ನೇಹಾ ಪಾಟೀಲ್

ಕನ್ನಡ ಸಿನಿಮಾರಂಗದಲ್ಲಿ ಸಾಲು ಸಾಲು ಚಿತ್ರಗಳಲ್ಲಿ ನಾಯಕಿಯಾಗಿ ನಟಿಸಿದ್ದ ನಟಿ ನೇಹಾ ಪಾಟೀಲ್ ಹೆಚ್ಚು ಜನಪ್ರಿಯತೆ ಪಡೆದಿದ್ದು ಮಾತ್ರ ಸೀರಿಯಲ್  ಮೂಲಕವೇ. 
 

ಮೊದಲು ವಿಲನ್ ಆಗಿ ನಾಯಕಿ ಲೀಲಾಳನ್ನು ಮನೆಯಿಂದ ಓಡಿಸಲು ಪ್ಲ್ಯಾನ್ ಮಾಡುತ್ತಿದ್ದ ಲಕ್ಷ್ಮೀ, ಇದೀಗ ಅತ್ತೆಗಾಗಿ ಏನು ಬೇಕಾದರೂ ಮಾಡಬಲ್ಲ ಸೊಸೆಯಾಗಿ ಜನಮನ ಗೆದ್ದಿದ್ದಾರೆ. 
 

ಸಾಲು ಸಾಲು ಸಿನಿಮಾಗಳಲ್ಲಿ ನಟಿಸುತ್ತಿದ್ದ ನೇಹಾ ಪಾಟೀಲ್ ಗೆ ರಾಕ್ ಲೈನ್ ವೆಂಕಟೇಶ್ ಅವರು ಒಂದು ಸೀರಿಯಲ್ ಗೆ ಆಡಿಶನ್ ನೀಡುವಂತೆ ಕರೆದಾಗ, ಅಯ್ಯೋ ಸೀರಿಯಲ್ ಬೇಡ್ವೇ ಬೇಡ ಅಂದಿದ್ರಂತೆ. 
 

ನಂಗೆ ಸಿನಿಮಾಗಳೇ ಸಾಕು, ಸೀರಿಯಲ್ ಗೆ ಸೆಲೆಕ್ಟ್ ಆಗೋದು ಬೇಡ ಅಂತಿದ್ದವರಿಗೆ, ಜನುಮದ ಜೋಡಿ ಸೀರಿಯಲ್ ನಲ್ಲಿ ನಾಯಕಿಯಾಗುವ ಅವಕಾಶ ಒದಗಿ ಬಂತು. ಆ ಸೀರಿಯಲ್ ಮೂಲಕವೇ ಮನೆಮಾತಾದರು. 
 

ಝೀ ಕನ್ನಡದ ಡ್ಯಾನ್ಸ್ ಕರ್ನಾಟಕ ಡ್ಯಾನ್ಸ್ ರಿಯಾಲಿಟಿ ಶೋನಲ್ಲಿ ಭಾಗವಹಿಸಿ, ರನ್ನರ್ ಅಪ್ಪರ್ ಆಗಿದ್ದರು.
 

ಕನ್ನಡ ಚಿತ್ರಗಳಾದ ಸಿತಾರ, ವರ್ಧನ, ದಕ್ಷ, ಸ್ಮೈಲ್ ಪ್ಲೀಸ್, ಟೈಟಲ್ ಬೇಕಾ?, ಮತ್ತೆ ಸತ್ಯಾಗ್ರಾಹ, ಪೋಲೀಸ್ ಸ್ಟೋರಿ 3, ಹುಲಿ ದುರ್ಗ, ತಿಪ್ಪಾಜಿ ಸರ್ಕಲ್ ಮೊದಲಾದ ಸಿನಿಮಾಗಳಲ್ಲಿ ನಟಿಸಿದ್ದರು. 
 

ಜನುಮದ ಜೋಡಿ ಸೀರಿಯಲ್ ಆದ ಬಳಿಕ, ನೇಹಾ ಮನೆಯವರೇ ನಿಶ್ಚಯಿಸಿದ ಬ್ಯುಸಿನೆಸ್ ಮೆನ್ ಹುಡುಗ ಪ್ರಣವ್ ಜೊತೆ ಮದುವೆಯಾಗಿದ್ದರು. ಇಬ್ಬರು ಜೊತೆಯಾಗಿ ಜೋಡಿ ನಂ 1 ನಲ್ಲಿ ಕಾಣಿಸಿಕೊಂಡಿದ್ದರು.