ಸೌಂದರ್ಯ ಹೆಚ್ಚಿಸಿಕೊಳ್ಳಲು ಸೊಂಟ ಇಳಿಸಿಕೊಳ್ಳಿ

ಮಾನಸಿಕಿ ಹಾಗೂ ದೈಹಿಕ ಆರೋಗ್ಯದ ಗುಟ್ಟನ್ನು ಎತ್ತಿ ಸಾರುವ ಸೊಂಟದ ಸೈಜನ್ನು ಇಳಿಸಿಕೊಳ್ಳುವುದು ಹೇಗೆ? 

ಸೊಂಟ ಚಿಕ್ಕದಾಗಿದ್ದರೆ, ಫಿಸಿಕ್ ಚಂದ ಅನ್ಸುತ್ತೆ. ನಡೆಯುವಾಗಲೂ ಮೈಮಾಟ ಎದ್ದು ಕಾಣಿಸುತ್ತದೆ. 

ಪ್ರತಿದಿನ 30 ರಿಂದ 45 ನಿಮಿಷ ಈಜು, ಜಾಗಿಂಗ್, ಸೈಕ್ಲಿಂಗ್‌ನಂತಹ ಕಾರ್ಡಿಯೋ ವ್ಯಾಯಾಮ  ಮಾಡುವುದರಿಂದ ನಿಮ್ಮ ಚಯಾಪಚಯ ಹೆಚ್ಚಾಗುತ್ತದೆ. ತೂಕವೂ ಕಡಿಮೆಯಾಗುತ್ತದೆ.

ಪ್ಲ್ಯಾಂಕ್, ಸೈಡ್ ಪ್ಲ್ಯಾಂಕ್, ಕ್ರಂಚೆಸ್‌ನಂತಹ ಅಬ್ಸ್ ವ್ಯಾಯಾಮ ಹೊಟ್ಟೆ ಕೊಬ್ಬನ್ನು ಕಡಿಮೆ ಮಾಡುತ್ತದೆ. ಈ ವ್ಯಾಯಾಮ ಪ್ರತಿದಿನ 3-4 ಸೆಟ್ಸ್ ಮಾಡಿದರೆ ಖಂಡಿತವಾಗಿಯೂ ತೂಕ ಕಡಿಮೆಯಾಗುತ್ತದೆ.

ಪ್ರೋಟೀನ್‌ ಹೆಚ್ಚಿರುವ ಬೇಳೆಕಾಳು, ಮೊಟ್ಟೆ, ಕೋಳಿ ಮಾಂಸ, ಮೀನುಗಳಂತಹ ಆಹಾರ ಸೇವಿಸುವುದರಿಂದ ಸ್ನಾಯುಗಳು ಬಲಗೊಳ್ಳುತ್ತವೆ. ಜೊತೆಗೆ ಹೊಟ್ಟೆ ಹೆಚ್ಚು ಹೊತ್ತು ತುಂಬಿರುತ್ತದೆ. ಇದರಿಂದ ತೂಕವೂ ಇಳಿಯುತ್ತದೆ.

ಗ್ರೀನ್ ಟೀ ಕುಡಿಯುವುದರಿಂದ ನಿಮ್ಮ ಚಯಾಪಚಯ ಕ್ರಿಯೆ ಹೆಚ್ಚಾಗುತ್ತದೆ. ತೂಕ ಕಳೆದು ಕೊಳ್ಳಬಹುದು. ಅಷ್ಟೇ ಅಲ್ಲ, ನಿಂಬೆಹಣ್ಣಿನೊಂದಿಗೆ ಕೆಲವು ಡಿಟಾಕ್ಸ್ ಪಾನೀಯಗಳೂ ತೂಕ ಇಳಿಸಿಕೊಳ್ಳಲು ಸಹಾಯ ಮಾಡುತ್ತದೆ. 

ಹೊಟ್ಟೆ ಕರಗಿಸಿಕೊಳ್ಳಲು ಸಕ್ಕರೆ, ಸಂಸ್ಕರಿಸಿದ ಆಹಾರಗಳನ್ನು ಕಡಿಮೆ ಮಾಡಬೇಕು. ಇವು ದೇಹದಲ್ಲಿ ಕೊಬ್ಬನ್ನು ಹೆಚ್ಚಿಸುತ್ತವೆ. ಆದ್ದರಿಂದ ಅವುಗಳ ಬದಲಿಗೆ ಹಣ್ಣು ಮತ್ತು ತರಕಾರಿ ಸೇವಿಸಿ. 

ತೂಕ ಇಳಿಸಿಕೊಳ್ಳಲು ಸಾಕಷ್ಟು ನೀರು ಕುಡಿಯಬೇಕು. ಇದು ಚಯಾಪಚಯವನ್ನು ನಿಯಂತ್ರಿಸುತ್ತದೆ. ಜೊತೆಗೆ ದೇಹದಿಂದ ವಿಷವನ್ನು ಹೊರಹಾಕುತ್ತದೆ.ದಿನಕ್ಕೆ 8-10 ಗ್ಲಾಸ್ ನೀರು ಕುಡಿಯಿರಿ.