ಅನುಪಮಾ

ಕಳೆದ ಎರಡೂ ವರ್ಷಗಳಿಂದ ದೇಶಾದ್ಯಂತ ಜನರನ್ನು ಹೆಚ್ಚು ರಂಜಿಸಿದ ಸೀರಿಯಲ್ ಅಂದ್ರೆ ಅದು ಅನುಪಮಾ. ಈ ಹಿಂದಿ ಸೀರಿಯಲ್ ಈಗ ಕನ್ನಡದಲ್ಲೂ ಪ್ರಸಾರವಾಗುತ್ತಿದೆ. 
 

ಕಳೆದ ಇಪ್ಪತ್ತು ವರ್ಷಗಳಿಂದ ಕಿರುತೆರೆಯಲ್ಲಿ ಸಕ್ರಿಯವಾಗಿದ್ದರೂ ಅನುಪಮಾ ಧಾರಾವಾಹಿ ಮೂಲಕ ಜನಪ್ರಿಯತೆಯ ಉತ್ತುಂಗಕ್ಕೇರಿದ ನಟಿ ರೂಪಾಲಿ ಗಂಗೂಲಿ. 
 

ಅನುಪಮಾ ಮನೆಯವರಿಗಾಗಿ ಜೀವ ಸವೆಸುವ ಗೃಹಿಣಿಯ ಕಥೆಯಾಗಿದ್ದು, ತುಂಬು ಕುಟುಂಬದಲ್ಲಿದ್ದರೂ ಗಂಡನ ಪ್ರೀತಿ ಕಾಣದೆ, ಗಂಡನ ವಿವಾಹೇತರ ಸಂಬಂಧದಿಂದ ನೊಂದು ಬೆಂದ ಮಹಿಳೆ. 
 

ಅನುಪಮಾ ಸೀರಿಯಲ್ ನಲ್ಲಿ ಸಂಪ್ರದಾಯಸ್ಥ ಗೃಹಿಣಿ ಪಾತ್ರದಲ್ಲಿ ನಟಿಸುತ್ತಿರುವ ನಟಿ ರೂಪಾ ಗಂಗೂಲಿ ಸದಾ ಸೀರೆಯಲ್ಲಿ ಕಾಣಿಸಿಕೊಳ್ಳುತ್ತಿದ್ದರು. ಇದೀಗ ಹೊಸ ಫೋಟೋ ಮೂಲಕ ಶಾಕ್ ನೀಡಿದ್ದಾರೆ. 
 

ನಟಿ ಸೋಶಿಯಲ್ ಮಿಡಿಯಾದಲ್ಲಿ ಫೋಟೊವೊಂದನ್ನು ಶೇರ್ ಮಾಡಿದ್ದು, ಇದರಲ್ಲಿ ಶಾರ್ಟ್ ಡ್ರೆಸ್ ಮತ್ತು ಹೈ ಹೀಲ್ಸ್ ಹಾಕಿದ್ದಾರೆ. ರೂಪಾಲಿ ಹೊಸ ರೂಪ ನೋಡಿ ಅಭಿಮಾನಿಗಳು ಶಾಕ್ ಆಗಿದ್ದಾರೆ. 
 

ಎರಡೂವರೆ ವರ್ಷದಿಂದ ಅನುಪಮಾ ಸೀರಿಯಲ್ ನಲ್ಲಿ ಬ್ಯುಸಿಯಾಗಿರುವ ರೂಪಾಲಿ ಸೀರಿಯಲ್ ನಲ್ಲಿ ಸದ್ಯ ಅಮೆರಿಕಕ್ಕೆ ತೆರಳುತ್ತಿದ್ದಾರೆ. ಆದರೆ ನಿಜವಾಗಿ ಅವರು ಸೀರಿಯಲ್ ನಿಂದ ಸಣ್ಣ ಬ್ರೇಕ್ ತೆಗೆದುಕೊಂಡಿದ್ದಾರೆ. 
 

ರೂಪಾಲಿ ಗಂಗೂಲಿ ಇದೀಗ ತಮ್ಮ ಗಂಡ, ಮಗ, ತಾಯಿ ಮತ್ತು ಕುಟುಂಬದ ಸದಸ್ಯರ ಜೊತೆಗೆ ಮಾರಿಶಸ್ ಪ್ರವಾಸದಲ್ಲಿದ್ದಾರೆ. ಅದಕ್ಕೆ ಸಂಬಂಧಿಸಿದ ಫೋಟೋಗಳನ್ನು ಶೇರ್ ಮಾಡಿದ್ದಾರೆ.