ಪೂಜಾ ಲೋಕೇಶ್

ಕನ್ನಡ ಚಿತ್ರರಂಗದ ಖ್ಯಾತ ನಟ ಲೋಕೇಶ್ ಮತ್ತು ಗಿರಿಜಾ ಲೋಕೇಶ್ ಪುತ್ರಿ ಪೂಜಾ ಲೋಕೇಶ್ ಹಲವಾರು ವರ್ಷಗಳ ನಂತರ ಕನ್ನಡಿಗರಿಗೆ ಮನರಂಜನೆ ನೀಡಲು ಬಂದಿದ್ದಾರೆ. 
 

ಝೀ ಕನ್ನಡದಲ್ಲಿ ಮುಂದಿನ ವಾರದಿಂದ ಆರಂಭವಾಗಲಿರುವ ಸೀತಾ ರಾಮ ಸೀರಿಯಲ್ ಮೂಲಕ ಪೂಜಾ ಲೋಕೇಶ್ ಕನ್ನಡ ಕಿರುತೆರೆಗೆ ಎಂಟ್ರಿಕೊಡಲಿದ್ದಾರೆ. 
 

ಸೀತಾ ರಾಮ ಪ್ರೋಮೋ ರಿಲೀಸಾಗಿದ್ದು, ಪೂಜಾ ವಿಲನ್ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಅನ್ನೋದು, ಅವರ ಡೈಲಾಗ್‌ನಲ್ಲೇ ಗೊತ್ತಾಗಿದೆ. ಆದರೆ ತಾಯಿ, ಸಹೋದರಿ ಯಾವ ಪಾತ್ರ ಅನ್ನೋದು ಗೊತ್ತಾಗಿಲ್ಲ. 
 

ಕನ್ನಡ ಚಿತ್ರರಂಗದಲ್ಲಿ ಪೂಜಾ ಲೋಕೇಶ್ ಬೆರಳೆಣಿಕೆಯ ಚಿತ್ರಗಳಲ್ಲಿ ನಟಿಸಿದ್ದರೂ ಸಹ, ಜನರು ಇಂದಿಗೂ ನೆನಪಿಟ್ಟುಕೊಳ್ಳುವ ಪಾತ್ರಗಳ ಮೂಲಕ ಅವರು ಇಂದಿಗೂ ಕನ್ನಡಿಗರಿಗೆ ಹತ್ತಿರವಾಗಿದ್ದಾರೆ. 
 

ಕನ್ನಡದಿಂದ ದೂರವೇ ಇದ್ದ ಪೂಜಾ 2003ರಿಂದ ತಮಿಳು ಕಿರುತೆರೆಯಲ್ಲಿ ಸಖತ್ ಬ್ಯುಸಿಯಾಗಿರುವ ನಟಿಯಾಗಿದ್ದಾರೆ. ರಿಯಾಲಿಟಿ ಶೋ, ಸೀರಿಯಲ್ ಗಳಲ್ಲಿ ನಟಿಸಿದ್ದಾರೆ. 
 

ಪೂಜಾ ಲೋಕೇಶ್ ಅದ್ಭುತ ನೃತ್ಯಗಾರ್ತಿಯಾಗಿದ್ದು, ಹಲವಾರು ಕಾರ್ಯಕ್ರಮಗಳನ್ನು ನೀಡುತ್ತಾ ಬಂದಿದ್ದಾರೆ. ಸೃಜನ್ ಪತ್ನಿ ಗ್ರೀಷ್ಮಾ ಜೊತೆಗೂ ನೃತ್ಯ ಮಾಡಿದ್ದಾರೆ. 
 

ಇನ್ನು ಸೀತಾರಾಮ ಸೀರಿಯಲ್ ಝೀಕನ್ನಡದಲ್ಲಿ ಜು.17 ರಿಂದ ರಾತ್ರಿ. 9.30ಕ್ಕೆ ಪ್ರಸಾರವಾಗಲಿದೆ. ಇದು ಗಂಡನಿಂದ ದೂರವಾದ ಸೀತೆ ಮತ್ತು ಮಗಳು ಸಿಹಿ ಹಾಗೂ ಪ್ರೀತಿನೇ ಬೇಡ ಎನ್ನುವ ರಾಮನ ಕತೆಯಾಗಿದೆ.