ಗಿಡಕ್ಕೆ ಮರುಜೀವ ನೀಡೋ ಮಾತ್ರೆಗಳು

ಗಿಡಗಳು ಕೆಲವೊಮ್ಮೆ ಸರಿಯಾಗಿ ಬೆಳೆಯದೆ ಕುಂಠಿತವಾಗುತ್ತವೆ. ಎಷ್ಟೇ ಗೊಬ್ಬರ ಹಾಕಿದರೂ ಫಲಿತಾಂಶ ಸಿಗದಿದ್ದಾಗ, ಕೊನೆಗೆ ಮನೆಯಲ್ಲಿರುವ  'ಡಿಸ್ಪ್ರಿನ್' ಅಥವಾ 'ಆಸ್ಪಿರಿನ್' ಮಾತ್ರೆ ಗಿಡಗಳಿಗೆ ಮರುಜೀವ ನೀಡಬಲ್ಲದು. 

ಡಿಸ್ಪ್ರಿನ್ ಮಾತ್ರೆಯಲ್ಲಿ 'ಸ್ಯಾಲಿಸಿಲಿಕ್ ಆಸಿಡ್' ಎಂಬ ಅಂಶವಿರುತ್ತದೆ. ಇದು ಗಿಡಗಳ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ.

4 ಲೀಟರ್ ನೀರಿಗೆ 1 ರಿಂದ 3 ಡಿಸ್ಪ್ರಿನ್ ಅಥವಾ ಆಸ್ಪಿರಿನ್ ಮಾತ್ರೆ ತೆಗೆದುಕೊಳ್ಳಿ. ನೀರಿನಲ್ಲಿ ಹಾಕಿ ಅದು ಸಂಪೂರ್ಣವಾಗಿ ಕರಗುವಂತೆ ಚೆನ್ನಾಗಿ ಕಲಸಿ. ಸಿದ್ಧಪಡಿಸಿದ ಈ ದ್ರಾವಣವನ್ನು ಗಿಡದ ಎಲೆಗಳ ಮೇಲೆ ಸ್ಪ್ರೇ ಮಾಡಿ.

ಗಿಡವು ಬರಗಾಲ, ಅತಿಯಾದ ಬಿಸಿಲು ಅಥವಾ ಕೀಟಗಳ ಕಾಟದಿಂದ ಬಳಲುತ್ತಿರುವಾಗ ಈ ಸ್ಯಾಲಿಸಿಲಿಕ್ ಆಸಿಡ್ ಗಿಡವನ್ನು ರಕ್ಷಿಸುತ್ತದೆ. ನಾವು ಮಾತ್ರೆಯ ರೂಪದಲ್ಲಿ ಇದನ್ನು ನೀಡಿದಾಗ ಗಿಡದ ಬೆಳವಣಿಗೆಯ ವೇಗ ಹೆಚ್ಚಾಗುತ್ತದೆ.

ಮಧ್ಯಾಹ್ನದ ಬಿಸಿಲಿನಲ್ಲಿ ಇದನ್ನು ಮಾಡಬೇಡಿ. ಮುಂಜಾನೆ ಅಥವಾ ಸಂಜೆ ವೇಳೆ ಸಿಂಪಡಿಸುವುದು ಉತ್ತಮ. ಪ್ರತಿ 2 ರಿಂದ 3 ವಾರಕ್ಕೊಮ್ಮೆ ಈ ವಿಧಾನವನ್ನು ಅನುಸರಿಸಬಹುದು.

ಗಿಡಗಳು ವೇಗವಾಗಿ ಬೆಳೆಯುತ್ತವೆ.
ರೋಗನಿರೋಧಕ ಶಕ್ತಿ ಹೆಚ್ಚಾಗಿ ಕೀಟಗಳ ಬಾಧೆ ಕಡಿಮೆಯಾಗುತ್ತದೆ.
ಗಿಡಗಳಲ್ಲಿ ಹೆಚ್ಚಿನ ಹೂವು ಮತ್ತು ಹಣ್ಣುಗಳು ಬಿಡಲು ಸಹಕಾರಿಯಾಗುತ್ತದೆ.