ಅಕ್ಷತಾ ದೇಶಪಾಂಡೆ

ಸ್ಟಾರ್ ಸುವರ್ಣದಲ್ಲಿ ಪ್ರಸಾರವಾಗುತ್ತಿರುವ ಕಥೆಯೊಂದು ಶುರುವಾಗಿದೆ ಸೀರಿಯಲ್ ನಾಯಕಿ ಕೃತಿ ಪಾತ್ರ ನಿರ್ವಹಿಸುತ್ತಿರುವ ಅಕ್ಷತಾ ದೇಶಪಾಂಡೆ ಇದೀಗ ತಮಿಳು ಸೀರಿಯಲ್ ನಲ್ಲಿ ಅವಕಾಶ ಪಡೆದಿದ್ದಾರೆ. 
 

ಅಕ್ಷತಾ ತಮಿಳಿನಲ್ಲಿ ಹೊಸದಾಗಿ ಆರಂಭವಾಗಲಿರುವ ಹಾರರ್ ಥ್ರಿಲ್ಲರ್ ಅನಾಮಿಕ ಸೀರಿಯಲ್‌ನಲ್ಲಿ ನಾಯಕಿಯಾಗಿ ನಟಿಸಲಿದ್ದಾರೆ. ಇದರಲ್ಲಿ ಕನ್ನಡದ ಮತ್ತೊಬ್ಬ ನಟ ದರ್ಶಕ್ ಸಹ ನಟಿಸಿದ್ದಾರೆ. 
 

ಈ ಬಗ್ಗೆ ಅಕ್ಷತಾ ತಮ್ಮ ಸೋಶಿಯಲ್ ಮೀಡೀಯಾದಲ್ಲಿ ಶೇರ್ ಮಾಡಿದ್ದು, ಇದಕ್ಕಾಗಿ ನಾನು ಬಹಳ ಸಮಯದಿಂದ ಕಠಿಣ ಪರಿಶ್ರಮ ಪಟ್ಟಿದ್ದೇನೆ, ನಿಮಗೆಲ್ಲಾ ಇಷ್ಟವಾಗುತ್ತೆ ಎಂದು ನಂಬಿದ್ದೇನೆ ಎಂದು ಬರೆದುಕೊಂಡಿದ್ದಾರೆ. 
 

ನಟಿ ಮತ್ತು ಮಾಡೆಲ್ ಆಗಿರುವ ಬೆಳಗಾವಿ ಮೂಲದ ಈ ಚೆಲುವೆ ಸದ್ಯ ಬೆಂಗಳೂರಿನಲ್ಲಿ ಸೆಟಲ್ ಆಗಿದ್ದಾರೆ. ಡ್ಯಾನ್ಸಿಂಗ್, ಟ್ರಾವೆಲಿಂಗ್ ಮಾಡುವ ಹವ್ಯಾಸವಿದೆ.
 

ಮತ್ತೆ ವಸಂತ ಸೀರಿಯಲ್ ಮೂಲಕ ನಟನೆಗೆ ಕಾಲಿಟ್ಟ ಅಕ್ಷತಾ, ಬಳಿಕ ಕಾವ್ಯಾಂಜಲಿ ಸೀರಿಯಲ್‌ನಲ್ಲಿ ಅಂಜಲಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಇದಾದ ಬಳಿಕ ಕಥೆಯೊಂದು ಶುರುವಾಗಿದೆ ಸೀರಿಯಲ್‌ನಲ್ಲಿ ನಟಿಸುತ್ತಿದ್ದಾರೆ. 
 

ಕೃತಿ ಪಾತ್ರ ತನ್ನ ಜೀವನಕ್ಕೆ ತುಂಬಾ ಹತ್ತಿರವಾಗಿದೆ ಎನ್ನುವ ಅಕ್ಷತಾಗೆ ಧಾರಾವಾಹಿಯಲ್ಲಿ ಅಕ್ಕ, ತಂಗಿ ಜೊತೆ ಉತ್ತಮ ಬಾಂಧವ್ಯ ಇದ್ದಂತೆ, ನಿಜ ಜೀವನದಲ್ಲೂ ಅಕ್ಕನ ಜೊತೆ ಬಾಂಡಿಂಗ್ ಚೆನ್ನಾಗಿದೆಯಂತೆ.