇ ಆದ ಕನಸುಗಳಿರುತ್ತವೆ. ಅದು ಹೆಣ್ಣು ಅಥವಾ ಗಂಡಾಗಿರಬಹುದು ತಮ್ಮ ಸಂಗಾತಿಯಾಗುವವರು ಹಾಗಿರಬೇಕು, ಹೀಗಿರಬೇಕೆಂದು ನೂರಾರು ಕನಸುಗಳನ್ನು ಕಂಡಿರುತ್ತಾರೆ. ಆದರೆ, ಕೆಲವೊಮ್ಮೆ ಲಕ್ ಕೈ ಕೊಡಬಹುದು. ಆದರೆ, ಕೆಲವು ರಾಶಿಯ ಹುಡುಗಿಯರು ಬೆಸ್ಟ್ ಹೆಂಡತಿಯರಾಗುತ್ತಾರೆಂದು ಜ್ಯೋತಿಷ್ಯ ಶಾಸ್ತ್ರವೇ ಹೇಳುತ್ತದೆ. ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಐದು ರಾಶಿಯವರು ತಮ್ಮ ಪತಿಯಂದಿರಿಗೆ ಉತ್ತಮ ಮಡದಿಯಾಗಿ, ಒಳ್ಳೇ ಸಂಸಾರ ನಡೆಸುತ್ತಾರೆ. ಹಾಗಂತ ಉಳಿದ ರಾಶಿಯವರೇನು ಚೆನ್ನಾಗಿ ನೋಡಿಕೊಳ್ಳುವುದಿಲ್ಲವೆಂದಲ್ಲ. ಈ ರಾಶಿ ಚಕ್ರದವರು ಹುಟ್ಟಿನಿಂದಲೇ ಅಂತಹ ಸ್ವಭಾವವನ್ನು ಇಟ್ಟುಕೊಂಡೇ ಹುಟ್ಟಿರುತ್ತಾರೆ.    

ಕರ್ಕಾಟಕ ರಾಶಿ
ಈ ರಾಶಿಯವರು ತಮ್ಮ ಪತಿಯನ್ನು ತುಂಬಾ ಇಷ್ಟಪಟ್ಟು ಪ್ರೀತಿಸುತ್ತಾರೆ. ಇವರು ಪತಿಗೆ ಬಹಳ ನಿಷ್ಠೆ ತೋರುತ್ತಾರೆ. ಹೀಗಾಗಿ ಈ ರಾಶಿಯ ಹುಡುಗಿಯರನ್ನು ವಿವಾಹವಾಗಲು ಹೇಳಿಮಾಡಿಸಿದಂತಿರುತ್ತಾರೆ. ಆಕೆಯದ್ದು ಆಯ್ಕೆ ಹಾಗೂ ಪ್ರೀತಿಯಲ್ಲಿ ಒಂದು Stability ಇರುತ್ತದೆ. ಈ ರಾಶಿ ಹೆಂಗಸರು ತಮ್ಮ ಸಂಬಂಧವನ್ನು ಗಟ್ಟಿಗೊಳಿಸಿಕೊಳ್ಳಲು ಯತ್ನಿಸುವುದಲ್ಲದೇ, ಕುಟುಂಬಕ್ಕೆ ಮೊದಲ ಪ್ರಾಶಸ್ತ್ಯ ನೀಡುತ್ತಾರೆ. ಜೊತೆಗೆ ಈಕೆ ಒಂದು ಬಾರಿ ಮಾತು ಕೊಟ್ಟಳೆಂದರೆ ಅದು ನಡೆಸಿಕೊಟ್ಟೇ ಕೊಡುತ್ತಾರೆ. ಅಲ್ಲದೇ, ಸತ್ಯವನ್ನೇ ಮಾತನಾಡುವುದು ಇವರ ಪ್ಲಸ್ ಪಾಯಿಂಟ್. ಹೀಗಾಗಿ ಅವರು ಸುಳ್ಳನ್ನು ದ್ವೇಷಿಸುತ್ತಾರೆ. ಆದ್ದರಿಂದ ಇವರನ್ನು ಎರಡು ಮಾತಿಲ್ಲದೆ ನಂಬಬಹುದು. ಕುಟುಂಬದಲ್ಲಿ ಸಾಮರಸ್ಯ ಕಾಪಾಡಿಕೊಳ್ಳುವಲ್ಲಿ ಇವರ ಪಾತ್ರವೂ ಮುಖ್ಯ. ಇದರಿಂದ ಈ ರಾಶಿಯ ಹೆಣ್ಣು ಮಗಳು ಉತ್ತಮ ಮಡದಿಯಾಗುತ್ತಾಳೆ.  

