ಕನ್ನಡಿಗರಿಗೆ ಅಚ್ಚುಮೆಚ್ಚು

ಕನ್ನಡದ ಅಚ್ಚುಮೆಚ್ಚಿನ ಪೋಷಕ ನಟಿ ಚಿತ್ರಾ ಶೆಣೈ ಕಳೆದ ಮೂವತ್ತು ವರ್ಷಗಳಿಂದ ತಮ್ಮ ಅದ್ಭುತ ಅಭಿನಯದ ಮೂಲಕ ಜನಮನ ಗೆಲ್ಲುತ್ತಿದ್ದಾರೆ. 

ಚಿತ್ರಾ ಶೆಣೈ ಕನ್ನಡ, ಮಲಯಾಳಂ,ತಮಿಳು, ತೆಲುಗು, ತುಳು ಜೊತೆಗೆ ಹಿಂದಿ ಚಿತ್ರದಲ್ಲೂ ನಟಿಸುವ ಮೂಲಕ ಅತ್ಯುತ್ತಮ ನಟಿಯಾಗಿ ಹೊರಹೊಮ್ಮಿದ್ದಾರೆ.

ಕನ್ನಡದ ಮೌನ ಹೋರಾಟದಿಂದ ಹಿಡಿದು, ಅಧ್ಯಕ್ಷ ಇನ್ ಅಮೇರಿಕಾ ಚಿತ್ರದವರೆಗೂ ಕನ್ನಡ ಚಿತ್ರ ಸೇರಿ ಚಿತ್ರಾ ಶೆಣೈ ಅವರು ಇಲ್ಲಿವರೆಗೆ 600ಕ್ಕೂ ಹೆಚ್ಚು ಚಿತ್ರದಲ್ಲಿ ಅಭಿನಯಿಸಿದ್ದಾರೆ. 

ಕನ್ನಡ, ತಮಿಳು, ಹಿಂದಿ, ಮಲಯಾಳಂ ಸೀರಿಯಲ್‌ ಸೇರಿ 90ರ ದಶಕದಲ್ಲಿ ಭಾಗ್ಯ, ಮನೆಮನೆ ಕಥೆ, ಸಹನಾ, ಪದ್ಮಾವತಿ ಸೀರಿಯಲ್ ಸೇರಿ ಇತ್ತೀಚಿಗೆ ಪ್ರಸಾರವಾಗುತ್ತಿರುವ ಅಮೃತಧಾರೆಯಲ್ಲೂ ನಟಿಸಿದ್ದಾರೆ. 
 

ಕನ್ನಡ ಸಿನಿಮಾ, ಸೀರಿಯಲ್ ಗಳಲ್ಲಿ ಮಿಂಚಿ ಕೆಲವು ಸಮಯದಿಂದ ಕಾಣಿಸಿಕೊಳ್ಳದೇ ಇದ್ದ ಚಿತ್ರಾ ಶೆಣೈ ಇದೀಗ ಝೀ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ಅಮೃತಧಾರೆ ಸೀರಿಯಲ್ ನಲ್ಲಿ ನಟಿಸುತ್ತಿದ್ದಾರೆ. 
 

ಚಿತ್ರ ಶೆಣೈ ಮಲಯಾಳಂ ಕಿರುತೆರೆಯಲ್ಲಿ ನಟನೆಯಲ್ಲಿ ಮಿಂಚಿದ್ದು, ಬಳಿಕ ನಿರ್ಮಾಣದಲ್ಲೂ ಸೈ ಎನಿಸಿಕೊಂಡಿದ್ದಾರೆ.  ಜನಪ್ರಿಯ ಸೀರಿಯಲ್‌ಗಳಾದ ಕುಟುಂಬ ವೆಳಕು, ಪೌರ್ಣಮಿ ತಿಂಗಳು ಇವರ ನಿರ್ಮಾಣದ್ದಾಗಿದೆ. 
 

ಕನ್ನಡ ಹಲವು ಸಿನಿ, ಸೀರಿಯಲ್‌ಗಳಲ್ಲಿ ತಮ್ಮ ನಟನಾ ಕೌಶಲ್ಯ ತೋರಿದ ಚಿತ್ರಾ ಶೆಣೈ ಪತಿಯೂ ನಿರ್ಮಾಪಕರು.