ಮೂಗುತಿ ಮಲ್ಲಿ

ಉದಯ ಟಿವಿಯಲ್ಲಿ ಇತ್ತೀಚೆಗಷ್ಟೇ ಶುರುವಾದ ಹೊಚ್ಚ ಹೊಸ ಸೀರಿಯಲ್ ಮೂಗುತಿ ಮಲ್ಲಿ. ಧಾರಾವಾಹಿ ವಿಭಿನ್ನ ಕಥೆಯನ್ನು ಹೊಂದಿತ್ತು, ವೀಕ್ಷಕರು ಧಾರಾವಾಹಿ ಇಷ್ಟಪಟ್ಟಿದ್ದಾರೆ.

ಇದೀಗ ಮೂಗುತಿ ಮಲ್ಲಿ ಧಾರಾವಾಹಿ 50 ಸಂಚಿಕೆಗಳನ್ನು ಪೂರೈಸಿದ್ದು, ಆ ಸಂಭ್ರಮವನ್ನು ಹೈದರಾಬಾದಿಗೆ ತೆರಳಿ ಸೆಲೆಬ್ರೇಟ್ ಮಾಡಿದ್ದಾರೆ ಮಲ್ಲಿ ಟೀಮ್.

ಮೂಗುತಿ ಮಲ್ಲಿ ನಾಯಕ, ನಾಯಕಿ ಹಾಗೂ ತಂಡ ಕೆಲವು ಸದಸ್ಯರು ಹೈದಬಾದಿಗೆ ತೆರಳಿದ್ದು, ಅಲ್ಲಿ ಚಾರ್ ಮಿನಾರ್ ಹಾಗೂ ವಿವಿಧ ತಾಣಗಳಿಗೆ ತೆರಳಿ ಟೀಮ್ ಔಟಿಂಗ್ ಮಾಡಿದ್ದಾರೆ.

ಅಂದ ಹಾಗೆ ‘ಮೂಗುತಿ ಮಲ್ಲಿ’ ಸೀರಿಯಲ್ ಕನ್ನಡದಲ್ಲಿ ಮಾತ್ರವಲ್ಲ, ತೆಲುಗಿನಲ್ಲೂ ಕೂಡ ‘ಮುಕ್ಕೆರ ಮೀನಾಕ್ಷಿ’ ಎನ್ನುವ ಹೆಸರಿನಲ್ಲಿ ಏಕಕಾಲದಲ್ಲಿ ಪ್ರಸಾರವಾಗುತ್ತಿದೆ.

ತೆಲುಗಿನಲ್ಲಿ ಮೀನಾಕ್ಷಿಯಾಗಿ ನಟಿಸುತ್ತಿರುವ ಕನ್ನಡದ ಮಲ್ಲಿ ಇದೀಗ ಹೈದರಾಬಾದಿನಲ್ಲಿ 50 ಸಂಚಿಕೆಗಳ ಸಂಭ್ರಮವನ್ನೂ ತಂಡದ ಜೊತೆ ಸಂಭ್ರಮಿಸಿದ್ದಾರೆ.

ಕನ್ನಡ ಸಿನಿಮಾಗಳಲ್ಲಿ ನಟಿಸಿದ್ದ ರಂಗಭೂಮಿ ಕಲಾವಿದೆ ತನುಜಾ ವೆಂಕಟೇಶ್ ಮಲ್ಲಿ ಹಾಗೂ ಮೀನಾಕ್ಷಿ ಪಾತ್ರಕ್ಕೆ ಜೀವ ತುಂಬುತ್ತಿದ್ದಾರೆ. ಇವರು ಹೈದರಾಬಾದ್ ಫೋಟೊಗಳನ್ನು ಹಂಚಿಕೊಂಡಿದ್ದಾರೆ.

ಅಂದ ಹಾಗೆ ಧಾರಾವಾಹಿಯಲ್ಲಿ ನಾಯಕ ವಿರಾಜ್ ಆಗಿ ಈ ಹಿಂದೆ ‘ಅಂತರಪಟ’ ಸೀರಿಯಲ್ ನಾಯಕನಾಗಿದ್ದ ಹಾಗೂ ನೇಹಾ ಗೌಡ ಪತಿ ಚಂದನ್ ಗೌಡ ನಟಿಸುತ್ತಿದ್ದಾರೆ.

ಚೂಟಿ ಹುಡುಗಿ, ಶ್ರೀಮಂತನ ಹುಡುಗನ ಈ ಲವ್ ಸ್ಟೋರಿ ಜನರಿಗಂತೂ ಸಿಕ್ಕಾಪಟ್ಟೆ ಇಷ್ಟ ಆಗಿದೆ. ಹಿರಿಯ ನಟಿ ಅಂಬಿಕಾ ಕೂಡ ಈ ಧಾರಾವಾಹಿಯಲ್ಲಿ ನಟಿಸುತ್ತಿದ್ದಾರೆ.