ಮೀನ ರಾಶಿ
ಈ ರಾಶಿಯವರು ತುಂಬಾ ಪ್ರೀತಿಸುವ ಸ್ವಭಾವದವರು. ಈ ಗುಣ ಹೆಂಡತಿಯಾಗುವವರಲ್ಲೇ ಬೆಸ್ಟ್ ಎನ್ನಬಹುದು. ಸಂಗಾತಿಯನ್ನು ಖುಷಿಯಾಗಿಡಲು ಇರುವ ಎಲ್ಲ ಅಂಶಗಳೂ ಇವರಿಗಿರುತ್ತದೆ. ಆದರೆ, ಕೆಲವೊಮ್ಮೆ ಮೂಡಿಯಾಗಿದ್ದರೂ ಸಂಗಾತಿಯನ್ನು ಅಷ್ಟೇ ಹೆಚ್ಚಾಗಿ ಪ್ರೀತಿಸುತ್ತಾರೆ. ಜೊತೆಗೆ ತುಂಬಾ ಕ್ರಿಯೇಟಿವಿಟಿ ಇವರಲ್ಲಿದ್ದು, ಬಹಳ ಬುದ್ಧಿವಂತರೂ ಹೌದು. ಅಲ್ಲದೇ, ಹೃದಯವಂತರು ಹಾಗೂ ಅರ್ಥ ಮಾಡಿಕೊಳ್ಳುವವರಾಗಿದ್ದರಿಂದ ಅತ್ಯುತ್ತಮ ಮಡದಿಯಾಗುವುದರಲ್ಲಿ ಅನುಮಾನವೇ ಇಲ್ಲ. 

ತುಲಾ ರಾಶಿ
ಬಹಳ ಉತ್ಸಾಹವುಳ್ಳವರಾಗಿರುವ ರಾಶಿಯವರು ಇವರು. ಅಷ್ಟೇ ಖುಷಿಯಿಂದ ತಮ್ಮ ಸಂಗಾತಿಯನ್ನೂ ನೋಡಿಕೊಳ್ಳುತ್ತಾರೆ. ಬಹಳ ಹೊಂದಾಣಿಕೆ ಗುಣ ಇರುವ ಇವರು, ಪತಿಯನ್ನು ಅರ್ಥೈಸಿಕೊಂಡು ಜೀವನ ನಡೆಸುತ್ತಾರೆ. ಇವರ ಚಿಂತನೆ ಕ್ರಿಯಾತ್ಮಕವಾಗಿರುವುದಲ್ಲದೆ, ತಾಳ್ಮೆಯೂ ಹೆಚ್ಚೇ ಇರುತ್ತದೆ. ಇವರ ಜೊತೆ ನೆಮ್ಮದಿಯ ಜೀವನ ಸಾಗಿಸಬಹುದು. ಸಂಬಂಧಗಳಲ್ಲಿ ಸಾಮರಸ್ಯವನ್ನು ಕಾಪಾಡಿಕೊಳ್ಳುವುದರಲ್ಲಿ ಹೆಚ್ಚಿನ ನಂಬಿಕೆ ಇಟ್ಟಿರುತ್ತಾರೆ. ತುಲಾ ರಾಶಿಯವರ ಜೊತೆಗಿನ ಜೀವನ ತುಂಬಾ ರೊಮ್ಯಾಂಟಿಕ್ ಸಹ ಹೌದು. 

ವೃಷಭ ರಾಶಿ 
ಪ್ರೀತಿ, ಮನಸ್ಸುಗಳ ಸೇತುವೆಯಾಗಿ ರಾಶಿಯವರು ಸಂಗಾತಿ ಜೊತೆ ಜೀವನ ನಡೆಸುತ್ತಾರೆ. ಈ ರಾಶಿಯವರು ಪ್ರೀತಿಯ ಸುದೀರ್ಘ ಮಾತುಕತೆ ಹಾಗೂ ಆಳವಾದ ಚರ್ಚೆಯನ್ನು ಇಷ್ಟಪಡುತ್ತಾರೆ. ಆದರೆ, ಬಹಳಷ್ಟು ಟೈಮಲ್ಲಿ ಇವರು ವಾದಿಸುವ ಮೂಲಕ ತಮ್ಮ ನಿಲುವನ್ನು ಸಮರ್ಥಿಸಿಕೊಂಡು ಸಂಗಾತಿಗೆ ಇನ್ನಷ್ಟು ಹತ್ತಿರವಾಗುತ್ತಾರೆ. ಸಂಬಂಧದಲ್ಲಿ ಧನಾತ್ಮಕ ಅಂಶವನ್ನು ತುಂಬುವುದಲ್ಲದೆ, ಬಾಂಧವ್ಯವನ್ನೂ ಕಾಪಾಡಿಕೊಳ್ಳುತ್ತಾರೆ. ಇವರು ಪ್ರೀತಿಯ ಆರಾಧಕರೂ ಹೌದು. 

ಕುಂಭ ರಾಶಿ
ಆಕರ್ಷಕ ವ್ಯಕ್ತಿತ್ವದವರಾಗಿರುವ ಕುಂಭ ರಾಶಿಯವರು, ಬಹಳ ಶಾಂತ ಸ್ವಭಾವದವರು. ಸಂಗಾತಿಯೊಂದಿಗೆ ಖುಷಿಯ ನೆಮ್ಮದಿಯ ಕ್ಷಣಗಳನ್ನು ಕಳೆಯಲು ಇಚ್ಛಿಸುತ್ತಾರೆ. ಆದರೆ, ಏಕತಾನತೆ ಇವರಿಗೆ ಆಗಿ ಬರೋಲ್ಲ. ಬುದ್ಧಿವಂತರಾಗಿರುವುದಲ್ಲದೆ, ಬಹಳ ಲವಲವಿಕೆಯಿಂದ ಇರುತ್ತಾರೆ. ಹೀಗಾಗಿ ಸಂತೋಷದ ಮತ್ತು ಯಶಸ್ಸಿನ ಬದುಕಿಗೆ ಈ ರಾಶಿಯವರನ್ನು ಆಯ್ಕೆ ಮಾಡಿಕೊಳ್ಳುವುದು ಸೂಕ್ತ.