Small Screen
ಲಕ್ಷ್ಮೀ ಬಾರಮ್ಮ ಸೀರಿಯಲ್ ನೋಡುವವರು ನೀವಾಗಿದ್ರೆ ಇದರಲ್ಲಿ ವೈಷ್ಣವ್ ಸಹೋದರಿ ವಿಧಿ ಪಾತ್ರ ಮಾಡೋರು ಗೊತ್ತೆ ಇದೆ ಅಲ್ವಾ? ಅವರೇ ಲಾವಣ್ಯಾ ಹೀರೆಮಠ್. (Dr. Lavanya Hiremath)
ಶ್ರೀಮಂತ ಮನೆಯ ಶ್ರೀಮಂತಿಕೆಯ ಮದ ಏರಿರೋ ದುರಹಂಕಾರಿ ಹುಡುಗಿ ವಿಧಿ ಪಾತ್ರಕ್ಕೆ ಲಾವಣ್ಯಾ ಜೀವ ತುಂಬುತ್ತಿದ್ದಾರೆ. ಇವರ ಪಾತ್ರ ನೋಡಿದ್ರೆ ಯಾರಿಗಾದ್ರೂ ಕೋಪ ಬರಬಹುದು.
ಬಡವರ ಮನೆಯ ಹುಡುಗಿ ಲಕ್ಷ್ಮಿಯನ್ನು ಕಂಡ್ರೆ ಕೆಂಡ ಮೈಮೇಲೆ ಬಿದ್ದವರಂತೆ ಮಾಡುವ ವಿಧಿಯನ್ನು ಕಂಡ್ರೆನೇ ಎಲ್ಲರಿಗೂ ಕೆಟ್ಟ ಕೋಪ ಬರುತ್ತೆ.
ವಿಧಿ ರಿಯಲ್ ಲೈಫ್ ಬಗ್ಗೆ ಹೇಳೋದಾದ್ರೆ, ಲಾವಣ್ಯಾ ಹುಟ್ಟಿ ಬೆಳೆದದ್ದು, ರಾಯಚೂರಿನಲ್ಲಿ, ಮೆಡಿಕಲ್ ಓದಿದ್ದು ಬಾಗಲಕೋಟೆಯಲ್ಲಿ, ಡೆಂಟಿಸ್ಟ್ ಆಗಿ ಕೂಡ ಕೆಲಸ ಮಾಡುತ್ತಿದ್ದಾರೆ.
ಬೆಂಗಳೂರಿನಲ್ಲಿ ಕೋರಮಂಗಲದಲ್ಲಿರುವ ಕ್ಲಿನಿಕ್‌ವೊಂದರಲ್ಲಿ ಲಾವಣ್ಯಾ ಡೆಂಟಿಸ್ಟ್ ಆಗಿ ಕೆಲಸ ಮಾಡುತ್ತಿದ್ದಾರೆ. ಇದರ ಮಧ್ಯೆ ನಟನೆ ಕೂಡ ಮಾಡ್ತಾರೆ ಇವರು.
ಸೀರಿಯಲ್‌ನಲ್ಲಿ ಇರೋವಷ್ಟು ಕೆಟ್ಟವಳು ನಾನಲ್ಲ, ಒಳ್ಳೆಯವರು, ಕೋಪ ಬರುತ್ತೆ, ಆದರೆ ವಿಧಿ ತರ ಕೋಪ ಬರಲ್ಲ ಎನ್ನುವ ಇವರಿಗೆ ನಟನೆ ಅಂದ್ರೆ ಪ್ಯಾಷನ್ ಅಂತೆ.
ಸೀರಿಯಲ್ ನಲ್ಲಿ ಇರುವಂತೆ ಫ್ಯಾಷನ್ ಬಗ್ಗೆ ತುಂಬಾ ಒಲವು ತೋರಿಸುವ ಇವರ ಸೋಶಿಯಲ್ ಮೀಡಿಯಾ ಪ್ರೊಫೈಲ್ ನೋಡಿದ್ರೆ ಇವರ ಫ್ಯಾಷನ್ ಸೆನ್ಸ್ ಬಗ್ಗೆ ತಿಳಿಯುತ್ತೆ.
ಲಾವಣ್ಯಾ ಅವರರಿಗೆ ಇದು ಮೊದಲ ಸೀರಿಯಲ್ ಅಲ್ಲ, 'ನನ್ನರಸಿ ರಾಧೆ' ಧಾರಾವಾಹಿಯಲ್ಲಿ ಗೆಸ್ಟ್ ರೋಲ್ ಆಗಿ ಕಾಣಿಸಿಕೊಂಡಿದ್ರು, 'ಮಜಾ ಟಾಕೀಸ್' ಶೋನಲ್ಲಿ ಕೂಡ ಲಾವಣ್ಯಾ ಭಾಗವಹಿಸಿದ್ದರು.
ಅಷ್ಟೇ ಅಲ್ಲ, ಸಿನಿಮಾರಂಗದಲ್ಲೂ ಮಿಂಚುತ್ತಿರುವ ಲಾವಣ್ಯ, ನವೀನ್ ಶಂಕರ್ ಜೊತೆ 'ಹೊಂದಿಸಿ ಬರೆಯಿರಿ' ಸಿನಿಮಾದಲ್ಲಿ ನಟಿಸಿದ್ದಾರೆ. ಇನ್ನೂ ಹೆಚ್ಚಿನ ಅವಕಾಶಗಳು ಸಿಗಲಿ ಎಂದು ಸಹ ಕಾಯುತ್ತಿದ್ದಾರೆ.
ಲಾವಣ್ಯ ಸೆಟ್‌ನಲ್ಲಿ ಸದಾ ತಮ್ಮ ಸಹ ನಟ-ನಟಿಯರ ಜೊತೆಗೆ ರೀಲ್ಸ್ ಗೆ ಹೆಜ್ಜೆ ಹಾಕುತ್ತಾ ವಿಡೀಯೋವನ್ನು ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡುತ್ತಿರುತ್ತಾರೆ.