7 ವಯಸ್ಸಲ್ಲೇ ಫೇಮಸ್

ತಮ್ಮ ಏಳನೇ ವಯಸ್ಸಲ್ಲೇ ಡ್ಯಾನ್ಸ್ ಮಾಡ್ತಾ ಕರ್ನಾಟಕದ ಜನಮನ ಗೆದ್ದಿದ್ದ ನಟಿ ಯಾರೆಂದು ಹೇಳಬಲ್ಲಿರಾ? ಇವರು ಸದ್ಯ ಕಲರ್ಸ್ ಕನ್ನಡ ಸೀರಿಯಲ್ ಒಂದರ ನಾಯಕಿಯೂ ಹೌದು. 
 

ಈ ಬಾಲೆ ಬೇರೆ ಯಾರೂ ಅಲ್ಲ, ಭಾಗ್ಯಲಕ್ಷ್ಮೀ ಸೀರಿಯಲ್ ನಲ್ಲಿ ಲಕ್ಷ್ಮಿಯಾಗಿ ಕಾಣಿಸಿಕೊಂಡಿರುವ ನಟಿ ಭೂಮಿಕಾ ರಮೇಶ್
 

ಭೂಮಿಕಾ ರಮೇಶ್ ಬಾಲ್ಯದಿಂದಲೇ ಡ್ಯಾನ್ಸ್ ಕಡೆಗೆ ಒಲವು ಬೆಳೆಸಿದ್ದು, ಭರತನಾಟ್ಯ, ಫಿಲ್ಮಿ ಡ್ಯಾನ್ಸ್ ಗಳನ್ನು ಅಭ್ಯಾಸ ಮಾಡಿಕೊಂಡಿದ್ದು, ಹಲವಾರು ಶೋಗಳನ್ನು ಸಹ ನೀಡಿದ್ದಾರೆ. 
 

ಭೂಮಿಕಾ ಬಾಲಪ್ರತಿಭೆಯಾಗಿ ಗುರುತಿಸಿಕೊಂಡಿದ್ದು, ತಮ್ಮ ಏಳನೇ ವಯಸ್ಸಿನಲ್ಲಿ ಹಲವಾರು ಕಾರ್ಯಕ್ರಮಗಳನ್ನು ನೀಡಿದ್ದ ಈ ಬಾಲಪ್ರತಿಭೆ ಬಗ್ಗೆ ವಿಜಯಕರ್ನಾಟಕದಲ್ಲಿ ಲೇಖನ ಸಹ ಪ್ರಕಟವಾಗಿತ್ತು. 
 

ತಮ್ಮ ಕುರಿತ ಲೇಖನದ ಪೇಪರ್ ಕಟ್ಟಿಂಗ್ , ಜೊತೆಗೆ ಬಾಲ್ಯದ ಫೋಟೊ ಶೇರ್ ಮಾಡಿರುವ ಭೂಮಿಕ ಏಳು ವರ್ಷವಿದ್ದಾಗ, ನನ್ನ ಬಗ್ಗೆ ಪ್ರಕಟವಾದ ಮೊದಲ ಲೇಖನ ಎಂದು ಬರೆದುಕೊಂಡಿದ್ದಾರೆ. 
 

ಭೂಮಿಕಾ ತೆಲುಗು ಮತ್ತು ಕನ್ನಡದಲ್ಲಿ ಡ್ಯಾನ್ಸ್ ರಿಯಾಲಿಟಿ ಶೋಗಳಲ್ಲಿ ಸ್ಪರ್ಧಿಯಾಗಿ ಭಾಗವಹಿಸಿ ಜಡ್ಜ್ ಗಳಿಂದ ಭೇಷ್ ಅನಿಸಿಕೊಂಡಿದ್ದರು.