ವಿಜಯ್ ಸೂರ್ಯ ಕುಟುಂಬ

ವಿಜಯ್‌ಸೂರ್ಯ ಕನ್ನಡದ ಗುಳಿಕೆನ್ನೆ ಚೆಲುವ. 'ಅಗ್ನಿಸಾಕ್ಷಿ'ಯಿಂದ ಮನೆಮಾತಾಗಿ ಈಗ 'ನಮ್ಮ ಲಚ್ಚಿ'ಯ ಸಂಗಮ್ ಆಗಿ ಕನ್ನಡಿಗರ ಪ್ರೀತಿ ಗಳಿಸಿದ್ದಾರೆ.

ವಿಜಯ್ ಸೂರ್ಯ ತಮ್ಮಂತೆಯೇ ಗುಳಿ ಕೆನ್ನೆಯ ಚೆಲುವೆ ಚೈತ್ರಾ ಶ್ರೀನಿವಾಸ್ ಕೈ ಹಿಡಿದು ಇಂದಿಗೆ 5 ವರ್ಷ. 

ವಿಶೇಷವೆಂದರೆ ಅವರ ಮೊದಲ ಮಗ ಸೋಹನ್ ಕೂಡಾ ಡಿಂಪಲ್ ಸ್ಟಾರ್. ಕಳೆದ ವರ್ಷ ಜೂ.2ರಂದು ವಿಜಯ್, ಎರಡನೇ ಮಗುವಿಗೆ ತಂದೆಯಾಗಿದ್ದಾರೆ.

ಆದರೆ, ಇದುವರೆಗೆ ಮಗುವಿನ ಫೋಟೋವನ್ನು ನಟ ಎಲ್ಲಿಯೂ ಹಂಚಿಕೊಂಡಿರಲಿಲ್ಲ. ಅಭಿಮಾನಿಗಳು ಸದಾ ಮಗುವನ್ನು ತೋರಿಸುವಂತೆ ಕೇಳುತ್ತಲೇ ಇದ್ದರು.

ಇದೀಗ ವ್ಯಾಲೆಂಟೈನ್ಸ್ ಡೇ ದಿನ ಪತ್ನಿಗೆ 'ಹ್ಯಾಪಿ ಆ್ಯನಿವರ್ಸರಿ ಬಾಬಾ' ಎನ್ನುತ್ತ ತಮ್ಮ ತುಂಬು ಕುಟುಂಬದ ಫೋಟೋವನ್ನು ಶೇರ್ ಮಾಡಿದ್ದಾರೆ. 

ಈ ಫೋಟೋದ ಮೂಲಕ ತಮ್ಮ ಎರಡನೇ ಮಗ ಕಾರ್ತಿಕೇಯ ಸೂರ್ಯನ ಫೋಟೋವನ್ನು ಮೊದಲ ಬಾರಿಗೆ ಹಂಚಿಕೊಂಡಿದ್ದಾರೆ.